Hmangaihnaah hian ka tuidul thu hi ka au chhuah pui ve vak ngai lo. Misualah ngat phei chuan ka ram fan chanchin fahrah te te leh vaivawm thelret bak rawn thawh chhuah pui ka nei lo tih in hriat kha. Mahse, tun chu ka thianpa aiawh in hei hmangaihna leh a zun a uai thu, inphiarrukna chanchin ka rawn chhim thal bekang puah pui ve dawn e. A chanchin min hrilh hi han ngaithla ve teh u….he thu ka ziah lai hian hmangaihna a tuidul em em misual hranghlui, Keimah Thingtlangpa kha ka hre chuak vang vang mai. Chemtatrawta te inti ril tawk daia thuk dai chanchin True Story based thawnthu a nih hi, a sei ti hlek suh.
Hmangaihna thangah ka awk :
Kum 2008 daih tawh khan India ram khawpui berah thiamna rawn luhchilh turin tleitir tuaite lo lut thla ve a. Chu Tleitiri chuan inkhawmnaah a u te a rawn zui thin in Kristian hla bu en in zakzum tak in a zai ve rat rat thrin. Kei ang Mihlim lam rui ngai thei lo, Marthi nun ngaisang tlat tu chuan naupang la ti deuh mah ila ka mit a la ta tlat mai.. Chu tih lai chuan tleirawl ria chum bat niin a kimtlang leh zeizia chuan kei, keimah vala rilru chhungril chu a zun in min aikaih ta. Hmangaihna thang, khawvela thang hlauhawm berah chuan ka awk a. Mipui mimir karah leh inkhawmnaah a zeizia chu ka thlithlai ru reng thrin a, min hneh ta tulh tulh mai a si. Keini ang nula lem thiam lo ta chu ka ip ngar ngar a, ka ip zo ta ngang lova, ka zeizia in ka duh a ni tih chu ka lan tir ve ta nge nge . Ani pawh naupang chhia a ni tawh bik lo, duh tu leh hmangaihtu chu a hai bik lo nasa. A zei ziaah a ni pawn min iai lo tih a rawn lan tir ve ta thuai a. Ka tan khawvel apar vul ve dawn ta. Ka rei leh…
Doctor sap ka tlawm e :
Hmangaihna ah hian hmelma hi a serh zinga mei ang a ni ve reng a. Chutia hlim leh beiseina sang tak nen a ka awm lai chuan nula pakhat a lo lang ta. Chu ka duhlai tleirawl rilru thianghlim, a hmel ang mai a rilru tha pu chu kuai herin, ka ngam lo tawnah min liam san ta. Aw engah nge Doctor ka lo zir ve loh le, ka ti vawng vawng a. Pawl sawm pakhat atanga tan that leh tak hi ka nap a. Thiamna lam ah chuan Bachelor level mai a ni na a,kei ang tlangval satliah,India khua leh tui nihna bak chhuan tur nei lo chuan ka buk kang zo lo. Tidamtu Doctor kha,ka tan tidamtu a tling zo ve ta lo. Keini ang sawi tur tinga lunglen chang a zu no lo dawm ve thin, hming bulah Tv. bak dah tur nei ve ta lo chuan cho loh val ka tawng ta.Eng dang vang a ni lo,pawl a duap luat vang mai a ni.
Thiante u, ka tling lo a ni e :
Beiseina kawl a lo eng leh Doctor pa pawhin a thinlungna a chu a tuam dam thei lo a niang chu an inthenni kawla lo eng ve ta reng mai a. Hun leh ni an her a, a thinlung chhung lalpa leh a tlangval lungdumtu ka nih zia chu a thup seng ta bik lo. Mipui mimir karah tukhaw hriat loh in mit mei a in man a,beiseina leh hlauhthawnna thlipuiin min nuai a kal dan ka thiam si lo. Mahse, a hma ang in min rawn hnaih hreh tawh si a. Kei ngei pawhin kal san tum in ka bei ngial thrin a, mahse ka thei si lo. Ka then leh rual tha zual ten kal turin min ti, ui luak hnu a kir leh tur chuan an thianpa hi min phal lul lova, tlawm thlakah an ngai. An hmai eng ka zah ve lo thei bawk silo.
Mahse, thiante pawh kan zah zo thlawt lo a ni e. Ka duhlai chu hmuhna tur remchang zawngin eng eng emaw thil tih pui tur in ka han sawm ta zauh zauh a, kohna aw nem a hai lo. min la hnual suat bik lo a ni maw… Thiante mitmei poh veng thei ka ni lo ka tui ral zo tawh a, ka puak keh mai dawn. Thiante u, in thianpa hi inthian pawh a ka tling lo zo ta lo. Dawl zawr a zawr sawiin min sawi mah se a pawi lo, hmangaihna tuipui hi a khauh em a, a tul chuan duh leh hnap ang nuai pawh ka ni mai ang e. A mitmei min beiseina mit hi ka tuar zo ngang lo a ni e. Amah Zikpuii pa khan thlasik ni eng mawi tak mai hi,’ tleitir sakhmel in a cho lo che’a tih kha ka tan awmzia a awm ve lo. He tleitiri sakhmel hi ka tan a mawi ber e.
A tlai zo ta:
Mahse, thil pakhat tihhmaih ka la nei a, chu chu a kilhna kan la kheng lut lo chiah a ni. Hmangaihna a leng dun zel tura invohbikna biahthu kan la inhlan hma in hmelma danga lo lang leh ta. He ka tan a mihring tenawm hi kan khawpuia lehkhazir tur a lo kal, tlangval baihvai ve tak mai, ka hnen a lo tlu lut ngei mai chuan min lo phiarru ta…Chu pa chuan ka room a rawn riah tum a, ka fiamthu titi leh ka thil dang tih te chu dawt muhlum nen a bawl phuan a, tleitiri hnenah chuan lo fah in kei chu ka lang leh ta.
Khumlai zawl titi te, mipa titi te lehzel nula chhai nan a lo hmang duh tlangval chuan ka tleitiri chu min laksak leh ta a ni. A… kei pawh hi ka thiam bik lo, engah nge sms cheng khat man pawh tling lova kha nula kha ka kilh beh theih laia ka lo kilh beh hman loh le. Sava tlawk lai te chu a duh duh in an perh ang, an perh thla hmasa sa ta tur a ni mai si a.
Hei nula hi in lo dem ngawt ang e. Dem lul suh ang che u. Ka duh lai, ka enchim loh tleitiri bahsamkiri hi chang lo mah ila ka dem phal lo. A nui hmel te hian min ti tuiral a, a tawngka chhuak hi keini ang zu no dawm ve zauh zauh thin tan pawh hian zu no khat aiin a mi tawha na zawk a sin. A zun val in ka phur zo lo.
Seat ka chang lo, ka haw mai tang e.
Engah nge a duha nih chuan ka chanchin tel kher lo in lo chhai ve mai sela a tha tur a nia. Chu nula chhai nan chuan in ka chanchin ngei mai. Ka chaklo na lai leh ka chhiatna ber chu hmangin kei chuan mawina reng reng ka nei ve zo ta lo. A lak chuan saruak, mawina leh thatna reng in bel lo ang ka ni ta… Mi a laia mi tlawm ve tak nih nak alaiin thiani te lane lama kal thina min lo chhuah hnu hian Pathian hmangaihna mit tang chauh lo chuan tu in nge min duh zo ta ang le…Rei an rial lo, an in kawp ta chat mai. Kei zawng tlangval tlawm tak ni mah ila nula zui duam duam tur khawp chuan ka tlawm ve thiam lo a ni e. Mahse, chu nula chuan a hmangaihna a lo pek tawh kei chu min la thlah lo ni hian ka hre tlat a. Mahse, kei pawh mi mimawl tak ni mah ni ila let tur khawp chuan ka a ka a duh bik tawh lo. A thiante hmanga a ngaihdam dilna pawh chu ka pawm thei lo. Lal tawngtaina “kan chunga thil ti sualtu te kan ngaidam angin kei ni pawh kan thil tih sual te ngaidam ang che” te chu ka la sawi ve zuah zuah thin sia..
Ka a leh tawh. Hui ha :
Hmm.. ka a ka a tawh dawn bik lo ka ti takna a, tlawmna nun chuan mihring a lo hneh thei niin. Kei ve tehlul heti em em a, min la nghak chu tiin rilru ka siam leh ta. Misual in an bum avang a ni e tiin ngaihdamna nen chuan ka pawm rem leh ta mai. A va mak dawn ve le. Mahse, hmangaiha a ni miau a. Aizawl lamah ka haw chhova, kan chhuk dun hun chuan engkim fel sa tawh tur angai in rilru pawh a nui ver ver mai. Mahse, kan nauva chu a lo che leh ta tlat mai le. Engah nge keimah min bei khera nula a chhai leh le aw… nula dang ka thian te nen melh ang in thu a lo fah leh ta… Chutah zet zawng a nula chungah pawh ka in sum zo tawh lo. Ka thin a rim tak zet, thil tlawmthlak lutukah ka ngai a. Chapona in ka thinlung a luah tawh. Ka tleirawl ngaihzawng, amah aia hmetha zawk leh mi lian zawk te ka thinlung chhungah ka ngai vawng a. Ka nun a dang ta, lunglen chang a zu in a, in ngaihtuah lungleng a thu leh hla khawvela cheng thin kha ka thinlung a kha ta. A rilru natna thei ang ber tur in msg dengkhawng tak tak ka thawn cham chi a….
Kumsul a vei leh hman trep a, a tlangval dawt sawi chu a hre chhuak leh ta. Thu in ngaihdam a rawn dil lo na a..ingaihtlawmna famkin nen ngaihdam min dil tih hai rual a ni lo. Kei lah in thu dengkhawng tak tak ka thawn te pawh haw ngam lo tu tlawmna nun chu ka pawm ve leh ta. Hetia ka han pawm ve leh theihna hi eng dang vanga a ni lo, kan chenho pui Pathian mi, rawngbawlnaah pawh Pathian in a hman tak in a hmeichhe lam tan palai hna a rawn thawh vanga ni.
A va mak awn awn ve le :
Hlim tak in kan in rem chho leh dawn a, kan pu a hian nupui pasal a in nei hial tur pawh in min duh ni in ka hmu. A dik tak chuan kha leh chen lo in chukha tawh kha Hmarchakawma thawnthu angin a bul tang atanga tan that a ngai leh ta. Amaherawchu, ka hringnun thawnthu hi a ngai te in a tluang lo leh ta, bul kan han tan chho leh tur chu midang an lo lang leh a. Tun tum chu hmeichhe lam anni ve thung. Ka ngaihtuah chian hian mak ka tih deuh mai chu hemi te pahnih hi ngaihzawng nei ve ve an ni. Kan inkawm nel lohna tur in thu chhe tin reng an vawrh darh a, keimah ngei poh min lo bual a a.. Tun ang khawvel ah hetiang thil an ti hi mak ka ti, an thil tih hi an tan hlawkna awm der si lo. Kan rap pelh leh ta nge nge a. Kan palai ngai Pathian mi chuan siam em leh min tum ngial a, mahse, nula dang pahnih te erawh chuan tan an la khawh ngar ngar a. Chu hmangaihna inhruipawhna karah chuan tu ikhaw hriat loh hian a ruk in ka lo hah ve em em reng mai a ni. Hun a liama kan palai chu a tih tur tizo in an khaw lamah a haw a tul ta si…inhruipawhna ah chuan kei chu chak lo zawk ah ka tang ta. A va mak awn awn ve le…
Hei erawh ka sawi duh. Hmangaihna nei ve ngai lo awm tlangval, lunglen hre ngai lo tur a tlang rin, sakhmelah thutak pai reng reng lo hmel pu mah ni ila, Hmangaihna tek in a den sil hnu val ka ni ve tlat. Hmangaihna tuipuiah mi tam tak te chuan a thiangte in hlimtakin lawngleng an kar dun a, mi tak tak chuan lawngleng a chuan pui tur zawngin an hleuh ngat ngat a, hleuh kai ve zo lo boral ta te pawh an awm. Kei pawh a hleuh kai ve thei lo zing ah ka tel ve ta, aw hmangaihna a in bumna thanga a awk zingah ka tel ve hi na ka ti, mahse a ngul nem deuh ah ka awk hlauh hi ka vannneih phah ta a ni e.
Hmm… kum 4 chhung hmangaihna up tawh, thinglung pan, hliam tuam tum a zu no leh tintanga hmanga lo enkawl tawh, dam thei lo, hnai la a nih khi…khi mah mah ka remkhawm thiam lo mah mah…
Similar Posts:
- Pui thei in awm em?
- Ka ar thai
- Bialnu te in atchilh tir dan – latest tactics
- What is Love? What does it mean to me?
- Valentine’s Day special
a tha khawp mai
October 9th, 2012 at 6:16 am
chiar dawn ila
Report this comment
October 9th, 2012 at 7:29 am
Tukchhuah nuam vek u le
Report this comment
October 9th, 2012 at 8:11 am
A mipa khian ‘remote control’ romance i nei emaw tih mai tur a nih khi! In inkara boruak dik lo a lo luh chiah khan hmai chhanah in sawi fel thei lo em ni? Chuti fakaua i duh leh amah pawhin a duh che nia a lan laiin in inkara in ‘communication’ kal vel dan hi mite tawngka leh report-ah in innghat vek emaw tih mai tur a nih hi!! Zahzum hun lovah i zakzum lutuk a ni lo maw? Nektu an han awm deuh hlek a, i arpa dawih zawk tlan chhiat zel te chuan hetiang hi a ni reng ang chu! (han ti ve zek teh ang! )
Report this comment
October 9th, 2012 at 8:22 am
Ngum sawh a na fe zawk o
Report this comment
October 9th, 2012 at 8:48 am
Hmanah tawh, nula pakhat, min hmangaih thu pawh sawi sawi chu, i kalna khuaah tho hian a chhuk a. A sakhaw mi bakah, a insawi rinawm tehreng nen, chumi hnu reiloteah chuan a reh ta hmak mai a. Ka hriat leh chuan Hindustan pel a kal theihna tur zawk chu ka lak a a tiam ang tho chuan, “Ka hmangaih che” alo ti ve leh ni ngei tur a ni… ngawi rengin min liamsan ta zal zal a nih kha.
Tunah erawh, chutih lai pawh a ka ngiahtuah phak loh chunglamin min pe hlauh a sin le. Chuvangin,koh kir theih loh thilah rilru ti hah lo khan, hun hian thil tha a herchhuah pui thei tih lo pawm hram ang che.
Report this comment
October 9th, 2012 at 10:12 am
A va tha dap dap em ve leh
Eng tin nge kum 4 chhung khan puak keh lova i inup theih te ka ti mai mai…
Report this comment
October 9th, 2012 at 10:23 am
Ka thianpa hi keipawh ka khawngaih khawp mai a, A ni lah hi he tiang a tuar tih hrelo hian kan lo ti duhdah ve em em ngawt a, khawngaihthlak awm tak a ni.
Report this comment
October 9th, 2012 at 10:40 am
Chhingte Vaivawm lampang a ni leh dawn emaw ka tia phur takin ka lo en asin le…
Kei chu NULA leh ZU lakah hi chuan BERAM NO ang mai ka ni, ka fihlim em! Sawi ve tur pawh ka nei lo…hahaha
Pu Vakula hian Exclusive Caoching Class pe ta che sela i hlawkpui viau ang…
Tak tak a nih chuan ka tuarpui lutuk che.
Report this comment
October 9th, 2012 at 10:44 am
Ekhai Ignatia, keimah ka nilo, Ka thianpa inbunruahna ka rawn luanliam pui a nih khi……Vaivawm ngaisang turin ka lo bei let dawn nia……… Engati nge maw ni khi ka ziah sual leh tawh. Chemtatrawta te in ti dai thuk tak daia thui tih tur a nih khi.Kan tar tawh a nih hi mawle…
Report this comment
October 9th, 2012 at 10:55 am
Chhiar a nuam
A mak awn awn tak hle mai
Report this comment
October 9th, 2012 at 11:03 am
Hmangaihna ka ziak i tih khan ka nui chhuak huk a mahse hei i ziak tha khawp mai a..tu chanchin tak niang maw? thiante doctor ho in chhiar se ka va ti e
Report this comment
October 9th, 2012 at 11:03 am
Va bei tha ang reng ve, ka thil tawn kan ziak ve thu khuh lem lovin ka ziak ve dawt dawn mawni chu le
.
Keini ang val lungmawl tawn atan a mawi lo khawp ziak ta ila mi thenkhat lo inti hre ve laklawh tawh in dot min tih sak anga, lo indahsang ve laklawh tawh si in an la na palh ang tih chu ka hlau ang reng ..hehehe .
Report this comment
October 9th, 2012 at 11:53 am
Mi in an lo sawina tih vel mai mai te chu hmaichhanah an sawi fel thei lo emaw ni le
Report this comment
October 9th, 2012 at 11:56 am
I ziak chhiar a nuam hle mai…Life Goes on….a hun lai hi chuan tawrh thiam hi a har thin em a sin….
Report this comment
October 9th, 2012 at 12:08 pm
I va hmangaih awm hlet hlet ve a, duh hun2 ah a nih thatpui leh mai2 vel che elo maw?
Report this comment
October 9th, 2012 at 12:36 pm
Report this comment
October 9th, 2012 at 12:55 pm
Ka thiante lah chuan Keimah emaw min tiziah a,ka thianpa hi a lo in up rei tawh lutuk a, khawngaih thlak ve khawp mai
Report this comment
October 9th, 2012 at 12:59 pm
Chhingte phat tum mah ta che… Kan tawn ngai loh ang pawh a ni loh hi. Engahmah ngai duh suh. A hunlai hi a awm ve a nia…thiante an puh daih ngai nem maw…
A reh veleh mai ang. Tunlai kan pawl tlakchhiatlai taka i lo auchhuahpui hi a inrem khawp mai, i tifuh bawk. 
Ka tuarpui lutuk che. Hmeichhia avanga ANCHHEDAAWNG khawvel tahna ram ni ta hi anmahni avang bawk hia a BELHCHHAH duh khawp asin…hahaha
Report this comment
October 9th, 2012 at 1:15 pm
A ngaihnawm hle mai tih ka’n comment nawn leh sak teh ang
Report this comment
October 9th, 2012 at 2:05 pm
Ka chhiar tui phian, Pu Chhingtea chu va khawngaihthlak ve aw
luangliam tha dap dap khawp mai, life goes on an tih kha, lungngaih tur a awmlo ania 
Report this comment
October 9th, 2012 at 2:19 pm
Ignatia a leh midang hian engah nge keimah emaw min tih tlat zel aw. Kei chu htiang ang a buaichuar hian ka in ham hnawk peih lo sim sim.
@Awmte, Ka thianpa chanchin hi ngaihnawm ve tak a nia, Comment nawn a phu in ka hria.
Report this comment
October 9th, 2012 at 3:31 pm
A thupui ‘Mawng sawh dawp dawp’ tih khi a inhmeh hle mai! An pahnih hnih hian an induh tak tak vak lo a ni mai awm mang e, ka ti. Midangin engemaw an sawi hleka peng mai thei hmeichhia, a mipa zawk lah duh viau nia insawi si, hnaihchilh tak tak ngam mang bawk si lo, an ang.
Report this comment
October 9th, 2012 at 4:01 pm
Chhingdailova chu chemtatrawta hnen atang self promotion i la zir deuh angai anih hi…i posts ah hian comments a tlem thei emai hihihi
Report this comment
October 9th, 2012 at 4:19 pm
Ka chhiar zo thak mai a.. Ziak thiam e, nang nge nge. I thil tawn chu a nih ka ring lo reng a
.. Nakin ah tiang lam hi i tawn hunah lo ziak leh rawh aw, ka U.. 
Report this comment
October 9th, 2012 at 4:22 pm
@Hlatekhua: thil hlui buaipui peih reng hi an awm thin ve reng a nih hmel hi mawle, nge ni anga an tum anga thil kal lo, kal luih tir tumna an la nei thin zawk emaw ni………kei chuan sawi ve ta ang i la 2006 ami daih ka sawi ang mawle….
Report this comment
October 9th, 2012 at 5:12 pm
a va khawngaihthlakin a va ziak sei si em! i thianpa chuan PhD thleng zir mai se a hming bulah Tv lo deuh te pawh a dah thei ang chu.
Report this comment
October 9th, 2012 at 5:56 pm
@hlatekhua ,ka thian pa ai hian ka nikhua bik ka ringlo ,
@zual ,chemtatrawta chu century a hlap chhuak tawh tlat a
@kiddo ,i u hian hei aia bawn hi thawnthu ka nei
@malsta ,kei chuan 2004 atanin sawi tur ka nei mawle
@ka pi duh,PhD lak a ngai tawh lo
Report this comment
October 9th, 2012 at 10:51 pm
Hmeichhia hi chu aw…
Report this comment
October 9th, 2012 at 10:55 pm
Chhingdailo, nangma chanchin a ni lo tih i sawi sek danah nangmah i ni chiang..!!
Zak mah ta che…
First love chu inban a har deuh a ni maw?
In la innei ve mai ang… 
Report this comment
October 10th, 2012 at 11:27 am
Post tupa chu chutiang tiang a mi tawh engtin nge i la hriat reng theih? theihnghilh daih rawh………
. A dang tha deuh i hmu mai ang.
Report this comment
October 10th, 2012 at 11:53 am
A rei ve leh ta deuh, kum 1983 chho vel kan rawlthar ve lai kha chuan thiante han puh kual kha kan ching ve khawp mai… rilru natna han sawi dawt kha a nawmlohna chin a awm tawh thin a…
Report this comment
October 10th, 2012 at 11:57 am
A thuizia sawi ngam miah lovin, ka chhiar chhuah vek chu le..
I dawhthei viau nangin, i chetdan erawh a pa lo deuh em aw?! lo ti ve ngawt ila hetiang lam ber kher hi chu thurawn pe chi pawh ka ni si lo..
Kei chu, ka duh tak tak ka la tawng lo pawh a ni mah na.., ka duh ve tih an hriat tawh hnua nula induh hi chu ka induh khum ve hmak zel. Nula dang an tam emmm mai…
Report this comment
October 10th, 2012 at 4:12 pm
@Malsta, 2004 a thil thleng kha nimin ang mai in ka la hria a sin, Mahse hmangaihna hi chu a mak a nih hi maw….Ignatia hi Vaivawm lamah pawh min khum a, hmangaihna lamah lehzel min khum a nih ngai chuan in aw…Mahming, he pa hi a tleirawl tirh chuan a luck ve lutuk an ti a, mahse tuna chuan awi sak har ka ti ve tho
Report this comment
October 10th, 2012 at 4:19 pm
@Chhingdailova: ‘Hmangaihna’ han tih mai hi mahni zawn theuh atanga an hrilhfiah ni mai thin, a tamtak zawk a hi chu mahni hmasialna lam a kawk mah tawh zawk in a lang lo ti ve ngot…………….NOI.
Report this comment
October 10th, 2012 at 4:24 pm
@ chhingdailova… A dik khawpin ka hria, la tawn ve loh ni mah se..
Ka unaupa pakhat pawh hi, tuna a nupui nen an inngaihzawn lai hian, an intitauhkhum changin nula dang a’n rim lawr dan dan a. A tawpah chuan a ngaite bawkah a let leh thin. Hei, kum nga chuang zet an innei ta a, chhangchhe tak chungin an inngeih ve phian tho!
Sawi leh ang, hmeichhe/nula duat hi ka duat ve zauh zauh tawh a, nuam ka ti. Tunlai phei chu mi bialnu (u anga min en
) te hi ka hruaichhuak zauh zauh a. An bialpa chungchang pawh min hrilh fo thin… 
Mahse, hmeichhe inlak thu tum over emaw, anni chauh nula kan duh an awm emaw inti tlat ho hi chu kalsan hmak a ni mai, kei chu.. 
Ngawi teh, i post hi a hrisel lo, bui chhe laih loh ka inpuang ringawt dawn a lawm le…
Report this comment
October 10th, 2012 at 5:57 pm
Mahminga,I chanchin chu dawn ziak vela …Panlai nun chauh hi icbuaipui a
Report this comment