Pianpui ṭawng (Mother tongue) hi kan hre vekin a rinawm a, kan pian aṭanga kan ṭawng theih tirha kan ṭawng hman kha kan pianpui ṭawng chu a ni mai a. Nimahsela, naupang te reuh te an nih laia hnam dangin an enkawl seilen chuan an pianpui ṭawng dik tak kha theihnghilhin ‘Ngaihtuahna ṭawng’ hi an lo nei ta ṭhin. Ngaihtuahna ṭawng kan tih awmzia tak chu, kan ṭawng hman thiam ber leh hman nasat ber tih mai pawhin a la fiah zo lo; thil kan ngaihtuah chhunzawmna ṭawng hi ti ila a fiah zo deuh ang em le. English, Hindi, French, Spanish, etc. ṭawng hrang hrang thiam pawh ni ila, chûng ṭawnga thil kan sawi emaw, miin an sawi emaw kan ngaihtuah chhunzawmna ṭawng kha ‘Ngaihtuahna ṭawng’ (Mind language) chu a ni.
Chu chu eng nge a pawimawhna? Jonathan’s Training-a an hotupa thusawi ka rilrua châm reng chu “Mi thu kan hrilhin emaw, kan titipuiin emaw, ṭhiana kan siam dâwn emawin anmahni ngaihtuahna ṭawng ngei hman tûr. Chu chuan anmahni lamah rinngamna leh inpawhna a thlen a, hneh a awl bîk” a ti. English kan thiam viau pawh a ni thei “What is your name?” emaw “Âapka naam kya hain?” tia min zawhin Mizo dik tak chuan “Tu nge i hming?” tiin ngaihtuahna ṭawngin kan lo let lehchhawng a. Tin, “Tell me the voting behaviour of the President of America” ti ta se, ngaihtuahna ṭawng chuan “America president an thlan dâwn chuan… chuti… kha ti…” tiin Mizo ṭawngin kan ngaihtuah neuh neuh ngei ang.
Rawngbawlna, ṭhian kawmna, sumdâwnna, midang nêna hna thawhhona leh lehkha zirna thlengin ngaihtuahna ṭawng hi kan dah pawimawh ber tûr a ni. Kan thawhpuite/biak te ngaihtuahna ṭawng thiam ve hram tum tûr. Chu ṭawng chuan han bia ila, a dang zaih mai ni. Ka ngaihtuahna ṭawng chu Mizo ṭawng a ni a, ka ṭhenawm vaipa chu kei tluk zetin Mizo ṭawng thiam ve mah se, a ngaihtuahna ṭawng chu Hindi a ni thung. Hindi-a ka biak chuan amahah awlsam takin ka tla tlum nghâl thei. Ngaihtuahna ṭawng ropuizia leh thiltihtheihzia hi chhût chhuak thiam kilh kelh lo mah ila, ti kha chuan tlêm tal chu kan hriat belh ngeiin ka ring.
A pawimawh ber chu kan mi biak, kawm, hna thawhpui, rawngbawlpui leh zirpuite hi an ngaihtuahna ṭawng zir thiam ve ila, a theih hrâm chuan chumi hmang ngei chuan bia ila, rin phâk bâkin hmasâwnna kan hmu ngei ang.
Ka lâwm e.
November 13th, 2012 at 12:36 am
Teh diak chuan…………..
Report this comment
November 13th, 2012 at 3:08 am
Happy Diwali (Festival of Lights) power supply in neih chuan. In neih loh chuan solar power, wind turbine emaw renewable power supply lei rawh u. Tichuan mother tongue pianpui ai mahin English ngei maia tawngvai khawpin i nal mai ang. Mahni fate ngei pawh automatic in English in kan be tawp tawh mai anih hi.
Report this comment
November 13th, 2012 at 5:31 am
Ka lo ngaihtuah fo thin, ka sawichhuah thiam siloh i rawn chhawpchhuak a, i ti lawmawm e.
Report this comment
November 13th, 2012 at 5:48 am
Tuk chhuah nuam ule
Report this comment
November 13th, 2012 at 8:59 am
A thupui ka chhiar ngawt kha chuan ka bo ang reng lutuk a. I’n sawifiah takah chuan a dik hle mai…
Report this comment
November 13th, 2012 at 2:12 pm
Ka man thiam e i sawi chu..
Report this comment
November 13th, 2012 at 5:50 pm
Report this comment
November 14th, 2012 at 11:05 am
Mind language man vak loh paw’n Body language apply mai tur.
Report this comment
November 14th, 2012 at 1:37 pm
Hnamdang te hi chu an tawng ngei a broken deuh a biak hian an lawm phian in la hria …
Report this comment
November 14th, 2012 at 1:41 pm
an lawm zawk ngei ang, mizo pawh keimahni tawng ngeia min biak chuan kan lawm ve thin tho alawm
Report this comment