(Luh khat manah post ve leh chawm mai teh ang)
A hmasa berah chuan, Mihring te hi Pathian siam kan ni tih hi hriatchian hmasak a tul ber awm e. Khawvela mihring lo chawr chhuak tawh zawng hi Pathian siam kan ni tih hi hmuhfiah phawt a tul main i lovin nih a ngai. Hetiang lamah hian Zawng thlah tih te, leh Thil (matter) inzawm khawm adt adt in a a siam anga sawi na te a awm fo, amaherawhchu hei hi mihring te’n a kan thil hriat chian si loh keimahni chhungril nun a, a awm tih hriatna awm ngei si kan zawn kualna atanga lo chhuak a ni kan ti thei awm e.
Engtinnge Pathian a awm tih kan hriat theih? Khawvel Mihring awm tawh zawng2 hian kristianna a ni emaw nilo emaw PATHIAN tih a hi kan nei vek mai, a chhan a chu keimahni min siamtu leh dintu Pathian hian mihring nun chhungril deuh mai ah hian a awm ngei zia a lo in puang reng tih hi a hriat theih awm e. Chumi chu eng Pathian nge? tih hi a zawn chhuah lam chu mihring lam chan ah a dah ti ila kan ti sual in a rinawm loh. Hetah hian, Kristianna hian Pathian kan tih nun chhungril a awm ngei tih kan hriat a chu a rawn ti dik ta a ni.
Hetiang bawk hian kan pi leh pute kha Pathian siam tho an ni a, an nun tamtakah Pathian a awm ngei a rinna an lo nei leh tho hnamdang zawng2 ang bawkin tih kan hmu thei. Chumi rual chiah chuan, kristianna han tih hian tuipuiral sakhua ang a ngaih tlatna kan nei leh mizo te sakhua hi ramhuai thil ta riau a ngaihna a hi thil dik a ni lem lo.
Kan pi leh pu te hunlai leh tunlai thleng pawhin a la ni ang, a thu rawn kengtute a hi Mingo an nih vang te pawh a ni mahna sakhaw danglam tak anga ngaihna leh kan culture te leh thil lo tihdan ang te nen a in mil lo anga ngaihna awm a hi thildik ni in a lang lo. A nihna takah chuan, kan thlah tu te chhungril nun a Pathian tih an hriat leh awm avanga Pathian chungchang sawina pawh lo nei kan ni reng tih hi hetah hian theih nghilh mai awl tak a ni.
Chu kan Pathian neih a chu kristian te’n a Pathian kan tih a hi a ni tih hi kan hre thelh ta fo mai……………mihring te min siam a min din tu hian amah kan hriat theih nan kan hriatna(sense) ah kawng a dah reng tih hi hmaih loh a tha awm e. Thil tha tamtak zonunmawi kan tih te leh thil chi hrang2 a hi he kan chhungril nun a awm ,kan pi leh pute hunlai ah pawh a Pathian mizia in phum ru a ni tih hi theih nghilh loh a tha in hetiang hi ramhuai bia tih nen chuan inkalh tlat a ni……………… Hnam Sakhua vawrh lar vak tu te’n hemi hi an thil hmuh thelh palh ti Ila kan tisual tampui awm love…………….. 
Thil pawimawh ber ta a chu, Huai chi hrang2 lak a Inthawina (hlauhtlawnna ti mai ang) te hman thin chu ni tho mahse, Mizo te hi Ramhuai bia kan ni lo tih hi in hriat nawn tir fo a tha. Hemi in a thil tha lo tak a thlen a chu, kan hnam zia rang(culture leh tradition) a te ramhuai leh setan a hmanrua anga ngaih tlatna a awm thin.
Hemi hi paih a tha khawp mai, kum za chuang chutiang rilru pu chuan kan lo thang chho tawh a thil harsa tak tur chu a ni awm e. Zosap te’n a min rawn tlawh chhuah hma daih tawh atanga Kan hnam zia rang leh keimahni (mizo-te) min siam a, min dintu hi kristian te Pathian hi a ni tih hi hriat nawn fo loh chuan kan hnam thil te kan theih nghilhin kan hmu ramhuai zo palh ang tih hi thil hlauhthawnawm tak a ni.
Hetah hian kan zosapte kan va dem emaw,huat lam ni lovin, an Pathian thu ken in a kan pi leh pute rilru a thil lo awm sa an rawn hrilhfiah sak tluk a thil lawmawm hi a vang ngawt in a rinawm. Chutih rual chuan min chenchilh a min kaihruai ta chuan nitin nunphungah an thiltih dan phung leh culture(sap zia) a kha entawn loh theih loh a ni ti ta ti ila kan tisual in a rinawm loh.
Mahse hemi in a kan hnam thil en sual a, mi a ti en hrang ta du mai leh mi a rauh san tir ta leh, ka ta/hnam tihdan a ni tih lam ai a Folk thil ang zawng deuh mai leh kaih hnawih loh(detach) ang zawnga a kal ta a hi chu thil tha lo tak a ni thung. Hetiang avang hian Loss of identity/hnam ral an tih te hi thil thleng awlsam tak ni in mithiamte’n an lo sawi thin si a.
(Note: Hemi avang hian hmanlai ah i let leh ang u tih leh khawvel hmasawnna hnual suat tih lam nilovin, engtinnge khawvel hmasawnna a hi kan system value(mizo) lo awm tawh thin atangte khan kan hmachhawn ang tih lam hawi a ni zawk mah awm e.)
Similar Posts:
- Forbidden Love leh Mizo te
- Mi bo leh Zoram khawvêl
- Mizo leh sakung phun
- Kristian sakhua leh Mizo hnam sakhua danglamna
- Pathian Chungchang
September 28th, 2012 at 6:54 am
Comment ka hawng e.
Report this comment
September 28th, 2012 at 8:10 am
Tukchhuah nuam vek u le
Report this comment
September 28th, 2012 at 8:17 am
Uai!! A thupui leh post tu ka en thuak a, malsta27 chu hnam sakhua ah a inziak lut ta nge nge a nih dawn hi ka ti rillru deuh thuak thuak a!!!
Report this comment
September 28th, 2012 at 9:02 am
Hnam Sakhua a luh thu in sawi elo?!!!
Report this comment
September 28th, 2012 at 9:02 am
Report this comment
September 28th, 2012 at 9:31 am
Chhanchhuaktu au aw ni awm hial a ni e. Thu ziak seipui ni si lo, a fawmkem viauin ka hria…
Report this comment
September 28th, 2012 at 9:44 am
A tha khawp mai. Kristianna leh kan Mizo culture alo inrem thlup mai hi a lawmawm ngawt mai. Kristian nih kan harsat lohna chhan tha tak pakhat pawh ani ngei ang. Sunday ah post hranin rawn siam ve ka tum zawk ang e. A sei dawn lutuk. Propaganda vague deuh hmanga mi hruai sual theih si ang hi ka ngaisang vak lo. Anih kan mizo culture kan abolish tawh kaihthawh leh in duh chu rawn point out fak fak u la, lo chip ho i la.
Report this comment
September 28th, 2012 at 10:05 am
“kan hnam zia rang(culture leh tradition) a te ramhuai leh setan a hmanrua anga ngaih tlatna a awm thin..”
A eng ber hi nge kan ngaih tka ber ni ang aw?
Report this comment
September 28th, 2012 at 10:14 am
Pu Rinzova hi khawnge maw a awmle?
A ngaihdan hriat a va chak awm ve.
Report this comment
September 28th, 2012 at 10:17 am
Ka bo deuh riau
Report this comment
September 28th, 2012 at 10:20 am
tha khawp mai.
Report this comment
September 28th, 2012 at 11:23 am
Ka pawm zawng tak a ni.
Kan hnam ziarang chawinung reng chung hian kristian tha tak a nih theih a, kan hnam zia leh nunphung hnualsuattute hi kristian tha tak an ni vek kher lo.
Kan hnamin ramhuai leh sihhuai adt.. kan hlauh tlawn laia kan hman lusun chhungte lenpui a zaiho ang chi te a tha zawnga kan chhawm nung te hi tha ka ti khawp mai.
Sawi duah a chakawm khawp mai.
Report this comment
September 28th, 2012 at 11:25 am
Rin ai in a va chhuak hma e………..
.
@Jacka pi#3: a then te phei chuan hnam sakhua chawi nungtu ka ni emaw te an ti mawle
.
@Dr John#5: Ni khop mai, a sawisel lam a ram tan rual hian a siamthatna tur kawng a hi dap a tha khawp mai chumi chuan a kalsual(ti mai ang) tan na chin a hi chinchhuah phawt a tha thin an ti siamthat dawn chuan
.
@PK Fanai#7: ni khawp mai, han ti teh khai, sawi sen a ni dawn si lova heti hian kan post chhin ngawt a ni e, A kam keu na ah lo ngai mai rawh……..
@evergreen#8: ‘Chanchintha thlen hma’ tih tawngkam kan hman lar em2 hian thil tamtak a sawi fiah mai awm e, lo chhut ve chhin la i peih chuan……..a phena negative connotation awm hi a chhe lu lai lutuk kan ti deuh a lawm le…………
Report this comment
September 28th, 2012 at 11:48 am
@Sheldie#4: Hnam Sakhua luh lampang chu hlat hmel mai pawh ni lovin a teuh loh hmel ti ta zawk ila a that hmel
………….
@Chhuaklinga#12: Hnam ziarang hlauh theitu chuan kristianna pawh vuan eng ang mahse a nghet thei ngai lovang tih leh authenticity level chu a sang ngawt ang tih hi logical statement ti ila a sual lovang………..
Report this comment
September 28th, 2012 at 11:55 am
Tihdikna@14: ‘HLOH’ tih zawk tur hlauh ni lovin…….
Report this comment
September 28th, 2012 at 1:49 pm
Post tha tak leh fimkhur tak niin ka hria. Zungpui ka lo pir vah e (a lem a tih pir dan ka thiam ve lo)
Report this comment
September 28th, 2012 at 3:46 pm
@malsta, i lo va ril reng reng ve. Ka chhiar chhuak chiah. Ka like e
Report this comment
September 28th, 2012 at 4:20 pm
malsta, tuna i rawn present hi chu a pai a dam zaih mai…strong deuha i rawn kalpui lai khan heti hian han sawi keuh la kan inhnialna kha a reh vek tur.
Hnam ziaa Pathian biak sawi nikhuaa sap missionary sawisel hi ka la phal miah lo…missiological strategy development an ngaihtuah loh vangah ka ngaihsak hmiah.
Report this comment
September 28th, 2012 at 4:38 pm
@ Vakul#18: Nia mawle, Zosapte hi ka la sawisel ngai lo thung, system fuh lo deuh kha chu thil awm thei tho a nia. Kum engemaw zah kal ta vel a mi tho kha hei hi a nia, thenkhat in a an hriatthiam loh vang nge ni anga sawi ngai loh a ka ngaih kha, a bawplawk leh helh zawngin a kal ta tlat mai nge ni a ka hre bik lo…… chuvang chuan a lawm le………..
.
@Sheldie#17: Ril teh nang
………….kan hriat ang2 kan sawi chhuak ve pawp2 ringawt lawm……….
Report this comment
September 29th, 2012 at 12:43 am
zawng2 tih khian mit a tikham mange. Hei ai chuan a dik takin, “zawng zawng” han ti mai la chuan a fel vek ni mai tur. Hun lah chu a hek phah chuang awm si lova.
Report this comment
October 1st, 2012 at 12:03 pm
8@ evergreen.
Kum 1986(?)/’s khan Darlawn khaw dung hnam lam-in kan suartluan a, chumi tum chuan kan tan hmain Kohhran upa pakhat chu a tlangau lauh lauh mai a, “Vawiinah ‘RAMHUAI’ho an inlar dawn a, tumahin en loh tur” tiin. Nimahsela Khuanu’n hnam zia min pek te chu a boral a phallo a, a khaw nàwtin an rawn thlir a nih kha. Ramhuai hnathawh leh ramhuai thiltih a nihloh zia chu; hei tunah a takin kan hmu chho zel a nih hi.
Report this comment
October 1st, 2012 at 12:05 pm
9# sihtea.
Power supply kan hmu thalo lutuka ka rawn awnlain thei lo reng alawm mawle.
Post hlawhtling tak a ni e.
Report this comment