Kum 5 a lo liam ve leh ṭêp tawh mai ka ti. A hunlai kha chuan ‘hmangaihna’ te kha hrethiam êm êmin ka lo inhre ve ṭhin a. Mahse, ‘inhriatna’ mai a lo ni. Kâwla ni a liam a liam hnu chuan ‘Hmangaihna hi ka lo la hrethiam hauh lo’ kan ti chuai leh raih ṭhin nia! A nia sin, hmangaihna hi chu sawia fiah chi leh ziaha hriat thiam theih chi pawh a ni lo. Favang ni chhuak te chu fiahin chiang hle ṭhin mah se, hmangaihna erawh tû pa hrilhfiahnaah pawh a la chiang zo lo fo.
Nizàn chu dâr 9:35 khân kum 5 liam dâwn dâwna ka Ex-in min rawn text ve teh khiah a. Thil hlui hai chhuah leh ka tum pawh a ni hran lo, ‘thi thei lo’ chu a la dam a ni tih min rawn hriattîr a ni ber mai! Kan in text-na ‘The Ex-File’ tia ka vuah tâk mai chu ka’n rawn dah ve mai mai ang e:
Ex: Mu tawh em?
Me: Hla zir zo chiah
Bla bla bla…
Ex: Zai ka ngaithla a, ka hla ngaihthlâk ka hrilh ang che, i hre duh em?
Me: Han zai chhin phawt la
Ex: “Ṭuanna tlâng chu dang ṭhin mah se, ka hmangaihna ka hlan che kha vawng reng ang che,” ka aw a lai em?
Me: Lai chhe lutuk lo. Aw pêk dân i zir hlek a ngai a nih kha
Ex: Nia, min la zirtir la ṭha ang, i peih chuan
Bla bla bla…
Ani chuan fanu kum 3 mi lai a nei ta! Pasal erawh a nei lo. Fa a pai chuan kan inṭhen daih tawh. Damlai lusûn ka ni lo a nia aw! “Nangmah vang a nih hi” min han tih teh tlat chu! Ka sa mai mai. “Min duh lova, min ṭhen a, ka rilru na ka insûm zo lo va, keimah pawh in control zo lovin heti hian ka awm ta a ni” a ti. Mahse, ka pawm lo. An bialpa ten an ṭhen avangin hmeichhe ṭhenkhat chuan runluih nân bialpa dang an nei ṭhin a (mipa ṭhenkhat pawh an ni ve tho), an rilru na thawi dam nân insûm zo lovin hmeichhiat/mipatnaah an tlu lût ṭhin, an ti. Ka pawm lohzia mai chu(h)!
Eden bawhchhiatna, malsawmna anchhia avanga tisa châkna lo chhuak, mahni pawh invêng zo lova hum sual an dai lai khân, a tisualtu ang hrima an thisen mawh kan chunga an han vûr ta daih mai ṭhin hi hriat thiam a har mang e. Vantirhkoh a ṭah laia, hremhmun lalpa a nuih lai khân, ‘sual’ tih chu hre mah se, an thinlunga ‘dik’ hriatna chu tihdel a ni a, ‘sual’ hmu thei lo tùrin ‘hriatna’ chu thuhrûk a ni. A nih leh, chutia tisa châkna buan hneh lo va, hmangaihna emaw tia a vâwr tâwp thleng a, thianghlimna pâr an thliah lai chuan ‘kei’ chu a thinlung kil khatah min hre rengin min runluih nâna ti a ni tih a inhre reuh reuh reng dâwn em ni? Hnai lo mai.
Seol sipaiten hnehna hlado chham a, lâwmhla an rem lai khân nuam tiin a si hlawrh hlawrh âwm si a. A ke lêr aṭanga a lu chhîp thleng chuan a khawi lai kutzungte tin kârah tal pawh ka hming, ka hmêl, ka ṭawngka chhuak, ka rim, ka thâwm, ka engmah chuan hmun a chang lo tih ka hria. Chuti si, ‘nangmah’ vang a nih hi, min han tih leh si ni. A lo ni pawh a ni maithei e, ka sawi phâk a awm lo. Eng pawh ni se, mahni chungah meiling emaw malsâwmna emaw chu kan chhêk khâwl ṭheuh ṭhin alawm. Kan chunga thil thlengah hian midang kan mawh puh thiang lo, keimahni tuh rah ṭheuh kan seng zâwk ṭhin.
Le, in ‘The Ex-File’ lo ngaithla ve tawh ila…
Similar Posts:
- File lian mi i thawn duh chuan (hmangchang)!
- File thuhruk kher ngai lova dahthat dan chikhat
- How to View Hidden Folder / File
- Convert file to pdf via email
- mi(sual) Damdawi
October 14th, 2012 at 5:27 pm
Aaa i sual reng reng. Hetianga nula tih hi i ching tlat
October 14th, 2012 at 5:58 pm
nia,
October 14th, 2012 at 6:07 pm
Khai aw!!!
October 14th, 2012 at 6:13 pm
A va zia lo em!!! Hmeichhia te hi chu, a hawlh a hawlh ngam chi an ni a,
i hawlh ngun tha tawklo te pawh a ni ange.
October 14th, 2012 at 8:10 pm
A thupui chu ka va duh reuh eee…
Ex- file phawrh tur a ber pawh ka nei lo..Awmte!
I ziak thiam, i lung a leng ve tho ang ka ring, abiak tirh che chuan
October 14th, 2012 at 8:53 pm
Nunhlui han chhui kir zeuh chang te chu awm ve thin e…
October 14th, 2012 at 9:32 pm
Chhiar a nuam reuh. Inthen vanga ti tau rilru pu, in runluih nan a midang va ngaihzawn hi thil atthlak tak niin ka hria. A rilru puitlin loh thlak te ka ti ve mai mai.
October 14th, 2012 at 9:55 pm
Kan thianpa pakhat chu a han che na awm thin asin “Ka bialnu hluite hian kan inthen veleh hian Pathian an zawng chuk chuk zel” zu ti a!
October 14th, 2012 at 10:45 pm
A tak taka i thil-tawn i sawi a nih chuan, i thu vuakthluk hi a dik viau tak naa, Setana’n “i ex” a bum-thluk dan chu a pawiin a zia lo hle mai a
October 14th, 2012 at 11:20 pm
^— A zia lo tak tak a ni
October 14th, 2012 at 11:53 pm
ngaihnawm dawn e… chhiar teng, cheng teng…
October 15th, 2012 at 2:25 am
#8 saitawk kawmen chuan min va tinui nasa ve
Ex sawi tur nei ve lo ho chu kan hul riau mai.
October 15th, 2012 at 6:49 am
Ha ha ,,,Last para khi ka duh e
October 15th, 2012 at 7:45 am
October 15th, 2012 at 8:03 am
Tuk chhuah nuam ule
October 15th, 2012 at 8:06 am
Tha reuh lutuk.
Tukchhuah nuam vek ule.
October 15th, 2012 at 8:07 am
13/10/2012 dar 9-10 am vel
ting tingz,(call from ex) pik up duh lo…inngaihtuah chungin enge ni ta ang le…call back,
me: aw hello, i rawn call me, ka lo hre lova…
ex: aw nia, i dam zel maw, naute engzahnge in neih tawh?
me: dam alawm, bla bla bla, dam zawk em? enge ni ta a…
ex: englo a nia, thla thar ni 8 khian pasal ka nei dawn a….
me: engmawww? tu? khawi ami?engti mi? ka awih lo, min sawm ve dawn em? blah3…
ex: tak tak e, khawiah nge card ka rawn dah ang..
October 15th, 2012 at 8:17 am
ka va comment khaaat. Good morning vek u
. Post tha khawp mai. Nangni anga pa chengvawng ni ve hek lo, ka ex te nen kan inbiakna lo chhinchhiah nachang hre ve hek lo i….taaahaha
October 15th, 2012 at 8:54 am
@Pakak Min va tinui nasa ve…
I fatu dawn lo mi?
@Levi lo chhinchhiah zel tawh rawh
October 15th, 2012 at 9:57 am
Tha reuh.
A hrim hrim in,inngaizawng rei chim pawh in ni hleinem,in han in be tan dawn chauhva,’Bla bla bla’ in tih nghal zel te’n. Titi pangngai ve thin tur ania.
October 15th, 2012 at 9:59 am
*inngaizawng rei chi* Edit thei lo.
October 15th, 2012 at 10:32 am
Chhass pawh neih ve hmain, Ex in ti zel a; Luck-loh in ti na…
October 15th, 2012 at 10:56 am
@Lamji
Bla bla bla…
@Dr Mahming nang pawh hian sawi tur i neih ka ring tlat asin
October 15th, 2012 at 11:50 am
MIn rawn puh ve ringawt a nge aw…………….
.
Inngaihzawn thu hla ah hian tu pawhin duhdan te, ngainat zawngte pawm theih chin te an nei thin chung a nih loh chuan, an in then fo thin. kei ka phak ang2 chuan ka hrilh dawt mai zel a an duh lo chuan kan inthen mai zel……………….
October 15th, 2012 at 12:02 pm
@ Awmtea.. Kei chu ka la nei miah lo..
Chhass hi chu ka ngah tawh mai a, min chhass ve ngai lem lo thung a… 
Mizorama sawrkar hna thenkhat an lak ang deuhin, Ex nei kher lo vin, nupui hi direct-a neih mai theih ni se a tha phian ang aa..
Hetianga Ex-te’n min tihbuai ve thin phei chuan, a buaithlak dawn em mai.. 
October 15th, 2012 at 12:35 pm
Mahming leh…
Chhass ngah viau, min chhass-tu nei ve mang si lo nih chu a van den rem rem ve
October 15th, 2012 at 3:08 pm
A ngaihnawm phian, tawi fel ang reng bawk.. I rin loh dan hi ka tawmpui zawng tak, thinrim a midang chunga tuan hi ka huat zawng tak a ni, thinrimna chungah ngei khan tuan chat mai tur..
October 15th, 2012 at 4:25 pm
^— Chuti chu rilru nat deuh chuan pan ruak ruak mai tur tihna a ni ang maw
October 15th, 2012 at 4:36 pm
I zei ka ti tho nangin, Mobile phone-a zai khum hlarh hlarh ngam che khi chu a zei ve tawk turah ka ngai..
Be chhunzawm suh, a bem thlu leh mai ang che.. 
Ka sawi leh ang. Nula min induh khum tawh hi chu, ka induhkhum ve hmak zel.. Chuvangin, ka hawi lawl lawl mai a ni..
October 15th, 2012 at 4:43 pm
@Awmte, i ex khian a lo chhiar ve ang a, FIR te theh luh a tum vel ang e..
October 15th, 2012 at 4:50 pm
@ evergreen.. Kei pawh, nikum khan ka * pakhatin ka comment (amah ka sawi chhan deuh..
) a lo hmu a, hnar a lian duh lawr lawr a sin… 
October 15th, 2012 at 5:06 pm
@Mahming, nula induh khum hi chu a awmzia vak lo, kan hawi hil tlawng tlawng mai ni
@evergreen, a lo hmuh palh hlauh chu The Ex-File a tawp ta a ni mai
October 15th, 2012 at 5:10 pm
@Mahming, Keichu ka la tawng lo hlauh…Ex leh * nei ve ta lo nafam chu
..hehe
@Awmte,’Ex-file’ tih khi ka sawi nawn leh duh, a nalh ka ti!
Ka lo hawh teh ang aaa!
October 15th, 2012 at 5:22 pm
@ evergreen.. Awihawm loh lutuk. Awmte, evergreen hi chuan The Ex-file hi chu Trawt no. 1, 2, 3 tih angin a kawl fel thlap ka ring…
October 15th, 2012 at 5:41 pm
@Mahming
Awihawm teh ‘Trawt’ lo em mai aaa…
October 15th, 2012 at 6:07 pm
@evergreen, i duh phawt chuan hawh mawlh rawh. Mahse thil hawh reng reng an pe let leh thin. haha
Tin, Ex-File sawi tur ka nei ve lo i ti fo hi ka ringhlel deuh. Mahminga sawi ang khian i file thlap thlap hmel ka tia