Champhai District PYKKA competition chu Dt.25th – 28th September, 2012 chhung hian Champhai ah neih a ni dawn ta. He District level competition ah hian Champhai District huamchhung a RD Block 4, Khawbung, Champhai, Khawzawl leh Ngopa atang te a infiammi engemaw zat tel thei tura beisei an ni.
He competition hi Dt.24.9.’12 hi thlenkim ni tura ruat a ni a. Kei pawh kan block aiawh in Taekwondo enkawl turin min ruat a, mahse ka kal hman dawn ta lo.
He district level PYKKA competition ah hian Infiamna discipline 10 a awm dawn a, Football, Hockey, Athletic, Boxing, Wrestling, Table Tennis, Judo, Taekwondo, Badminton, Weightlifting ah te mipa leh hmeichhia ah inelna neih a ni ang.
District Level PYKKA competition hi vawi 4 neihna tur a ni dawn ta a, kum kal tawh ho ah Champhai Block hi pakhatna an la ni char char a. Kan block lam(Khawbung RD Block) pawh kan che tha ve thei viau. Pahnihna kan ni thin. 
Khawbung RD Block lam hi kar kalta chhung khan Khawbung ah Block aiawh a kal tur te ko khawm in training neihpui an ni a (kum dang ah pawh neih pui thin an ni), naupang ten hma an sawn phah hle beisei a ni.
PYKKA competition ah hian sum hi a tlem thei hle mai a. District level a ni emaw, block level lamah te pawh sum a tlem avangin a buaipuitu te tan hian a luhai thlak thin khawp mai. PYKKA hi a la kal zel dawn te a nih chuan tun aia tam zawk sum awm thei se a duhawm khawp mai.
Thlalak hi kumin Block level PYKKA Competition a kan boxing ring ve a nih hi. 
Similar Posts:
- CCN Promotional basketball Tournament
- Aizawl District-ah Job card diklo 763 hmuchhuak
- Champhai In Kang
- Another reality show – “Zoawi Lelte”
- Champhai Hospital Building
dik khawp mai
September 24th, 2012 at 3:23 am
Duhsak e.
Duhsak e.
Tluang tak leh hlim taka nei turin ka
September 24th, 2012 at 3:26 am
Tluang leh hlim taka nei turin ka duhsak e. Tinge i tel ve dawn loh a?
September 24th, 2012 at 8:07 am
Duhsakna ka hlan a che u
September 24th, 2012 at 8:36 am
@chhana, hna lamah ka buai deuh a.
September 24th, 2012 at 9:30 am
PYKKA chu enge a lam pum
September 24th, 2012 at 10:07 am
@chhangteval, ka hre miah lo.
September 24th, 2012 at 10:15 am
Hlawhtling takin han nei teh se.
September 24th, 2012 at 10:36 am
Theihtawp chhuaha hlawhtlinna chang theuh turin, duhsakna ka hlan ve tawp.