Heti zawng hian hma sawn ta i la…

October 23rd, 2012 6:31 am by VaiVa

(Inthlan a hnai leh ta bawk a, in warm up nan Zoram Politics Thlirna tih kha ka ziak tawh a. Post kar awl hnawhkhah nan duhthu lo sam leh ang aw!)

Mizoramah hian kum 20 chhung zet chu Bi-Party system ang deuh thaw in kan kal ta. Indian political scenario leh US Federalism kan en chuan duhthusam a tling tep hial awm e. India ramah chuan regional party vangin UPA leh NDA a lo chawr chhuak a, sawrkarin stability a neih theih loh avangin an hun tam zawk development programme aiah mipuite hmuiah chithlum min tah siak a. A that leh that loh chu kan hre vek awm e.

Chutih laiin Mizoramah chuan MLA seat 40 kan neih ah 3rd Party opposition sual rawng bawl tham (sawrkhar tinghing tham) kan nei ngai lo a. Hei hian sawrkhar te thlan tlin an nih atanga kum 5 a lo ral hma chu mipuite tan sakuh ser nghah ngawr ngawr a ngai ta thin a. Kan lungawi loh viau leh leh lam kan vote tling leh mai thin. Option kan nei thlawt lo a ni. Hei hi a tha zawngin thlir dawn ta i la…

Party pahnih mi leh sa ten rorelna an inchan chhawk avang in development ah regional imbalance hi a awm lutuk lo a tih theih awm e. Chutih rualin State Capital erawhin ngaihsak a hlawh bik kan ti thei fur lawi si ang. Heng party pahnih chiah kan neihna chhan chu mipui ten rinna kan tlakchham vang leh ther hlo kan um thin vang a ni ber awm e. Mipuite kan lungawi chuang si lo. Intihtheih khum nan min la hmang zui bawk si! Hahthlak hian…..

Heti a nih rau rau takah chuan kan political party pahnih neih te hian an inenfiah ve a ngai ta a ni. Thlan tur nih inhre rengin mipuite kan lungawi lohna ber party hierarchy, leadership leh organisational structure an in thuah fai ve a ngai ta. Ram hlui zia ti a iak iak ho hi party face atanga an nuaibo angai a. Thangthar zawk leh ram leh hnam tan a bei tak tak mite an kian duh lo a nih pawhin An thin thlak ve a hun tak zet ta….

Thangthar te tualchai chhim phak ho tal hi chuan danglamna tlang an thlir a hun tawh tak zet zet a. Congress emaw MNF emaw kan duh lo pawh a ni lo. A mihring a te hi kan ring lo a ni. Ram leh hnam, mipuite min hmangaih tak zet a nih chuan nihna bansan ngam, lalthutthleng kian ngam ni thei turin tuna kan hruaitu te hi an fuih ve ngam tur a ni. Thalai heti zatin chhawmdawl an inpeih reng si a. Pi leh pute atanga chumi party mi leh sa nih vang mai mai emaw sum a lo thawhhlawk theih deuh avang khan hlau suh se…. hmasawn turin ke pen ngam ve tawh rawh se. Politics luhchilh zingah hetiang mi hi an tam tih kan hria, an ngam ani tih thlengin… mahse mahni an inring zo leh si lo!

Nang ni party mi leh sa, ram tan a thawk tu in ti tak tak te u, in duh leh keini mipui vantlang duh chu a in thuhmun reng kha maw!

8 Responses to “Heti zawng hian hma sawn ta i la…”

1
ZerO Says:
October 23rd, 2012 at 6:33 am
Chhiar phawt i1a
Report this comment
2
sheldon Says:
October 23rd, 2012 at 6:50 am
Tukchhuah nuam vek u le
Report this comment
3
H.Vangchhia Says:
October 23rd, 2012 at 9:40 am

Report this comment
4
Awmtea Khiangte Says:
October 23rd, 2012 at 9:53 am
Kei mipui lam mi leh sa
Report this comment
5
evergreen Says:
October 23rd, 2012 at 10:45 am
Pu Duhawma hi ka han nghak ve deuh a nia, mahse hmanni 50-50 decision khan a paihthla daih, Pu Zoramthanga, hre tawh; Pu Hawla hre tawh! Chuan..hre tawh lo
Report this comment
6
Dr Mahminga Sailo Says:
October 23rd, 2012 at 10:51 am

Report this comment
7
James Bond Says:
October 23rd, 2012 at 12:21 pm
Political Party ten vote thalk peih tute duhzawng nia an rin an tiam thin a. Chuvanga MNF President in Cheng 5000 sem a tiam. Hei vang hian vote tam tak an hmu dawn tih an hre kar.

Hmunhmarel (infrastructure) development, foreign direct investment leh sustainable development lama vote zawng chu tute mahin an vote duh lo tih an hre kar vek.
Report this comment
8
chhana Says:
October 23rd, 2012 at 12:43 pm
Congress sorkar leh se ka tia, mahse, tuna min bialtu ( R.Lalrinawma ) hi a ding leh a nih chuan ka vote chuang lovang.
Report this comment