He hla hi lo ngaithla ve teh u… Mizo hla hriatchhuah in nei ve em? Nge kei hian mizo hla pakhat music nen in ang tlat a ka hriat le..?
A starting music ah hian lo concentrate teh u.
Archive for September, 2012
Mizo hla thluk anna deuh a nei
Saturday, September 22nd, 2012
Facebook Side ‘A’
Saturday, September 22nd, 2012Thil rêng rêng hian side ‘A’ & ‘B’ hi a nei vek àwm mang e. Thil ṭha tak nia kan ngaih te pawh hian side ‘B’ a lo nei ve leh tho ṭhin. Chuti angin facebook pawh hi tùnlaiah chuan a ṭhat lohna lam thang ri-va a nasa êm êm a. April 2012-a 900 million vêl user awm tawhna facebook-ah hian thil dang tih nachâng hre miah lova ‘âtchilh’ bur pawh a maktaduai bi teh meuh zuk awm a!
Mizoram mipui 10,91,014 vêlah hian eng zât takin facebook hi buaipui ang maw? Ṭhalai zîngah ngat phei chuan account nei lo hi chu tlêm tê chauh an ni ngei ang. Eng vangin nge facebook hi kan tih huai huai tâk le? A chhan tam tak zînga pakhat chauh ka sawi duh. Ṭhalai intihhlimna tùr leh hun âwl khawhralna tùr hmun leh hun ṭha kan nei lo hian facebook lamah min ṭuantîr ta a ni. Thianghlim taka hun khawhralna tùr hmun; park, game zone, aqua park, paint ball, play ground, indoor stadium, adt. kan neih ṭhat tâwk loh avang hian ṭhalai tam takin intihhlimna tùr leh inawih tleina tùr an zawng a ni mai lo’ng maw?
Tùnlai chhanah infiamna a lârin kan thleng sâng thei hle a, amaherawhchu, hmun ṭha kan nei tâwk lo hian facebook lamah min ṭuantîr ta a ni thei ang em? Tin, nu leh pate pawh hian mahni fate lêng chhuak mai mai tùr ai chuan in lama an tawm tamna tiin an lâwm zaw phian lo’ng maw?
Anthurium Festival 2012
Saturday, September 22nd, 2012
September ni 20,2012 zan a ka NEWS ngaihthlak ṭhenkhat
Saturday, September 22nd, 20121.Kum 2009 aṭang tawh khan mithiamte chuan naute piang tur sam rawng leh mitmu rawng-ah nu leh pate duhthlantir theihna an lo pe tawh a. Tunah zet zawng, chumi piah lam, mipa fa nge an duh a hmeichhe fa tih chu an thlang thei ta a nih hmel. Hetia, naute la piang lo te nihna (gender)an thlantir na’n hian $18,000.00 emaw sen a ngai thung. Nu leh pa, fapa emaw fanu emaw awt em em, nei thei silo te tan chuan a ṭhat viau dawn hmel e.
Ka Google chhuah link:
https://www.babycenter.com/0_choosing-your-babys-sex-what-the-scientists-say_2915.bc
Mithiam lo ngaihtuahna ve thung (keimah): Hetia, mipa/hmeichhia tur a mipa leh hmeichhe chi insiam mek lai a an nihna (gender) an thlak sak hian, tuai emaw, patil emaw an tam phah ang em? 
2. Italian mithiamte’n mipa zahmawh a te telh telh tih an hmuchhuak. An zirna aṭanga an hmuh danin, “kum 50 liamta aṭang khan tunah hian 10% velin mipa zahmawh hi a te telh telh ani,” an ti. A awmzia chu kum 50 liamta a piangte aiin kum telin a te thla telh telh tihna anih chu.
A new Italian study of male sexuality has discovered that the average size of male genetalia has been steadily shrinking over the past several years.
*Male genitalia are roughly 10 percent smaller today than they were 50 years ago.
*Excess weight gain, particularly around the waist, is a contributing factor.
*Environmental pollutants in the air have been shown to negatively impact penis size.
*Stress, smoking, and alcohol intake also play a factor.
Camera trick a tello.
Friday, September 21st, 2012Ni 19, September, 2012 khan Champhai District Karate Association chuan Kumin a National Level a Gold 3, Silver 3 leh Bronze 1 an lak leh, Kumin vek a Inter-District Karate Tournament a an medals lak te chu Champhaiah an lawm a. Hemi tum a show an siam pakhat pics te hi kan tar chhuak ve ang e.
Stool 2 chungah Chi (salt) pava khat awm vel ve ve chhun vum a ni a. Chumi chhun vum chhipah chuan, artui hel dah a ni leh a. Chu artui 2 chungah chuan fu (sugarcane) tlawn kham a ni.
Stool te hi a nghet thei ang ber a chelh beh a ngai.
Eiruk Duh Loh Punkhawm a PRISM President Pu Vanlalruata thusawi
Friday, September 21st, 2012Ni 20.09.2012 a Eiruk Duhlo pun khawm Vanapa Hall a Pu Vanlalruata, President PRISM thu sawi:
Pu Chairman leh eiruk duhlo lo kalkhawm te u,
Vawiina ka sawi hmasak ber duh chu, ‘corruption’ tih hi tunlaia kan tawngkam lar ber anih laiin keimahni tawngin hemi sawina tawngkam hi kan nei miah lo a. Japanese-a ‘hunawl’ sawina tawngkam a awm loh avanga Japanese an taima tia kan pawm thei anih chuan kan tawnga corruption sawina a awm loh avang hian hnam rinawm kan ni tihnaah kan pawm ve thei dawn lawm ni, tih hi a ni a.
Intifing thenkhatin corruption hrilhfiahna siam an lo tum ve phet hi sim se ka duh a. Kum 1982-a kohhranin ‘Corruption Do Kum’ a puan tidaltu kha ‘intihfinna thlarau’ hi a ni a. Khawvel ram dangah pawh heng thlarau diklo chang ho hi an hnawksak thin em avangin UNODC chuan corruption hi hrilhfiah a ngai lo an ti daih tawh tih vawiin atang hian i hre thar leh ang u.
Kan pi leh pu te huna ‘Zonunmawi’ par vul kha British in min awp hnu pawh khan mawi takin a la vul a. India hnuaia kan luh hma hret, kum 1944 khan Rev. David Kyles-a’n, “Hman lai ata tawh hla phuahthiam te leh thuhriltu te, mi fingte leh zawlneiten khawtlang nunhona duhthusam, danin a phut vang ni lo, hmangaihna avang zawka mitinin thil dik leh tha an tih dial dialna hi an lo suangtuah fo tawh thin a.
Tuna ka hriat theih chinah chuan he duhthusam thleng tep awmchhun chu Mizo (Lushai) te hi an ni” min la ti hial a. Amaherawh chu India hnuaia kan awm kum 50-na, kum 1997-a Subir Ghost-a’n, “Mizoram pawh duhamna nunin a nuai ta a, eirukna nasa taka sawi a ni a, an nun zawng zawng fan chhuaktu, a dik leh dik lo thliarna kawnga buai zawh vekna bul chu sum niin a lang,” tia a ziak ta mai hi a na a ni.
Church diktat bans soccer on Sundays for Mizo youth
Friday, September 21st, 2012Mak tih chi ani lo. Sunday hi Sabath ni ani lo, tih hi tlang hriat ani a. Sabath ni a hnathawh loh tur tih hi Thuthlung Hlui lam commandment ani an ti. Football hi hnathawk anga ngaih chi anih leh nih loh chu ka hre lo na a, secualr ramah chuan religious organisation hian an hual chhung bak dai lo se kaa duh. Anih loh vek chuan football club ka din ang a, Seventh Day Adventist leh Hindu, Muslim player hlir ka hmang mai ang.
TOI: Soccer-religion dilemma in Mizoram
A press statement signed by Synod moderator Rev Thangzauva and Synod secretary “Upa” (elder) DP Biakkhuma says, “The Presbyterian Church Synod appeals to all people of Mizoram to refrain from any sporting activities on Sundays as Mizoram is a Christian state and Sunday is a sacred and important day for the Christians.” It, however, expressed happiness over the success of Mizo youths in sports. The statement added, “The church appeals to all people to respect our sacred day.”
Jonathan L Hnamte, a member of the Seventh Day Adventists Church, criticized the statement of the Presbyterian Church saying that it clearly exposes the apathetic attitude of the Mizoram’s biggest church towards other Christian denominations.
“We, members of the Seventh Day Adventists and also some other denominations, observe Saturday as the Sabbath just like the Catholics, the Presbyterians and the Baptists observe Sunday as the holy day,” Hnamte said. He added that they had tolerated people playing football or other games near their places of worship on Sabbath, while having church services, for years.
[Read more at source]
CM mittui a tla
Friday, September 21st, 2012Parliamentary Secretary (Law & Judicial, School Education, H & TE, Parliamentary Affairs) Pu Chawngtinthanga thihna chuan Zoram pum a dêng chhuak a, ui lo fa rêng an awm àwm lo ve. Ṭhenkhat phei chuan ram hruaitu ṭha tak la ni tùra ‘ka hual’ asin le an ti vawng vawng nia. Pa ṭha tak zawng a ni ngei ang, MLA a nih vang emaw, eng eng emaw nihna a neih vang emaw ni loin ama mimal nun hrim hrim khân mite thinlung a hneh a tih theih àwm e.
A vùina programme pawh ropui taka hman niin ram hruaitu lawk zual deuh deuh pawh an awm nual mai. Khawvêla kan hmuh leh ngai tawh loh tùr vùina hunah Mizoram Chief Minister meuh pawh insûm zo loin a mittui a tla niin tlângkam aṭangin ka lo hria a. Midangte tân entawn tlâkah a insiam leh ta phawt mai.
Kan CM zahawm tak hian Pu Chawngtinthanga hi a ṭhian kawm ngeih tak a nih vang nge, mi dik leh ṭha tia a ui êm êm vang nge a mittui a sawr chhuah ve ngawt nachhan hi ka hre lo. Mitthi vùina hun rêng rêng hi a boruak a ritin a mi delh a na a. Ṭap thâwm leh thlahna ṭawngkam inpawlh nuak mai kârah tum loh deuhin mittui hi a luang ve fo ṭhin. Thihna a ni a, a na a, kan CM meuh pawh a mittui a tlâk chuan a runthlâk hle tih hai rual a ni lo.
Mi bo chanchin bawk
Friday, September 21st, 2012Vanneihthanga Vanchhawng (Facebook-Special Report)
September ni 17 Monday chawhnu lam khan Ruthi leh Hmingthapari inbiakna (Call detail) chu ka va en ve ta a, hetiang thil hi confidential a nih avangin a thlalak ka dil erawh min phalsak ta lo a ni.
Call detail atanga a lan danah chuan, Ruthi hian an bo tuk August ni 12 zinglam dar 3:34:08-ah hmingthapari hi a rawn text a, Hmingthapari hian hemi ni zing dar 6:11:42 ah a reply a, Ruthi hian 6:11:51 ah a rawn chhang leh nghal zat tih a hriat theih bawk. Hemi hnu hian Hmingthapari hian number dangah vawi 10 a thawn chhuak a, Ruthi nilo number dang pathum velin vawi 19 an rawn text bawk. Tichuan, Hmingthapari hian chhun dar 11:50:11-ah Ruthi chu text a thawn leh a, Ruthi chuan 11:50:15 ah a rawn chhang leh nghal. Ruthi hian chhun dar 12:49:13 ah hmingthapari hi a rawn text leh a, Hmingthapari hian a chhang lo. Ruthi bawk hian hemi ni tlai thimhlim dar 6:27:46-ah Hmingthapari a rawn thawn leh a, Hmingthapari hian a chhang lo leh a, chu chu call detail-a an inbiak dan a lan dan chu a ni.
Mobile phone traffic jam emaw, technical problem vangin call detail-a an inbiak hun landan hi a danglam thei em tih chu Airtel Sevice Provider lama an hotupa Pu Mamuana zawhchian nghal a ni a, “An inbiak hun zel kha computer-in a lo record a ni a, a dik lo thei lo” a ti niin amah va be tu ka thianpa Pu Muanpuia chuan a sawi.
National Politics-1 (Didi a che leh ta..!!!)
Friday, September 21st, 2012He kan Bengali nu hi ‘chance’ la thiam ngang ania, a thu lah hi a “Sahuai thing vawn” tlat thin a, a party tan hian hlawkna a chaw chhuak nasa asin. Amaherawhchu, hei a tawlhthlu dawn tan a ang tlat mai. I han ching phar teh ang u.
Lok Sabha term hmasaa Left hovin No-COnfidence Motion Opposition-in an putluh avangin Left ho chuan UPA chu chhuahsanin, Congress ho nena an nghawngkawl bah chu a dah thla a. Chumi remchanga la chuan, Trinamool Congress hotunu Mamata Banerjee chuan Congress nghawngkawl chu lo la vatin tun sawrkarah hian remchang a lo la ta zauh a.
UPA-II sawrkar tharah chuan Didi chu Railways Minister a ni ta a. Ahmaa RJD pachal, mi zirsang pawh ni lem lo, mahse Railways tungdingtu Laloo Prasad-a hnung a zui hneh lo hle mai. Laloo-a railways cheibawlhnu hmang chuan West Bengal chu an vur ta tak taka, a kumleh lawkah West Bengal Election a awm dawn tih hre ranin. Tichuan, national asset hmangin regional politics a khel ta anih ber chu.
Rin ang ngeiin West Bengal ah chuan Trinamool chu an lal ta a, Didi pawh Chief Minister niin, a inlalawk hle a. Athu anga kal lo leh a kalphung sawisel apiang mai chu “Marxist/Maoist” hmuhin a hmu hmiah hmiah a, Maoist chhuanlama hmang phei hi chuan loneitu takngial pawhin jail an luh phah rawk rawk mai.
Awle, National politics i lo thlir ang. UPA sawrkar kalphung hi a duh duha kalpui a tum lehpek emawni tihtur khawp hian, sawrkar zinga tel ve tho si hian a thawhpuite hi a vau khur khur reng mai a. Hun thenkhata sawrkar a thlawp that duh loh chhan phei hi chu Bengal tana Fund a hmuhbelh duh vang mai mai te mawle.!!!!
Mipui tan tlattu inti si hian, mahni hrawk ngaihtuah ran hian Congress a blackmail thin hi a ninawm takzet a. COngress ho lah chuan tlak mai hlauin a duh ang ang an pe mai thin a. MP 19 lek nei hian MP 200 chuang nei Congress chu a duh duhin a chinglet kual vel a.
Presidential election-ah pawh zahpuiawm takin a che a, a Bengali pui a tan em em tura ngaih leh, a sawrkar sangawizawnpuite thehchhuah Pranab chu a helh leh a. Kawng dang a zawn fe hnuah a dinhmun a dik dawn loh avangin a tawpah a thlawp ve ta chauh anih kha.
Tunhnaia, economic reforms hran hran sawrkarin a tichhuak a, chumi pawh a duh duha tihkawi leh a tum a, sawrkar a kun duh ta lo..!! An in bakkaih a, a chhuak tau ta a ni.
Didi chhuah avang hian Congress hi an tlak hmel chuang lova, SP leh BSP hi lut thut thei dinhmunah an ding reng tho mai. Congress lam hian inphahhnuai an tum tawh dawn lo nasa bawk hmel a, Chidambaram a sawi hmang hian. Chuvangin, Didi dinhmun hi a chhe tulh tulhin a rinawm.
A innghahna Third front sawrkar din an sawi rik lah chu, Left ho tel ngei ngeina tur a ni bawk si a, Bengal ah in oppose an nih avangin tel thei a ni si lo. COngress atangin a chhuak tau tawh bawk si. BJP ho zawm dawn ngawt se, an party ideology a inang lo ropui mai bawk si. A talbuai dawn deuh tan a ang khawp e. I lo thlir ang..!!
Ka tawn...