“Mitthi khaw thlengin lai tlang mah sela, chuta ta chu ka kutin ka la chhuak ang” Amosa 9:2.
A hnuaia Finland nitin chanchinbu Ammenusastia a lo chhuak article pakhatah chuan tihian an ziak:
“Scientist-ten Hremhmuna au aw an record”
1990 bawr vel khan USA a kristian pawl Trinity Broadcasting Network-in an puan darh, thawnthu pakhat chu Siberia vur rama scientist rual (geologist) ten tuialhthei zawnga khur thuk tak, mel 9 (km. 14.4) a thuk an verh a, lei hnuai thuk taka leilung che vel awmdan ngaithla turin microphone an thlak thla a. An rin loh takin leilung che vel ri ni lovin, mipui na tuar rum thawm rapthlak tak mai hi lei chhungril lam atanga lo chhuak an hre ta thung a. Eng thil nge ni ta tiin mak an tiin an hlauthawng em em a. Scientist rual zinga a zatve phei chuan verh zui zel an ngam tawh lova.
Finland rama newspaper pakhata chhuakah chuan, chu leiverh kua atang chuan bak anga thla nei mi eng deuh vuai pakhat a lo chhuak a, Russia tawngin, “I hneh ta” tiin a tawng chhuak tih a sawi tel.
“Communist pachal ka nihna ang chuan vanram leh Bible te hi ka ring hauh lo, scientist ka nihna ang erawh chuan hremhmun a awm tih ka ring ta,” tiin Dr.Azzacove-a chuan a puang tawp mai. Kan thil hmuh chhuah hian min barakhaih the asin. Mahse kan thil hriat te hi mit ngeiin kan hmu a, kan thil hriatte lah keimahni beng ngeia kan hriat te a ni si. Hremhmun kawngkhar thlengin kan zu lai tlang tih kan hre chiang a ni,” a ti a ni.
Dr. Azzacove-a chuan,”…lei kan verhna khawl chu nasa deuh mai hian a vir ta vak vak mai a, chu chuan hmun thawrawng emaw, puk chhung emaw kan zu verh pawp tih a entir a ni. A satzia tehna atangin Farenheit degree 2000 ah a kai chho daih mai a ni,” tiin a sawi zui.
“Lei verhna kuaah chuan hnuai lama leilung chet dan ri awmdan tehin microphone kan thlak thla a. Mahse leilung inthial ri ni lovin mihring na tuar au thawm kan hre ta le! A tirah chuan ri chu keimahni khawl atanga lo chhuak emaw kan ti nghe nghe.”
“Mahse kan rem that vek hnuah pawh chuan kan duh loh ber thil chu a thleng ta tlat mai. Chung au thawm te chu mi pakhat au aw mai a ni lo, mipui maktaduai tam tak au ri nuaih nuaih thawm a ni tlat mai.” ( He hremhmun au thawm hi CD ami Pu PC Biaksiama pawhin a ngaithla ve nghe nghe a, a awm a tinuam lo hial a ni- Joel).
He thil hi tak tak a ni em? Hremhmun awm ring lo lam chuan dawt phuahchawp ang lekin an tial nasa khawp mai tih hi tunlaia kristian website tam takah tarlan a ni. A awih lo lam hnialna thawm a ring zawk a nih chu. Amaherawhchu heng hnialtute hian lei verhtu scientist rualte emaw, an hotupa Azzacove-a te hi zawng chhuakin thu te pawh zawt chiang sela a dik leh dik loh chu an finfiah mai tur a.
Russia scientist ten an leiverh atanga hremhmun au aw an record chu lo dah tha ta ila, kum zabi 14-na laia Casper Peucer-a leh midang dangten tlangkang atanga tap leh au thawm an hriat thu te, Jacques Costeau-a’n tuifinriat hnuai atanga mipui rum thawm a hriatte leh Bermuda Triangle tuipui hnuaia chutiang thawm ri te pawh chu, kan awih lo zel dawn a nih chuan a hretu te hnen atanga zawh fiah zel a va tul em?
Kan chhinchhiah reng tur chu, Vanram awm ring tawh lo khawvelah kan cheng tawh a, hremhmun awm ring lo theologian ten kohhranah rawng an bawl a. Kristiante Bible hi tawng danga lehlinna hmangin hremhmun chungchang hi sawi dal hret hret a ni a, thlan khur emaw, Pathianin a kalsanna ram reh ang lek emawin kan mithiam leh miril ten min chan chhuahsak mek a. Hremhmun inlarna thu leh hlate phei chu buaipui tlak loh anga ngaih a ni mek a; pulpit tlang pawh chang pha tawh lo a nih lai hian, kan mi rin loh lohte hmangin, in ring lawk lova kan tlak palh hlauvin kan Lalpa Isua Krista hian inlarnain mi tutee maw a hruai thin a’tuman chhuanlam kan neih theih loh nan, heng chanchin te hi thahnemngaiin kan lo inhriattir lawk ve a ni. Setana controlna hnuaia he khawvel finna hian engtiang pawhin hnial thlak tum mahse he Pathian thu hi zawng an hru reh chuang lovang : Hremhmun rapthlak a awm tih leh, a awmna hmun pawh he kan awmna lei hnuaiah ngei hian a ni, tia Bible –in fiah taka min kawhhmuh hi!
Thu lakna : PC Biaksiama – Mi Hausa leh Lazara
Revised & Enlarged, September 2009
Chhiar zau duh tan :
1. John Banyan – The Divine Revelation of Hell
Whitaker Publication, USA, 1998
2. Henry Morris – The Bible Has the Answer
Publishers, Inc. 1987
3. B. Lalrinkima – Vanram leh Hremhmun Hi
Revised & Enlarged, 2006
4. Watkins, Terry – “The Truth About Hell,” at https://
www.av1611.org/hell.html
5. Wiese, Bill – 23 minutes in Hell, Charisma House, Florida, 2006
Similar Posts:
- Welcome To Hell!
- Siberia Hell: Hremhmun an laichhuak em ni?
- Indian Hell….
- Ranting Canon in D on a cello
- KA HRIAT THIAM LOH
November 3rd, 2012 at 5:30 pm
An lai chhuak tak tak em ni? Atheist ho an lawm ang chu aw!!!
Report this comment
November 3rd, 2012 at 6:58 pm
“Lungte tal pawh a au chhuak ang”, tih anih kha. Kei chu TBN report khi ka rin zawng tak ani. Hremmun leh vanram chu awm tehreng e. Tudang man min rin pui lo mahse ka ring tho vang.
Report this comment
November 3rd, 2012 at 7:15 pm
A ngaihnawm e.
Report this comment
November 3rd, 2012 at 7:30 pm
Han verh thuk leh zual sauh se la tha tur.
Kan chiang tlang uar mai tur hi a ni a leh.
Van ram leh Hrem hmun hi chu, a awm chiang.
Report this comment
November 3rd, 2012 at 7:44 pm
Hemi base deuha nula 1 mitthi tholehin a thil hmuh a sawi filma an siam kha ka en ve tawh a, rapthlak tak ani ringawt mai. Hemi ri an lo record kha an hmang lehnghal a, rapthlak tak a ni.
Report this comment
November 3rd, 2012 at 7:52 pm
Leiverh kua a tang a bak ang deuh lo thlawk chhuak chu a van tha lo eeee
Report this comment
November 3rd, 2012 at 7:55 pm
CFL, nang maw?
Hmanah pawh ka comment peih tawh lo va, thutak a ni lo va…
mahse tun tum chu… misual memberho hian an comment tam hmain kan sawi ve a nih hi..
Report this comment
November 3rd, 2012 at 8:23 pm
Puii @ 7, hremhmun a awm tih thu hi thu tak a ni lo i tihna emni??
Report this comment
November 3rd, 2012 at 8:38 pm
Hremhmun au aw an record tih hi maw le…..
ka hmanlo deuh rih a, khoiah emaw post hlui kha lo zawng teh… English pawhin.. googled teh aw… a awm nual kha… 
Report this comment
November 3rd, 2012 at 8:41 pm
Hremhmun awmna hi sawichian a ni lo tlat mai a……. chuvangin ka sawi ve ngam hauh lo….
Report this comment
November 3rd, 2012 at 8:45 pm
Puii @9, Pu Biaksiama hian ka ngaithla ve ngei e a tia, a la kawl tha hialin ka ring. Amah a zawh chi khawp ang.
Report this comment
November 3rd, 2012 at 8:49 pm
Bak ang deuh rawh thlawk chhuak chu,
eng tak ni ang maw? Han verh pawp ngat phei se chuan, bak ang deuh vin thla rau sual rual ho
an rawn thlawk chhuak nul nul ang a,
a buai thlak ngawt ang le. Tlang kang pawh hi a hming thlak i la,
Hremhmun(mei dil) so liam ti ta i la,
a in hmeh phian-in ka ring tlat.
Report this comment
November 3rd, 2012 at 8:53 pm
An lei verhna khawl khi 2000 degree farenheit ah chuan a kang chhe lo em ni le??
Report this comment
November 3rd, 2012 at 8:54 pm
Hremhmun thawm hi Ngaihthlak duh chuan hetah hian…”Russian Scientists dig 14km deep and hear HELL!!” Sawifiahna, hnialna leh sawizauna Comment dang pawh a awm nual. https://www.youtube.com/watch?v=iHAJojGIqi4
Report this comment
November 3rd, 2012 at 9:10 pm
ka ngaihthlak chak zawng ani love
Report this comment
November 3rd, 2012 at 9:12 pm
Mangtha vek u le…
Report this comment
November 3rd, 2012 at 9:18 pm
Laihchhuah aralah chuan hremhmun ber kher han laih chhuah chuh. A va hit lo ve.
Report this comment
November 3rd, 2012 at 9:34 pm
He thil thleng hi an sawi chu ka hre fo tawh. Ka awih ngailo, mahse, i bible chang rawn dah leh i thu rawn chheh kual vel dan atang hian rinna chin ka nei mange.
Report this comment
November 3rd, 2012 at 9:40 pm
Hremhmun a awm ngei ka ring, chutiang bawkin Vanram pawh. Amaherawhchu i thil rawn post erawh hi chu ka ring lo, hmanah ka ngaithla tawh, ka awih zawng a ni lo. Pu Biaksiama te pawh hi thil mak leh dangdai lam hi an lawm mah mah ka ti. Rawngbawltute pawh hian a mak leh hlauhawm lam zawng nilovin, Pathian hmangaihna leh Lal Isua chhandamna hi hril mai ila, a awih duhin awih sela, a duh lovin awih lo mai sela, awihtir thei tu lah kan ni der silo.
Report this comment
November 3rd, 2012 at 9:55 pm
A tak a a hrehawm dan tur hril phak tak tak lo mahse hremhmun hi rapawm leh hrehawm, hlauhawm tak ani tih hriatnan leh lantir nan tiang te hi a tangkai tak ang chu maw le, Pathian ngaihsak lo te’n hremhmun hlauhna an neih theih nan.
Report this comment
November 3rd, 2012 at 10:01 pm
Fahreinheit degree 2000 ah hian microphone hi a function tha tho chu a ni ang maw
Report this comment
November 3rd, 2012 at 10:06 pm
Hetih hun lai hi 1990 ni lovin, 1999 kum a Syberia vur ram a thil thleng kha a ni zawk lo maw aw…
Report this comment
November 3rd, 2012 at 10:11 pm
CFL, Pu Biaksiam chu zawh kher pawh a ngai hlei nem…
truthorfiction.comah an sawifiah hi..
Seki pawhin july 4 2008ah a rawn chhawpchhuah hi….Siberia Hell tiin
Chhama pawh hian an veng KTP chanchinbuah a chhuah chhawng tawh mai thei… a rei ta deuh a…
Report this comment
November 3rd, 2012 at 10:11 pm
Hremhmun hi chu a awm ngei ang a, mahse he thil hi chu ka awih vaklo
Report this comment
November 3rd, 2012 at 10:23 pm
https://www.snopes.com/religion/wellhell.asp
Report this comment
November 3rd, 2012 at 10:26 pm
Lei chhung ril ber hi chu thil sa lutuk lava an tih mai kha a awm a ni lawm ni? Kan zirna a reita deuh a, 87 chho vel kha a nia ka chiang ta mang hauh lo mai. Tin , kan Pathian hian hremhmun hi lei mihringte laih chhuah mai mai theihah hian a dahin ka ring lo.
Report this comment
November 3rd, 2012 at 11:56 pm
#19
Report this comment
November 4th, 2012 at 12:48 am
Bermuda triangle hi ‘Eden huan’ ni thei awma sawina ka chhiar tawh kha ka hrechhuak zawk mai.
Report this comment
November 4th, 2012 at 1:59 am
Tak2 ni se mi maktaduai telin chu ‘aw’ hre tur chuan chu hmun chu an pan luih2 tawh ang a, INLA ATHIEST pawh an awm tawh nang
Vanram leh hremmhmun an awm chu ka ring nghet tlat tho.
Report this comment
November 4th, 2012 at 2:09 am
Vanram leh hremhmun AN ni loin A tur, edit ka tuma page ngaiah hlir a chhuak
Report this comment
November 4th, 2012 at 2:42 am
#19 sawi hi Christian dik tak tih tur niin ka hria.
Tin, hrehmun hlauh vanga Christian inti chu amah leh amah a in bum.
Report this comment
November 4th, 2012 at 7:22 am
Kei vanram kal tur hremhmun a awm ngei pawh ring hian hetiang thumaksak hi chu ka chawtak khukpui hlei thei tlat lo. Mahse a ngaihnawmin a bengvarthlak hrim hrim e.
Report this comment
November 4th, 2012 at 8:42 am
Hremhmun leh vanram te chu kan bul lawk pen khat vel lekah an awm reng a ni lawm ni.
Report this comment
November 4th, 2012 at 11:35 am
Hremhmun au thawm an tih kha
pa thum lai ka download a, thu tak
hla tak a nih hmel loh tlat mai a.
Khawi lai camping crusade na a mi,
mi-in an sual zia leh an chung pik zia
in hria a, in chhir a awm chum meuh va an au chel chul hi a ang ber in
ka hria. Thil mak sak in ti hre deuh bik, mi tu te e maw thil tih
a nih hmel tlat. Thu tak hla tak ni se chuan, mi tam tak in an tlawh
huai huai ngei ang. Pu Van’n
a sepecial report a tan, a zuk la ngei
tawh ang chu maw le.
Report this comment
November 4th, 2012 at 12:09 pm
La thi ve lo na na chuan sawi tur ka hre ve lo a ni
Report this comment
November 4th, 2012 at 12:41 pm
Biblea a mitthi khua hi hremhmun/meidil a ni ang em? Kan thlarau te hian mei sa tak te hi sa a la ti reng tho ang em? tih te hi a chhanna pe thei khawvelah an awm tawh em? Thlarau sual ho hrem nan hian mei hi a nih ka ring thei lo a ni.Thil dang a nih ka ring zawk mah.He ta Russian scientist te hremhmun tih pawh hi thil dang a ni zawk ang te ka ti…
Report this comment
November 4th, 2012 at 1:29 pm
Khaih khaih..
Hman hmanah phuahchawp a ni tih an laihlan vek tawh kha….
Puii sawi ang khian Sekibuhchhuak pawhin Zara Vanglaini mail a rawn tlangzarhna a rei tawh kha mawle…. ;
Pathian thusawi te hi a tha e…mahse tehkhin thu maksak deuh belhchian dawllo deuh chu sawi tel loh a tha..
Pu Biaksiama pawh hian phuahchawp a ni tih a hre daih tawh ang…
Report this comment
November 4th, 2012 at 10:10 pm
Internet hoax a ni an tih luai luai tawh kha mawle.
Report this comment
November 4th, 2012 at 10:26 pm
Farenheit degree 2000-ah chuan an microphone chu a la function zuiin, a wire pawh in a la dawl zo cheu a maw???
Report this comment
November 5th, 2012 at 3:24 pm
Ka nuih pawh ati za pha lo. Kan buaipui aho mah mah. Kan rinna ti dik tura thu chiang manglo leh mi pangngai tana awiloh tawp tur buaipui ai chuan thudik chiangsa pawh atam lutuk. Thu maksak sawidawna north pole emaw siberia emaw anih tawh hi chuan a awiawmloh vek.
Report this comment
November 7th, 2012 at 11:04 am
Hremhmun an laih chhuah chuan hei hi Lunghlu tuallai chu a ni thei mai lo maw?
(fth)
https://news.nationalgeographic.com/news/
tren tren
Report this comment
November 7th, 2012 at 11:12 am
Het, ka dah sual. Mai mai lo chuan
https://www.google.co.in/url?sa.....a7fkuWiVzQ
dik tawh em aw…
Report this comment