Thuhma : Hmanlai khan Mizote hian Technical College lam hi kan bawh har em em a, a chhan ber ni a lang pawh kan mithiam hmasa te khan min sawi thaih vang te pawh kan ti thei ang. Mizo zinga Intermediate Science (I.Sc) tunlaia Class XII level passed hmasa ber Durra Chongthu khan 1925-ah Bengal Engineering College, Sibpur-ah Civil Engineer a zir a, IIyr a zir zo lovin a lo haw a. Mi te’n a zir zawh lohna chhan an zawh khan, “Uisa ei thluakin a tlin ve lo ve,” tiin a chhang thin ani awm e.
Chutiangin Medical lamah pawh Pu Aithulha khan 1927-ah Bengal Medical College-ah a kal tih kan hria a. Mitthi ruang a zai ngam loh avangin (Dawihzep vang aiin kan puithuna nen a inrem loh vang pawh a ni mai thei) a pamtul ve leh ta tih a ni a. Kan mitthiam hmasa te hetiang an nih avang hian technical lama kan mi hmasa te hnung rawn zui ngam hi kum 30 hnuah chauh a ni ta a.
Kum a lo liam zel a, zirna kan lo uar ve zel a, mithiam tam zawk an lo chhuak zel a. Tunah tak phei chuan thangthar zawk te hriat phak lohin an lo boral hlawm tawh bawk nen. Kan historian thenkhatte’n “Encyclopedia” an siamah pawh technical lam chu ‘hmaih’ a lo ni bawk nen hei kan han thar thawh leh a ni a, a dik lo a awm pawhin kan in fin chhuah zel dawn nia.
A hmasa berin Engineering lam lo tar lang ila :-
Legend : CE = Civil Engineering, MEC = Mechanical Engineering, EEE = Electrical & Electronics Engineering, AEC = Assam Engineering College, IIT = Indian Institute of Technology, JEC = Jorhat Engineering College, BEC = Bengal Engineering College, JGEC= Jalpaiguri Govt. Engineering College, REC = Regional Engineering College, TEC = Tripura Engineering College, PWD=Public Works Department, PHE=Public Health Engineering Department, P&ED=Power & Electricity Department, GOM=Government of Mizoram.
Sl.No. Name Branch Batch Working in
1 Er.Robula CE 1960 “AEC, Guwahati” PWD GOM
2 Er.K.Thangzualla CE 1960 “AEC, Guwahati” PWD GOM
3 Er.Dunglena CE 1961 “AEC, Guwahati” PWD GOM
4 Er.Lalrengpuia CE 1962 “AEC, Guwahati” UK
5 Er.Zothankhuma CE 1963 “IIT, Kharagpur” UK
6 Er.Thanhnuna MEC 1964 “IIT, Madras” Ind Dept.GOM
7 Er.Lalbiakzuala CE 1964 “AEC, Guwahati” PWD GOM
8 Er.C.Thanseia CE 1964 “AEC, Guwahati” Poly GOM
9 Er.V.Lalsiama CE 1964 “AEC, Guwahati” PWD GOM
10 Er.Clement Lalrema CE 1965 “AEC, Guwahati” PHED GOM
11 Er.Lalrinawma Ralte MEC 1966 “AEC, Guwahati” PWD GOM
12 Er.P.Lalchhunga CE 1966 “AEC, Guwahati” PWD GOM
13 Er.Ramhluna Khiangte CE 1970 “AEC, Guwahati” PWD GOM
14 Er.Lalrokima Lianhna CE 1970 “JEC,Jorhat” PWD GOM
15 Er.M.Dawngliana CE 1972 “JEC,Jorhat” PHED GOM
16 Er.Liansanga CE 1973 “AEC, Guwahati” PWD GOM
17 Er.Rophira CE 1973 “AEC, Guwahati” PWD GOM
18 Er.Satinmana CE 1973 “AEC, Guwahati” PWD GOM
19 Er.Lalrintluanga CE 1976 Inst. of Engineers PWD GOM
20 Er.C.LThangliana EEE 1978 “AEC, Guwahati” P&ED GOM
21 Er.Zohmingliana MEC 1979 “BEC, Sibpur” PWD GOM
22 Er.Liannghinglova Pachuau EEE 1979 “AEC, Guwahati” P&ED GOM
23 Er.Lianchungnunga CE 1980 “BEC, Sibpur” PWD GOM
24 Er.R.Vanlalhruaia EEE 1980 “AEC, Guwahati” P&ED GOM
25 Er.Lalnunmawia Sailo EEE 1980 “AEC, Guwahati” P&ED GOM
26 Er.Darhmingthanga CE 1981 “JGEC, Jalpaiguri” PWD GOM
27 Er.John Rammmawia CE 1981 “IIT, Delhi.” PWD GOM
28 Er.Lalbiakthanga Sellai MEC 1981 “JGEC, Jalpaiguri” PWD GOM
29 Er.R.Lalfanliana CE 1982 “AEC, Guwahati” PHED GOM
30 Er.Vanlalduhsaka CE 1982 “TEC, Agartala” PWD GOM
31 Er.V.L.Khuma CE 1982 “TEC, Agartala” PWD GOM
32 Er.F.Rualzakhuma EEE 1982 “TEC, Agartala” P&ED GOM
33 Er.R.Vanlaltluanga CE 1983 “AEC, Guwahati” PWD GOM
34 Er.Lalramliana EEE 1983 “AEC, Guwahati” P&ED GOM
35 Er.Valbuanga CE 1983 “JEC,Jorhat” PHED GOM
36 Er.C.Lalrinawma CE 1983 “JGEC, Jalpaiguri” PWD GOM
37 Er.Lalhmingliana EEE 1983 “REC, Durgapur.” P&ED GOM
38 Er.V.Rodingliana EEE 1983 “REC, Durgapur.” P&ED GOM
39 Er.Zosangliana EEE 1983 “REC, Durgapur.” P&ED GOM
40 Er.R.Lalrema EEE 1983 “JGEC, Jalpaiguri” P&ED GOM
41 Er.Lalchharliana Pachuau EEE 1983 “JU, Culcutta” P&ED GOM
42 Er.R.L.Dawngliana MEC 1983 “JU, Culcutta” PHED GOM
43 Er.Vanllallianzuala MEC 1983 “AEC, Guwahati” PHED GOM
44 Er.C.Lianlunga EEE 1983 “JEC, Jorhat” P&ED GOM
45 Er.Kamkhokam Guite CE 1983 “JEC, Jorhat” P&ED GOM
46 Er.Lalduhzuala Sailo EEE 1983 “JGEC, Jalpaiguri” P&ED GOM
47 Er.S.Chawhmo CE 1983 “JGEC, Jalpaiguri” PWD GOM
48 Er.Lalmuankima Henry CE 1984 “GECollege, Goa” PWD GOM
49 Er.K.Lalsawmvela CE 1984 “AEC, Guwahati” PWD GOM
50 Er.Vanlalrema EEE 1984 “AEC, Guwahati” P&ED GOM
51 Er.Jolly Newman EEE 1984 “JU, Culcutta” P&ED GOM
52 Er.Laluapliana EEE 1984 “TEC, Agartala” P&ED GOM
53 Er.David C. Zahmuaka EEE 1984 “JEC, Jorhat” P&ED GOM
54 Er.C.Lalrintluanga CE 1984 “JEC,Jorhat” PWD GOM
55 Er.Lalhmingliana Chongthu CE 1984 “JEC, Jorhat” PWD GOM
P.S : 1984 hnu lam hi buatsaih mek a ni.
[Source : Kaihruaitu ‘Career Guide’ by All Mizo Technical Students’ Union (AMTSU) 1984]
Similar Posts:
- Mizo Technical Graduate te (Agri. lam)
- MBBS College Thenkhat Part II
- Kan eye bank hi a hmasa ber lo!
- State quota a Engineering zir tum te tan
- Facebook lama ka school hlui group a ka hmuh ve mai.
October 11th, 2012 at 7:06 pm
Ka edit laiin edit a phal tawh lova, mak ka ti raps ! Mahse published a lo inti daih a
Report this comment
October 11th, 2012 at 7:09 pm
Hemi zawh hian Architecture lam kan rawn hrut ang.
Report this comment
October 11th, 2012 at 7:15 pm
i post hi a tha lutuk a,an publish hmanhmawh anih dawn chu…
Report this comment
October 11th, 2012 at 7:15 pm
BVT
Report this comment
October 11th, 2012 at 7:31 pm
lushai_er nge nge, thil hi a hre zau asin.
Report this comment
October 11th, 2012 at 7:33 pm
A tha hle mai.
Report this comment
October 11th, 2012 at 7:44 pm
Thuchhuah ṭha leh bengvarthlak tak a ni e. hairehai
Report this comment
October 11th, 2012 at 7:45 pm
#5 Mr. Bond : In bawl awih loh auh !
Mizoram Encyclopedia by Pu B.Lalthangliana kha in keu chuan Technical Graduate-ho kha a hmaih a, rilru a lo na ve det a…….! Chuvangin ka collect tha ve leh a ni, a next edition-ah chuan misual.com pawh hi source atan a hmang thei tawh ang chu. Mahse hmaih kan nei em aw tih hi a ni zawk a.
#6 Ku_Shai : Agri lam pawh kan la rawn huam dawn…Pu Vanthuama hi Pu Lalkunga nen tunge hmasa ka lo chian leh phawt ang.
Report this comment
October 11th, 2012 at 7:47 pm
#7 , @H.V : IIT-a lut hmasa nih te kha tunlai thangtharte hian kan in chuh ta mai mai a, khi list-ah khian a chiang viau a ni lawm ni. Mahse IIT Graduate hi an tlem khawp mai.
Report this comment
October 11th, 2012 at 8:18 pm
Mizoram Encyclopedia te chu ka lo hre ve reng reng hlei nem. Nei pawh ni ila ka chhiar peih pek lovang. Library ka kal hnuhnung berna pawh concert vang ani, book lam ani lo. Wikipedia bak hi chu ka keu ta mang lo ani ber e.
Report this comment
October 11th, 2012 at 8:34 pm
Kum 1984a siam…a rei tawh hle mai… Mual min liamsan pawh an tam tawh anih hi….
Report this comment
October 11th, 2012 at 8:35 pm
He post chu ka tan tak hian a va’n hlu zual em aw. Ka lo save ange.
Tunah hian AMTSU General Secretary ka ni ve mek a, hetianga document felfai thlap han hmuh chu a hlimawmin a va hlu em. Kan lo file hnan thlap ange.
Report this comment
October 11th, 2012 at 8:38 pm
Khawnge Lushai_er nangmah hi ? ka va hmu ve lo e…
Mzvision chu a lang hma hle mai..,, 
Report this comment
October 11th, 2012 at 8:58 pm
A bengvarthlak bakah record tha tak a nih hi. Amah lushai_er thleng ngeia update hun lo nghak fan fan ila.
Ka lo hriat ngai loh, tuna P&E Deptt E-in-C, Pu CL Thangliana (tennis-a ka sawp thin
) leh Pu Pachuau-a (Liannghinglova) hi kum khat chauha inthlau an lo ni reng a. Promotion-ah an indang(?) rei ve viau tawh a lo nih hi.
Report this comment
October 11th, 2012 at 9:11 pm
1983 khan Mizo engineer zir chhuak thar 15 lai kan lo nei reng mai. 1980-ah pathum, 1981-ah pathum, 1982-ah pali; 1983 hian 15-ah an pung chho dawrh a, eng vang nge ni ang le?
Report this comment
October 11th, 2012 at 9:11 pm
#13, @Puii : Min la hmu ve mai ang, no hurry, no worry
#14, @htk: ‘Son of the Soil’ zingah i tel ve a ni maw
Report this comment
October 11th, 2012 at 9:21 pm
#12, @CFL : ‘Career Guide’ hi pdf in siam kan tum ang a, ka rawn email ang che. Mahse muangmarin aw..!
Report this comment
October 11th, 2012 at 9:26 pm
Post tha hle mai
Report this comment
October 11th, 2012 at 9:27 pm
Rin aiin engineer an lo va la tlem ve?
.
An pay scale hi hriat chakawm ang reng,an hausa duh an tih hi dik angem le, an hausa viau hlawm mai ngah, ngaihtuahna ti thui…………NOI.
Report this comment
October 11th, 2012 at 9:27 pm
#17, @ Pu lushai_er, a lawmawm khawp ang.
Report this comment
October 11th, 2012 at 9:33 pm
A va informative ve.
MAHSE thil hlui ngaisang ta reng reng hian a thil sawi uar tum hi a fuh lo deuh thin ang tih ka hlau khawp mai! Comment number 9naa ziak khi a dik lo hauh lo. Thil dik lutuk a ni. Mahse thangtharte chona lam aiin an rilru tihel tur ang zawngin kan thusawi duhzawng hi a kal ang tih a hlauhawm thin!
IIT Kharagpur hi 1951ah din a ni a. Bombayah kum 1958ah, a bak – Madras, Kanpur hi kum 1959ah din a ni a. Tin, Delhi hi kum 1961 khan.
A din kum atanga rei tak chhung chi institution tha tak a ni hauh lo. Banarus Hindu University, Veermata Jijabai Technological Institute (VJTI) leh Roorkee lama engineering college-te khan a hliahkhuh hneh khawp mai. Mi tamtak kal duhna a ni nghal mai hauh lo.
Kum 1961 kum atanga an entrance siam Common Entrance Exams pawh kha a turu lem lo khawp mai!
Mahse hun a lo ral zel a. Institute of National Importance ni ta na na na chu Sorlar laipuiin a lo ngaihven a, a lo thang tha ta deuh deuh a ni. Chuan luh theih dan pawh a KHIRH TULH TULH ta a…
Tun hnaia IIT inziak tling thei mizote phei chu TURU tak an ni. Kumin khan inziak tling pathum kan nei a, lawmpuiawm lutuk a ni. Ngaihsan tur hi mizote hian kan hrelo thin a chanchinbu velah an tilang tam lo mai mai a nih kha. A tling zinga a titha ber phei chuan admission tih hun a hai avangin a luh loh phah lehnghal a, pawi tak tak a ni!
Report this comment
October 11th, 2012 at 10:00 pm
IIT chungchangah hian inhnialna tam tak a awm fo tawh a, hmanlai anih vanga sawi nep ngawt leh tunlai anih vanga sawi ropui vak pawh ani lo. Ka vaw hot vak hman lo a nia
A awmzia-ah chuan hmanlai mi taima leh hlawhtling chuan chemkom chauh hmang pawhin tunlai Mcom ho ai chuan buh leh bal an thlo chhuak nasa zawk
Technical tawng takin Hoover Dam an khuah te khan CAD an hmang chuang lo ! Drafter hmangin blue print kha an tan chuan a tawk em em a ni.
Tunlai chuan 3D animation, simulation tih vel kha Taj Mahal satute khan an hmang lem lo! Tuboh ri awm lo pawn Temple an lo sa tawh a….! Mihring a zir a ni e.
Report this comment
October 11th, 2012 at 10:39 pm
A din tirhah IIT hi a tha lo a ni tih hi tuman an sawibuai ngai lo. Tunlaiah an fak lutuk hi an sawibuai pawh a ni thei, mahse a bul tannaah a institution tha a ni lo tih hi tumahin an pha lo. India President leh HRD minister pawh hian sawichhuah an ching khawp mai!
Taj Mahal sak hi a hunlai ngaihtuahin a turu ka ti khawp mai. Mahse tun ang hunah hian khitianga hman tur sailungvar awm ta se, tin hnam inzawmkham tana thil hlu leh pawimawh tak ni bawk ta sela. Tunlaia engineerte hian a aia mawi leh turu zawkin an sa thei fe zawk ang. A hunlai milin kan ngaisang thei mahse a nazawnga hmanlai tluk lo deuh ang zawnga thil sawi fo hi ATTITUDE dik lo tak a ni ngei ang.
Chanchin hlui hi kan chhui emaw kan zir emaw kan ngaisang emaw pawh a ni mai thei. Mahse a motive chu eng tiang zawngin kan tunlai hun atan a tangkai? Min tanpui? Entiang takin nge thangtharte a fuih? A pawimawhna? tih lam zawk hi ngaihtuah fo ila a tha ber mai. A nih loh chuan mi tlaltlai lo ber kan ni mai ang!
Tuboh ri miah lova temple sak mai mai… physical contact pawh siam miah lovin conductor pawh ni hauh lovah electron miin an inumtir zut zut alawm le…
Report this comment
October 11th, 2012 at 11:01 pm
Temple sak zawh tawhah chuan ri miah lovin Puithiam leh beramte pawh an tawngtai fo mai !
Hadron Collider te hi mi te hian ri lovin an lo sa teh reng emaw ni le
Report this comment
October 11th, 2012 at 11:07 pm
Chanchin hlui kan sawiin thangthar pawr deuh deuh te hian min hnial fo mai ! Sakei te hi a awm ta lo va, Pasaltha leh huaisen te hlutna a nep ta tawlh tawlh mai ! Mahse a hunlai a mite thlamuantu ber kha an ni tih theihnghilh loh a tha awm e.
WWII zawh lam khan Gen. Patton khan next WW-ah chuan sipai chakna aiin atom bomb chakna an hmang tawh ang a, War Hero an awm tawh lovang a tih ang deuh te kha a thleng dik dawn khawpin ka hria.
Report this comment
October 11th, 2012 at 11:10 pm
Ri miah lovin an sa tih lai tak khi a mak khawp mai. Lo la post hial teh a. Sound (ri) kan tih hi boruak che avanga lo awm a ni a. Chutiang ang system chu an lo siam ve pawh a ni mahna. Thil har a ni lem lovang. A concept a ho em mai!
A letling zawngin kan KHAIKHIN zawk dawn EMAW NI LE!
Hmanlai ami tuemaw thi tawh lo tho leh sela. TV hi lo thlir ve bawk ta sela. Chuan Cricket hi a lIVE ngeiin lo thlir tir ta ila. Mahse ani chuan VanlalKohli-a ball hlap lai kha boruakah an lo thlawk anga TV chhungah a lut emaw a ti ngei ngei ang…
Report this comment
October 11th, 2012 at 11:17 pm
Hehe Patlingin thutak hlatak ka lo sawi emaw ka tia thangtharin a lo hnial zawk che a ni maw…
I man dawn! A hunlai milin engkim hi a lo turu vek. Mahse Science leh technology ang zawng ngat phei chuan hmanlai chuan tunlai hi a tluk lo vaih vaih khawp mai tih hi kan pawm dan ni se la a pawi lem lovang!
Mizoramah pawh hian department tin – PWD, Electric, Education, ldt., ah hian mi hlui ho hi thlawn vek sela. Thangthar mi thiam zawk hi chhawr ila kan tihfuh ka ring JOKES mai mai thin!
Mi thiam an tam tawh a nia. Hmanlai angin hna tau hi a tet thei tawh loa hna an hmu lo mai mai a ni. Hmanlai ho hian an tluk lo em mai.
Thirban Engineerte leh Alkatra Engineer ho phei chu thangtharte hian thlak vat vat se ka ti a nia…
Report this comment
October 11th, 2012 at 11:49 pm
“OLD IS GOLD”
Experience la nei lo, hlauhawm leh awm loh pawh hre lo, tawngpawng basa ngam, Arkhawthimdai bawrh bawrh mai ho – chungleng savate, Fulia fate hi a veh nuam nuam leh a man awl awl an ni a, thangkam te hian an awk tha duh a sin aw……
Report this comment
October 12th, 2012 at 12:55 am
“Every generation imagines itself to be more intelligent than the one that went before it, and wiser than the one that comes after it.”
Khitih hunlaia zir nachang an lo hre tawh khi an advance riau in ka hria. Tunlai thlenga engineering zirdan kawng la hre lo zirlai leh nu leh pa an la tam tehreng nen an harh hma a an vannei khawp mai.
Thangthar zawkte hi chu kan vannei ta em mai a, IT khawvelah cuan kan zirlai lamah pawh awlsam taka thil hmuh zung zung te a lo awl tawh a, kan mi hmasate effort chanve vel pe in an hriat zat chu a hriat theih deuh tawh hial maithei a ni. Chutih rual chuan saphovin ‘standing on the shoulders of giants’ an tih ang deuh khan kan mi hmasate zar kan zona pawh a tam ve tho ang chu.
Mi hmasa nih a tha a, an ngaihsanawm. Mi ropui kan tehna erawh an hmasak vang ni lovin an contribution ah ni zel se…
Report this comment
October 12th, 2012 at 9:28 am
Post BVT
An chhuanawm teh e
Report this comment
October 12th, 2012 at 9:40 am
Post hlu tak a ni e…
# 29…
Report this comment
October 12th, 2012 at 11:35 am
OLD IS SOLD…
Mahni awmna khua leh tui-a mi ngaihsanawm leh fak tlak ngai buaipui lovin hmunndang daih ami – khawdang, ramdang ami buaipuiin ka phi ruai ang tih hi ka hlau mai mai thin.
Hriatchian lo ngaihsan hi thil awl lutuk mai a ni si a.
Report this comment
October 12th, 2012 at 12:05 pm
lushai_er @8. BSc(Agri) chu Pu H Vanthuama (f/o Maisek) in 1953-ah, Assam Agriculture College, Jorhat atangin a pass chhuak a. Mizo zing a a hmasa ber a ni. Pu RC Lalkunga hian 1958-ah, hemi College atang tho hian a chhuak. Pass chhuah dan indawt ah Serial no 5 naah a awm.
MSc(Agri) chu Pu RC Lalkunga hian 1969-ah (serial 2 a awm in)a pass chhuak a, Pu H Vanthuama hian 1971-ah (serial no 4 a awm in) a pass chhuak thung. (Source: Tuantul by C Lalniliana. Published by Dte of Agriculture, Mizoram. 2012)
Report this comment
October 12th, 2012 at 12:16 pm
Agri lam chu ava in ti hre e ka chung ami khian
Report this comment
October 12th, 2012 at 12:53 pm
Ka chung ami, ka risk a…
Report this comment
October 12th, 2012 at 12:56 pm
Thil 1 …..
Lots of applications/competition for seats nowadays but lots of seats nowadays as compared to yesteryears also…so which one would be tougher?
Report this comment
October 12th, 2012 at 1:21 pm
ka ngaihdan chuan, nowadays will be tougher…
Report this comment
October 12th, 2012 at 2:53 pm
Mizoram ah kan mamawh ber, Civil Engineering- kawng leh building sa tur ber te zirna kan nei lo hi a pawi khawp mai.
NIT Mizoram Department ah pawh a tel lo- https://www.nitmz.ac.in/
Mizoram University ah pawh a tello-
https://mzu.edu.in/schools/engi.....ology.html
Mizoram mamawh Civil Engineering lam zirna te hi Zirlai pawl te hian nawr deuh se kan tangkai pui ngei a rinawm, Engineer kan neih tam deuh chuan, hma kan sawn ang a, thawk tha lo inthlak pawh a awlsam zawk ngei ang.
Report this comment
October 12th, 2012 at 10:30 pm
Post bengvarthlak tak a ni.
Hmanlaia mite kha a thiam tak tak chu an lo thiam a ni. A awm ve tho mai, a chhan chu a thiamthei fal tak tak bak khan zirna sang an pan ngai mang tlat lo atin ni. JF Laldailova kha pawl 8 chiah a pass, mahse a hnu-a MA (English) zingah ngei ngei pawh English chungchangah zawhna zawt an awm leh nawlh nawlh thin. Chutiang bawk chuan Pu C. Rokhuma te hi pawl 5 chiah a pass; mahse a thil hmuhchhuah thlangdar thahna hlo RK Mixture chu zir chiang turin Bsc (Agri) zir Nagaland-a mite chuan an rawn pan leh tho a ni. Pu A. Sawihlira te pawh kha an lo thiam awm ka ti alawm maw le. Assam hnuaia kan awm lai khan Pawl 10-ah khan 4-na (?) a ni pha hial a, khami tuma a sawi an tih kha Pakhatna khan a thiam awm hle mai, zawhna rawn chhuakho kha a awmna page nen lam khan ka hre vek thei a nia, Bengali pa kha a lo thiam awm hle mai a ti e an tih pek kha maw! Brigadier pawh han thleng pha hi chu kan mi hmasa Brig. Thenphunga Sailo leh Brig. Lalkunga te kha a ni deuh mai ka hriat ve chu, thangtharte zingah hian han thleng pha hi kan awm ta lo nge sawi ka hre ngai lo. Dr LN Tluanga te pawh kha a record chu a pui ve viau a ni lo’m ni? Hmanlaia khitiang zirna thaa an lo kal thei te khi an fakawm ka ti. BA pass te reng mai kha an ngaisang mai, an hming tawpah pawh BA tihte dah an chin phah hial a nih kha. Kan mi hmasate pawh khi an hming bulah khian Er an dah deuh zel chu a nih hi maw.
Report this comment
October 13th, 2012 at 11:15 am
Post bengvar thlak tak a ni, chuan Comment a inhnial na hi ngaihnawm ka ti zaw phian mai. Mi hmasa te kawng sial sa ah kei ni ho hian hma kan la chho ve chauh a nia, chu vangin an hunlai nen chuan tehkhin theih thil hi a tam vak tawh lo ang. Mi hmasa ho zirna lama hrehawm an tawrhna tam tak kha thangthar te hi chuan tuar thei lo tur chu an tam ngawt ang. Tihtak emah chuan kan nihna dik tak “Chinki” in tih ringawt pawh kan huat zia hi, khang lai Upa zawk te sawi hmangin Mizo chu ui ek pu tluk ah pawh min ngai hlei nem. “Mizo leh ui chu thui, thui” an ti mai kha a nia
Sumdawnna lamah lo kuai lut ve lawk i la, ngatinge NE India ah hian Mizoram chiah hi Marwari sumdawng ho in nghet taka bu an khuar lohna a nih na chhan tih ah hian tunhma kan sumdawng hmasa te Pu Pachhunga, Pu Mana, Pu Buangthanga, Pu Hrangbana, Pu Hauva etc etc te khan contribution thui tak an lo nei ve ah a ngaih theih sin, kan sumdawng hmasa te khan thui tak hnam dangin min chimral loh nan kawng an lo sial ve tlat a ni. Khang hunlai a sumdawnna leh tunlai sumdawnna chu in ang lo lutuk tlat tawh. Ka pa sawi hmangin Silchar leh Aizawl in kar hi ni 7 chhung te bungraw la turin hun an hmang thin a, kawng la tha bawk si lo, rambuai karah vai sipai hlauh nen, hnamdang hmuhsitna karah chaw mumal ei tur awm loin JEEP secondhand tawng tawh lampang in nunna thap in dawr bungrua an zuk la thin kha a nia. Khatih hunlai khan Guwahati a bungraw zuk lak phei chu thil khirh khan lutuk a ni, tunlaiin Transportation tha leh Private Courrier ang te hi la awm ve si lo, mahni ngat zela zuk lak ngai kha a ni thin a, Jowai velah khuan sakei, sai in a lo um thin tih an sawi te hi hriat tur a tam.
Engineering line ah pawh Er hmasa te khan an zirna kawng bumboh leh chhuk chho tak an paltlang sawi tur an ngah khawpin ka ring, tunlai mi hi khatih hun lai khan piang ni ve ta se, tunhma mi in an tih theih tam tak tih theih lo an neih ka ring. Lekhazir ngawr ngawt ringawt kha a ni lo a, zirna phena hrehawmna an tawrh chunga an zir chhuahna kha a ngaihsan awm ka ti lutuk. Hmanlai Er hmasa te kawng sial sa ah tunlai Er tuai thar te hi chu faisa ringin an rawn zir chhuak ah ka ngai deuh roh tlat a nih chu mawle. Chutiang bawkin hmanlai mi te hi tunlai ah lo piang ni ta se, an hnufum bikna chhan tur a awm pawh in ka hre lo a. Er hmasa te Mizoram ramhnuai mai mai an phak ang tawk a Zoram hmelhmang an rawn ti dang lam hi an ngaihsan awm e. Salute pek tlak hial an ni.
Thiamna lamah chuan a hun lai mil zela zir thiam tur chi zir thiam kha a pawimawh chu a ni ber.
Report this comment
October 13th, 2012 at 12:40 pm
#32 : Mahni hriatchian loh ngaihsan hi i hrat hmel ka ti
In khaw lama ngaihsan awm deuh te rawn post ve thin la a tha ang 
Er.Robula te, Er.V.L.Siama te hi LIVE-in ka hmu ve hman a ka lawm khawp mai! Er.Thangzualla hi a la fit khawp mai, mahse a pension hnuah politics-a a lut daih hi a experience kha uihawm ka ti thin. Er.Dunglena hi a pension hnu pawhin a profession a la vuan reng a, a ngaihsanawm khawp mai. Rainwater harvesting-ah phei chuan India ramah mi challang a tling. Pollution Board lamah hian a thawk em ka hre zui lo, Consultancy erawh a la ti rengin ka hria.
Er.Ramhluna Khiangte hi AEC-ah GOLD MEDALIST a ni a, Mizoramah Structural Engineering lama hmahruaitu a ni. Building Construction-ah nasa takin Mizoramin hma kan sawn phah a ni. A hnuaiah hian Lengpui Airport tha taka siam zawh a ni.
Sl.No. 4-na Er.Lalrengpuia & Sl.No.5-na Er. Zothankhuma te hi UK lamah hna an thawh daih avangin an chanchin Zofaten kan hre em em lo (Ka collect mek)! Er.Zothankhuma hi Pu Khawtinkhuma fapa a ni a, Structural Engineer thiam tak a ni a, a chanchin hi ka la rawn post ang.
Hranghlui leh zual Pu Thanseia (Rev. Zairema U) te, Pu Lalzuia te kha an hunlai hmuh ve ka chak thin. An zirlai te midang hnen a ui miah lova zirtir chhawng thin mi an ni a, an hunlai hian Zoram khawvel hi an revolutionised ve chiang a ni.
@Maawma : Kan old Timers-te hi calculator pawh hmang ngai lo te an ni a, mahse slide rule & tables hmanah chuan an mit a chak khawp mai. Figure calculation-ah phei chuan calculator hmang chung pawhin kan aiin an rang emaw tih tur a ni. Thangtharte hian computer nen pawh han ti viau thin mah ila a basics & fundamentals te hi a danglam chuang love.
Report this comment
October 13th, 2012 at 1:21 pm
@maawma : Sumdawnna lam i sawi lang zauh va, ka rilru a riak reng chu engati nge Sangha hi vai ho lak atang hian kan la khar chhawn reng ? Cold Storage siam awm se DG-Set backup nei se, Sangha hi Vishakapatnam atang hian direct-in Store ve se tih te hi kan ngaihtuah em ? te ka ti ve mai mai thin.
Chutiangin kan serthlum a hmin leh dawn, Chhingchhip-ah Cold Storage an hawng thar an ti a, Silchar lam ho lei zawh tir ai chuan kan cold storage a leng tawk chu kan store ve dawn lawm ni ? Thla 2/3 hnuah a let 3 a to te khan min lei tir leh awm si a!
Report this comment
October 13th, 2012 at 1:42 pm
#41: He forumah hian thil hlui i lo RECITE mawlh mawlh thin a. Hriatchian loh leh mita hmuh ngai loh ngaisangtu tur chu a hriat KHOF mai!
We don’t see people as they are but as WE are tih kha lo hre ve nial nual MAI TEH!
I man dawn a ang hle mai… ENg hmun leh hunah pawh ni rawh se harsatna mihring hian kan tawk ve chu chu relative takin a inang lo mai thin a ni. Zirna tur pawisa nei lovin harsa taka a sual chhuah dan leh EI RU fa-in pawisa nei tak chunga harsa taka a sual chhuah(nu leh pa diklohna hi fate-ah a nghawng thin!) dan hi a NGAIHNAWM VE VE e!
Mizorama kan mi hmasate kha an fakawm thlawt. An chanchin ziakna pawh hi nangmah ang chiah a ngaihven thin ka ni. Material pawh ka ngah ve khawp mai…
Mizorama kan mi hmasate hi peng hrang hrangin a then theih anga. CHung zingah chuan peng pahnihte hi ka lawm vak lem lo. Pahnih zinga pakhat chu tuna i sawi lan hote hi an ni. A bikin Thirban leh Alkatra Engineer ho hi an lehkha zir lai vel awm ang lo chu hriat belh ka chak lem lo KHOF mai… Ka ti tak tak ka zep miah lo.
Old timer ho calculator hmang lova belh, paih leh puntir an chawk tih mai mai a ho em mai a… Naupang kum 12 pawh tling miah chutiang tithei chu an tam mai mai em mai! Rang pawh an rang daih JOKES ang..hahahaha
Terema khian kan mi hlui Mathematics leh Science thiam, ka hriatchian em em te a lo tarlang a. Kan tan hmun atang hian han siksawi kual ka chak viau a mahse ka’n ti lo mai ang e.
Kan khaw lama mi ropuite ka lo POST ve chuan i hawi hai lutuk ang. CHu ai chuan ri miah lova temple sak post chu lo thehlut thuai thuai la a nih mai chu a…
Report this comment
October 13th, 2012 at 1:58 pm
Engineer chungchanga ka vei ve mai2 chu, an hausa(eiruk vang) duh tih kalkawp tlat hi a in thlak danglam deuh chu ngai ni lo ti ve ngawt mai teh ang mi inhniana karah…..an thiam ang tih chu hriatsa ah dah ta ila…..
Report this comment
October 13th, 2012 at 2:21 pm
#44: Engineer zawng zawng an hausa hi an hausa vek lo (eiru vek lo) ve, Zoramthar hmel kan hmu tep tawh ang (Z_G-an a ti)
Report this comment
October 13th, 2012 at 2:24 pm
#43 : Thirban leh Alkatra chu i lo addicted ber mai anih hi maw le….In khuah a rawn thleng ve tep tawh a nia
Report this comment
October 13th, 2012 at 2:36 pm
#45: Ka awmnaah hian e cuurrent kan neih loh lai ka hre mang tlat lo, pawi khawp mai. Chhun zan zawmin chat lak awm miah lovin kan la eng char char…
Tak takin a hlimawm thin e. Misualah hian ka tih bawrh bawrh ngam berte zing ami i ni. I lo awm ve a, i post hian nuam ka ti thin lutuk a nia. Hmanni-a kan vaivawm post-a Sehwag leh Dhoni buaina i lo sawi pawh khan lo nui ver ver a nia aw….
Report this comment
October 13th, 2012 at 3:30 pm
Ka’n sawi ve reng reng teh ang, keini pawh kan stipend dawn tur nikuma mi tawh Rs 14,000 lai chu kan dawn theih loh phah. Medical ho leh branch dangho chuan an la vek tawh a, P & E lam chan kan nih avangin keini EEE, ECE, CSE leh IT dept. lam chu kan hming list vel engmah an lo submit ve loh avangin keini dept. 4 hian stipend kan lak ve theih loh phah ta a ni. List engmah an submit ve loh avang khan budget-ah min dah ve lo niin kan stipend lakna thin cashier khan min hrilh a. Kan engineer-te thiam loh a ni tel ang em le??
Hlawkpui an awm ang em le?
Report this comment