mi(sual).com

Karimjanj hi Mizote zingah chuan a mikhual lem lo, Mizorama vai (a bikin Mistiri) zawng zawng deuh tho hi khawi atanga lo kal nge i nih tih ila, Karimjanj an ti zel mai a nih hi maw. He khawpui ropui tak tlawh chanchin hi ropui tak a ziah tur ka hre hran lo. Buh hawp ka ei thu hi kan sep rawtui ve ang e.

Tun tum chu puanthuah khai lai tlangval mah ni ila rango zawng ah pawh ka in chhiar em em lo. Hmanah pawh ka sawi tawh, ka thianpa chhiahkhawntu (IRS) tlangval kha, Assam Second Capital Silchar atang khan Bangladesh ramri dep, Karimjanj ah an sawn a. A office thar te ka lo hmuh pui ve loh vangin ka zuk tlawh ve a ni ber a.

Ka mikhualna pa, ka thlenin pa hi hriselna ngaipawimawh tak a ni a. Hriselna a ngaipawimawh ka ti takna a, hrisel loh ai hian dulkiar hi a hlau zawk niin ka hria. Dulkiar loh a ngaipawimawh a ni zawk mah chu. Chaw eipui mawlh hian ka ning thin. Chaw eikham te hian a thu mai duh der lova, a vei sek zel a. Chaw ei kham puar laia khawlum deuh hnuaia current awm loh zan phei chuan ninawm tak a ni. Kan Pi Rii chuan chaw ei kham hian thingthit tur a ti tiin chang chuan a thingthi bawk thin a. Mahse, dulkiar hlauva, a vei tawn sek hnu hian a duh chuan a mutthlu leh thler thler thei tho sia..buaithlak tak a ni.

Ngaiteh, chu mi khuaah chuan tlai rawngbawl a lo hun a, ka thlenin pa chuan chaw ka chhum e a ti a. Dekchi hian chaw a chhum hluah mai a. Enga ti nge Cooker a i chhum loh ka tih lah chuan, “Ka thau lutuk a, in diet ka tum a”, a ti mauh mai. A dik tak chuan a in diet tum dan hi ka ngaihdan a ni hlawl lo. In diet nan a buh tui thlit hnu chaw ei tum ai khan thil dangah insum0000na tur tam tak a nei zawk tih lah chu ka chiang em em mai bawk si a. Tlai khat Cooker a chaw chhum a ei avang khana thauna kha a tlem in a tam thut dawn lo tih chu a lang reng a, mahse a chhum loh a vangin chaw chu tui lo deuh chuan kan ei phah ta reng a.

Aizawlah cooker a chhum a ei puk puk a, a chhum thiam ang ber ziazang a Dekchi a chhum vel hi runthlak tak a ni. A chhum rei deuh hnu chuan Dekchi a a chaw chhum chu Cooker-ah a tlak leh a, mahse chhin phui lo hian in a chhuang vei hlat hlat a. A rei hnu chuan in kan han suan a, kan han bun thli ta ngei a. Mahse a chhinna tur tha kan hmu mai loh vangin a chaw baw rui khawpin kan han thli ve kar kar a, mahse kan tlai lu ta hrat mai. A ni tur ang a lo ni fel vek tawh. Tih danglam theih a ni ta lo.

Tlangval awm tha duh loh thil tih a vangin chaw tui tang pawhin kan ei dawn lo tih a lang reng a, Buhhawp tam tak kan nei chu a ni mai a, mahse, vanneih thlak takin kan chaw ei tur chu a hel lem lo.  Ka thlenin pa hian ngaihdan tha deuh a nei leh pek a, fan hian chhem sela, a tui te chu a chhem kang anga a, a lo khal deuh a beisei ni ngei tur a ni, Fan hnuaiah te kan han dah ngawt a. Mahse, chuti maiin a lo khal/rum thei awzawng lo mai. Tin, fan hnuai a dah avanga rum a nem ngawt thei thil kha a ni tawh lo hrim hrim a ni.

Cookerah harsa taka a buhhawp han siam kher kha enge maw a tangkaina ni ang aw ka ti mai mai a. A dik tak chuan vaiho chaw, ruaitheh chaw kan ti mai siam dan chu ka thiam reng a, kum 10 vel kal ta khan Masi chaw kan chhum teuh tawh a, chu bakah Inneihna ah pawh (a hranpa liau liau in min sawm) kan chhum teuh tawh a. Mahse,  ka thlenin pa khan a chhum vei a, a kutah khan a awm bawka, a mawng kang tur ka chawh bak chu a tawp lamah a tui ka thlit sak kha a ni mai awm e. A hmeh in a zir hlauh a, tam hnem tawk tur, zan pum ruak ri ruk ruk tur venna khawp chu ka ei ve tho kha maw….Mam mam ei puk puk hi kan ti thar leh a ni hrim mai.

A tukah chuan a hma zan lama kan ei bang kha artui kan nen kan hmeh leh a. Chhun chaw erawh kan ei chhuak a hlauha a tih zia e. Tlai lamah chuan Mission Compoundah kan leng a, kan len hun kha a laklawh ting avangin chaw ei a min sawm tute hmaizah avangin kan han ei lo leh phawt a. In kan haw chu kei eng tik lai maha rawngbawl thiam lo chuan rawngbawl kha ka tum ikhaw lo mai a. Kane i tur neih chhun chu arsa siam bang leh Wai wai a awm a, artui a awm bawk a. Kei chuan ka tam hnem khawp chu eng tin emaw ka dap chawp mai thei a. Mahse, ka thleninpa hian a ngaingam lo nge ni arsa bang la siam loh chu a buhchiar ta hluah mai a. Buhchiar hrim hrim hi chu ka thiam loh em em pawh ka hre lova, ka risk ve mai ngam chiang a, mahse ka kut ka thawh miah lo.

Buhchiar atan khan a hma lama a buh hawp thing kha a hmang ni maw ka hre tawh bik lo. Artui a chhum bawk a, tam hnem tur chu kan in hnawk puar ve vel ta mai mai a. A tukah a thing bang nawi chu tui ril ang reng tak chu kan ei ta bawk a. Ka thlen in pa hian a buh hawp hmang khan bunchir kha siam leh ta ngat sela chu a daih zai khawp ang le. Tin, a siam ak nih ka rinna chu a ma thiamna hmang khan buhchiar siam ngawt dawn se a thiam ka ring lem lo. A titi thawm a nat teh lul nen, a chaw chhum chu a nem ve khawp mai. Tlangval pahnih chaw ei tan Buhhawp leh Buhchhiar  chu a hrawm hraw hran lo lam chu a ni.

Bonus: Kal kawngah kan thiannu Kolasib a mi kan thlawh kual a, a ni pawh hi thau a lo in ti ve deuh a, in diet a tum a, mahse kha mi ni zingkarah khan ruah a lo suh hlauh mai a, a in diet ta rih lo….

Similar Posts:

• Lungphunna Ruai kil in…
• Ei leh in lam bawk aw!
• Tlangval ni leh thei ngat i la chuan tlangtlan nula ngat ka nei ang..
• Chaw leh a behbawm
• Cancer Damdawi?

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Thursday, September 27th, 2012 at 9:07 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.