mi(sual).com

KUM 70 saltan chhan:Khatia Israel Lalram chu Solomona hnu a lalram 2 a an lo inthen darh tak khan, nasa tak in ram chu a khawlo ta a, Hmar lam Lalram, Israel hnam 10 te chu Assuria Lal Tigleth Pilesar II  in 722* BCE ah khan a rawn tuktlawm ta a. (Chu chu hnam 10 te an bo tanna an chhui tanna point lar zet pawh chu a ni. Joshua hova Jordan lui an kan dawn khan kan ve duhlo hnam kha an lo bo tawh bawk a nih kha aw, chumi hma leh khan Aigupta a Mosia ho a tuipuisen an kan khan kan ve duhlo an lo bo tawh bawk, tah hian Josefa fapa 3-na, ro luahtu tur, Ephraim leh Manasia naute thlah pawh a tel maithei a ni ??)

Chuan hmar lam chu sawilo law law tawh ila, Puithiam an neive tawhlo a, Jerusalem an nei ve tawh lo bawk a, chhui zui lo ila. Sabbatical years, kum 7 dan a ram an awltir thin chu an lo bawhchhe nasa ta em em mai a, a vai chuan sabbatical years 70 an lo bawhchhe hman(weekly sabbath nen ngaihpawlh loh tur aw, an hrang a nia). Chu an bawhchhiat kum 70 chu Pathian in a enliam mai mai ta hauhlo mai le, Ram chu kum 70 a awl tur a ni ta tlat. Chu chu kum 70 Babylon sal a an va tanna chhan bulpui chu a ni e.

Jeremia 29:10 “LALPA chuan heti hain a ti si a, Babulon tan kum sâwmsarih chu a kin veleh ka rawn kan ang che u a, in hnêna ka thutiam tha tak chu ka hlen ang a, he hmunah hian ka kirtir leh ang che u.”

Chhimlam Lalram, Judah erawh chu a la kal zel a, Babulon Lal Nebukadnezzar an vawi thum a rawn run ta a ni. BCE 607*, BCE 598* leh BCE 586* ah te. A run vawikhatna ah hian Daniela te thianho 4 pawh hi sal a hruai zing ah an tel a ni. Nebukadnezzara khan a duhsak em em a, mahse a hnu a Babylon Lalte khan an hre zui ta lo, kum 70 a liam dawn ruai a, Medo-Persia in Babylon chu a rawn run a, a hneh a, Daniela chu chawisan a ni ve leh ta chauh a, kum 80/90 lai a upa a lo ni tawh a ni. Chuan putar Daniela chuan Jeremia sawi kum 70, mi ram a an saltanna chu a zo dawn tih a hrethiam ta a, chuta a mite awmdan tur ah chuan a buai em em a, Messia lokal a, Juda lalram ropui tak indin tawh tur a beisei nen, Pathian hnen ah ni 21 chaw ngheiin a tawngtai ta a, he Hapta 70 hrihlfiahna hi a dawn ta a ni.

He kum 70 hi sawi tawh ang in Dual Prophecy a lo ni thei reng mai a, khawvel ah chuan  a chhawng 1-na hi a lar em em a, chhawng 1-na ah hian ngaihdan pathum(3) a la awm leh bawk a, chungte chu kan en hmasa thuak bawk ang (a pawimawh tawh lo zawk chu  anni na a)

Daniela Hapta hmasa zawk hi sawidan chi thum an awm a, a chhan ber a ni nge chu ka hrelo, Jerusalem hi vawi thum run a ni a, kum 70 hnu a saltang an lo chhuak leh hi decree pathum lar deuh an awm leh chiah a, chhawng thum chiah in an rawn haw leh bawk, a mak ve ngawt mai, No.3 hi a secret code a lo ni dawn emaw ni le?

Chhut ang aw: BCE 607* ah an tang tan a, kum 70 an tang dawn a nih chuan an saltanna atanga an chhuah hun chu 607*-70 = 537* BCE a nih chu.

An saltan kumte chu:

1. 607* BCE (Nebukadnezzara run vawi 1-na)
2. 598* BCE (Nebukadnezzara run vawi 2-na)
3. 586* BCE (Nebukadnezzara run vawi 3-na)

An saltang kirlehnate chu:

1. BCE 537* ( Zerubbabel ho in), Persia Lal Cyrus an thupek a chhuah (II Chro 36:22,23 & Ezra 1:1-4, 5:13)
2. BCE 455*(Ezra ho in ) Persia Lal Artexerxes Longimanus I an thupek a chhuah (Ezra 7:11-26)
3. BCE 445*(Nehemia ho in) Persia Lal Artexerxes Longimanus I te anni. (Nehemia 2:1-8)

(BCE 520* ah pawh Darius I decree chu a awm bawk a, mahse chutah chuan saltang an kir leh thu chu Bible record a awmlo emaw ni, he chhutna ah hian tuman an hmang tlatlo thung)

( *Kum chhutna ah hian hi tlaikhawhnu a Solar Calendar BC/AD atanga  chhut let annih avangin kum 2 in millo a awm tih in hrethiam ang a, chu chu hetah ka post tawh tho kha, BC 1/AD 1 confusion avanga kum 2 chhut dikloh vang a nih kha. A hnu zel ah pawh kum a * chhinchhiahna an awm chuan kum 2 thleng in a danglam thei tihna a ni zel ang, Calender inanloh vangin scholars te an lungrual thei tawh lo)

Hapta 70 a “hapta” tih thumal tak hi dual meaning nei a lo ni leh ta a. Hebrew tawng ah chuan sabu’im(pl.) sabu’a, sabu’ot a ni a, pasarih tihna a ni a, ot hi sign tihna a ni, chu chu sabbat tawngbul chu a ni bawk. Greek tawng ah chuan epta, eptat  a ni  a, chu chu heptat, hepta, hapta kan ti lo chhuahna hi a ni. A tobul chu PASARIH TIHNA A NI MAI.

Chutichuan hapta hi pasarih tihna a ni tih zawng a kan chhut chuan hapta 70 chu 70×7 tihna a ni ta mai a: 70×7=490. Ni 490 ah engmah Jerusalem sakthak, temple sakthat, kawtthler siamthat a thlenloh avangin kum 490 tihna a chhut a ngai ta a, chu chu Daniela Hapta hrilhlawkna hmasa ber atana an hman chu a ni a, a dik bawk.

Emaw, hapta hi a hebrew text kan en chik chuan thil pasarih sawina a ni a, chutiang chu Jewish festivals ah kan zawn chuan an feast of festival may thla tawplam leh June thla tir a an hman thin sawina a ni leh mai bawk. Chuti zawng a kan en chuan kum 490 lam hi a lo lang ta reng reng lo mai a nih chu, chu ai chuan Hapta 70 hi kum 70 chiah chiah a ni thei thung. Kum khat chhung ah hian feast of festival (shavuot=seven signs) an awm zel bawk, chumi sawina pawh chu a lo ni reng thei a, Heng Hapta awmze pahnihte hi chuutna pahnih ah hian kan hmawng dawn ta ve ve a nih chu. Chhiar chhunzawm duh tah a tam khawp, link pakhat chu kan dah ang e.

Hetah : https://messianicministry.info/Shavuot_eng.htm

CHHUTNA 1-NA 

(BCE 537* – CE 70)

He chhutdan ah chuan BCE 536 khan kum 70 an saltanna a zo ta chiah a, he kum hi Daniela Hapta intanna ah an pawm ta a,hapta 7, hapta 62 leh hapta 1, a vaiin hapta 70 thendarh lehchhawn a nihna chhan kha an inzawm chiah chiah loh vang a ni an ti a. Chuan General Titus an CE 70 a Jerusalem a rawn  tihchhiat tak kha Daniela Hapa 70 tawpna chu a ni an ti. A intanna chu kum 536 BCE-a Jerubabbel-a ho a a thawh khatna atana saltang an kir lehna kha a ni a, a tawpna chu CE 70 a ni a, an inzawm chuan kum 600 chuang hret a ni a, mahse an inzawm lo an ti a nih chu. Hetiang a thil inzawmlo hi Prophecy kalphung pakhat chu a ni ve hrim hrim tho mai. Isaia 61:2,3 Messianic Prophesy larzet mai pawh hi amah Yahushua khan Luka 4: 18,19 ah khan a rawn thenhrang ta tlat mai a nih kha, First Coming leh Second  Coming hi OT zawlneite khan thil pakhat ang in an hmu vek a, an sawi zawm vek a, mahse hunbi 2 a lo ni reng mai tih kan hrethiam vek tawh chu a nih hi, anmahni Juda te tihloh chuan.

A tawpna hi Isua’n Matthaia 24: 15-22, Luka 21:20-24 sawilawk (dual prophecy tho a ni leh bawk a nia aw) nen khan an inzawm em em mai a, chuti zawng chuan pawm awm em em tho mai. He pawmdan a chakna point dang leh chu decree pek a ni reng reng chuan vawi khat aia tam pawh pek ni se, a hmasa ber hi thutling a pawm ani zel ang tih hi a ni ber mai. He interpretation hian awmzia a neih avangin Jewish Hermaneutics ah chuan pawm theih a ni e.

CHHUTNA 2-na

(BCE 455*-CE 37*)

Hei hi khawvel pum a an hriat lar ber dawttu chu a ni a,  Hapta 70 a zo tawh ti pawlte pawmdan a ni. A lo chhuah tanna hi America a rawn lar chhuak, REPLACEMENT THEOLOGY a innghat a ni a, a pawmtute ah hian ammilianist lam an tam riau mai bawk. He hrilhfiahna  hian BCE 455*(a then chuan BCE 457 an ti, solar Calendar a kum 2 invuakthuah lui, Heroda’n Bethlehem naupang kum 2 chin hnuailam a thahna thupna kha lo hre reng ila) ah an chhut tan a, chu chu Lehkhaziaktu Ezra ho a an kirna kum kha a ni.

Ezra ho a an kirlehna BCE 455* atanga chhut tan chuan Yahushua in kum 30 a tlin kha Hapta 69 zawhna chiah a ni a,  kum 3.5 rawng a bawl a, cut off a ni a, kum 3.5 a ral leh chiah a, Judate tan a Hapta 70(kum 490) chu a zo ta chiah a, Jentail te tan kawngka hawn a ni ta chiah a, Kornelia te chhungkua in baptisma an chang ta chiah a nih kha. A then chuan Stephena lung a denhlum kha Hapta 70 zawh kum ah an chhut bawk, solar Calendar hunbi inthlak(BCE/CE overlap problem) avanga kum 2 belh vang khan kum 2 buaina neuh neuh hi chu a lawm rawng tawh dawn a, ngaih khat ah ngaih mai a tha ang. Chuan he chhutdan ah hi chuan kum 490 hi a kim tawh a nih chu. He chhutdan hi chuan Jewish Revival hi a chhut telve ta tlatlo a, Pathian in Juda hnam hi a hnawl tawh a, kohhran hi Israel thar chu a ni tawh tiin, inlarna leh Prophecy a Juda, Israel lam sawina zawng zawngte chu an mahni kohhran ah an imbel ta hmiah hmiah mai a ni.

Ka hre chianglo na a, Khatia Roman Kohhran lo lian ta bur bur mai te, hun laihawl lai a Siamthat Kohhran lo lian ta em em mai te, 1900’s chho leh a hnulam a America lo lian ta em em mai te ah khan Amillenialist Theory, kum sang Lalram hran a awm tawhlo, keini hi kumsang Lalram chu kanni mai tih ring pawlte anni tlangpui. Augustine te, Martin Luther te, Johan Calvin te, 19th Century American  Theology lian te hi he mi ring pawlte anni, in ang diak diak lo mahse,7th Day leh Jehova Witness te pawh hi Americal replacement Theology hrin anni a, he interpretation hi an pawmdan a ni.

He interpretation buaina chu Daniela lehkhabu leh Thupuan lehkhabu a kum inziak dangte, ni 1260, 1290, 1335, 2300, 2520 hrilhfiahna ah te hian an buairu ta deuh tlat mai a, Hapta 70 a zo felfai tawh a, Juda hnam tan hun engmah a awm tawhlo an ti a ni ber mai. Juda harhtharna leh an hnam bil Prophecy zawng zawng te hi Replacement Theology hmang a an in claim vek avangin 1948 a Israel State a lo pian leh khan an buairu ta deuh tlat bawk. Mahni  kohhran,mahni ram leh hnam, mahni organization dah len lutukna avang in kei chuan ka khamkhawp lo deuh, Dual Prophecy hi an hmuthiamlo a ni maiin ka hria e.A prophecy pakhatna hrim hrim chu an tlip nalh hle,a tawp a kan sawi tur Daniela Hapta version thar nen an inkalh em em lemlo bawk a, hnawl a tulna ka hre lemlo thung. A chaklohna ber ni a ka hriat chu Juda Prophecy mahni lo inbel famkim ngawt kha a ni ber mai. Bak ah sawi tawh ang khan kum inziak dang, la thleng famkim silo te a hrilhfiah thei lo bawk.

He interpretation chakna riau chu Daniela 9:24 ah bawhchhiatna tikin tur te, sualna titawp turte, khawlohna thianfai turte, Chatuan felna lalut turte tihte hi Yahushua hian a thihna leh thawhlehna ah khan a rawn ti thlengdik vek tawh si a, chu chu an tanchhan lian ber chu a ni bawk. Level 1 ah chuan chu chu a dik tlat bawk si a ni. Tin, Kornelia in Yahushua thih hnu kum 3.5 ah chiah chiah Baptisma a chang ta chat mai hi, Juda te pual a Hapta 70 ruat chu a zo ta chiah a, jentailte tan kawngka a inhawng ta chiah mai kha a support em em mai bawk a ni.

CHHUTNA 3-NA

(445* BCE – 33* CE)

He chhutna erawh chuan Nehemia ho a kirlehna BCE 445 atangin Daniela Hapta kum 490 hi an chhut tan thung. Yahushua in Sabengtung chung a Jerusalem a luhni leh chawimawia a awm ni khan Hapta 69 a ral chiah a, a karleh ah Yahushua chu ‘cut off’ a ni ta chiah a, hapta khat (kum 7) a la bang an ti thung. He version ah erawh  hi chuan kum tih mil nan  Solar Calendar a 365 ¼ days kha Creation Calendar a 360 days a convert kual a ngai thung.

He theory duapna ber ni a ka hriat chu Yahushua thih kum ah hian a ni. Sawi leh sawi hnu, Calendar chi hrang 3 rin an ngai tawh a, kum khat a, ni 365 ¼ awmna Gregorian Solar Calendar, kum khat a ni 360 awmna Creation Calendar leh kum khat a ni 354 awmna Hezekia Calendar, ka chuk ril em em peih ta lo mai, an liam tawh a, a dik hriat kha a sawtna ber pawh ka hre tawh si lo. Leap year leh kum 17 a vawi 6 13th month awmna zz nen chhut chhuah vek an ngai si a, ka thluak hian a tlin hrih nganglo a ni e.

Chhutna 3-na ringtu te tanfung chak ber mai erawh chu Daniela 9:25 na  Jerusalem tungding tur leh sa tha tur leh kawtthler leh kulh leh leirut(trench) siam hna hi BCE 445* Decree ah chiah hian sawilan a ni tlat mai hi a ni. A hmasa ber BCE 537* decree, Zerubabbel-a ho ah kha chuan temple ngawr ngawr an sakthat phalna  a ni a, a dawt BCE 455* decree, Ezra ho ah khan kut hnathawh lam nilo, inthawina an hmanna tur chungchang ngawr ngawr kha a ni leh bawk a, a tawp ber BCE 445* BCE Decree, Artexerxes  Longimanus II ah erawh chuan Jerusalem wall, kawtthlek leh trech siamthat chuangchang a ni ta kher hian a support bik na chu a ni mai e.

Chhutna 1-na leh he chhutna 3-na te hian prophecy ah hian kum inkar a hunbi tlahawlh a awm tih hi an ring ve ve a, an pawm ve ve bawk. He chhutdan chuan Hapta 69 na leh Hapta 70 na inkar ah hian Kohhran hun, kum 2000 hi a tlahawlh an ti a ni. Hei hian Yahushua lokal vawi 1-na leh lokal vawi 2-na a mil ta thlap bawk.(Kan ziah tawh Isaia 61:2 kha Yahushua’n Luka 4:18 ah a sahchhum luih kha aw)

Heng pathumte hi in lo hre vek tawh hlawm em? A tawi thei ang ber a ka rawn remkhawm chu hei hi a ni mai e. A dik ber ka hrethiamlo, an dikna zawn ah an dik vek mai, chuvangin Jewesh Hermaneutics dan in awmzia an neih theih chuan interpretationte hi pawm a phal vek zel tho avangin pawm vek mai ang aw. Kan pawmloh in engmah a ti danglam tawh dawn chuang si lo.

 

MODERN VERSION

(1948 – 2018)

Hei hi contemporary version chu a ni ta a, Daniala Hapta, thu mu hnu (a khawvel in a lo ngaih) kan kaihthawh leh takna chhan ber chu a ni ta a ni.

A larlo em em a, chhut tak tak erawh a ngai ta ber thung. November 2, 1917 ah Balfour Declaration ah Modern Israel chu a lo pianna tur atan thupek chhuah leh a ni ta a, a hnu kum 30 ah 1948 ah Modern Israel chu a lo piang ta nawlh mai. Harsatna tinreng nen a kalve zel ah 1967(June 5-11)  ah Six Days War ah Jerusalem Khawpui CE 70 a tlu chu Israel te kut ah a lo let leh ta.

A bul ah let leh lawk a ngai ta e. Juda Lal Jereboama sualna avanga Sabbatical  years kum 70 (kum 7 dan a vawi khat thleng thin)  an lo serh tawhloh avanga Pathian in 606 BCE a Babylon sal a a tantirna chu hunbi tiam a lo zawh chuan a peklet leh a ngai ta. Chu hunbi tiam chu enge ni ta le? An saltanna atanga an inhmuhchhuahloh a, an simloh chuan hremna chu a leh 7 a hrem belh annih tur thu hi a ni.

 “Chuti chung pawha ka thu in pawm chuanloh va, mi kalhzawng in la awm cheu chuan, thinrim takin nangmahni kalhzawngin ka awm ang a; in sual avangin vawi sarih ka hrem bawk ang che u.” (Lev 26:27,28)

Chuan an siam chuang lo va an chung a hremna chu a let sarih an tuar ta chiah a, chu an tuar tur kum a let sarih an tawrh chu 1948 ah khan a zo ta chiah a ni.

Le, BCE 537* a kum 70 an saltanna atanga an lokir chu an simloh chuan an hremna tur tur chu a let sarih a ni dawn tih Ezekiela hnen ah YHWH chuan a lo sawi lawk vek tawh  a. Hlauh ang ngei ngei in an sim ta chuanglo a, an hremna chu a let 7 in a lo pung ta a nih chu.

“Tin, nang chu veilam delhin mu la, i chungah Israel chhûngte khawlohna nghat rawh. An khawlohna tuarin ni 390 chhûng mu rawh.               Kum khat hrem an tuar aiah ni khat zel an tuar dawn a ni. humi zawhah in let la, i dinglam delhin mu leh rawh, Juda chhûngte khawlohna                 chu ni sawmli i tuar leh tûr a ni, hrem an tuar tûr kumkhat zelah ni khat.”(Ezek 4:4-6)

Israel hnam tan a hremna chu kum 430 a nih thu Ezekiela ah hian kan hmu leh ta a, mahse kum 70 hrem an nih hnu a an la simloh chuan a let sarih a hremna chu tihpun tur a ni tih Leviticus 26:27 ah YHWH in a lo sawi tawh bawk avangain kum 430 ah kum 70 an tuar tawh a, kum 360 a la bang a, chu kum 360 chu a let sarih in a pawtsei dawn ta a nih chu, a chhiartan kum chu an saltang chhuahna kum BCE 537* kha a ni bawk e.

360×7=2520 years. Jentailte rahbeh in Israel hnam leh Jerusalem chu kum 2520 a awm dawnta a nih chu.

Lo chhiar zui duh tan :

https://www.articledashboard.com/Article/1948-Israel-Fulfills-Bible-Prophecies/161306

Helai hi Jehova Witness ten 606 BCE atanga an chhut tan in, 1914 ah khan a tawp chiah bawk a, chu chu Isua lokal lehna tur a an lo beisei kha a ni a, mahse alo kal leh tak loh avangain van ah Lal ang a a thut tanna an ti ta thung a nih kha. An dik theihlohna chu solar calendar an hmang tawp a, chuan BCE/CE in clash a kum 2 belh kha an consider tello bawk. A dik teuh em em na erawh chu Balfour Declaration of 1917 nen an inzul dik thei dawn tlat thung….sawi tur a tam e, peng lo ila.

Khi kum 2520 khi Jerusalem Jentail te rahbeh a a awm huntur an chhutna nen a kumzat a inang chiah a, mahse thil thuhmun anni lo a nia aw, khi chu Israel fate saltang chhuak leh an la simloh cheu avanga an hremna tawrh tur a let sarih a tihpun tur lam a ni zawk. Chuan sawi detail lo mai ila, BCE 537* a saltang chhuak te chu an la sim silo a, an hremna chu a let sarih a tihpun a ni ta a, chuta lo chhuak kum 2520 ah chuan ni 907,200 a awm a, chu chu Gregorial Calendar kum khat a ni 365 1/4 nen han convert ta ila, July 15, BCE 537* atanga chhut in kum 2520 chu July 15,1948 ah a zo chiah a ni e, chu chu Israel Independence Day chu a ni e.

Chu kum ah chuan hremna thuah sarih chu a zo ta chiah a, kum 70 Pathian in a bat*(Babylon sal a an tan)  chu Israel fate a pekkir leh ta a ni. Hei hi a ni Daniela Hapta Last days version kan tih chu a ni e. 1948 atangin an vahvaihna atang chuan an lo haw khawm ta a, kum tin a an neih thin shavuot(seven signs) Feast of Festivals chu an hmang leh tan thei dawn ta a ni. He Festival hi May-June atanga hman tan tur a ni avangin 1947 ah chuan tam tak hawkhawm hman tawh mahse an hmang hman ta lo a, 1948 atanga a nih dantur ang tak a hman tan a ni ta a, chu chu Hapta 70, 70 sevens, 70 eptat, 70 Shavu’ot(seven signs)(chhinchhiahna pasarih) intanna chu a ni ta a ni. Ni 490 emaw kum 490 tih lam a ni tawh lo a, kum khat ah feast of festivals vawikhat hman zel a ni avangin 70 feast of festivals sawina a ni ta a nih chu.

BULL”S EYE:

Kan tuipui takna chhen ber chu 2010 a Hapta 62 a zo ta chiah mai leh, ku 3.5 hnu a indona lo thleng tur leh 2013 khawvel insingsa chho mek inrem lutuk hi a ni ta ber mai. Ka lo sawi hmaih pakhat chu he Hapta 70 hi then 3 ah – hapta 7+62+1=70 hapta a then a nihna hi thil twist luih an awm a, 62 hi a thleng hmasa a, chumi dawt a 7 hi a zawm leh a a tawp ah 1 a ni tih hi hre bawk ang aw (Setan’n a chhut thiamloh nan hian Bible ah hian thuruk, thu twist, thu inkalthelh, Remez, Derash leh Sod interpreation atang chauh a fiah thei, chu pawh Thlarau in thluak a rawn hawn loh chuan a ngaihna awm hlawllo a thuruk inthup hi kan Bible ah hian an tam a nia aw.) Daniela Hapta intan a saltang chhuak leh te hna ber tur a sawi chu thil 2 chiah an awm, chungte chu Jerusalem kawtthler siamthat leh kulh leh leirut(trench) siamthat leh chu a ni. 1917 atanga chhiar tan a Yovel year(Jubilee year), kum 50 na ah chiah chuan kum 1967 ah kum 2500 chuan, babylon saltanna atanga chhut chuan leh kum 1900 chuang AD 70 atanga chhut chuan, Jerusalem an lo hloh tawh khawpui thianghlim, Yahushua’n lei kawchhung a tih(lehlin diklo)centre  of the earth, chu an kut ah a lo lut leh ta chiah a ni. (Jerusalem bang an sipaiten an fawp ngawih ngawih i hmuh hian i hrethiamlo a nih chuan i nuihzat ang, i hrethiam a nih chuan i hnuk a ulh ve lo theilo ang). Juda te tan a Jerusalem han hlut zia hi Khawvel hnam dang tumah in an zuk tawmpui ve theih tur in tawrhna, history zawng zawng a history lungchhiatthak lawt lak hi  an nei ve lo a ni e.

Chu chu 1967 atang khan an kalpui chho muah muah a, a nih tur ang a ni ta vek a ni. A thlalak in en duh chuan tah hian aw:

https://www.greatmirror.com/index.cfm?navid=228&picturesize=medium

Chuan kum 1948 ah chuan he Hapta 70(kum 70) hi kan belh chuan kum 2018 ah khian a tawp ta chiah mai a ni. Hapta 62 na chu 2010 kha a ni a, hapta 3.5 inremna sawi hun a ni a, chu chu 2013 kum laihawl ah a tawp dawn tlat, chuan hapta 3.5 indona, tihduhdahna a lo thleng ve thung dawn a, chu chu 2013 kum laihawl ah beisei a nita lo theilo a ni. Chu  kum 3.5 hun harsa tak chu 2017 ah a zo dawn chiah a, an tuar nasa dawn lutuk a, Aigupta a an tuarna kha  a hlimthla chu a ni a, an mangang authawm in an Messia nghakfak chu a ko thla dawn ta a, chu chu Armageddon chu a ni. Armageddon hi Khawvel hnamten Israel an chhuchau der dawn a, chu chu Messiach chuan a rawn dopui dawn tihna a ni. Kan hriat tur chu WW III hi Armageddon in a rawn vuakthuah dawn tihna a nih chu, khawvel indona a ni dawn tlatlo, mak em em in, khawvel hnam hrang hrang Israel dotute chu, mihring ralthuam nilo, thil dang, enge a nih hriatloh in  tih chimih burh anni dawn a ni zawk.

Le, a diak diak chuan ka la hrethiam hauhlo mai le, kha kha a tlangpui thuak thuak chu a ni e. A tul dan a zir in Current affairs leh international politics nen kan enmil chho zel dawn nia. Tin, prophetic year heta kan rawn zel tel loh, Daniela 12: 9-12 ah ni 1260, 1290, 1335 te kha kan enmil chho bawk dawn nia, 2013 hi lo thleng phawt mai teh se.