mi(sual).com

Mizoramah Political Party hrang hrang 1946 atanga hriat theih te i lo tarlang ang u. [Source : District Councils in the Mizo Hills (updated) – H.C.Thanhranga]

1. Mizo Union (M.U) :– 9th April 1946-ah Mizo Common People’s Union hming pu in din a ni a. Mizo Commoners Union ti a thlak a ni a, a tawpah chuan Mizo Union ti a thlak a ni ta a, kum 1974-a Congress Party nen an in fin thleng khan Mizo Union hming hi a pu a ni.

2. United Mizo Freedom Organisation (UMFO) :- Mizo Union a din veleh an mahni eptu Party chu 5th July 1947-ah UMFO hmingpuin a lo ding ve a. Burma lam zawm sawi mawi pawl an ni a, 2nd October 1957 thleng khan Eastern Indian Tribal Union lo pian hma thleng khan a ding a ni.

3. Tribal Union (T.U) :- Political Party pathumna chu Lawngtlai lamah kum 1950 khan Tribal Union hmingin din a ni a. An dinna bial hi kum 1953 khan Pawi-Lakher Region Council-ah puan a ni a. Kum 1963-a Mara Freedom Party leh Chin National Front a pian thleng khan a ding a ni.

4. Eastern Indian Tribal Union (EITU) :- Mizo Union kha rei lo teah khan an phel ta mai a, UMFO ho leh a phel ho chu an in dawr a, 2nd October 1957 khan EITU hi an din ta a ni.

5. Indian National Congress (INC) :- 11th April 1961 khan din a ni a. An OB hmasate chu Pu te A.Thanglura (President), Lalsawia (Vice President), Lalthankima(Gen Secy) leh Hrangchhuana (Treasurer) te an ni. New Congress Party chu 20th December 1967 ah din a ni.

6. Mizo National Front (MNF) :- 28th October 1961-ah Mizo National Front hi a lo piang a. A hming hmasa (Kum hmasa-a a hming) chu Mizo Famine Front a ni a, tahrik ni kan sawi tak ah hian Political Party ah an inlet a, a hming pawh MNF tiin an thlak a ni. An OB hmasate chu Pu te Laldenga (President), Lalnunmawia (Vice President), S,Lianzuala (Gen Secy), P.B.Rosanga (Asst. Gen Secy), Rochhinga (Treasurer), Lalkhawliana (Fin Secy) te an ni.

7. Mara Freedom Party (MFP) :- hi kum 1963 April thla khan Lakher lamin P-L Region-ah an din a, Council inthlan vawi thumna kha an boycotted a, kum1980 a Congress Party a zawm thleng khan a ding a ni.

8. Chin National Front (CNF) :- pawh hi kum 1963 kum tho khan P-L Region-ah a lo ding a, kum 1980-a Congress an zawm thleng khan he party hi a ding a ni.

9. Socialist Party of India (SPI) :- 3rd December 1971 khan SPI hian Mizo Hills ah branch an rawn din ve a, Pu Thangridema chu an khaipa a ni a, mahse he party hian rei a daih lo.

10. Mizo National Union (MNU) :- 13th December 1971 khan MNU hi Pu Bawichhuaka ten an din a ni.

11. Mizo Inzawmkhawm Pawl (MIP) :- hi kum 1971-a Pu-te J.Kapthianga, Vanlalngaia, Vanlalhruaia, Rev.Sakhawliana te din a ni.

12. Mizo Labour Party (MLP) :- hi kum 1972-ah Pu-te J.Kapthianga, K.L.Lianchia, Rev.Sakhawliana, Zairemthanga, R.Dosanga, D.Hnunliana, adt., din a ni.

13. United Pang People’s Party (UPPP) :- hi 10th January 1974 a din a ni a, a khaipa deuh te chu Pu-te C.Zawlduhkhama, R.Zawlsuaknawla, C.Liankhama, C.Lalnuaikhama leh Thangchhuahngura te an ni a. Pang Autonomy kha an pawl din chhan ber a ni.

14. Mizo Uion (MU) :- Kum 1974-a Mizo Union Party hlui leh Congress Party an inzawm  khan a tel ve duh lo ho khan March ni 12, 1974 khan Theatre Hall ah Mizo Union thar an din a. A khaipa deuh te chu Pu-te C.Pahlira, Vanlalngaia, K.Thanglawra, Chalkaia, Zosangliana, V.Rosiama, adt., te an ni.

15. People Conference (PC) :- Human Rights policy rawn chawi nungin he committee hruaitute chuan 1st June, 1974 khan Brig.T.Sailo chairmanah ruatin Ge. Secy leh treasurer-ah Zairemthanga, Jt.Secy atan Lallianzula leh H.Lallungmuana te an ruat a.  A kum lehah 17th April 1975 khan Political Party-ah inletin an hruaitu hmasa te chu Pres-Brig.T.Sailo, Vice-Pres – Rev.Sakhawliana, Gen Secy-Zairemthanga, Secys-Thangliana,K.M.Biaksailova, K.Thansiama, K.Biakchungnunga te an ni a. Consultant atan Dr.Rothuama, J.Kapthianga leh Thangridema te an ni a; A.V.Pakunga chu Office Secy atan.

16. Mizo Demecratic Front :- hi April 1976-ah din a ni a, an OB hmasate chu Pres-Miss Sanglianchhungi, Vice-Thanhawla, Gen. Secy : A.V.Pakunga, Secy-Vanlalhruaia, Tres-Lalchhanchhuaha, Fin.Secy-Sangthanga te an ni. An party hian member 24 awmna central working committee an nei bawk.

17. Janata Party (JP) :- National Party pakhat chu May 1977-ah Jananta hmingpuin din a ni bawk a, an OB hmasate chu Pres-J.Thanghuama, Vice-Joe Ngurdawla & Sapliana, Gen. Secys-H.Hrangdawla, Dotinaia, Tres-F.Bialzauva te an ni. An party chhungah hian member 17 awmna central working committee an nei bawk.

18. Mizo Convention (MC) :- Congress(I) thenkhat, Janata Pary & P.C kalkhawmin Bawngkawnah kum 1982, April ni 2-ah inhmuhkhawmna an nei a, ni 3rd April, 1982-ah Dawrpui Middle Sikulah Vantlang inkhawm a zau zawkin an nei a, Mizo Convension hi an din ta a ni. General Assembly ni 12th & 13th Dec, 1982-ah Dawrpui Middle Sikulah an nei a, ni 13th Dec hian OB an thlng a, chungte chu Pres-Dr.Rothuama, MP, Vice-J.Thanghuama, Gen Secy- Sapliana, Tres-V.L.Hruaia te an ni.

19. Mizo Peace Forum (MPF) :- hi 30th Nov, 1982 kuma MZP leh MSU ten an din a ni a, Political Party-ah kum 1983 ni 4th August khan letin an OB hmasate chu Pres-P.Siamliana, Vice-Lalherliana Khiangte, Gen Secy : K.Hrangthankima, Asst. Gen Secy-Zothantluanga, Tres-C.Chawngzama, Fin Secy-F.Aithanga , Chief Consultant -Thanglawta, Consultant-Lalthangliana Sailo leh Office Secy H.Laltanpuia te an ni.

20. Lairam Congress Party (LCP) :- hi Lawngtlaiah 1992 kum khan Pu C.Thanghluna, veteran politician in a din a ni a.

21. Bharatya Janata Party, Mizoram Pradesh (BJP) :-hi 3rd February, 1993 kuma din a ni a. An OB hmasa te chu Pres-Vanlalrawna, Vice-Chawngzika Riang, K.Lalhnuna, Gen Sey-C.Thanngura, Secy-Rualpawla, Tres-Vanlalrawna (Pres) te an ni.

22. Lairam People’s Party (LPP) :- Pu F.Manghnuna’n kum 1996-a Lawngtlaia a din a ni.

23. Mizo National Front (Nationalist) (MNF(N)) :- hi March ni 20th, 1997-a Pu Lalduhawma din a ni a, amah hi Pres ni nghalin Vice-James Dokhuma niin reiloteah ZNP hming (2000) an pu leh a ni.

24.  Maraland Democratic Front (MDF) :- Kum 1997 khan P.P.Thawla’n Saiha-ah a din a ni. Vice Pres- H.C.Vanhnua a ni a, Tres hi L.Patha a ni.

25. Zoram Nationalist Party (ZNP) :- MNF(N) khan hming phuah dangin July ni 29th, 2000 khan din a ni.

26. Mizoram Congress Party (MCP) :- INC-a an veteran thahnem takin 17th August, 2005-a an din a ni a. Founding pres-J.Lalsangzuala, Vice Pres-Saikapthianga, Tres-R.Thangliana, Gen Secy-Linsuama te an ni.

 P.S :Ziah hmaih a awm ngei ka ring a, Pu K.C.Lalvunga (Zikpuii pa) pawh khan political party kha a din hman lo maw ?

Similar Posts:

• Congress and MNF to form one party in Mizoram
• Serchhipah YMM a ding ta
• MCP ding zel dawn?
• Mizo students union Silchar din a ni ta
• United Democratic Alliance (UDA) a ding

Recent Posts:

• mi(sual).com hi!
• KA MITTUI A TLA!
• ȚAHNA NUNHLUI
• March 2017, Mizo(ram) Diary
• NUN THÂMRAL

This entry was posted on Wednesday, October 31st, 2012 at 3:56 pm and is filed under Copy Paste, Mizo Society & Culture, Mizoram, Politics. You can follow any responses to this entry through the RSS 2.0 feed. You can leave a response, or trackback from your own site.