mi(sual).com

1972 ah Mizoramin UT a hmu. Mizo Union in sawrkarna an siam a. 74 ah Mizo Union leh Congress an in merger. Merger duh lo Ex CEM HK Bawichhuaka leh a hote an ti tau. Emergency hunlaiin an Pi Indira thu thlawpin Mizoram Opposition hruaitute MISA dan hmangin man an ni. An zingah Brig T Sailo chiah 1st class ah a tang, chu pawh a mahin. (Political prisoners te an phun nasa hle). Hetia opposition te an tan lai hian “Pu Thena’n politics ka chawlh san dawn a ti” tih leh “ramhnuai mite tanpui thin, PC chu MNF note an ni” tih Zoram an fan tir. (Dawt politics hmasa). Thenphunga Special Force tih kha dawt politics vawi hnihna.

1978 ah MLA inthlanna neih a ni. Seat 30 ah 24 ah PC an chak. PC sawrkar thla 6 a nih chuan Congress in MLA 9 leh MP2 te a lo ti suak bak a. Hun lotakah thal 6 chhung President Rule ah awm lailawkin kum 1979 April thla ah inthlanna neih leh a ni. PC B a lo pian tak avangin PC chu chak tho mah se a hma ang chuan seat an la tam ta lo. An term chhung hian Rel kawng, air field, Bairabi Hydel Project, Serlui B and A leh Aizawl GWSC Phase I bul tan a ni (a hunlai budget ngaihtuah chuan ropui tak ani) .

PC lal lai hian buaina a chhuak hnem hle a, dawt a leng hnem bawk a (tun thlengin thangthar te chuan dawt a leng hnem hle tih bak prove na kan nei ta lo). Pachhunga University College Library hal a nih nghe nghe kha. Tichuan 1984 inthlan dawnah Pu Lalduhawma hi Congress pui turin a hna atangin a rawn bang ta hlawl bawk a. Congress in lalna an chang leh ta a. 1986 ah remna thuthlung ziah a ni a. Mizoram chu state puitling nihna hlan a lo ni ta a. Kan CM khan Pu Laldenga kha thutthleng a lo kian lailawk a nih kha.

Kum 1987 ah inthlanna hmasa (state) kan nei leh a. MNF chakna an la a. Amaherawhchu Congress lamin MNF MLA thenkhat lo thurual pui lehin sawrkar an paih thla leh ta a. President Rule ah bawk kan lo awm leh ta a.

Kum 1989 Aprl thla ah inthlanna neih leh niin he inthlanna hi ‘rigging’ kan hriat tanna a ni awm e. Inthlan buarchuar an lo ti reng a. Hetih laia kan Governor hi Assam in a congress ruh vanga zirlai pawl ten an pet chhuah kha a ni a. ZORO vanglai leh PC tling leh ngei tura rin a nih laiin nasa takin an tla ta a. Tun thlengin an ding chhuak leh ta lo a ni.

He inthlan (1989) a pawimawh na em em chu HPC, PNC, LPP, MDF te lo dinchhuahna ti i la kan tisual awm lo ve. Hnam bil, chibing politics a lo chhuak ta a. Ni thei awm a lang chu khatia insuihkhawm leh zai rel a Zoram mipui a fan chhuah lai a Congress bawk an lal leh khan hnam tenau zawkte rinna a ti phet a tih theih bawk ang.

Kum 1993 November thlaah inthlan a lo hun meuh chuan Congress amahin a inring zo ta lo a, PC (Hming dang dang in vuah mahse, “kan rilru chu a PC reng” an ti :P) nen common manifesto siam dunin PC policy bakah NLUP tih changchawiin Congress an lal chhunzawm leh a. Pu Lalhmingthanga Finance chan zarah hmasawnna kawng pawh a rawn eng tan a. Kum khat a liam awrh a, PC chu an thing thla leh ta vang vang mai a. 98 thleng kha chu kan hriat phak ve tawh kha maw???

Kum 1998 ah inthlanna a lo awm leh meuh chuan MNF leh PC ve thung tang dunin Pu Zoramthanga khan ” Van khi a lai takah kan phel phawk ang a, a lian hlei amw titu chu Congress zaipawl an ni ang” a tih nghe nghe kha. Seat 20 ah tangrualin 34 ah hui ta puk mai a. Mahse hei pawh rei lo te ah PC bawk chu an paihthla leh ta a…..

……….to be continued!

Similar Posts:

• Tlakpui kum – 1998 & 2008
• Politics
• LADC inthlanah Congress sawrkar!
• Central politik buaithlak
• Lal Thanhawla hi kan duh ber?

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Monday, October 29th, 2012 at 8:51 pm and is filed under Mizoram, Politics. You can follow any responses to this entry through the RSS 2.0 feed. You can leave a response, or trackback from your own site.