Zoram Dinchhuah nan Awke Farm!

November 11th, 2012 12:40 am by Chhekeh

Kan ti nek nek a, kum 4 chuang lai alo ni leh ta reng mai. Khatih lai khan MPCC Party chuan hneh takin sorkarna an chang a nih kha. A chhan han chhut vang vang ila, chhungtin hnena cheng Nuai 1 sem an tiam vang ni berin a lang. Hetianga kan political party tin ten hmui chauhva thu an tiam thin hi tha lo kan ti takzet a. Mahse Sorkarna chan phah nan an hman zel tho avangin keini Party pawhin ngaihtuahna thar a nei ve ta a. Manifesto tha tak, bawhzui tak tak leh si loh tur kan ngaihtuah chhuak ta a ni. Chu kan manifesto chu misual ho zingah kan rawn zuar ve dawn a ni.

Nakum inthlanah kan Party in mipuite khawngaihna dawnga sorkarna kan siam thei hlauh a nih chuan, kan sorkar tuk atangin AWKE FARM kan siam ang. Eng vangin nge Awke farm hi keini party hian Zoram mipuite retheihna ata khaichhuahna hmanrua atana hmang nge kan nih tih hi lo sawi zau zuai ila:

AWKE FARM thatna turte:

1. Central sum leh plan fund khawih buai lovin mahni kutkawih ngeia hma lak theihna tur a ni. Awke hi kan ramah tam tak a awm avangin Central lama kan hotu vai ho tlawn buai a ngai tawh lo vang a, Prime Minister Special Package vel sawi vul chuk lovin kan in leh a vela mi Awke kan man nghauh nghauh mai dawn a ni.

2. Awke farm siam turin ram dang thil, mau leh thildang engmah chah luh kher a ngai ve lo va, he project hi kan tipuitling thei a nih chuan (state dang ten tih nachang an la hriat ve miau loh avangin) State dangte thal ve theih loh tuikhur dik tak a ni ang.

3. Budget-ah a leina tur sum Di Aa Eihchhi (DAH) buai a ngai lovang. Keini buaipui ngai hauh lovin khawchhak lam unau ten an inchuh zo zung zung mai dawn a ni. Marleting lamah harsatna a awm ve lo vang.

4. Awke hi kum khat chhung chauh pawhin (mithiamte sawi dan chuan) tam tak inthlahpung hman tura beisei a ni a. Kan sorkar tuk atangin Farm kan siam nghal ang a, Kum 5 kan sawrkar chhungin chhungtin hnenah kg 5 tal sem hman kan tum.

Heng thil zawng zawng hi nangni misual ho khan uluk takin min ngaihtuahpui ula, kan Party kan sawrkar a nih chuan I hmabak chu awmhmuna PAWISA CHHIAR chauh a ni tawh ang. Awm awl, ei tui, pawisa ngah, hausak thur thur I duh a nih chuan kan party hi min lo vote vek turin kan ngen takmeuh che u a ni e.

18 Responses to “Zoram Dinchhuah nan Awke Farm!”

1
Terema Chhakchhuak Says:
November 11th, 2012 at 1:23 am
Ka sawi kha, a tul ka tih hunah chuan ka rawn tihchhuak mai ang ka tih kha. I hmanhmawh mah mah thin. 1st em aw?

Report this comment
2
Mx Says:
November 11th, 2012 at 1:28 am
haha…
A va tha dawn em…

Report this comment
3
takpalaka Says:
November 11th, 2012 at 2:07 am
Bengchheng duh awm ve…awbawm lak poi a ngem?

Report this comment
4
ulawng Says:
November 11th, 2012 at 2:32 am
Hahahahahha

Report this comment
5
khumchikthei Says:
November 11th, 2012 at 3:22 am
Khrum khawp ang le!

…Khrum

Report this comment
6
chhana Says:
November 11th, 2012 at 6:08 am
A tihchi phian tak ang a, tinge maw tunahte hian bawng aia an thlan zawk loh le. Ngawi tak rawh u, NLUP ka la dawng ve dawn alawm, awke ngei ka thlang anga, nang vote kher lo pawn ka hausa thau thau ang.

Report this comment
7
Hotunu_pasal Says:
November 11th, 2012 at 6:33 am
Paws awmze nei tak ani. Midang chhiar ve turin chanchinbu lamah chhuah teh a.

Report this comment
8
Awmtea Khiangte Says:
November 11th, 2012 at 8:08 am
Awke farm siam pahin i rawn campaign a ni maw

Report this comment
9
ChhanaPa Says:
November 11th, 2012 at 8:52 am
Kan fate hian an tawng theih hma hian ‘ Awke, Awke’ te hi an lo ti mai ang a!

Report this comment
10
H.Vangchhia Says:
November 11th, 2012 at 10:59 am
“Miten sikeisen a lawn an sawi tawh lai a,” tih ang vel a ni e. Khawbung ala ti deuh deuh

Report this comment
11
Mapui Chhangte Says:
November 11th, 2012 at 11:45 am
Hahahaha. Awke kan ti chuah chuah dawn nih chu…awke

Report this comment
12
Chhekeh Says:
November 11th, 2012 at 12:32 pm
#1, I thu chu ni se, a chhuak miah lo vang mawle
Kan ram leh hnam dinchhuah nan AWKE i chawisang ang u!
E, chuan… Post ami point #3 ah khian typing mistake alo awm zeuh a nih khi “Marleting” ni lovin Marketing tih tur jokes
Pu HV sawi ang khian Sikeisenah Awke han vulh ang u

Report this comment
13
kiddo Says:
November 11th, 2012 at 12:56 pm
….. Awke hi tunlai a lar ber mai

Report this comment
14
sisen Says:
November 11th, 2012 at 4:05 pm
pending a awm reng chi anih hi

Report this comment
15
Chhekeh Says:
November 11th, 2012 at 6:38 pm
Sisena hi AWKE Pu atan kan Party chuan kan ruai ang!

Report this comment
16
Kher Kher Says:
November 11th, 2012 at 10:00 pm
Engah nge ka thu lo a i lo sawichhuah le awww.!!

Report this comment
17
Dr John Says:
November 12th, 2012 at 11:45 am
That hmel ve

Report this comment
18
bbney Says:
November 12th, 2012 at 12:10 pm
Hehe.

Report this comment