Mi thinchhe ve tak mai ka ni a, thil hi a nih tur ang a nih loh chuan en liam mai thei lo chi, a phe hlek chu bauh zel mai ka ni a. Ka thin a rim hma ang bawkin a reh leh hma thung a. Chuvangin ka thinrim lai a in sum dan tha ber chu ngawih hi a ni mai. Chu erawh thil har tak a ni a. Mahse, tun tum chu ka thinrim reh fel hma in ka ang chhuak dawng. Hman kum deuh khan kan thianpa Ukil zir hian in Vairam atanga a haw tumin a thinrimna kawng li vel a ziak a, kei chuan thil pali, ka thinrimna kawng thum leh ka lawmna kawng khat ka ziak ang. A aia nikhua deuh zawk a ka in ngaih avangin.
Thinrimna hmasa ber:
ICC World T20 a Super eight-ah India in Australia an hneh loh tum khan kan thin a rim khawp mai. Shillong Mizoram House-a Vapartlang room-ah keimah chauhin kha match kha ka en a. A kar lakah internet hman ka tum a, ka internet connection tha thei lo bawk nen, India lah khan a zahthlak khawp in an han che chhe zui bawk nen thin a rim ul mai. Chak lo satliah pawh nilova in ‘sawpji’ an tih anga an chak lo an nih avang khan a en tu nih pawh kha a zahthlak lek lek a ni. Eng ti ti tih a India khan in specialist spinner pathum keng nge tih te, eng vanga kum kha leh chen che tha lo, Irfan Pathana kha batting a opener tir ta nge a nih a, Sehwag kha chawlh tir ta nge an ni tih hi tu in nge min chhan sak thei awm che u. Mahni chauh a awm e ti lo khan rilru kam deuh ul in ka titauh san a, last over (match last over nilo) kha ka en duh ta lo ting a nih kha..
Thinrim vawihnihna :
Ka thinrim vawihnihna pawh Australia vang bawk a nil eh a. Super eight Australia ho Pakistan laka an chet dan, India an rep dan hian ka thin a ti rim leh bawk a. Kumin kum tir lam khan Tri Series-ah Australia hian Sri Lanka lakah India an rep tawh a. Tin, kumin ah vek, Bangladesh a Asia Cup ah India an rep tawh bawk a. Tunah World T20 ah Australia in Pakistan laka India an rep leh hi a run thlak ka ti tak zet zet a ni. Amaherawhchu, rep theih a kan awm ziah hi chuan in kan chet tha tawk lo vang chu a ni tho mai. Mahse, Australia ho hian India leh South Africa an sawp hnu a, run tam taka Pakistan an hneh lo hi a rinhlelh awm ka ti. A dik tak chuan Pakistan hian South Africa hi an hneh hram a, a hn ah India lakah meikhup in an chak loh leh hnu in Australia an sawpji hi ka ringhlel lo thei lo.
A hma lam a tangin kha match kha en tum ran in inah ka awm a. A chhuah a hun a over hnih khat hnuah kan in leng te nen Korean movie an en tlat mai a. Internet lamah ka LIVE UPDATE ka chang ta ngawt a.Chu mi chhungin tui ka pump liam a. Zan zanah kan tui haw emaw lo ti tawk lah no lo. Tin, thiante call ka tum a, i balance a tlem lutuk min lo ti a, kan en a, cheng 10 pawh ka lo nei tawh lo zui nen. India lah chu an out phuk phuk mai bawk si nen, thaw a veng thlawt lo. Mahse, a tawp ah chuan India in run 1 in hnehna an chang hram a, semi final thleng lo mahse la lung erawh a zing lutuk lo.
Tin, India tlak dan hi ka hrethiam thei tlat lo. A chhan chu Asia Cup ah India leh Bangladesh in point an hmuh a in zat a, net run rate ah India a tha zawk a, mahse India in Bangladesh an lo hneh loh avangin Bangladesh khan final an lut a. Tunah lem India in Pakistan an hneh a, mahse Pakistan net run rate a an san zawk vanga an lut hi ka hrethiam thei lova, ka hrethiam mai bawk lo ang. Bangladesh hian an khaw dan an hmang nge maw ni le aw..
Thinrim vawithumna:
Mizoram Media in Vaivawm an ngaithah dan em em hian ka thin a ti rim leh bawk a. Mizoramah Vaivawm Tournament pui ber a ngaih, President Cup a awm laiin Mizoram a chanchinbu lian leh darh zau ber, Vanglaini chuan zuk chhuah tha duh huah lova. Thu sawngnawi te te, Savun hampuar pet, chu pawh tuipui ralram a mi lehnghal an ziak kur ngei nguai a. Kan khawtual a Vaivawm tournament awm hi min ngaithah lutuk hi ka thin a rim lo thei lo. Sport Column phek hnih a phek khat leh a chanve dawn Savun hampuar thu fahrah te te bawl phuan in a chang a, a chu pawha tam zawk ram dang mi pet chanchin leh nghal. Mizo te, chaw ah pawh balance diet hmu ngai lo hian news ah leh zel pawh kan balance lo hi Misual chhiar tu te hian in vanduai phah a ni. Vaivawm in hmun a chanve na Misual ah lo kan ang thei bawk silo.
Ka lawmna:
Ka thinrimna karah hian lawmna tak mai erawh ka nei a. BCCI in Cricket Association of Mizoram chu an Associate member a an pawm hi ka lawm ve khawp mai. CAM nen hian inzawmna kan nei thuk lo. An Chow plate hnih ka ei in leh thingpui ka insak tawh a, a bak chu an tournament pawh ka la tel lo reng reng. Mahse, Mizoram a vaivawm lawmtu te tan chuan thil lawmawm tak tih loh rual a nilo. Kan thangthar ten Vaivawm lamah hma pawh an sawn ngei ang. Keini TV lam lo en thin a, lo sep rawtui thin te pawh hma kan sawn phah ngei turah ngai teh ang.
Similar Posts:
- Zin kawng thui: Kum 40 chhung zalenna sualna zin kawng chu
- Cricket World Cup 2011 Quarter Final lineup
- Cricket WC Semi Final : India vs Pakistan
- Ka insum zo ta ngang lo
- Cricket WC Quarterfinal : India vs Australia
October 4th, 2012 at 11:43 pm
Cricket sawi tui viau tlan chak tak ka hre lo
Report this comment
October 5th, 2012 at 7:09 am
E khai in lo va in hnial nasa ve aw. Zan lam hi ka mu hma thin a in titi ka rawn zawm hman lo ziah che u a, A pawi hle mai a. Ignatia Cricket clinic a lo hawng a ni maw a tha e. Ram kan zauh belh ang.A ngaihnawm in a bengvar thlak hle mai a.
Tukin zing ka tho chu ka chhungten Pakistan an chak loh thu min lo hrilh liam liam a. Afridi Super Golden duck out te pawh an lo sawi a… Australia chak lo leh se kan ti khawp mai….
Pu HV a te, Drake te ho leh Vaiva te hian a ruk hian inVaivawm hi in ngaisang tih ka hre reng mai a. Kan member ruh tak tur te in ni tih a chiang….Puii hian Vaivawm i man hlawklo a ni e. Ignatia hian a bik a ala counselling che i ngai hle mai a.
Zep miah lo hian kei chua Sport ka ti thei lo khawp mai a bikin Basketball phei chu ka ngei tak zet inti changkang game a nih vang hian.
Report this comment
October 5th, 2012 at 10:17 am
Vaiva nang leh zel helaiah i lo tawngvai dawn a ni maw… Thil generalize pawp pawp lo rual – hawiher zau tak i nih kha mawle. Mahse hei hi lo hre rawh: Dang MAWN phe hlawp hlawpin… tukhum BARI then vekin ka hnungah chak lutukin i lo tlan thin ang tih hi…
Puii hi sheldie thlaraubo tur a ang ka ti khawp mai, a lan dan hian. Cricket khawvelah baptis thuai mai ang.
drakete bawk hi a bilha tho lo tih takah a ni vah mai a, hrilh nawn fo a ngai dawn a nih hi. Sport ngaina hrim hrim mi puitling leh laktlak tak an ni zel ang. A chhan chu infiamna hian zepui (philosophy) tha lutuk a nei vek a ni.
SAvunhampuar VE MAI MAI pawh hi hman thiam duh chuan a tangkai thei viau asin, kan hring nunah hian. Mual laia inkhel, khalh kual vak vak – thiante pass na chang hre miah lo, pet goal lam pawh ngaihsak vak lo ang chite hi mihring TUM NEI LO an ni duh khawp mai. An khalh kual a, an khalh let leh a, an thiante’n an au a, an vin tuar tuar a. Mahse thiante pass-a hnekin intihtheih nan tak an hmang ta thin a. Thiam taka midang bum kual emaw ball han khalh vel vak vak emaw kha ROPUINA emaw an ti a, an tisual ta thin a ni.
Hring nun kan zinkawngah hian tum neih pawimawhna hriat tluka hlu a awm hauh lovang. Chu tum neihna hriat chu kan hriatchian loh emaw kan ngaihpawimawh loh hian kan tuar ta thin he game ropui – cricketah bawk hian. Mahse TUM NEIH chu kan ngaipawimawh a nih erawh chuan HLAWKNA hlir HLAWKNA hlir, run tam tak siam leh wicket tamtak lak lam a ni e!
Chhingte Pakistan an chak lo chu a pawi lo hle mai a tiraw…
Report this comment
October 5th, 2012 at 11:14 am
Ipnasia ball pass na chang nia i hriat loh duh hmel riau mai
Sawi chuan sawi thei fu si in, khelhah chuan eng teh ual hi ni lo mai ang ah 
@vaiva #51 hahahaha nih duh hmel
Report this comment
October 5th, 2012 at 12:22 pm
Ka va nui nasa em aw
Patling Ignatia teho an han chet meuh hi chuan val hi kan khithrAW zel mai a nih hi.. sangha a um chau lai hi ka hmuchak.. battery hmang pawh nise a turu hrim hrim 
Hva thil sawi khian Baktea of dalnet(Fam) min hriatchhuah tir. Ani kha cricket ngaisang vak lo a ni ve a, ‘a nep e, vuak pawp pawp mai tur’ a ti thin a. Tumkhat an bat tir ve a, ball vuak bo daih tum khan an lo HOOK tehreng a nih kha. A bat a thaw ri fua.. amah a vir zawk bawk a. Ball erawh a bo lo, a ke bulah a lir teng teng a. Ani erawh sakhmel THI SUNGIN a rawn hawichhuak a, a bat a dah a, a kal nal nal. A hnuah thiante’n ‘ti leh la’ an tia, a PEIH tawh lo. A khel zui ta bik lovin ka hria.
Naupan lai khan football kan khel nasa thin a, ‘banana kick’ kha kan ngaisang thin khawp mai a
‘gawnar’ han chhuih te khan thiante head tura pek ai kha chuan banana kual luh tir phet te kha kan tum thinin ka hria. Football pet kual pawh kan ngaisang a nia.. cricket ball han banana phei hi chu turu tak a ni. Conventional swing hi chu a zia tak a la awm zawk a, reverse swing te phei hi chu scientific vei roh fuu ni. Waqar Younis leh Akram te hoin 140 km/hr ai chaka an han reverse kual lut pawp mai thin kha chu batsmen an hawihai thei khawp mai. Vun ngo ho phei chuan an awihlo hial zawk a nih deuh ber kha..!!
Spinner turu takin ball a han spin a, batsman hmaah a va sawt a, batsman-in a lo vuak theih miah loha, bowler lama a spin let leh daih te hi a mak a ni…… hei em em chu keipawh ka awi lem lo
Mahse thil theih a ni ang em..? Ball trajectory, speed leh revolution a zirin a theih ang em le.. Ignatia teho hian han chhut teh se.
Report this comment
October 5th, 2012 at 3:40 pm
Hahaha Pu Donald drakete-a te ang vaivawm lawm em em si mahse lawm anga lang ngam lo hi ka’n chu-kha mai mai alawm le…
Kan tuina hi a inang thin hle mai. A nuam thin e.
Football han sawi takah chuan technical term a neih tlemzia hi ka ngaihtuah mai mai thin. A sirah an pet lut emaw a kual lut emaw tih a ni tawl mai a… a dang a awm vak lem lo…
I sawi ang khian swing bowl hi hmuhnawm ka ti thin. Science pawh science tak a ni. Hrilhfiah pawh a har bawk…A bik takin Indian sub-continent lam hian kan thiam mawle. Nia, Waqar Younis leh Akrama kha tiang lamah chuana turu khawp mai… Indian pace bowler zawng zawng deuh thaw hian an ti thei ve vek bawk. Zaheer Khana hian a lawm leh zualin ka hria. Mahse Pakistante anga full toss reverse swing chuan an vawm khat khawp mai… Mohhamed Amir pui roh khan tun hnaiah a tianga vawm hi a ti ve thin tak asin le. Tin, Glenn Mcgrath pawh khan hnehsawh ve thin khawp mai tiraw…
Spin turu lutuk i sawi khi doosra bowling a ni ngei ang maw… Saqlain Mustaq chinchhuah kha. Australia, West Indiies leh ENgland ho hawihai thin lutuk kha hmuhnawm e. Kut atanga ball chhuah dan, vawm nat zawngah leh ball dinhmunah a innghat viau ang. Harbhajan-a doosra dan hi chu zia viau a. Ajantha Mandis-a doosra dan mawlh hi turu tak a ni. Tin, doosra hi offspin tan a ni a, leg spin tan googly tiin hming vuah a ni thung. Sachina hian a thiam reuh zek.
Tin, dooshra bowling hi England pachal inkhelh pawh thiam tak match referee ni ta – Pu Chris Broada phei kha chuan a zirchiang nasa khawp mai. Muralitharana leh Harbhajana bowl lai phei chu NO BALL pe hmak hmak mai ni…a pawm sak duh miah lo…hahaha. Sri Lanka ho phei chu an mangang lutuk a Overseas lama khelh chuan doosra tawh lo turin Muralitharana kha an ngen vel mawle… Tunah tak chuan Ajmal-a, Pakistan fa chuam hian a thiam khawp mai. India nena kan inkhelh pawh hian ka hlau ru thei khawp mai. Mahse hmanni zanah erawh kha chuan VanlaKohli-a khan spinner bowler turu tak a ni tih a lo theihnghilh palh a pawi ka ti lem lo khawp mai…hahaha
Lo comment ve zel teh, Pu donald. I comment a ngaihnawm. Cricket ngaina tak i ni tih a lang reng mai.
Draketea hi thu a awih phawt chuan thurawn ka la pe ang. Savum hampuar khelhna mual hi a dung zawngin a lai takah phel phawk sela a vei lam zawng chu ka ta a nih thinzia ka la hrilh ang mawle. Sazuk pachal tlan lai hi a takah a hmu tawh ang emaw… a hmu lo a nih pawhin TV vela chak mangkhenga a tlan lai a hmuh hunah min lo DREAM sela a tisual lo mai thei a ni…
Lo sawi zel rawh u ka lo tel leh ang…
Report this comment
October 5th, 2012 at 4:13 pm
Tun tum chu Laligatia pawh Ipnatia a ni ta. He tiang em em hian Lalipnatia hi a tawng duh tih ka le hre ngai lo. A lo thinrim em a nih dawn ni. Vaivawm Sermon chu a tla tha thuai thuai khawp mai a. Member ni duh te chu inthlahrung hauh lovin Vaivawm lawm pawlah hian in lo lut ve thei ang. Tun tum chu kan hlap chhuak tha pap pap hle mai a…. A lawmawm thin e
Report this comment
October 5th, 2012 at 4:41 pm
hehe Ignatia.. kan thianpa pakhat footballer, cricket nuam ti deuh mai a awm a.. mahse a grip a dik lo laklawh a, onside lamah chiah a vaw thiam
hand-eye cordination a tha hrim hrim a, a hawl fuh thei phian a. Straight bat-a khel thiam ta lo na nana erawh a dam rei ngai lem lo – a stump khawi emaw ber hian a tuar leh nge nge thin.
Fast bowling lamah hian kei India tan hian ka lo duhthawh deuh thin. Zaheer hi chu a tha ka ti khawp mai mahse a pace a tlahniam ta em a, bakah a chawlh a hun ve dawn hnai in ka ring. Batsman-te angin fast bowler ho hi chu an daih rei ve vak lo a nih ber hi.. pace an hlauh tlat zel; a awm viau tho, tha a inheh hleih em mai. Umesh Yadav hi pace hrim hrimah chuan a tha dawn khawpin a lang. Duhthusamah chuan fast bowler hi chuan 150+ hi han clock thei ngei mai se, mahse surprise delivery ang tak tak chauhin thulkhung ni se.. 135-145 vel hian length/line consitent takin bowl thei se.. Malinga leh Umar Gul te angin yorker hi duh duh hunah bowl thei bawk se. A tawi zawng chuan fast bowler tha tak hi nei ila cricketah chuan khawvel hi kan dominate theiin ka ring… batting lineup kan nei tha ropui si. Bouncy pitch-ah erawh improve na tur kan la ngah. Baktea ang mai pull leh hook kan thiam lo lutuk
Kohli tih loh.
Spinner i rawn sawi a, West Indian pa Sunil Narine hi a tawrhhlelhawm hmel phian bawkin ka hria.. a action hrim hrim te hi batsman concentration tibuai thei ni hialin ka hria ..hihi. Mustaq Ahmed action pawh kha ka face thiamloh chi. A googly kha a accurate ropui sia, offstump pawn hlekah a rawn pitch anga legbreak hisapin nalh taka squarecut hi kan lo tum ve ngial anga, a rawn lut zawk si anga kan stump a tluk rik bawl loh leh umpire hian a zungchal a lo lek va anga kan hawi lawl lawl ang tih a hlauhawm ngawt a ni.
PS: hmana kan ball hman kha a turu a sin. Tuiah a tla huh palha a puam ta vak mai a. Naute football lem tiat lawng hian a puam a, a tung sawl deuh pauh zui a.. swing/spin chu kahaaase..!! a vawm hrim hrim pawh har tak a ni. Ball dang a awm der si lova
Report this comment
October 5th, 2012 at 4:47 pm
India cricket leh Politics inzawm tlat hi a buaithlak anih ber mai hi.. Ni lo sela, chu hman deuha Durtlang tlangval promising zet awm te kha luhna chance a that tehreng nen.
Sertawk petin, banana field ah kan lo inkhel tawh a, cheng 20 inchuh pawhin nilengin Rahsiveng naupang ho nen kan inkhel fo, savun hampuar rit chi pawh ka head thelh lui fova, savun hampuar nei pha kan ngaisang thin; kutkawr set khat chauh a awm avangin a ding leh vei inbun semin boxing te pawh ka lo khel ve thin a, luhai indawm kun ngawih ngawih ngai khawpin hlim takin ka infiam pui fo mai; vaivawm pawh a ball tak tak chu sawi loh, tennis ball pawh ni pha lo, mawza hlumin, thingfakin ka lo khel fo tawh a, mual a te bawk si a, “One drop catch Out” tih angreng rule maksak tak tak kan han duangchhuak a; innap kan ti, in marbul, inkawikah, inhawngbih, in mawr…. a va tam em..!!! Heng zawng zawng ai chuan Sandman, Zualbonez, Ignatia leh Chhingdailova khelh ngam loh “Chhas play” hi a la hahthlak ber mai, a hlimawm phian bawk si.
Report this comment
October 5th, 2012 at 5:06 pm
Donald a te chu i hre zek a ti, a lawmawm e. Kei chuan India spinner Anil Kumble leh Shane Warne hi ka la ngaisang ber mai a ni… Kei chu Leg spin hi ka ngaisang tlat mawle.
Nang Chemtatrwt Engah nge Vaivawm titi na ah Savun hampuar pet i rawn tlawh leh a, ka thinrin vawi lina chu ti chhuak suh ang che aw… Chhass play tih vel chu a hran in i duh leh luamliam pui rawh….
Report this comment
October 5th, 2012 at 5:21 pm
lol chhingdailova, cricket te chu nileng thak pawha en peih alawm ka nih.. tui ve hrim hrim
Keipawh legspin mawlh hi ka tuipui thin.. zanah paWH inchhungah ti tlauh tlauh zel mawle.. mahse a chi lem loh, duhaia thuai nat palhin legbreak a nih tawh thin lo – eng eng emaw dang break ni tawh thin ..hahahaha. Nupuite legbreak inzirnan’n hmang hi an tam bik vakin ka ring lo
Tun thleng hian a la sawi lehnghal a. Hetss.. duh aiin ka inpuang dawn chupzz 
Mahse Ignatia sawi ang khian Saqlain te hovin doosra an rawn tih ve theih takah khan a va mak lehzel em tiin legspin ka atchilh kha chu a reh ve ta deuh. Saqlain-a chungah kan nu hian lawmthu sawi a ba ti pawh a hre tawp nang mawle
Report this comment
October 5th, 2012 at 7:03 pm
Ekhai a lawmawm e. Vaivawm lawm tu tak tak kan chhar chhuak che zuk nia le…. The Vaivawm Tri in misual hi al hneh hle mai ang aw.
Report this comment
October 5th, 2012 at 7:25 pm
Chhingte a lawmawm hle mai a, hei Pu donalda hi vaivawm guru a lo ni reng a nih hi. In nu-in leg break a zirpui che chu thil ni thei lutuk a ni ang. Keipawh hi sawichhuah chi miah lo ka ngah mai…hahaha. I comment pawh a ngaihnawm khawp mai…
Kei, Pakistan pa ngeiin lo doosra sela slip leh gully inkara ball tlang phei dawt dawt turin ka square cut chak a sin…mak an ti khawp ang! Ka hlau lo reng reng. Ka theih i ring em, Pu donald? hahaha Turu awm tiah tiah tiraw… Dravid-a pawhin ka pu min tih hial ka ring.
Ka chak ber thin chu fielding position han tihdanglam vel hi a nia. Tin, bowler han thlan kual velte. Vaiho zingah hian thu ber nih a har si a, chakawm ve mai mai thin…
Pu donald-a sawi ang khian India hian bowler tha kan mamawh thut thut. Vinay Kumar pawh kha a chhe miah lo. Pathana kha a tha dawn renga mahse batsman a ni tel tlat a, a pawi ta a ni.
Report this comment
October 5th, 2012 at 7:55 pm
Ignatia, i theih ka ring deuh roh tak tak… hihi. A bowler i study vak a nga, a kut atanga ball rawn chhuah dan i hriat chuan doosra nge offspin i hre thei dawn tlat a.. bowler read theih tlat chuan theih tur chu a ni. Mahse bowler kha a thluak ve viau sia nga, legstump line-ah hlir a pitch chuan cut thelh palh a pawi ngawt ang
doosra a nih bawk si chuan.
Nia, Irfan Pathan kha a rawn luh tirha a outswing han turu zia kha.. a pace a tha bawk si. Ka lo ui thin a a outswing consistent lutuk kha. Ball 2/3 kha chu swing lo turin cross-seam khan vawm sela, ball kha a angle lut ngei anga batsman khan outswing a lo expect sia nga, wicket lakna chance a nei zawk ang ka lo ti rilru nasa thei a sin aw
Zaheer thatna em em pawh hi, ani chu crossseam-a angle luh ngai kher lovin reverse swing hi a nei tha tlat a.. hei hian left-hander ho a chhaih buai thin khawp mai. Outswing 2/3 a’n vawm a, chutah reverse swing a’n vawm thut hi a tlang zawk mai thin a ni. Tendulkar meuh pawh hi inswing tha tak lakah hi chuan a talbuai ve thei khawpin ka hria. A stump hi a thlawk ngun ve khawp mai.
Report this comment
October 5th, 2012 at 10:12 pm
Autralis leh West Indies hi in en ve m…. ka chhungte pawh an trang khawp mai.Run 70 chuang a chak lo chuh hehehehe Sabash West Indies. Australis leh Pakistan chu leh hahahha
Report this comment
October 5th, 2012 at 10:16 pm
Chhingte, Pu donald khawnge in awm? A va nuam em!
Ka tan khauvel a parchhuak leh ta!
Australia dawl ZAWR angin an ZAWR e! Nuam hle mai a. Cricket khawvelah hian India chak lai a hmuhnawm ber a a dawtah Australia chak LO lai.
Pu donald i rilrua thil lo lang ka hria – ‘Dik lo taka tite chu awt hek suh’ tih kha a lo lang chiang mai.
Report this comment
October 5th, 2012 at 10:19 pm
Misual naupangte-in min lo tlawh a. Ka cricket en lai min lo tibuai alawm le. En ve turin ka sawm a, a en duh thak lo leh nghal. Nakinah live-in ka’n councelling ang e…hahahaha
Report this comment
October 5th, 2012 at 10:23 pm
hahahaaaaaaaa Ignatia i ti dik e. Kha lo pawh lo lang chu ‘an toh e’ tih hi
Report this comment
October 6th, 2012 at 8:03 am
Thiante u, nizan khan ka nu leh pa nen kan en a, an tang duh em em mai a. Ka u hi damdawiinah a riak a, tukin zing a lo haw chu ka lo hrilh a, ka nu in a lo han phone hmanhmawh a nih chu ka hria a lawm. An chawh chawi chawi khawp mai a ti. Ignatia, Donald hei ka post chu a liam hnu in kan la chai rei hle mai a. Thu bengvar thlak tak tak mai te min rawn fah a, ka va han lawm tak em. Vaivawm hi lo vul zel mawlh teh se
Report this comment
October 6th, 2012 at 6:15 pm
E khai Chhingte a nuam hle mai a. Mahse enteh hei, misual.com zinga senior ber – hawiher zau ve deuh tura ka ngaih hian week end chhungin dam chhunngkhawsak thil kan ngaihtuah dun a. Ka awmna a lo thlenin ka Cricket en lai a ni a, ka cricket en hun hlu tak chu a tana hlanin Gate-ah ka va lam a. Chuan ka awmna kan thlen veleh en ve rih turin ka tia zu han duh miah lova…
Eng tin tin emaw Kangaroo sawt thei lo – ke tliak lai : chalchang vel chu ka en zo ta hram a. Mahse ka room kan thlenin ka sawi zawm ta zel a. Mahse a ni chuan ‘Vaivawm chu mi duk dak lo ho en chi’ zu han ti a. Ka la hling chiang khawp ang, ka chhuah dawn lo reng reng. Cricket fans turu ber – savunhampuar nek thiam em em a la ni dawn alawm…hahaha
Pu donald Enge kan sawi tak ang le… Australia chak lo kha India lamin a lawmna twitter lamah an ziak nasa deuh a ni awm a, pawi lo khawp mai…
Report this comment
October 6th, 2012 at 11:02 pm
Cricket hi game hmuhnawm leh changkang ber a lo ni…….
Lo post zel rawh u. Dhak dhak go! India Go!….
Report this comment