Vawikhat chu ka ziak tawh a, ka rilruah a thi theilo ka’n ziak nawn leh teh ang.
Mi ramah chuan Khawpui ropui tak tak hi an ngah khawp mai a. New Delhi tluka nuam leh Khawpui ropui hi India ramah hian a awm theuh mai thei. Washington DC aiin New York leh LA te chu a nuam zawk tiin an sawi thin, tin, a ropui danah pawh khawi ber hi nge an Capital tih hriat hran theih a ni hauh lo ang.
Kan State hi han ngaihtuah ve teh u, tunah chuan Mizoram chu Aizawl a ni tawp mai. Sawrkar hmun pawimawh Head Of Dept chu Aizawl-ah vek a ni mai. Mizoram Budget hi Aizawl Khawpui-ah hian ava lut hnem em!! Kohhran lamah lah ram pum huap a thuzir kan neih reng rengin Thingtlang lam hi a huap zo ta meuh lo niin a lang. Presbyterian Kohhran Nilai leh Beihrual thupui angte pawh hi in chik deuh chuan in hriatthiam mai ka ring.
Hetihian ka ngaihtuah a, Aizawl a Department Head Office thenkhat hi, District Capital hrang hrangah hian pakhat theuh tal han sawn darh ta se la, tunlaiah inkawlpawhna kawng a tha tawh em em a, Lunglei atang pawhin Aizawl a lehlan theih tawh a, tin IT hmasawnna hian nasa takin min pui thei bawk dawn a, Aizawl Khawpui chep lutuk hi a ziaawm hle bawk ang, Khawpui zauh tih tih hi kan mamawh kher tawh lo ang.
Tichuan, Hmasawnna pawh rualkhai takin a kal thei tawh ang a, Mizoram chu Mizoram a ni thei tawh ang. Tunah chuan eng lehkhaah mai pawh Dept Head Office atanga chhuak chu Aizawl Mizoram tih a ni vek mai!!
Enge in ngaih dan ni ve le?
Similar Posts:
- Mizo Technical Graduate-te (Veterinarians)
- Vision Mizoram: Under the purview of a more decentralised administration.
- Thahnem an ngaih loh hmel mang e!
- Zirna In Tha Chu….
- A leh a linga vuttuithlawrbel!
October 26th, 2012 at 7:01 am
Comment ka hawng e.
Report this comment
October 26th, 2012 at 7:19 am
I post hmasa kha ka thlawp khawp mai che a, tunah pawh ka la thlawp reng che. Lunglei te hi 2nd capital ang tak taka duan leh top official thenkhat tal chu sawn phei a tha khawpin ka hria.
Report this comment
October 26th, 2012 at 7:57 am
Amen.
Report this comment
October 26th, 2012 at 9:01 am
A dik khawp mai…
Thurawn leh rawtna tha tak tak te’n ngaihtuah chu sawi loh, bengkhawn tak ngial pawh an hlawh ngai si lo va. Hmalak dan tur hi a vang em a ni.. 
Mahse, Mizo tam tak hian Aizawl hi nuam an ti em a ni.
Report this comment
October 26th, 2012 at 9:48 am
Aizawl hian min zo tawhlo. Lunglei saw alaili a, administrative capital ah siam sela. Aizawl hlutna ati nep chuang lovang.
Report this comment
October 26th, 2012 at 9:56 am
Chhiar ila ni mai lawm
Report this comment
October 26th, 2012 at 10:31 am
hehe..UD & PA dpt te a la ding ta deuh deuh leh nghal
Report this comment
October 26th, 2012 at 10:40 am
State Capital hmun hnih (dept head semzai) erawh ka pawm loh zawng tak a ni thung tlat kei. J&K ah kan hmuh khi summer leh winter a an in sawn man mipui sum a hek lutuk. A capital sawn lo in, office han semzai dawn se la, a tuartu tur chu mipui direct tak in kan ni thung ang. Khaw sawikhawm kan tihna chu administrative efficiency atana ni a. Inter-departmental file a kal rei duh lutuk ang. Tunah mah file a float rei thei a nia
(IT lamah kan sang kan ti maw…. kan e-governance chungchang kha rawn post thei in awm em? )
Amaherawhchu, i ti teh ang. District administration hi ti changtlung thei se la, district dang te hi puan belh tawh lo se la. District capital tinah tal hi chuan hospital changtlung tak, zirna in tha, a bikin higher eductaion lam leh professional course lam pawh tih phuisui ni se la.
Thing tlang la a mi te hian Aizawl a pem luh kher tum lo in, district capital ah an duh ang hmu thei tur khawpin sawrkhar hian tan chu la rawh se te lo ti ve ngawt i la
Report this comment
October 26th, 2012 at 10:50 am
Ka thlawp che, i sawi ang chiah chiah hi ka rilrua thil awm a ni! I example pek te hmang khian mi bulah ka lo sawi ve tawh thin. A mawlthlak khawp mai Aizawl chauha engkim kan burbun vek ringawt leh Mizoram hmundangin Aizawl an thlau lutuk hi.
Lunglei, Tlabung, Champhai leh Saiha hi a bikin zirna, damdawiin, sumdawnna leh Administration atan nasa taka thuam theih leh rem em em an ni, kan sawrkar hi a harh har ka lo ti khawp asin! Mipuiin Aizawl nuam an tih leh tih loh ngaihtuah a ngailo hma han la tawp mai sela, zawi zawiin thil awmdan chu a inthlak chho tial tial ang.
PS: Hnamdang kan thianten Mizoramah chuan City engzatnge in neih an tih changte hian Aizawl chauh City a awma, a bak zawng chu Town leh Village vek an ni tih sawi hi a zahthlakin ka ning takzet tawh!
Report this comment
October 26th, 2012 at 2:20 pm
Rawtna hetiang lam hawi hi chuan inhnialna a chawk chhuak duh fu a, mahse, rilrupuitling takin comment min pek sak avangin ka lawm e.
Report this comment
October 26th, 2012 at 2:23 pm
he issue hi chu buaipui tham ani. Mahse dept. Head office semzai laitak khi ka thlawp lo.
Capital ah ngei dept office te hi chu awm vek se.
A solution atan, Aizawl hi capital ni tawh lo se a ni mai lawm ni?
Kolkata atang new delhi ah capital a sawn theih chuan enge hetah a theihlohna bik tur?
Capital tr erawh han recommend tur ka hre mai lo. Hmun laili leh strategically a hmun rem a ni mai.
Report this comment
October 26th, 2012 at 2:29 pm
ummm….no comment
Report this comment
October 26th, 2012 at 3:20 pm
kan lo discuss dawn ania
Report this comment
October 26th, 2012 at 4:22 pm
Kar hmasa khan Thenzawl-ah kan va zin ve a, kan thlenin pa chu an klhaw VCP hlui ania, kan ti ti nual mai, Chhim lamin Thenzawl hi State Capital atan an tihchhan hrang hrang an sawi te ka ngaithla dauh2 a..tichuan heti zawng hian ka rilru ah thil alo lang uarh2 mai a..Aizawl hi Commercial Capital ang in awm ta sela(Los angeles leh New York ang deuh hian) chuan Thenzawl emaw Lunglei hi Administrative Capital(Washington DC ang deuh khuan)..phei khai rual takin kan awm theih phah ka ringdeuhva, Economic ang zawng leh sumdawnna ang zawng pawhin kan hlawkphah viau chuan ka ring..Bus service, Sumo leh motor hire mai tur atam anga, dawrkai leh hotel ka sawi seng lo..chu chuan eizawnn tam tak a hring ngei ang, kawngpui tha neih ngei ngei angai bawk anga..ava tam em..
Report this comment
October 27th, 2012 at 12:25 am
A ni khawp mai, ti phawt teh ang.
Report this comment
October 27th, 2012 at 1:01 am
Vaiva, thusawi hi kei chuan ka thlawp e. Thil hi a effective lam leh a nghawng tur lam hi ngaihtuah a tha ve khawp in ka hria. Lunglei ah han sawn ta se office thenkhat a nghawng tur a tam dawn lutuk. Chumai bakah mipuiin kan tuar ber ang. Hei hi a dik lutuk ringawt. Tunah hian Aizawl hi Mizoram ah chuan a lian lawrlak a ni a 30% vel awm ang an ni. Tin chulovah keini ang state pachhe lutuk ang chi ah hi chuan khawpui sawn hi i sawi ri tawh lovang u. Khawpui zauh chu tha ka ti miah lo, tun hi limit ah neih tawh ila. A nih loh chuan new city atan Falkawn lam hi bawh leh zawk ila a fuh ka ring. Chutih rualin Lunglei emaw khawdang emaw pawh nise thang tur a kan duh chuan sorkar chauh pawh ni lovni business lam timi te pawhin tanlakna tur a tam khawp mai. A dik ber ah chuan khawlian deuh hi chu Municipal type deuh hian kal vek se la, ti chuan kan rorel pawh a dik zawkin corruption pawh hi a tlwm ngei ang.
Report this comment
October 27th, 2012 at 1:39 am
In rawtna te a tha, ngun takin kan ngaihtuah a, tuna kan kal dan hi tun dinhmun a kan din chhung chuan a la sawh sawn theih rih loh a ni e.
Ka lawm e.
tren tren
Report this comment
October 27th, 2012 at 1:50 am
Department Head Office tih hi Directorate tihna a nih ka ring a, sawn chhuakin District khawpuiah sem darh ta hlawm se a buaithlak ngawt zawk ang a, pawisa pawh a hek zual sauh ang. An sawn chhuak tak takin a rinawm lem lo bawk a, ‘ta se’ tia ngaihtuah chhin mai mai chu a tha ve tho e.
Report this comment