Champhai District PYKKA competition nei dawn

September 24th, 2012 3:00 am by Sangpuiipa

Champhai District PYKKA competition chu Dt.25th – 28th September, 2012 chhung hian Champhai ah neih a ni dawn ta. He District level competition ah hian Champhai District huamchhung a RD Block 4, Khawbung, Champhai, Khawzawl leh Ngopa atang te a infiammi engemaw zat tel thei tura beisei an ni.

He competition hi Dt.24.9.’12 hi thlenkim ni tura ruat a ni a. Kei pawh kan block aiawh in Taekwondo enkawl turin min ruat a, mahse ka kal hman dawn ta lo.

He district level PYKKA competition ah hian Infiamna discipline 10 a awm dawn a, Football, Hockey, Athletic, Boxing, Wrestling, Table Tennis, Judo, Taekwondo, Badminton, Weightlifting ah te mipa leh hmeichhia ah inelna neih a ni ang.

District Level PYKKA competition hi vawi 4 neihna tur a ni dawn ta a, kum kal tawh ho ah Champhai Block hi pakhatna an la ni char char a. Kan block lam(Khawbung RD Block) pawh kan che tha ve thei viau. Pahnihna kan ni thin.

Khawbung RD Block lam hi kar kalta chhung khan Khawbung ah Block aiawh a kal tur te ko khawm in training neihpui an ni a (kum dang ah pawh neih pui thin an ni), naupang ten hma an sawn phah hle beisei a ni.

PYKKA competition ah hian sum hi a tlem thei hle mai a. District level a ni emaw, block level lamah te pawh sum a tlem avangin a buaipuitu te tan hian a luhai thlak thin khawp mai. PYKKA hi a la kal zel dawn te a nih chuan tun aia tam zawk sum awm thei se a duhawm khawp mai.

Thlalak hi kumin Block level PYKKA Competition a kan boxing ring ve a nih hi.