GENESIS Rapthlakna
“Pathian” hi Bible Pathian ni lovin sakhaw dang pathian tu emaw ber hmingin thlak thleng la, i rilru chu a dang ve deuh ngei ang.
Hre chiang inti te chuan heng hi han sawi chiang chhin teh u. Heti em em a nunrawng hi Pathian hming pu tlak ani chiah dawn ami?
Hate mail leh personal attack lam chuan chhang duh suh. I hah thlawn ang e.
Genesis 4:4 Tin, Abela pawh chuan a berâm rual zînga piang hmasa berte leh a thau chu a rawn la bawk a. Tin, LALPA chuan Abela leh a thil hlan chu a lâwm a:
Genesis 4:5 Kaina leh a thil hlan erawh chu a lawm ve lo va. Tichuan Kaina chu a thinur êm êm a, a hmêl chu a lo dur ta khup a.
Genesis 4:6 Tichuan LALPA chuan Kaina hnênah chuan, “Engati nge i thin a ur? Engati nge i hmêl a lo dur tâk?
Genesis 4:7 Thil i tih that chuan lawm i hlawh dâwn lo vem ni? i tih that loh erawh chuan sual chu kawngka bulah a bawk reng a ni: a duhzâwng chu nangma hnên lam a ni ang a, a chungah thu i nei tûr a ni”, a ti a.
Genesis 4:8 Kaina chuan a nau Abela hnênah, “Lovah i feh ang,” a ti a. Tin, heti hi a ni a, lova an awm laiin Kaina chuan a nau Abela chu a bei a, a that ta mai a.
Kaina, thlai hmanga inthawina aiin Abela ran thisena inthawina chu Pathianin a duh zawk a. Anih chuan miretheite inthawina ai chuan mi hausate inthawina chu Pathian hian a lawm zawk thin tihna ani. Hleih nei, inthawina thil hlan vang ringawta duhsak bik nei thin tihna a ni. Rilru lam engmah a en lova, inthawina thil hlan ringawt vangin Abela inthawina chu a duh zawk tlat mai.
Genesis 6:6 Tichuan leiah hian mihring a lo siam tâk avângin LALPA chu a inchhîr a, rilru nat nân a hman phah ta a.
Genesis 6:7 Tichuan LALPA chuan, “Ka mihring siam hi lei chung ata ka tiboral teh mai ang; mihring te, sa te, rannung te, chunglêng sava te nên lam hian; ka siam tâk avângin ka inchhîr a ni,” a ti a.
Genesis 6:17 Tin, ngai teh, keimah ngeiin tisa zawng zawng, nunna thaw pai rêng rêng chu vân hnuai ata tiboral tûrin leiah hian tui ka tilêt dâwn a ni; leia thil tinrêng awm hi an thi vek ang.
Pathian a thinrim. Nungcha leh mihring zawng zawng a that fai vek. A thil siam ngeite’n a thu an awih loh vangin a pawngpaw thah vek duh hi a rapthlak ani. Mihring a siam a, vawi tam tak a inchhir a, nasa takin an chungah hremna a lek fo hi engkim hria & hmangaihna, ngilneihnaa khat Pathian tih chi niin a lang lo.
· Genesis 7:21 Tichuan tisa lei chunga che thei zawng zawng, sava te, ran te, sa te, rannung lei chunga bawkvâka kal tinrêng te, mihring tinrêng te nên an thi zo ta vek a:
Thilsual ti ve lo, nausen leh naupangte, ransa zawng zawngte pawh misual tlemte a huat vangin a that tel vek ani.
Khawvel chu sawi loh, i fate zingah i thu awih lo an awm avangin i fate zawng zawng i hrem ang em? Hrem chauh ni lovin, i that vek ang em? Pathian chuan a ti hreh vak lo.
· Genesis 15:9 Tin, ani chuan a hnênah, “Bâwngla kum thum mi leh kêlpui kum thum mi leh berâmpa kum thum mi leh thuro leh pârva no mi rawn lâk rawh,” a ti a….
Abrama dawt sawi Pharaoa’n a awih vangin Pathianin natna hri a pawngpaw len tir chiam hi thil awm leh tih chiah ka ngai thei lo.
Ran leh savate pawngpaw thah tir hian Pathian a ti lungawi hi thil awihawm loh ber leh thihna chhan leh vang mumal nei lo tak ani.
· Genesis 18:30 Tin, ani chuan “Aw Lalpa chu thinur suh ang che, ka han sawi leh teh ang: chutah chuan sawmthum chauh i hmu a ni mahna,” a ti a. Tin, ani chuan, “Chutah chuan sawmthum pawh ka hmuh chuan ka tiboral lo mai ang,” a ti a.
Genesis 18:31 Tin, ani chuan, “Ngai teh, Lalpa chu ka be pawp ta sa che: chutah chuan sawmhnih chauh i hmu a ni mahna,” a ti a. Tin, ani chuan, sawmhnih avâng pawh chuan ka tiboral lo vang,” a ti a.
Hetih hunlai hian an khuaah hian nausen, naupang an awm ve lo ni ngei tur ani. Sualna nei lo 10 tal chu awm awm tak a ni a. Mahse nausen thianghlimna te chu Pathian hian a ngai hlu vak lo ni ngei tur ani. A khawpumin a that vek.
· Lota hi 2Petera 2:7-8; 2Petera 19:7-8 ah chuan mi dik leh fel bik tak angin a ziak a. Mahse dawt mai ani. Mahni fanute a khaw nawta an nghaisak tura pek a duhna hian mi pangngai chiah anih loh zia a ti lang ani.
· Genesis 19:26 A nupui erawh chuan Lota hnung atang chuan a lehhawi a, chi khâwn dingah a lo chang ta a.
Hei hian ka nuih a ti za. Mahni khaw hlui kang hluah hluah lai chu tu tan pawh en loh a har viau ang. En vang ringawta Lota nupui chunga Pathian thil thlentir hi a naupang thawnthu hle a ni.
· Genesis 21:10 Chu mi avângin Abrahama hnênah chuan “He bâwihnu leh a fapa hi hnawt chhuak rawh: he bâwihnu fapa hi ka fapa Isaaka ro luahpuitu tûr a ni thei lo vang,” a ti a.
Genesis 21:11 Tin, chu thu chu a fapa avângin Abrahama ngaih chuan thil tha lo tak a ni.
Genesis 21:12 Nimahsela Pathianin Abrahama hnênah chuan, “Naupang chungchâng thu leh i bâwihnu chungchang thu hi i ngaihin thil tha lo tak ni suh se; Sarin i hnêna thu a sawi zawng zawng chu zâwm rawh
Pathian, hmangaihnaa khat chuan bawihnu leh a fapa chu Sariin a hrilh angin hnawhchhuah a rem ti hian hmangaihnaa khat anih lohna a lantir chiang hle.
· Abrahama hnenah Pathianin Isaka that a, maichama inthawi tura a ti hian entirna pakhat a lan tir ani.
A entir chu: Sakhuana (Pathian) hian mi fing tak tak leh fel tak takte pawh thil tha lo leh atthlak tak tak a tih tir thei tih hi.
Hman deuh lawk pawh khan India ram pakhata pa pakhat chuan a fapa chu thatin, a ban bung leh a thin zaithlain vai puithiam (Sadhu) hnenah inthawina atan a pe a. Achhan chu an pathian Kaali tih lungawinan a ti ani. Pathianin titurin min ti a tih tlat kha.
Vaipa thil tih leh Abrahama thil tih tum hi a danglam lo reng reng. Bible thu anih vang main kan hmu nep mai ani e. Mahni inchan chhin la sakhuana’in min bual at zia chu i hre thei hlauh mahna.
Engkim siamtu leh hretu chuan Abrahama rilru chu hriat vek awm tak, mahse mihringte chunga harsatna, hrehawmna, hremna tih lan vel hi nuam a ti ve hrim hrim niin a lang.
· Mahni fapa ngei thah duhna rilru hial a neih avang khan Abrahama chu Pathianin malsawmna tam takin a vur a. Isaka khan a pa kha eng angin nge a hmuh ve i rin? Medical tawng takin, “trauma” rapthlak tak a nei ngei ang.
· Genesis 38:7 Tin, Juda fa tir Era chu LALPA mithmuhin mi sual a ni a; tichuan LALPAN ani chu a tihlum ta a.
Era hian enge tihsual a neih le? Pathian hian engvanga haw ringawt nge ni ang? Thihna hial a thlen duh hi rapthlak tak ani. A thlahtute vangin a pawngpaw huat anih chuan Pathian awmze nei lo tak ani ang.
· Genesis 38:9 Tin, Onana chuan chi thlah tûr chu ama thlah a ni dâwn lo tih a hria a; tichuan heti hi a ni a, a u nupui a pâwl apiangin, a u tân chi a thlahsak lohna tûrin leiah chuan a titla thîn a.
38:10 Tin, a thiltih dân chu LALPA mithmuhah chuan sual tak a ni a: tichuan ani pawh chu a tihlum ta a.
Hetiang thil ho lutuk tih vang hian Pathianin Onana hi a that ringawt hi ka pawmrem thei tlat lo.
He thu hi Kristian sakhua tam tak thu-rin ber zinga mi ani leh nghal a. Mahni inhrawt (masturbation) leh condoms hman khap phah nan an hmang bawk.
· Genesis 41:25-54 Tin, tâm kum, kum sarih tûr chu Josefa sawi ang takin a lo thleng tan ta a. ram tinah tâm a lo tla ta a; Aigupta rama chhûng zawng zawngah erawh chuan ei tûr a awm a….
Engvangin nge Pathianin kum 7 chhung tâm a tlak tir hi ka hrethiam lo. Josefa tih lan hausakna atan ni berin a lang.
Similar Posts:
- KAINA’N MI THAH A HLAUH THU LEH THLAH INANG LO
- ABELA LEH KAINA TE THIL HLAN
- Juda-te kumthar (rosh hashana)
- Genesis thu hi!
- Isua leh Muhammad
(Y)
November 16th, 2012 at 11:39 am
A hot leh dawn e
Hmangaihna Pathian hi thikthuchhia Pathian pawh a ni ve bawk a. Nunrawng tak anga a lan nachhan chu a sual vang hrim hrim ni lovin a hmangaihna nasa tak avang zawk a ni. Midang khan han sawi ve teh u
Report this comment
November 16th, 2012 at 11:56 am
Ka chhiar chhuak peih tlat lo mai..thatchiat vang pawh ni chuanglo in! Hetiang zawng a thu lak hi ka rilrem zawng ani tlat lo..
Report this comment
November 16th, 2012 at 12:33 pm
Khi I la chhiar tantir chauhva I vui nghal nui nui ringawt a, Genesis chauh alawm la ni.
Chhiar zel rawh, Thupuan I thlen hun chuan I tana ziah a nih zia I hre uar mai ang. 
Report this comment
November 16th, 2012 at 12:35 pm
“…..Mahni fapa ngei thah duhna rilru hial a neih avang khan Abrahama chu Pathianin malsawmna tam takin a vur a…..”
I thu lak dan a kawi nawi em mai!
Report this comment
November 16th, 2012 at 12:41 pm
Haha…a post-tupa i peih mai mai e a
Tatrawta chhanah khek mai ang…. OT lawks tehng. Misual.com hi chu Mizo te google a nih kha maw? 
Khawngaihin Rev. Zaichhawna Hlondo hi a mail add. emaw a mah contact theihna hrim hrim min hrilh thei in awm mial em le?
Report this comment
November 16th, 2012 at 12:55 pm
I fakawm hle mai. Bible i chhiar nasat hmel a. Tihian Pathian i demna leh a tlinlohna niawma i hriat te hi Bible pumah lo zawng zel la, Pathian thatzia lo hmuchhuak ngei ang che…
Report this comment
November 16th, 2012 at 1:02 pm
He misual.com hi mi zawng zawng, eng sakhua biami tan pawh free tak a ngaihdan leh hmuhdan sawi theihna hmun nitho mahse (ka rin ve mai mai danin Christian nilo hi chu sawitham pawh an awmin ka ringlova)mi thenkhatten Pathian sawichhiatna/awm rinlohna campaign nan an rawn hmang ngawh vio mai hi chu a hrisello khawpin ka lo hre ve mai mai a. Entirnan Hindu/Islam eng sakhua pawh biatute awmkhawmna hmunah an pathian thatlohzia theihpatawpin va sawi ta ila, an lawmlo vio chauh nilovin an pathian sawichhiat saktu chu an dapchhuak duh mai thei a ni. Chuvang chuan hetiang lam thupui hi chu Pathian sawichhe duh pawl/awm ringlo pawl awmkhawmna hmunah post ni zawk ta se, duh leh duhtawkin sawi luai luai ta se, midangte rilru tihnatna leh tihthlabarna tamtak hi kan pumpelh ngeiin ka ring.
Heng thil hretak ho chhang thei tur khawp hian Bible thu hi ka hrelona a, ka sawi ve duh chu keini mihring ve mai mai pawhin kan fate an nakin hun tur engmah hrelo pawhin an tihtur leh tihlohturte an tan a that zawk nan ri kan khamsak thin a, an tan thalo tur thil an tih lohnan kan hrem/zilhhau thin. Achhan chu huatna vang nilovin hmangaihna vang zawkin. Chuvang chuan Pathianin duh le duhloh a neihte, hremna a chelek thinte hi a hmangaihna vang zawk a ni. I fate an sualna a vanga i zilhhauh a pianga thiamloh i chanzel dawn chuan ngaihtuahna la finglo/puitlinglo naupangte chu fel taka an thanlen a va rinawm loh ve. Chuvang chuan kan fate mifel leh tha ni ve tura kan duh chuan an duh emaw duhlo emaw hmangaihna vangin kan zilhhau fo thin ang hi a ni. Ka lawm e.
Report this comment
November 16th, 2012 at 1:19 pm
Setana leh Pathian inbeihna zuk hriatpui loh chuan hriatthiam a harsa mai thei e. Pathianin a anpui leh a kawm hlim theih, amah anga thianghlim turin mihringte a beisei a, Setanan tihbawrhban a tum ngar ngar thung a. Setana avanga Bawhchhiatna a lo thlen pawh khan, Pathian chuan, ‘THUTIAM’ a nei nghal a. Chu a thutiam tihhlawhtlin a tum ngar ngar laiin, Setana thung chuan tihtlawlh a tum ngar ngar tih a hriat theih a. Pathian thutiam titlawlh theitu tur ang chi, Juda chi tawp theih mai na tura thil diklo taka titu te, Abrahama laka thutiam fa lo piang tur ti bawrhbang leh titlawlh theitu tur Aigupta Lal leh Hagari te kha Pathian tan chuan an huatthlala awm em em a ni.(Setana a lakah a uang thei dawn tlat a- Mahse Hagari Fapa Ismaela mal a sawm zia kan hria e).
Tin, Thisen chhuak ngeia ngaihdamna lo awm tur entirna tur leh an hriat zel theihna tur atana, ranah pawh a hmelhemlo ngat a phut laia Antam tih vel lo hman angte kha Pathian ‘Insult’ na a ni.
Tin, Pathian duhloh zawng leh huat zawng ang ngata nung lui ngar ngar leh Pathian dang be lui ngat ngat a, Setana hmaa Pathian zahna thlen thin tute lakah khan zahngaihna a lantir vak lo(Thuthluinghlui hun, Khawngaihna aia Dan-in ro a rel hunlai bikah.)
Setana hian Lal Isua lo pianna tur line kha chhutchah a tum ngar ngar niin a lang a, chumi atana a hmanrua te kha Pathin khan a haw theih tawp ani tih a hriat theih.
Tin, Isaka kha thah a ni lo a, Pathian tana a fapa mihringte tana hlan a harsat zia tur leh Hmangaihna chungchuang leh luangliam takmeuh entirna anih avangin Pathian khan Abrahama thiltih leh rilru kha a ngaihlu em em tih a hriat bawk.
Pathian hian Khawvel hun tawp raih thlengin Program duansa a nei a, mihringte tihdanglam ve mai mai theih ani lo. A hunah chuan a lo thleng zel mai ang, thu kan nei lo khawp mai. Sakawlh te an la rawn chhuak dawn a, namen lovin Juda ho a nghaisa dawn a, Juda ho Pathianin a chhinchhiah bik tlanchhia leh birute lo khawngaih tute pawh Beram anga Chhandamna chang tur an ni. He Leiah hian Van Jerusalem thar ala rawn hun dawn avangin, he lei hi a la hal fai tha dawn(Nuclear ralthuam ho hi annih ka ring). Mihring leh Setana leh Ramhuai ho lo tihdanglam theih ani dawn lo.
Tun khawngaihna huna Pathian fapa thisen pawm duhlo leh hmusittute pawh hi, a la hrem dawn khawp.Tuma dem leh sawibuai phak ani dawn lo.
Sawi tur a tam lutuk, comment a sawi sen mai ani lo.
Report this comment
November 16th, 2012 at 1:32 pm
Post-tupa chu, Pathian awm i rin loh chuan ring lo mai ta la, engati nge i sawisel vak kher aw??
Nokia torchlight series ringawt hmang tan chuan smartphone sawichhiat vak hi thil theih loh hul hual a ni a, a chhan chu kan thil sawisel tur ber kha engnge a nih pawh kan hre tlat lo a ni. Nang pawh hian Pathian awm i ring lo chu ni lovin, a awm ngei tih i hria a, i beisei angin a lo awm loh avangin sawiselna tur kawng i zawng ta a ang ber mai awm e. Khawnvartui hi Kum tam tak chhung atan thil tangkai takah an hmang thin a, amaherawhchu, khawnvartui hmanga inhalhlum tam tak chhungte tan chuan khawnvartui tangkaina hmuh thiam a har fo thin reng a ni. Khawnvartuiin ei tur siamna, kawlphetha siamchhuahna, tui pump chhuahna, khawlai tih enna, adt atana a tangkaina hre lova, ei tur siam laia kut tih kan palhna, kawlphetha siamchhuah laia meikang chhuak palh theihna, tui pump chhuah laia a buak palh avanga lei tana a that lohna, khawlai tih en nana hman anih laia a buak thut a kangmei a chhuah i hlauh avanga i sawisel chiam chuan i mizia tur awm ang chu a hriat theih mai e.
I hmangaih miah loh leh i rilru luah miah lo hmeichhia chu lo va inzuar kual lawp lawpin, mipa a hmuh apiang mutpui mahse, i rilru nat ahnekin i hmusit ang. Amaherawhchu, i hmangaih tak mai khan tlangval kut lo vuan ringawt pawh ni sela, i rilru chu vih ang sawk sawk a ni ang. Amaherawhchu, ka dem lo che. Atheist te hi an nun ram a lo chau thei em a ni.
Hmannia kan inkhawmnaa thusawituin a sawi ka hriatreng chu,”Atheist te hi mi khawngaihthlak tak an ni a. An nun an zirchian a, research an beihnaah chuan atheist zawng zawng hi enkawltu mumal nei lo, pa nei lova khawsa leh pa in a tlanbosan avanga pa hmangaihna dawng lo mihring an lo ni zel a ni” a ti a. Research base anih avangin hei hi atheist te pawhin hnial ngaihna an hre lo. Pa hmangaihna dawng ngai lo tan chuan kan PA Pathian hmangaihna chu hriatthiam a va har lua dawn em..!!!
Report this comment
November 16th, 2012 at 1:42 pm
@9 Trawtte, i sawi tha leh piap piap hle mai
Report this comment
November 16th, 2012 at 2:25 pm
Bible hi i duh anga Pathian in puanchhuahna a ni lo tih chu i chiang mai em?
Report this comment
November 16th, 2012 at 2:25 pm
Bible hi i thu ang leh i duhdan ang a Pathian in puanchhuahna a ni lo tih chu i chiang mai em?
Report this comment
November 16th, 2012 at 3:26 pm
Hmai lai kan pipu te khan christian na kha zir chiang mang hlei lovin an lo pawng rin ve tawp mai a, an thlahte hi chuan kan rin a hi a dik leh dik loh te hriat kan tum ve tan ta a a lawmawm ah ka ngai. Post tupa te pawh hian christianna hi a pawm tlak lohah i ngai a nih pawn ka dem lo che, a aia belhchian dawl zawk sakhuana i rawn chhawp chhuah theih phei chuan i ngaihsanawm ngawt ang.
Report this comment
November 16th, 2012 at 4:02 pm
Pathian khan Abrahama a fiah nan a fapa kha hlan turin a ti a. A nunrawn vang hrim hrim a ni lo. Abrahama thu awih zia a hmuh khan beram a pe a, a fapa chu a hlan tawp loh kha.
Kaina pawh khan a rilru chhungril ah a fel tawk loh vangin tikhan a ti mai chauh zawk a. Ismaela te nufa kha hnawtchhuak mahse atan future tha tak a duan sak tho. Tui in tur an neih loh khan thlaler khawro ah tui a pe tho. Bible a kan thil hmuh zawng zawng te hi, Pathian in a ropui zia leh a thil tih theih zia, mihring te hian amah ah chauh himna leh hlimna a awm a ni tih kan hriat nan khing zawng zawng te khi a thlen tir in a ti a ni zawk.
Tin, hetiang a thlir vak hian vanram kawngka a kawk lo. Pathian finna chu mihring te chhut phak rual a ni lo a. Pathian rorel dan zawng zawng hriat kilh kelh tum chiam hi atna mai a ni e. Kan Pathian finna leh rorelna chu tuma chhui sen rual a ni lo tih hi i hre thar leh ang u.
Report this comment
November 16th, 2012 at 4:26 pm
Post tupa, uluk takin thuthlung thar hi lo chhiarin lo zir lehla, i thlirnate rawn post leh ta che, i rawn post chin chauh atanga lo thlir che hi chuan, ila hre tawi mange tih chauh kalo sawi ve ange
Report this comment
November 16th, 2012 at 5:07 pm
Post tupa hi a hehe, i thil lak dan hi a kawisawi em mai.
Report this comment
November 16th, 2012 at 5:08 pm
Unaute u(posttu pa ni lovin)-mitdel 5? In sai an hmuh dan an soi khan an thusawi hretute khan ‘lo nuihsawh ngawt se’ thiam lohna chin an nei ve ngei ang. A chhan chu ‘mitdel thusawi nuihzattu’ an nih avangin. Kan thiana hi mitdel thenkhat sai hmuh dan sawitute zing ami ang kha a ni a, sawi kai hram ka duh chu ‘Lal Isua kha AMAH dotute-mit var an neih theih nana lo kal’ a nih tlat avanin ‘mitdel renga awm hi i chan tawk khuarel’ a ni reng bik lo, beisei tur i tan a la awm e tih tarlan hram ka duh vang mai a ni e. Bible hi v-18 ka chhiar chhuak toh a( NT nen ka tihna), vawi 2 tal chu lo chhiar chhuak ve leh ta che. Chumi hnu chuan hetiang lam hi i la hawi reng dawn a nih pawhin i thu leh hlate chhiar a manhla deuh tawh maithei asin?
Report this comment
November 16th, 2012 at 8:37 pm
Pathian chu awm tawh leh awmmek leh lo la awm tur, a bul leh a tawp chu ka ni a ti a.huaisen taka inihna i puan ngam a vangin i hma lam hun atan hmagaihtu Pathian tan mi huaisen leh rinna a pasaltha ila nih ka ringtlat itan kan lo tawngtai zel ang e
Report this comment
November 16th, 2012 at 9:50 pm
Mr. Mistera chu, Pathian thil rel dan leh a thil tum hre fiah thiam tu in,
I la chhiar thui lo em a nih hi.
Han chhiar chhuak la chhiar chhun zawm leh la, i hriat fiah thiam theih
na tur in, Thlrauthianghlim awm pui na te pawh han dil ve phawt la.
Duho i nih nghal ngawt lo chuan.
Report this comment
November 17th, 2012 at 12:28 am
I thu post hi,
Genesis 38:7 Tin, Juda fa tir Era chu LALPA mithmuhin mi sual a ni a; tichuan LALPAN ani chu a tihlum ta a.
Era hian enge tihsual a neih le? Pathian hian engvanga haw ringawt nge ni ang? Thihna hial a thlen duh hi rapthlak tak ani. A thlahtute vangin a pawngpaw huat anih chuan Pathian awmze nei lo tak ani ang.
Pathianin Era sualna a hria a, nang chuan a sual leh sual loh i hre si lova Pathian thiltih i dem ringawt mai a.
Rilru in hawng takin Bible hi chhiar teh khai, a chhia ringawt i zawn chuan i chhia lo chu i hmu lovang, chu pawh chu nangmah atanga chhia lo chhuak bak a ni lovang.
Report this comment
November 17th, 2012 at 8:20 pm
Ha ha… Sakhuana chauh hi a ni mihringte ti a thei.
Report this comment
November 18th, 2012 at 10:50 am
Mak ve deuh chu: Pathian in a an pui (image) in mihring a siam a,kan rin ang a engkim tithei,engkim hria,eng hmun ah pawh awm a nih chuan nga ti nge a thilsiam te awm dan a control theih loh (free will kan tia mi?).Mihring a siam kha a inchhir anih chuan,a la inchhir dawn tih a hre lawk bik lo am mi? Hre lawk se mahni inchhir lehna tur thil tih chu a mak khawp ang.Vantirkoh chungnung fina leh mawina tinreng a thuam( a hming kan hriat loh) Lucifer kan tih tak rikngawt a siam khan a laka a hel tur kha a hre lawk ang em?
Ngati nge a duhtak a ma anpui ang ngei a siamte zing ah gay,lesbians,transgenders,hermaphrodites..etc te an awm bik? Gay leh lesbian te phei chu a haw em em lehnghal! Heng te hi han ngaihtuah chang chuan clergy ho chuan mihring in a pathian thil tum leh nihna kan hriatthiam phak loh thu an sawi thin,a solution awm chhun chu blind faith ni in a lang.
Report this comment
November 19th, 2012 at 11:45 pm
A tha ltk. Vei zawng chu sawi pawp2 mai tur. Mahni bak in ngai pawimawh tumah an awm lo. Midang ngai pawimawh tumah an awm lo. Midang ngai pawimawh hmel taka langte pawh hian an tan thil dang an beisei vang tho ani.
Report this comment
November 21st, 2012 at 10:34 pm
Muslim-pa min tihdan nen a va in-ang ve
Report this comment
November 21st, 2012 at 10:46 pm
Inthawina kha?
Khawi atrang’a an hriat nge, I zawt ngai em? Anmahni a an tih chawp chu ani love.
Eden atrang’a hnawhchhuah annih hnuah Pathianin thisen lo chuan sual ngaihdamna a awm lo tih a hrilh a. Inthawina chu.
Chu Pathian thu ai chuan Kaina’a chuan ama thu a duh in a hmangaih zawk a, Pathian thuawih ai chuan.
Engtin nge Pathian in ama thuawih lo, A thu ang ni lo mahni thu anga Pathian thil tih tir tum ‘tu’ inthawina = trawngtraina a chhan ang? Chhang lovang.
(Trawngtaina awmze neilo a ka kawmen tawh kha)
I thu diklo dangte chhanna pawh a awm. Mahse hei zawng hian duh tawk phawt ang. Pathian sawichhiat leh dona avanga inchhir theihna tham ani e, mahse I duh leh duh loh, i thu thu ani e chulam chu.
Pathian nunrawnglo mahse zahngaihna, khawngaihna leh hmangaihna (akhatna) avanga la dam mai i/ka/kan ni e.
Report this comment
December 5th, 2012 at 11:23 pm
Awww…Thlarau bo in va la tam tak em. Chanchin Dik hi mitin hriattir ka duh si a.
Heng zawhna leh chhanna zz te hi thu dik ngaithla duh u la chuan sawi sawi a ngai lo tur.
Ka thu ka ziak lova, Bible thu chauh a ni. A dik lo i tih chuan Bible a dik lo tihna a ni mai.
Pathian control ka tum lo. Thil awm lo lakah engmah ka phut lo. Ka tum zawk chu Bible hi mihring ziah leh mihring thu chauh a ni e tih hi a ni.
Pathian a awm tih fiahna 1 min hrilh thei in awm em? In mimal nuna thil thleng ngaihbel theih ni lo, mi zz hriat theih leh a dik a ni tih hmuh theih pakhat tal han sawi teh un.
I rinna kha dikna a ni leu. Awmze nei lova beiseina mai a ni. I sakhaw vawn lai pawh kha i pian leh seilenna hun leh hmun vang liau liau a ni e. Tumah sakhaw danga piang pawh in awm hek lovang.
Isua pawh hi a thang rei mah mah ani. Dawt hlir kan ring thei hi chu Pathian tak tak, “Hero” tur mihringin kan duh leh mamawh zia lantirna a ni.
Rinna ni lovin, Thu dik zawkin le.
Report this comment