Khawnge tum tum chu Vaivawm khel tura kan khawtuala Kumpinu lo zin chanchin kha Ignatia a ziakah ka dah bawk a, Korean movie lam in hawi deih teh ang. He thu hi ka thiante Magazine Movie Corner lamah an chhuah tawhna in tun lai Korean movie lar lai a ni bawk a misual lamah hian kan vawm bei ve ang e.
Khawvel a changkan zel a, kum 1990 chho khan Star TV in min rawn run a. TV ah serial film ‘Santa Barbara’ leh ‘The Bold and the beautiful’ in min run a kan phu suau tawh a. Nikhua a lo rei a vai film lehlin ‘Kasauti Zingdagi Ki’ in Zoram pum min han fan chhuak leh teh reng a. Tunah hian Korean Movie in Zoram khawvel a run mek a, en ve ngaih loh chuan a ninawm viau mai. Mahse, ning viau mah ila kan ti tawp ngawt thei si lova. Khawnge tun tum chu ka Korean Movie en tawh, hnuhnawm ka tih deuh deuh hi kan sawi ve ang e.
The Classic: Hei film the Classic hi Korean movies (serial film nilo) ka en hmasak ber pawl a nih ka ring. Amaherawhchu, ka en ve kha chuan lar fe hnu, a lar reh tawh lam a nih ka ring. He film te hi a hnuhnawm phian mai. A thawnthu te hi a lungrun thlak reuh riau a, hmangaihna vanduai te pawh a tih theih awm e. A changtunu Son Ye-jin hi film a chang hnem a, chan pawha chang thiam viau mai. Mahse, a chang hian hmelthat loh riau lai a nei. A bikin a tum hmel leh a rilru hah hmel hi a tha vak lo deuh thlat in ka hria. A changtupa zawk hi a film dang channa awm pawh ka la en chiah lo.
When I turn nine: He film hi naupang kum 9 mi vel lem an chan a ni a. A chang tupa Baek Yeo-min-a lem a chang Kim Seok hian a chang thiam em avang leh naupang hmeltha vir ver, Lee Se-young in, a chang tunu Jang Woo-rim lem a chan thiam em avang hian a hmuhnawm thlawt a ni. Tin, a thawnthu kal hmang hrim hrim hi a tha a, kum 9 naupang vel inkawmna niawm tak, keimahni ngei pawh kum 9 vel kan nih lai a mi niawm tak tak a nih avang hian a hnuhnawm zual bik. A changtupa Baek Yeo Min a inti pa vel, ho hran nei thei ngat in a hote a chhan thiam dan vel te hi a ti hmuhnawmtu a ni. Naupang kara hmangaihna lo lang an tarlang thiam viau bawk. A tawp a, a chang tupa Baek Yeo-min in a tawihnu Jang Woo-rim a thlah dan te hi thil ni awm tak a ni. An in atangin an ko chhuak te te a, a hmangaih thu a hrilh a, a biangah an fawp zauh a, fawh pahin Bakilh mawi tak a pe a, a tlanchhiat san daih te hi a ti hmuhnawm dangdai tu a ni. An zirtirtu pa a chang kha 3 Brothers ah pawh a chang ve kha.
My Sassy Girl: He film hi a hnuhnawm phian bawk. A changtunu hi a hmeltha reuh riau a, a changtunu hmelthat reuh zia leh a kawlh thiam zia te en chuan Hmethanunrawngi tih mai awm a ni. A changtupa in a dawh hram hram dan hi a hnuhnawm dangdai ve hrim hrim a ni. Kan thiante in a kan len hian he film hi tlangval pahnih hian kan han en lui ngat a, kan thiannu hian tlangval pahnih in Korean movie lo en chu a lo ngei thin khawp a, a runluih nan kan en lui ngat thin. A chang tupa ber Gyun-woo lema a chang Cha Tae-hyun hi film a chang hnem ve reuh phian a. A changtunu ber Jun Ji-hyun hi a film channa dang ka en awm pawh ka la hre lem lo.
Full House: He film hi a serial ang chuan ka en hmasak pawl a ni a, hmuhnawm ka ti viau mai. A changtunu Song Hye-kyo hi a hmeltha in a chang thiam reuh riau a. Lalgo-i ka ti mai a, a go reuh riau na hian a ti duhawm zualin ka hria. He nu te hi a lar hle ni tur a ni a, Advertisement thenkhat ah endorsement a tih lohna ah te hian a mah hmang hian advertisement te hi an lo siam leh ngawt thin a ni awm e. A chantupa Rain hi an zai thiam lar ni bawk a ni awm e, mahse a chang thiam lo zawk in ka hria. A thawnthu hi a chang hian a lem leh lek lek thin in ka hria. Entirnan, a chantunu zin hlan a thianten a in an lo hralh sak tih vel te hi. Tun hnu hian en leh ka tum a, kan nau pakhat ta ka hawh a. Disk 3 lai a ni a. Mahse, disk pakhat chiah a en theih thlat mai a. A zia lo tak tak tak a ni.
Stairway to Heaven: He serial hi ka thiannu in min pe ve ngawt a, rin aiin en chhunga rei phian mai. A changtupa Kwon Sang Woo te hi a hmel a pa roh riau a, hmeichhe duh chi. Mahse, a a thawnthu hi duh aiin an tichingchivet kual mah mah ka ti. A kar laklawhah boruak a tha tawh dawn emaw tih pawhin an awihawm vak lovin an han tichigchivet kual vak a, a hahthlak lek lek thin. Tin, a tawp tir dan hi duhthu sawm lo deuh in ka hre bawk. Kum 2007 vel a thlasik lai khan ka roomah ka en thin a, nula film en ang deuh in pakhat en tawh chuan a dang en zawm zel a chawh ang reng khawp mai. Zan khat chu ka thianpa (Tunah chuan IIT Kanpur-ah a a zir tawh a) nen kan en dun tum in hmuhnawm kan ti khawp a, ”Hawh teh, zanin chu en tlaivar thak mai ang hmiang” ka ti a, mahse, a duh ta chiah lova. Kan en tlaivar ta chiah lo.
Personal Taste: He film hi kan thiannu pakhatin min pe a ni a, a changtupa hi a star tawp bawk a. He film hi chu Architect pakhat leh Furniture designer in ngaihzawnna a ni ber a. A karah tu te nupa emaw in a chatupa leh a changtunu hi an lo duh ve ve a, an hmangaihna kal kual vel dan hi Full house a mi te ‘Quadrilateral love’ a ang ka ti deuh a, thawnthu ho ang reng takin hmuhnawm ang reng takin an chang thiam. An channa a la rei lo bawk a tun lai hmasawnna thar mobile card (virtual card) te an hmang tawh bakah mawngkawhur te hian pawh an lo in lan ve tlat mai.
Korean Movie fakselna:
Korean ho hi film siam an uar ai hian film hming hi an uluk tawk lo deuh em aw ka ti thin. The Classic, Personal Taste, Sang Doo, Let’s go to school tih ang te hi a common vak lo ka ti. Nge ni an mahni tawng hian mawi deuh a an phuah hi a English translation a fuh tawk lo zawk aw. Vai film aiin sap film an entawn tlem zawkin ka hria. Anmahni khawvelah an cheng hneh viau mai bawk. Tin, Foreign lamah film shooting an nei vak lo emaw ni aw ka ti. Mahse, sap rama awm/zir tih ang vel chu an uar ve viau mai.
Korean hian an film hi lungaihna lama tawp tir hi an uar khawp mai a, Mizo thawnthu a tawpna “Hlim takin an awm ta a” ang hian an tawp tir lem loh chang a tam. An thawnthu hi vai hi anga awihawm loh deuh deuh dah ai in chingchivet deuh a kaihkual chiam dan an thiam viau mai. Anni hi film siam lamah hian an nikhua phian a niang an film tam tak hi South East Asia hmun hrang hrangah a lar viau thin a ni awm e.
Ka vannei viau nge vannei lo ni Korean Movie hi ka en ve nual a, ka mittui ti thla khawp ka la hmu lem lo. Keini ang pa tui dul vak lo tan chuan mittui han sawr chhuak khawp hi a vang viau mai.
Hei hi kan belh leh hram teh ang. Mizoramah heti khawp hian Korean Movie kan atchilh a, amaherawchu, an fai zia te, an thawhrim zia te ai hian an incheina leh nun dan tha lo lam hi kan copy nasa mah mah a, hei hi a pawi khawp mai . An zia tha leh chin chhunzawm tlak te hi chhawm cho ve ta ila a duhawm hle ang.
Similar Posts:
- Bethany Hamilton ‘Soul surfer’
- 2012 a movie hmuhnawm ka tih te.
- Korean flu – II
- Movie database
- Zonet Trademark
:-D
:)
November 20th, 2012 at 3:46 pm
Eng magazine ah emaw ni ka chhiar tawh keuh
Report this comment
November 20th, 2012 at 3:57 pm
hairehai..
OLDBOY ani mai….cuan my sassy gal
Report this comment
November 20th, 2012 at 4:00 pm
My Sassy Girl a changtunu khi Sexy Teacher movie a changtunu kha a ni lo maw?
Google nghal sap sap awih loh.
Report this comment
November 20th, 2012 at 4:29 pm
Full House tluka Korean Film ka en tam ka hre lo. A changtunu zet kha chu awww, ngaihtuah a tithui thin teh e…
Report this comment
November 20th, 2012 at 4:30 pm
korean serial ka nin zia chuuuuuu
Report this comment
November 20th, 2012 at 4:49 pm
Greenrose a hmuhnawm ber chuan.. my wife is a gangster nen
Report this comment
November 20th, 2012 at 4:56 pm
I va en hnem bik ve aw. Green rose a a changtunu kha chu a chhelo ve khawp mai. Mongoloid nula tivar hai mai leh chhelo chin vek vek hi chu, Sap leh vaiho aiin an tha ka ti zawk. Mahse, Korean film hmuhnawm tih ka neih pawh ka hre lo.
Report this comment
November 20th, 2012 at 6:16 pm
Badboy, Korean ah chuan hei hi i hmuhnawm tih chi tur tak ani.
https://www.youtube.com/watch?v=xSUgzw91JXs
Report this comment
November 20th, 2012 at 6:48 pm
E taka, my wife is gangster II kha ka en tak e..
Report this comment
November 20th, 2012 at 8:32 pm
Chhingte ka chhiarchhuak a mahse han sawi ve vak theih ka nei hauh lo mai. Academician ni bawk a engmah i tawngpawng duhloh tawp lohna hi tha ka lo ti viau mai. Engtinmaha tihtawp theihloh tur thil han buaipui chiam thin hi a ho lek lek thin a. Mahse fimkhur erawh a ngai ve tho mai.
Report this comment
November 20th, 2012 at 8:44 pm
Arirang channel awm tirh a an serial ho bak kha chu mumal a en ka nei tawh lo reng reng, mahse chhungte ho en duh ber a ni miau a, a story follow mang lo a en ve reng chang chu ka ngah..an nu ho hi an an cheh awm ka ti thin
Report this comment
November 20th, 2012 at 8:51 pm
Khita tlar hnihnaa ‘deih’ tih khi chu helh ve deuh det
Report this comment
November 20th, 2012 at 8:54 pm
Ignatia, Kumpinu chu i rawn thawh chhuah pui ngei a ngai a nia aw… ka lo chang reng a nia…Jackipa pawh hian Cruel Temptation a en ve hlu hlu thin tih zawnga chiang reng
Report this comment
November 20th, 2012 at 8:59 pm
@Jacki pa daih tur a ni reng sia…. ti nge deih tiin a lo awm le….
Report this comment
November 20th, 2012 at 9:15 pm
Ka OT dawn. Tunlai chu misual.com ah hian thluak lam han ti phur chi case a a vang leh tlat tawh..hetiang lam a awm loh hi chuan scotland zotuithiang nena hun hman hi a ni ringawt zel a..Jalandhar-a mizo nula boral hnu ah khan, thluak han ti fim tur ang chi case hi a vang leh ta pharh mai..
Report this comment
November 20th, 2012 at 9:19 pm
Ka fa te ho zirloh nge? Kan chhungkua chuan zir tur tam tak awm zingah, IN HAUH an zir chhuak tlat a ka hriat chuh!. Kar hnih chhung en ka khap a ka in chhir hrih lo khawp mai. Naupang in hau thawm hriat a khat ta tlat nia, ka ngaihbel vang ni maw?
Report this comment
November 20th, 2012 at 9:19 pm
@doc_lib,Hmm Chemtatrawta Delhi KUT ah a in hang da a nih kha.. Advance Christmas an hmang zo ang a Whistle a rawn ham leh vak mai ang….
Report this comment
November 20th, 2012 at 9:23 pm
@Tripleseven, kei chu kan chhung zinga naupang ber ka nia, a zir tur ber chu kei hi ka nia, ka en ngai lo tlat…
Report this comment
November 20th, 2012 at 9:25 pm
Chhingte, chemtatrawta whistle ham ang hi chuan ka thluak hi a ti phur pha lo..Tunlai misual ( misual.com member ni lo) ho pawikhawih dan hi a..keini ang duang tan chuan min ti phur tham thil pawh an thlen nek loh hi..case tih tham deuh thluak han sawi zawina ang chi hi a awm lo hrim hrim
Report this comment
November 20th, 2012 at 9:35 pm
Chhingte ka lo inruahman mek e. Mahse series zawh vek hnuah chauh lo post ka tum a nia. Kan khuaah an lo khel dawn mek e hei… Hmanni kan chak kha ka hlim khawp mai. A nuam a ni. Pujara lo chhuak mawlh hi lawmawm.
Report this comment
November 20th, 2012 at 10:07 pm
Korean film techu hmeichhe en chi alawm le… Hmeichhia ah pawh mizoram la pel lo ho
Report this comment
November 20th, 2012 at 10:28 pm
Hei nu ber thu neihna hnuai ah “Cruel temptation” tih luihna vang deuh roh in kan en mek a, hmuhnawm ka ti phian mai!
Report this comment
November 20th, 2012 at 11:11 pm
Korean film hi en tum lo sa teh mahila a theihloh. Local channel zawng zawng a luahkhat vek! Kei Full House kha ka en peih lo. A changtupa kha ka ngainat zawng ani lo. Korean film hrim hrim hi ka en tam lo viau.
Stairway to heaven kha mumal taka ka en chhun ani mai awm e. Rilru a khawih pha det. Cruel Temptation hi a hmuhnawm viau, mahse a sual ho an sual leh lutuk hi a ninawm mah mah.
Korean film hi a thianghlim kan ti fo a mahse entir tha lo a nei tho mai. Nu in an an cheh lutuk tlangpui. An inchhung fai zia erawh a hmuhnawm thlawt.
Report this comment
November 20th, 2012 at 11:26 pm
Sawi ve tur ka va hre ve lo chiang!! Korean movie ka la hmu ve lo..
Report this comment
November 20th, 2012 at 11:51 pm
Sheldie @23 Korean nu ho an cheh lutuk hi alawm ka lo sawi chu..
Report this comment
November 21st, 2012 at 1:42 am
Ka en vak lo.
Full house leh green rose kha serial ah chuan ka en.
My wife is a gangster 3 ka nei, ka nui ri leh huk thin
Report this comment
November 21st, 2012 at 8:51 am
Hot for teacher a hmuhnawm ber
Chuan Full House kha ka tuipui khawp a, ka en chhuak vek. Tunhnai ah Three Brothers kha ka en ve a, mahse a tawp lamah ka hne hman, a sei lutuk a.
Report this comment
November 21st, 2012 at 9:05 am
Ta mai mai chuan.. Korean chu ka en vak lem lo.. Korean ai chuan Japanese movie ka lawm zawk tlat pek a
Report this comment
November 21st, 2012 at 9:12 am
En tak rau rau ah chuan kutdawh Su-a te hi hmuhnawm ka ti
Report this comment
November 21st, 2012 at 10:15 am
Korean film hi maw.., an faiin an thianghlim. Chutih rualin midang hmusit leh diriam an tina khawpin ka hria…
Chutia film en duh zawng in sawi takah chuan, chinses film – Kackie chan, Bruce Lee, ladt., chhanna ngei hi alawm hmuhnawm chu le.. Huah huah huahhhhhh..
(muah muah muaah ni lovin 
)
Report this comment
November 21st, 2012 at 11:58 am
Dr Mahming, i sawi Kackie chan hi ka google ngial a ka hmu zo miah lo. Jackie chan-a unaupa te hi a lo ni mial lo maw??
Report this comment
November 21st, 2012 at 12:02 pm
@ Kher Kher… Aw haww.., Kackie tiin admin-te’n an lo ziak a ni maw?!
Report this comment
November 21st, 2012 at 12:12 pm
Unau hming in ang lutuk hi chu a buaithlakna lai a awm tlat thin
Report this comment
November 21st, 2012 at 1:01 pm
Ka en ve ngai thak lo nia
Report this comment
November 21st, 2012 at 4:22 pm
Hmm Sori ri lutuk, Misual ah thil ka post tih kan theihnghilh chu, mahni tawkah ka buai ve em a tin ni. Min lo hrethiam teh u… In comment zawng zawng ka chhiar e.
Report this comment
November 21st, 2012 at 8:06 pm
Korean Movie hi ka en peih ve tlat lo nih chu … Nitin-a ning hlei-hluia kan inhmuh fo vang nge maw ni dawn ni
Report this comment
November 21st, 2012 at 9:47 pm
Kei chu mak ka tih em em chu Korean ho leh vai ho hi Mizo tawng a tawng hian an aw hi a in ang chiah chiah zel hi mawle….(Korean leh Vai film lehlin a tawng tu te an in ang vang)
Report this comment
November 21st, 2012 at 11:28 pm
Chdl-a chu a hawl kim ngei mai a…
Korean film Mizo tawnga an han let chiah hi chu ngaihtuah tur a tam… An letling vin thei si, an tawng hlawk thei bawk si…
mipa ho lah hi pa hrek hrawk an tam bawk si lo, 
mahse insual leh inkah chiam chiam a tlem deuh a,a zia phian e… 
Report this comment
November 24th, 2012 at 6:08 am
[...] this link: Ka Korean Movie hnuhnawm tih te: | mi(sual).com Dela det här:FacebookTwitterGoogle +1Webbyråer StockholmMer om att köpa [...]
Report this comment