Arunachal-ah hian Local Court lam hi ala chak khawp mai a, thubuai-hlabuai hi Local Court a chinfel a tam khawp mai a, FIR thehluh leh Police hnen thleng chin hi chu, loh theih loh tak tak chin chauh a ni ti ila kan tisual awm lo ve. Tin, ‘Ha aiah ha, mit aiah mit’ tih kha a taka hman ala ni a, mi pawi sawi chuan, a hu tawk chawi ngei turah an inngai sa a, tin, chawi tir ngei pawh an tum tlat thin a ni. Tin, Mob-rule a nasa a, a hnam leh chhungkua anga tanho leh phuba lak ala hluar hle a ni.
Arunachal Pradesh Politician te hi an hausa bawnra hlawm khawp mai a, Scam neuh neuh pawh hi a awm ve tan ta a. Chung zinga a lian tham deuh ber chu, P.D.S. Scam 2008 an tih hi a ni awm e. (PDS chu Public Distribution System tihna a niin ka hria). Cheng Vaibelchhia(Crore) sangkhat (Rs.10,000,000,000.00) a khuangcher bo hmak mai a ni awm e. Chumi chhui tur chuan, I.A.S. officer la patuai tak, 1998 batch ami M.S.Chauhan Arunachal Sawrkar-a Superintendant of Police(S.P) hna thawk mek chu Guwahati High Court chuan a ruat a ni.
IPS Officer, mawhphurhna sang tak pek a ni bawk a, rinai takin a huaisen a,a thawk chakin a thawk tha ang reng khawp mai. Mi 56 a charge-sheet a, chung zingah chuan Chief Minister hlui Gegong Apang-a pawh a tel a, tuna Congress MLA 5 lai an tel bawk a, Minister 2 leh IAS officer leh Contractor engemawzat an tel a ni. A Case hi a lian ta riau mai a, mithiltithei tak tak a sut a ngai ta tlat mai. Arunachal sawrkar atangin midang 36 chunga Prosecution order a nghak mek bawk a ni.
Tichuan, Pu Chauhan hi October ni 8 khan Delhi-ah Transfer a ni a, October ni 10 khan Arunachal-a a hna a thlawn fel tawh a ni. Nimahsela, eng eng emaw tihfel neuh neuh ngai avangin chawlhkar khat dawn lai a cham hnufual a.(Central Service ho tan hian Arunachal leh Mizoram hi awmna chhe ber/Grade hniam ber aniin an sawi thin bakah, Arunachal bik phei hi chu, an chak lo thin hle a, tunah pawh hian, IPS officer ho hian kal an hreh hle thu pawh chanchinbuah chhuah a ni.) Chutih laia chawlhkar khat dawnlai a chamfual hi mi mak tih ani phawt a. Chutah a aia la mak lehzual chu October ni 16 thawhlehni khan a thleng leh ta a. Pu Chauhan hi a rammi Inspector 1 M.Kaye leh Police Driver Constable Vrendra Kumar-a te nen Khawthlang tawp Bhutan ramri bul, China hovin, “Kan ram” an rawn tih ve sek Buddhist hmunpui pakhat Tawang panin an kal a. Inspector Pu Kaye-a sawi danin:- Bhalukpong bul Tippi khua an thlen chuan, Pu Kaye-a leh Kumar-a te chu, Luipui kamah thil eina tur hmun nuam deuh zawng turin a tir a, anni pahnih chu Luipui lam pan chuan an kal ta a, darkar chanve lai an nghah hnuah pawh a rawn lang ta si lo va, Pu Kaye-a chuan a han phone a, mahse, a mobile pawh chu Police Motor-ah chuan a lo dah daih si a, a ngaihna reng an hre ta lo mai a ni. Tichuan, Bhalukpong Police Station-ah FIR no 17/2012 dated 17 October 2012 U/S 365 IPC chu a thehlut ta a ni.
Nasa ngiala an han zawn hnu pawhin, a ngaihna reng an hre ta lo mai a, Tichuan Case chu Arunachal sawrkar-in Special Investigation Team(SIT) hnenah a hlan ta a, Tunah tak hian, thu thar deuh chu a awm na a, sawi vek rih lo I la, heng thil awm theite hi chhan I han tum dawn teh ang:-
1. Inspector Kaye leh Kumara te hian dawt sawiin, tute emaw thu pekin an Pu hi an dah tha a ni thei ang em?
2. Pu Chauhana hian a kid-te hi thlimin, a lo in saseng daih a ni thei ang em? Lo ni ta se, eng vang nge ni ang?
3. A charge-sheet ho hi mi thiltithei tak tak anni si a, mi tute maw ruaiin an dahtha ang a, Police te hi dawt an sawi tir em ni ang?
4. Theory dang???
Note: Thil a kalsual chuan Mary Kom chunga thil thleng ang deuh kha ka chunga thleng ve thei anih avangin, ka tim viau mai a. A tirah pawh ka post ngamlo a ni. Mahse,mizo tawng a nia, Tin, mipuitling tak tak awmkhawmna a ni bawk a, Post a lo tlem deuh bawk nen ka han post ta mai anih hi.)
Similar Posts:
- Arunachal, China!?
- Mizoramah DPC kal tlang lova hnalak 1730 a awm
- Police kaisanna diklo hai chhuak
- Laipuitlang Chhiatna Chungchang – Where’s the Disaster Management Plan?
- Falkawnah 5th IR Police te leh khawchhung mite intibuai
October 25th, 2012 at 6:23 pm
Ava mak thin ve aw..
Report this comment
October 25th, 2012 at 6:23 pm
A va huaisenin a va chhuanawm em!
Report this comment
October 25th, 2012 at 6:25 pm
Tuman English-a Pu Pka hminga post chhawn loh tur.
Report this comment
October 25th, 2012 at 6:33 pm
Tren tren….
Report this comment
October 25th, 2012 at 6:52 pm
K’u Pka nge nge Pathian thu chauh lo pawh i thu ziah hi chhiar a nuam a, a fiahfai tha in hriatthiam a awl bik thin e.
A bengvarthlakin ngaihtuah a ti thui hle mai. Engti turin nge ramri hrulah khian an kal reng reng le?
Report this comment
October 25th, 2012 at 6:56 pm
I.A.S hi police hna thawk turin GHy high court-in a ruat maw?
“Inspector Pu Kaye-a sawi danin:- Bhalukpong bul Tippi khua an thlen chuan, Pu Kaye-a leh Kumar-a te chu, Luipui kamah thil eina tur hmun nuam deuh zawng turin a tir a, anni pahnih chu Luipui lam pan chuan an kal ta a, darkar chanve lai an nghah hnuah pawh a rawn lang ta si lo va, Pu Kaye-a chuan a han phone a, mahse, a mobile pawh chu Police Motor-ah chuan a lo dah daih si a, a ngaihna reng an hre ta lo mai a ni.” tih ah hian, Chauhan hian a nghak zawk a ni em? NOI
Felhlel a awm hmel mang e, hetia i ziah chin han chhiar ngawtah chuan!
Report this comment
October 25th, 2012 at 7:07 pm
IPS Officer MS Chauhan hi New Delhi ah an hmu ni awm tak a ni, NDTV lam sawi danin.
https://www.ndtv.com/article/in.....lhi-282507
Report this comment
October 25th, 2012 at 7:10 pm
Thu pui pa thum na khi a dik ka ring. IAS ni si eng a ti teh tlat a IPS hna chel tir nge maw a nih le?
A va mak he hu reng reng ve maw le.
Report this comment
October 25th, 2012 at 7:33 pm
Pu Chauhana hi I.P.S. Officer ani e. Typo ani e. Rin dan sawi hun a ni e, sawi zel teh u.
Report this comment
October 25th, 2012 at 7:33 pm
A awmna ah chuan a awm ker awm sia, a dam emaw a thi emaw.!!
Paliana a in rawlh a ni thei angem?
(fiamthu)
Report this comment
October 25th, 2012 at 7:37 pm
#9 got it hairehai
ka’n uang mai anih kha 
Corrupt hovin pawisa-in an thlem ang a an that a ni mai law’ng maw?
Report this comment
October 25th, 2012 at 9:54 pm
Bhalukpong ah hian Hotel tha ve tawk tak pahnih a awma, chung bakah chuan Circuit House a awm leh a. Eng vanga Tippi ah chawei tur zawng ringawt nge an nih a ? Chaweina pakhatmah a awm hleinem. Tin, Tippi khua ah luikam khawkrawk zet a awm leh a, han bo theihna chi a ni lo, thuitak a hmuh theih.
Bhalukpong khaw bulah chuan Kameng luidung a luanga, vaukam lehlam pawh Pakke Tiger Reserve a ni nghe nghe.
Kan awmna thin bul maia Monpa ho Hotel siam – Hotel Tsangpo – ah khan Audit Party ami pakhat thi a chhar a ni tawh bawk a. A Audit dik lutuk emawni dawn.
Arunachali ho hi Hnam dawih ve tak, ramri hrul atanga ka chih tlat anni a. Mahse an ramchhung ah chuan an inti huai ve fu.
Eiruk chungchangah chuan India rama Corrupt ber State a ni ngei ang, 100 a 5% hian engkim an chalai vek a, hausak lah an hausa. Engmah development awm lo si an la Deficit ve khanglang a…lewlll..
Report this comment
October 25th, 2012 at 10:22 pm
chhangte_ll #12 hi ka rin zawng tak a ni, zangkawltuk ram lamah na na na chuan
hairehai 
Mizoram-in Arunachal kan tluk lohna chu Chakma enkawlna lamah a ni. Ka awt ngawih ngawih.
Report this comment
October 25th, 2012 at 10:27 pm
Ka rin aiin in comment tha duh lo riau mai(rin sual in hlau ani ngei ang?). 2 na khi a dik ani awm e. Pu Chauhana plan vek hi ani awm e. A driver hian Tejpur airport-ah a va thlah thlap a, Delhi-ah a thlawk thla daih a, hetianga sawi tur hian a ti ani awm e. Tunah hian Arunachal sawrkarin Kaye leh Kumara te hi a suspend mek. Pu Chauhana hian an eiruk dan engkim a hriat vek hmel a, amaherawhchu, ruling lam minister leh MLA te an tam avang leh China ho hlauh avangin Central sawrkar hian action a lak ngam tak tak a rinawm lutuk lem lo. pu Chauhana hian a dinhmun hlauhawm zia hriain hetiang hian thil a ruahman a nih hmel. Tawang kawngah Tejpur airport a awm avangin Tawang kal tum anga insawi anih hmel viau(ka rin dan liau liau a ni e)
Report this comment
October 25th, 2012 at 10:33 pm
Tezpur ah Airport awm se ka thlawk fo ang chu mawle, Pu PKfanai. Mahse IAF hoin an siamthat mek avangin a hman theih lova, Airport hnai ber chu North Lakhimpur leh Guwahati a ni mai
H. Vangchhia: Chakma leh Tibetan refugees ho khuan eng Rights mah, ram neitu nihna an neih loh avangin, an nei lo. Mahse Hnam thatchhe ve tih takah Itanagar-Naharlagun ah khuan ramdang mi in 60 % vel nihna an hauh tawh ang.
Report this comment
October 25th, 2012 at 10:46 pm
A case hi a namai lova, Central lam high level in special flight an ruahman sak a niang. A thlawk ngei si a.
Report this comment
October 25th, 2012 at 10:51 pm
Arunachal hian ramhnuai mi/hel an nei tan mek a, an nei ngei bawk ang, chumi hunah chuan an la buai viau ang. Manipur leh Nagaland helho an inphum ru teuh tawh ang, Naga ho khawchhak lamah, Meitei ho Capital Complex ah (Meitei ho hi Veng hran nei thei khawpin an tam).
Ni e, hrem hlawm teh se. An mihausa ho zankhat lehkhaden inchawi reng mai a tam thin e, lirthei chhuakthar lah a awm nghal zel a. NE States ho hrim hrim hichuan ngaihsak an phu hlawl lo, an che pawk thei em mai.
Report this comment
October 25th, 2012 at 10:55 pm
@Chhangte-ll, i tidik e. “From Tejpur proceed Delhi by road” tih a ni zawk e. Delhi a thlenhma hun chhung vel hi, “a bo” an tih hun chhung hi a ni ang.
Report this comment
October 25th, 2012 at 11:04 pm
Itanagar-Tezpur road khu chu vawitam ka tlan tawh na alawm. A khaw hming pawh indawt thlapin ka la sawi thei
Naharlagun piah a an Airport din tum khu engmah sak hma in 800 Crores zu han hmangzo pang a
Report this comment
October 26th, 2012 at 1:35 am
Eiruk hi a hlawk a ni hi mawle Mizoram leh state dang 2 leh C India ah poh.
Pu Zorama U Apanga poh hian a lo eiru ve nual a nih dawn kha
Report this comment
October 26th, 2012 at 1:52 am
ChhangteII Zarah Arunachal dinhmun kan hrechiang a,ka lo u en hman deuh tawh asin.. mizoram aiin an lo la changkang lo a lo nih chu….
Report this comment
October 26th, 2012 at 7:13 am
Arunachal hian top politician tha tak tak 2 a nei tawhin ka hria. Mahse vanduaithlak takin an nun a rei lova, an thi ve ve tawh. Pakhat chu Adi mi Bakin Pertin, Arunachal People’s Party dintu kha a nia, pakhat leh chu nikum lawka halicopter chesuala thi ta Dorjee khandu kha a ni. Pu Dorjee-a kha Buddhist monk MLA ni bawk Khrimey te khan an kaihruai ani deuh bawk a, a hun chhung reiloteah khan, corruption pawh kha a nawr tawm tawk tawk niin a lang. Pu Hawla’n a thu tala corruption a han do a, mi thenkhat an han man thelh deuh thuak thuak te hi a tha ve riau hian ka hria a.
Report this comment
October 26th, 2012 at 9:23 pm
a thuihruaite khan hmanhmawh takin hnang an hlai a, thlawhtheihna an tah sawk sawk a, hnang thlawhtheihna hmangin tejpur atang chuan a thlawk chhuak ta a lawm.
Bangladeshah bawp an chhar an tih kha a ni zawk mai lo maw?
…khrum
Report this comment
October 26th, 2012 at 9:25 pm
He news in develop dan chu a va mak teh nuaih ve. a bo tih chiah kha ka lo hre ve a, a BVT hle mai… sawi ve mai mai dawn.an dist Capital pakhat Daporijo ah khian thla khat ka han awm ve ran tawh. a boruak a nuam lo fu in ka hria, kan ti dui mai a, Mahse khawiah pawh hian Mizo hi kan lo awm a nih hi, Pu Sailova te chhungkua an lo awm a, a khawpiah ah Mizo missionary an awm an tia, ka va zawng ngar ngar a, an lo haw lai a nia, Naga/Baptist Misionary ho an lo awm a, ka tlangnel ta phian..Daporijo pelh lam ah hi chuan Helicopter lo chuan a kal theih tawh loh ni awm tak a ni..
Report this comment
October 27th, 2012 at 6:51 am
Puipuia pa, Daporijo hmar lamah light vehicle chuan China ramri thleng deuh thaw a kal theih a lawm. Kan kal tawh a(thal lai chauhvin).
Report this comment