Tun thla tir te atang khan ka dam a tha meuh lova, ding chung nat an tih ang deuhin ka na a, office pawh ka thulh lem lova, mahse, ka khuate a sik a, ka nuamlo ta tulh tulh a, hreh chung chungin Hospital ah ka in admit ta nge nge a. Tunah hi chuan ka dam tawh ania.. 
Damdawiin han awm hi chuan hun kan ngah duh khawp mai a, office ah hna a vangin misual luh chak em em chungin luhna hun ka neilo thin a, ka damlo chuan hun chu ka ngah, mahse misual tur khan tha ka neilo thung a, ka mit te kha a na tel a, ka awmna Cabin-ah khan Television an hung a, chu pawh chu ka thlir peih lova, a ri ka ngaithla a. Mut hmuna ka thut peih hnu khan tukverh atangin kawngpui ka thlir thin a, tihtur dang nei hlek lova han thut ngawih ngawih mai chu ninawm duh tak a ni.
Mi thenkhat, luhai an neilo tih hriat ngawih ngawih a kal vawh vawh, an han hawi kual ve pawh hmuhnawm tham an awm a, ka thut hmun atang khan ka awt thin. Dinhmun a zirin kawngkal mai mai te pawh hi thil awhawm taka lo ni thei a, kan nuna hriselna hlutzia ka hre thar leh a. Hmanlai Comics Sudden Muanga bu ami thusawi pakhat ka hrereng thin, Pathian hnenah a tawngtai a ‘Aw Lalpa, hriselna min pe la, a dang chu ka lo intum ve mai ang’ a tih kha.
A dik hi kan ti thar khawp mai a, eitur tuihnai te, thil hmuhnawm te, sum leh pai te, hun (time) te, engkim mai hi hriselna tello chuan engmahlo mai an lo ni chiang khawp mai. Pathian lakah pawh ngaihtuah chiang mang hlei lo hian vui vai mai pawh a lo awl dawn khawp mai a, mahse ngaihtuah chian chuan engkim mai hi lawmna tur hlir a lo ni zawk reng si a. Damlo na tak tak, hrehawm tuar, keini aia dinhmun chhe leh chhawngte pawh khawvelah hian an awm a, kan tawrh tawk te zel in Pathian hian kan chungah ro a lo rel zawk zel ani e.
(Ka misual thiante ka ngai deuh che u a, ka rawn ti ti mai mai ani e)
Similar Posts:
- I ngaihtuah ngai em?
- Belhtlak Pathian.
- TAP SUH, NGAIHSAKTU I NEI
- Ka ngaihtuah ve thin
- I ngaihtuah ngai em?
(Y)
November 15th, 2012 at 6:55 am
Aw haw, ilo damlo tih reng reng ka lo hre ve hleinem. Hria ila chu ka rawn kan nal nal tur che ania (ngaihtuahna talin)
I dam tawh chu a lawmawm e, lo dam reng rawh khai. Pathian zarah kan dam ang a, Phelly te ho nen, pi Maisek leh midang dang, misual tam thei ang ber kan inhmukhawm leh ania’ng chu mawle. Mzvision tel hian MI kala tel miah lo, a ho va MI pawh ka chak ve hle hairehai
Report this comment
November 15th, 2012 at 8:19 am
Thlir dan kil tam tak a awm thei ang. I sawi tak khi a dik rual rualin, kei ve thung chuan lawmna tur ka nei tlem ka inti thin. Min hmangaiha min enkawltu ber ka pu(ka nu pa) in min boral san a, a kum leh maiah ka nu u chiahin min boral san leh a. Rethei bakberh tak leh lungleng taka hringnun ka hman rukte a va’n tam em!! Chumi hnuah ka nu’n a rinawmna leh kezungpui tin da lap nen lama bantlang pui min tiam laiin, pasal dang min neih san leh bawk nen…kei aia dinhmun chhe zawk pawh awm teh mah se, ka dinhmun tur nia ka lo suangtuah ka’n pha lo vai vai khawp mai a…aaa ka inpuang zo dawn e…hetianga i thlir thei hi ka awt khawp mai che.
Report this comment
November 15th, 2012 at 8:36 am
Tukchhuah nuam vek u le
Pu Hv, nang chu maithawks. Nia tiraw, i lo haw leh hun chu Pathian zarah kan dam ang a, a hma ai nasa khan kan MI ang chu.
Report this comment
November 15th, 2012 at 8:40 am
Lr hlonchhing, a lo ni maw. Ka khawngaih hle mai che. A vui zawnga thu i la duh anih chuan vuina tur i ngah ve hle mai. Mahse, khawvelah hian vanduai viau in inhre mahila keini aia vanduai leh chan chhia hi an awm teuh tih hria la, a eng zawngin thlir tum teh.
Piansualna neilo a kan piang ringawt te hi lawmthu sawina tling asin. Thenkhat chu an kal thei lova, thenkhat in khawvel eng an hmu theilo a, keini te chu kan vannei thlawt alawm le Lr, in la pachang rawh.
Report this comment
November 15th, 2012 at 8:40 am
I reh ka lo ti deuh reng a…ka lut hman bik vaklo nachungin, lo dam tha zel teh khai….i reh chuan, ‘tuk chhuah nuam vek u’ ti tu an tlem.
Lo hria ni ila chu, Pu Hva nen pangpar mawitak nen kan rawn kan tur che nia…
Lo dam tawh rawh… hei pangpar
Report this comment
November 15th, 2012 at 8:43 am
2
lr hlonchhing # Ka tuarpui hle mai che..mahni chunga thil alo thlen hian rin aiin a na thin. Mahse Isua kan nei hlauh hi…kan vannei e…ti mai ang.
Report this comment
November 15th, 2012 at 8:58 am
I dam tha tawh chu a lawmawm e. Hringnun zirlai i zirbelh bawk a, ka lawmpui che..
Nia, ka ti fo thin. Zing boruak thiang tak hnuaia, pitar, putar, nu leh pa, hindu leh mosolman, naupang, ldt., kara Pathian thilsiam mawi tak hmu thei a ka awm te, pangpar rimtuina ka hre thei te, ka nui thei te, Siamtu Pathian ka lo hre ve te, a va tam em! Hrila sawi sen rual a ni lo, Lalpa ka lawm e tih mai loh chu..
Report this comment
November 15th, 2012 at 9:10 am
mr.Duhlova, ka lawm lutuk e. Ka dam tawh alawm. Vawiin phei chu ka la office lo bawk a, kan misual tluk tluk teh ang. Hman loh viau tum pawh hian ‘Tukchhuah nuam’ tal hi chu ka ti hram hram thin.
Report this comment
November 15th, 2012 at 9:13 am
Dr Mahminga Sailo, a dik khawp asin, kan thil tawn thar apiangah hian zirlai hi a lo tel zel a, zir zawh tik hi a awm theilo. Mahse han damloh chiah chuan a ninawm duh em a, vui ruk chu awl tak ani
Report this comment
November 15th, 2012 at 9:25 am
@ sheldon… Nia ti raw. Kei pawh nikum khan Typhoid fever turain kar khat dawn lai mai ka room-ah ka inenkawl a. Han dam loh chiah chuan ngaihtuah a thui duh, tin tlangval e ti lovin chhungte ngaih a na duh teh a sin.
Mahse, then leh rual tha tak tak- Orya tlangval, tlawmngai tak te, ka inchhungkhur ang maia ka khawsak theihna Pastor chhungkua te, leh midang tam tak min pe thung erawh ka ngaihtuah apiangin ka lawm thar thin…
Report this comment
November 15th, 2012 at 9:37 am
Hahaha mahminga, keipawh typhoid fever tho alawm. A hrehawm ve khawp mai tiraw.
Report this comment
November 15th, 2012 at 9:53 am
Dam dam, lo dam zel ru misual ho.
Report this comment
November 15th, 2012 at 10:50 am
Lungawi loh deuh chang hi chu a tam ve thin khawp mai. Hna kan thawk a, a then chu nu leh pa leh chhungte ngaihtuah ngai lovin an lakluh ang ang an khawl hmak hmak a, keini khawl chu sawi loh thla chanve vel atangin kan broke tan ah. A chang chuan hausa deuh chhungkuaa pian ve te hi a chakawm thin. Ka nu leh pa erawh ka dem ngai lo.
Report this comment
November 15th, 2012 at 11:08 am
bbney, broke awmze hriat te hi a tha ania. Nu leh pa innghahna nei tha tha hi a puitlinglo zawk te pawh an ni fo. Keipawh a chang in ka lawm a, a changin ka lawm lo, chutiang vel chu ka ni.
Report this comment
November 15th, 2012 at 11:20 am
A va han dik tak em… Tunlai ka rilru a awm mawihnai takin i rawn sawi chhuak a ni e. Pathian zarah i dam tha chhoh zel ang chu maw
Krismas lo hnai chho zel nen Pathian zarah kan hrisel ho zel ka beisei..
Report this comment
November 15th, 2012 at 11:31 am
Peacemaker, i ti lawmawm. Rilru a thilawm te pawh sawichhuak mawihnai thiamlo chi ka nia. I mi duhsakna ang khian misual ho kan damtlan zel ka duh. Dam hi a lo hlu emai. Tun tum ka damlo chu ka nu (fam) ka ngai lutuk a, nutling zet tawh hi a lung a chhe fo mai.
Report this comment
November 15th, 2012 at 11:45 am
@ sheldon… Mak deuh a sin. Natna khuma han mut chiah chuan, Nu te bawk hi kan ngai thin chu a nih hi
Mahse, ka sawi tawh angin, Pathian malsawmna hrethiam thei turin natna te min pe zawk a. Kan vannei a sin. Mi tam tak, Pathian malsawmna pawh hre hrang thei lo khawp a nung te, tin natna khirhkhan, damchhuah beiseiawm tawh miah lo tuarte hi an lainatawm thin ka ti. Mahse, kan chunga roreltu Pathin thu erawh a ni si.
Report this comment
November 15th, 2012 at 11:48 am
@Mahminga
Natna leh harsatna te hi tawk thin lo ila chu Pathian hi kan hrelo fo ang. Chuvangin kan peng bo tur phallo in natna te min pe thin a lo ni.
Report this comment
November 15th, 2012 at 11:56 am
Lo dam zel rawh khai. Kar tawp lamah hospital experience post dang ngaihnawm tak lo chang leh ang aw.
Dam hi a hlu,damloh hi a ti hlu tu anih mai hi maw. Hmeltha te tihmeltha tu hmelchhia te ang hian!
Report this comment
November 15th, 2012 at 12:03 pm
I lo dam lo a ni maw. A va zia lo ve aw…
Ka hriat chian em em chu he lei anchhedawngah hian natna leh mangnganna, zahna leh hreawm tireng hi midang chanah chuah dah mai a awl thin khawp mai. Beng pakhat chauh hmanga miin ngaihdan an siam avanga kawh sawk sawk tawrh thleng hian. Mahse chung zawng zawng chu kan tuar atan chunglam khian a lo ruahman reng a lo ni. Vuina tur hi a awm lo reng reng…
Lo dam thuai ang che…
I am strong when i have time and patience!
Report this comment
November 15th, 2012 at 12:08 pm
ekhai! Sheldie i dam loh pawh kan lo hre lo chu a va zia lo ve… i reh rei ka lo ti rilru reng a, lo dam zel teh khai
Report this comment
November 15th, 2012 at 12:14 pm
I lo dam lo chu a van pawi ve. Lo dam chho zel tawh rawh aw… Keini pawn kan lo ngai tawh khawp mai che. Pathian nen hi chuan lawmna tur hlir a lo ni e
Report this comment
November 15th, 2012 at 12:20 pm
@Lamji, Ignatia, Jacka Pi, Awmtea, kan damlo ve tlat mai a. Diktak chuan ka ngai vek che u
Report this comment
November 15th, 2012 at 12:24 pm
I tawngtaina chu Pathianin a chhang ngei ang che tih ka ring tlat a ni…
Report this comment
November 15th, 2012 at 12:27 pm
E khai a, lo dam zel teh. Nia, han damloh chiah hian, dam ver vawra awm lo hlut zia hi kan hrechhuak thin. Lawmthu sawi mawh mawlh tur hi kan ni maw le.
Report this comment
November 15th, 2012 at 12:38 pm
A khai a, i lo dam lo a ni maw? Lo dam zel tawh rawh. Tirhkoh Paula ang a, “engkima lungawi zel” theihna thuruk i chhar a nih hmel hle mai!
A thim zawnga thlir mi chu eng dinhmunah pawh ding se amah aia dinhmun tha zawkte itsikin a lungawi lo va, a eng zawnga thlir mi nangni angte hi chuan anmahni aia dinhmun chhe zawkte lam an thlir a,mahni intheihnghilhin midangte an khawngaih a,mahni chantawkah an lungawi thin. Hei tak hi nun hlimna thuruk chu a ni tlat…a bul tumtu erawh Krista!
Report this comment
November 15th, 2012 at 1:11 pm
Vanduaina a awm tawh lawng, mangan lusunna
Thihna te lo thlenah pawh
I remruata in nghat ringtute nun zawngah hian
Vuina tur reng hi a lo awm lo e
Khawvel milar an duh a piang an nei thei ange tih tur khawp Elvis Presley te, Marilyn monroe ten nun ningin damdawi nen an hring nun an ti tawp. Mitdel, bengngawng, tawngthei lo Helen Keller erawh chuan ‘Hring nun hi a lo va duhawm em’ tiin a hring nun khawvel a vui liam thung si.
Report this comment
November 15th, 2012 at 2:18 pm
Ni e, dam hi a hlu khawp mai. Ka hlim loh deuh chuan khawlai ah ka kal a, kei ai a chan chhe zawk te ka thlir kual a. Tun a ka dinhmun a ka vanneih zia ke ngaihtuah thin. Damdawiin a damlo kan a ka kal te hian, ka khua a sik lohna rei tawh zia leh ka vanneih zia ka ngaihtuah reuh reuh a. Pathian hnen a lawmthu sawi loh chu tih tur reng ka lo nei lo thin.
Report this comment
November 15th, 2012 at 3:24 pm
College hostel-a kan awm laiin kan ṭhianpa pakhat (tunah chuan specialist doctor thiam tak a ni tawh a) khan “dam lo theia kan la dam hi a va lawmawm tak em” a ti ṭhin. Kan nui liam mai mai ṭhin a, mahse a lo ril fu si.
“Keini’n vanduainaah kan ruat, A hmangaihna lantirtu” tih ang deuh khan, han dam loh chiah hian dam hlutzia kan hrechiang kawk kawk thin reng a nia.
Report this comment
November 15th, 2012 at 5:17 pm
Dam leh hrisel taka hna kan thawh theih avang ringawt pawh hian i lawm ang u…
Report this comment
November 15th, 2012 at 5:57 pm
Misual a kan doctor ho te hian telephonic consultation atan in number te han share ula chu misual member te tan in tangkai dawn asin aw!
Report this comment
November 15th, 2012 at 6:01 pm
Kei chu, nula-ui/zawhte nei tan chauh ka available a nia…
Report this comment
November 15th, 2012 at 6:57 pm
@Mahminga, ni viau mai, zawhte/ui/vawk adt kan lo vulh te tawh ang e
Report this comment
November 16th, 2012 at 11:55 am
Lo dam tha zel teh khai Pi ber.
Report this comment
November 16th, 2012 at 2:46 pm
A lo ni maw! A van pawi ve! Lo Dam thuai thuai la, lo Dam tawh rawh. Tih-tur a pui a tam a, Dam lo hman pawh i nih loh kha…
Report this comment
November 16th, 2012 at 7:08 pm
Ka va lawm tak em in vai chungah. Misual ho i dam tha zel ang u, U-a-ma a hnai tawh si
Report this comment