(He thu hi kohhran sawiselna atana ziak ka ni lo va, kohhran ropuizia ka hria a, a tan tlattu ka ni reng ang. Mahse thlak ngai erawh a awm ve fo thin avangin rilrua riak reng ka han sawi chhuak mai a ni e.)
Hman deuh tawh khan Aizawlah inneihna pakhatah ka kal a, kohhran dan khatna tlin lovin dan hnihnaa (Baptist ka ni a, keini chuan Dan puitling leh dan te kan ti mai.)innei an ni. He kohhran hian inenkawlna fel tak an lo nei a, dan khatna leh hnihna pawh an lo thliar hrang hle a ni. Helai tak hi ka sawi duh lai chu a ni.
An dan chipchiar ka hriat loh avangin ka hmuh mai theih chin chauh ka han sawi ang e. Kohhran hall an nei a, chutah chuan inneih inkhawm chu hman a ni. He kohhranah hian dan te-a inneite an lo chep em em mai hi mak ka ti a, an kalphung hi a khirh em avangin kohhran member dan khatna tlinlote te tan insat zau deuh se ka duh khawp mai. Heta sawi hian awmzia nei thui vak dawnin lang lo mahse mi(sual) thiante ka han share ve duh lawk che u a ni. Chung an kalhmang tha lo ka tihte chu:
1. Zing dar 8 hmain inneih inkhawm buatsaih tur: Hei hi a hahthlak khawp mai! Mo chei chhung hi a reia, chhungkuaah ngaihtuah tur a lo tam bawk nen, khual khua a mite tan pawh a hautak a ni.
2. PA System hman phal a ni lo : An hall kha a thangkhawk bawk si, Pastor lah a tawng ring em em bawk si lo va, zing kar aw clear tha lo nen, inkhawm a urhsun lo va, hall-a leng lo ho phei chuan engmah an hre pha lo.
3. Zai phal a ni lo: ‘Tuna an inneihna hi..’ tih hla pawh sa lovin kan zo mai a, zaithiam zai phei chu khawi lam riangvaiah! An innei mawlh mawlh a ni ber mai.
4. Inneihna hmun/Hall chei phal a ni lo : An bial chhung kohhran thenkhatah chuan pangpar khawi takngial pawh an phal lo. Ka inkhawmnaah hi chuan pangpar bawr khat chu khawhar takin an khawi ve thei hram!
5. Kohran bungbel hman phal loh : Hman an phal si lo va YMA lam bungbel leh khawi khawi a mi emaw pawt khawmin ruai chu kan theh tak kha. An siam tuihnai hlauhva ka puar phian!
Heng ho hi a langsar zual ka han sawi mai theihte a ni. Tin, inneihtirtu Pastor pawh hian a la serious lo hle tih a hriat theih. A kawr thun lah chu a chhuak pur mai lehnghal a 
Dan te-a inneihnaah chuan a sawi that tum ber a ni ang an la ti zui!
Ka sawi tawh ang khian ka ngaihhlut em em, kohhran ka sawiselna a ni lo va, amaherawhchu hetiang taka inthliarna nasa hi a tha lo ka ti takzet a ni. An kohhran anpui dangah chuan hetiang taka khapna an siam loh thu ka hria a, mak an tih thu min hrilh pawh an awm. Dan khatna/puitling hi a hlu a, chawimawi ngei tur a ni. Chutih lai chuan, Pathian hnena hlan a, A hriatpuina dila inneihna kan buatsaihsak ve tho, dan tea inneite kan nawr chep lutuk hi a tha ka ti thei lo a ni. Dan khatna an tlin lohna avang chuan an dik lo tih chu chiang reng mahse kohhranin a member-te a thliar hran lutuk hi fel ka ti lo tlat a ni. Biakin an chang tawh lo va, kohhran puipate inrawlh chin tur pawh a awm a, chubak han belhchhah vak hi a ngaiin ka hre lo.
Ka han inpaih thawl ve lawk a nih hi, a tul chuan menah min lo thlak mai dawn nia.
Similar Posts:
- Hmeichhe Pastor neih a hun tawh
- Karbi Inneih na ah ka tel ve a.
- Presbyterian Church USA-in kohhran hruaitu atan mawngkawhur pawm
- Pasal neih vanga kohhran thlak…?
- A Bika Sawmna
a tha khawp mai
November 9th, 2012 at 8:10 pm
Leh lawks…Biak In hawng lova nupui ka neih khan, kan kohhran upa pakhat inla fir lutuk tak mai chu inneih inkhawm leh in lam a kan lawmna hunah pawh a tel duh lo (a tawngkam mi ka atangin ka hria). Min inkutsuihtirtu Pastor erawh kha chuan a tihdan pangngaiin urhsun takin hun a hmang tho. Tin, a theih angin in lamah pawh min lawmpui bawk.
Tichuan, tun hnu thleng hian kohhran upa ka sawi khian thu a sawi apiangin ka inkhawm peih lo, a thusawi a ka inkhawm fuh palh tum pawhin ka tuilo thei raps. Pastor erawh khi chu (a pension daih tawh) tun thleng hian ka la nel, a thusawi pawh ka ei. Misual ka inpuang lawk a ni e…min lo hrethiam teh un.
Report this comment
November 9th, 2012 at 8:14 pm
#5 na a ka ziah ang atang khian ngaihtuahna siam chi mawle. ahems
Report this comment
November 9th, 2012 at 9:05 pm
Mahse,,, han ti talh ila…
A denomination pumpui ang chuan kan practice paw’n ka va hre lo em? Kohhran mal leh Pastor a zir niin ka hre ber. Pastor leh Tualchhung Kohhran mal zau hek-hawk hi tunlaiah chuan Tisa leh Thlarauvah kan mamawh tawh a ni.
Denomination hrang hrang kar (gap) pawh hi Pastor & Kohhran mal a zirin a zauvin, a zim hlei hle-in ka hria. A positive zawnga “Aw” (voice) erawh neih ve a hun viau-in ka hria.
Report this comment
November 10th, 2012 at 12:26 am
He kohhran ka sawi hi an bial bika an inkaihhruai dan ni awm tak a ni. An anpui kohhran dangah chuan an kal dan hi an zawm lem lo.
Report this comment
November 10th, 2012 at 6:38 pm
Va post tha ve!
Ka lo hre ngailo reng reng a..
An dan siam chu a diklo deuh a nih chu..
Report this comment
November 10th, 2012 at 10:35 pm
Comment ka va ti ngai ta lo ve aw….. kan ti leh teh mial te’ng.
Post leh in comment zawng zawng hi ka chhiar chhuak vek a, Kohhrana rawngbawltu leh Committee member kan va awm loh hmel em ka ti a. Mahni rel loh sawisel hi chu a nuam viau zel a nia. Han sawisel vak mah ila eng ruai kan ni chuang hlei law!!
#33 Pathian rawng aia Kohhran rawng bawl chungchang hi tun hma chuan ka ngaihtuahna a awm fo thin a ni. Pathian rawng bawl lovin Kohhran rawng an bawl a, ka ti fo thin mahse alo ni hauh lo nia. Kolossa 1:18, 24 kha han chhiar ila Kohhran hi Isua Krista taksa a lo ni tlat tih ka hre ta a. Chuvangin ka ngaihdan fuh lo tak hi ka thlak ta. Rawngbawltu te hi Pathian ruat an ni, an tha emaw, tha lo emaw Lalpa ruat an ni. Chutah tak chuan Gen:19 a kan hmuh ang khan ni tina an nunna tura an tlan erawh a ngai thung. A ka sawi zel chuan ka sawi duah dawnin ka hria e a….
Report this comment
November 10th, 2012 at 11:35 pm
Kei pawh post leh commentte ka chhiar chhuak dap e….
muantea pawh a tawng vanduai….
Pastor leh BIAL hruaituteho rel ang hian mitthi vui leh inneih programme hi chu a kal thin a, pastor ham strick deuh zual hi chu an awm deuh chu anih hi… 
Report this comment
November 12th, 2012 at 2:52 pm
kan kohhranah chuan engemawchen chhung kha chu dan puitling chiah kan neia, dan hnihna or dante tih vel kan nei ve ngailo, tha ka lo ti hle thin. Mahse engemaw lai deuh khan dan hnihna an siam ve tawh tih thawm a awm tlat maia, an tih miau chuan pawi pawh ka ti em em chuang lova. A pawimawh ber zawk chu kristian kan nihna zawna kohhran dan puitlinga inneih kan chawisan tluk zet hian mihring leh mizo kan nihna anga kan ‘Marriage law’ siam that hi a hun tawh takzet. Pathian hmaa inkutsuihte ngei ngei hi inthen hun alo thlen chuan India dan siam ang nilo Mizo Customary Law outdated tawh lutuk milin an kal a ngai fo mai hi a runthlaka, inneihna hian chatuan a daih vek kher loh avangin a inneih dana lam ai chuan a maintenance leh a hnulam ‘thil’ hi a pawimawh zawk.
Chuan kohhranin chuti taka dan puitling leh tlingloa inneite a thliar dawn anih ai chuan dan hnihna or a tenawia kha chu siamlo law law sela, dan puitling tlinlo chuan sap style in changkang takin emaw simple takin biakin leh sunday’s school hall chhehvel kher nilo hmundangah mahni duhdan ang thalin inneihna lo buatsaih ta zawk mai sela, court ah felfai takin in register bawk sela, a tha fe zawk.
Report this comment
November 12th, 2012 at 5:42 pm
(A inneia ten eng nge harsatna an neih tih lam ka ngaihtuah lem lo va) A thra ka ti e kei chu… Biak in hawng ngeia inneih hlutna hi kohhran ken kawh chi a ni ve a, a thra ka va ti em, kohhran hrang hrangte pawh hian entawn chi an nih chu…
Report this comment