«
»

Chutin-khatin min lo sel elo?!

November 20th, 2012 11:48 am by Dr Mahminga Sailo

Fiamthu thiam tih dan…
Pawh ni chuang lo vin, ka rilru-ah a lang tlat! Kum hnih-thum kaltaa LPS comedian search pawh kha an tia lawm. Endiktute’n, fiamthu thawha ‘paihte pakhat pawh kha.., tlangval pakhat chu.., kha pa vek kha..,’ tia midang puh vek ai chuan, mahni chanchin ngei fiamthua thawh ngam hi a ngaihsanawm zawk an tih takah kha chuan; fiamthu thiam tam tak kha chuan, ‘ka patea pawh kha, ka ni pawh, ka thianpa chu’.. tiin an sawi ta zel a ni awm a sin.. Mark hmu sang dawn lo mah ila, mahni chanchin bawk sawi leh mai ang… :-D

Mahminga hi, ka rin aiin I chawn a lian!
Mi thenkhat hian ka palenzia hi an hmuh thelh fo a ni awm e! Ka hmai (moonshaped face nei ve ta lo chu) a tawk chiaha sawl deuh rat leh ka hnar ngul sang ret rawt an hmuh hian, buk rit vak lo turah hian min ngai ngawt thin. Mahse a ruk tak hian ka muk ve fe si (ek rih erawh a ni lo). :-P

Mizo intihhlim nikhuaa kekawrbul ka hak ve chang hian, Mahminga saw, ka rin aiin a chawn a lian daih lo ti tawk an awm thin a. Nia, ka ti mai thin. :-)

Ka chawn a len chhan
A lian a ni mai, mahse pumpui hran em a nei bik hlei nem! Thingtlangah awmin, mahni tawka than duan ve dawn lai takin rit kan la nasa em em a. Kumtawp a nih ngat phei chuan, Krismas hmaa buh phurh zawh ngei tumin, theihtawp kan chhuah a. Vartianah meichher chhi hialin buh phur turin kan chhuak a. Kawng chhukchhoah zawh tawk aia rit phurh chang a awm. Chutianga kum tina kawng chhukchhoa rit phura, kea kal tan chuan ka chawn hi a lian lo zawk ngawt a sin. Ka kephah hlai te hi in lo nuih mai mai ang e, ka dinngheh theih nana Khuanu’n ka taksa phu tawka hlaia a duan a nih hi… :-D

Saw tlangval hmel hmuh saw a hahdam, mahse…
Saw ai saw’n tlemin hleitling deuh se te min lo ti a ni awm e. Nepolean-a aiin ka sang zawk asin! :-D
Ka sawi tawh khi. Rawlthar thanduan lai takin, rit kan phur nasa em a, palian pui ni tur kha, pa tawk tak leh hmeltha takah ka chhuak ta hi vannei ka inti teh a nia. A tawk leka ka hleitlin avang hian ka chal tauh hlauin ka kun hniam fo lo va; nula phei chu pedak ve thei tho, pekdak tur ka nei lo mai a ni. :-)

Ngai teh, tun ai hian sang ta ila, feet 6 ka tling ngei ang a. Feet 6 tling ta ila, basketball emaw volleyball thiam ngei turin mi’n min ngai ang a. Hah taka savun hampuar buaipuia eizawn ngawt ai chuan, tuna ka hna hi ka va’n duhtawk em! (Hleitling leh inkhelthiam, eizawnna dang diriam emaw sel tum ka ni lo va, ka nihna tawka ka lawmzia sawilan ka tumna mai a ni)

Uite zahzum hmel tak, ka’n chiauau a, nel tak mai a an mei vai lap lap paha kan khabe hmul an han liak lep lep te, ka chiu dawn tih hriaa min hlau em em, ka chiu zo ta langa haw duh ta mai lo te, thenkhat erawh ka hmel hmua tlanchhiat tum tang tang te hmuh hian nun hi a hlim ve riau nia.

Englekhawle…
Hei hi ka sawi duh. Pathian hian kan tana tha tur a ruatlawk a. Vanduaina, kan duh loh thil a thlen changin lawm erawh a har. Mahse, ani chuan kan tana tha tur a hria. Kan thawh tur tawk min pe a, duhthusam erawh tuma’n ka tawng dawn lo, khawvelah hian. Chuvangin kan chanpual leh dinhmunah hian lawm thiam ila; chutih rualin kawng engkimah hmasawn tum ila. Hmasawn nun hi tirkoh Paula min fuihna pawh a ni, tin a kristian nun em em bawk.

“I envy nobody – no, not I – And nobody envies me!” – Charles Mackay

Similar Posts:

Recent Posts:

This entry was posted on Tuesday, November 20th, 2012 at 11:48 am and is filed under Luangliam, More than words.

37 Responses to “Chutin-khatin min lo sel elo?!”

  1. 1
    Chemtatrawta Says:
    November 20th, 2012 at 12:00 pm

    Keipawh futbawl pet nasat vang leh hnathawh avang hian ka chawn a sek lutuk. :-)

  2. 2
    Alejendro Says:
    November 20th, 2012 at 12:01 pm

    Hmel en reng reng hian chawn lo pawh a lian ang. :P

  3. 3
    Dr Mahminga Sailo Says:
    November 20th, 2012 at 12:11 pm

    @.. Alejendro.. Kan veng pa pakhat chuan, ke zungpui lian hian entir a nei a ti.. (H) :-P

  4. 4
    april Says:
    November 20th, 2012 at 12:27 pm

    Haha…tha hle mai. Mahni ‘nihna’ a lungawi thiam a, dinhmun erawh hmalam sawn zel tum hi a finthlak ngawt mai. Kum te pawh hian a zir ve deuh te alo ngai a niang, keipawh darthlalang a in en chung a,’ti deuh hian awm se’ ti a hmel hmai pawh fan kual vel kha chu ka pel ve ta in ka hria :-D

  5. 5
    Awmtea Khiangte Says:
    November 20th, 2012 at 12:31 pm

    A tha leh dap dap ngei mai…

  6. 6
    chhangteval Says:
    November 20th, 2012 at 1:32 pm

    Vai ho hian “in chawn reng a lian mai, kungfu thiam lo chi in ni lo” an ti chawk! (H)

  7. 7
    Sihtea Says:
    November 20th, 2012 at 6:21 pm

    Tawng kam hi chu i thiam mang e.
    Mi fanu tam tak tana tluk na
    tawlh pa hrit nal tak pawh i nih hial
    ka ring. I thu rawn tlip na khi
    a dik khawp mai.

  8. 8
    hlatekhua Says:
    November 20th, 2012 at 7:30 pm

    Nihnaa lawm thiam hi a ṭha ber mai, post-tupa te ang tan phei chuan tih ngaihna dang awm chuang hek lo!

    Thlawhnaa chuan ve zeuh nikhuaa pa sang lutuk, economy class-a an han ṭhu ve, an khup-in hmalam seat nghenchhan a do run mai han hmuh te hian zahthlak khawpa kan lo sang chhe lutuk lo hi a lawmawmzia rilruah a thar fo ṭhin tak asin.

  9. 9
    ninja Says:
    November 20th, 2012 at 8:01 pm

    Chantawka lungawi ber chuan thil dang vak hi a lo ngai lo :P

  10. 10
    chhingdailova Says:
    November 20th, 2012 at 8:07 pm

    Kei chu ka chawn a lian ve lo…..

  11. 11
    Ignatia (33-115 AD) Says:
    November 20th, 2012 at 8:35 pm

    Chantawka lungawina hi kan nun kawngah POWERFUL lutuk a ni. Mahse fimkhur erawh a ngai. He chantawka lungawina hian HMASAWN zelna a DAL tur a ni LO…

  12. 12
    Dr Mahminga Sailo Says:
    November 20th, 2012 at 9:31 pm

    # 8.. A dik chiah.. (Y) :-D

  13. 13
    buh-duha Says:
    November 20th, 2012 at 9:33 pm

    I ziak ngaihnawm thin e

  14. 14
    Jacka Pi Says:
    November 20th, 2012 at 9:50 pm

    chantawk khuarel a ni e….a na vawng vawng chu i ti ve em lo maw :-D

  15. 15
    Dr Mahminga Sailo Says:
    November 20th, 2012 at 10:56 pm

    @ Jacka Pi.. Nia, ‘chhangthawp khuarel a ni e..’ ka ti reng mai.. :-D
    Ka thianpa’n hla thu a’n hriatsual ve chiang a sin. ‘i semzai thiam e..’ tih kha ‘thisen zaithiam leh..’ a ti daih. A thluk a inmil ve thlap. ;-)

  16. 16
    sheldon Says:
    November 20th, 2012 at 10:56 pm

    Kan nihna ah hian lungawi a tul ber mai. Chawn lian tih te mai mai a ho lutuk. Ka thiannu pakhat pawh a lian/sang viau a, a inchei ve te hi a nalh pet put lo. Kei hi ka te mah mah em aw ka ti thin a, mahse kei aia te ka hmuh tak fo ah chuan ka lungawi ta.

    Mahming, nula tamtak in chawn lian an duh an tia, lungngai duh suh…haha

  17. 17
    mamboihi Says:
    November 20th, 2012 at 11:11 pm

    Mahming Road tax chawi khawpa chawn lian leh kephah lian i nih loh chuan pawi ti reng reng suh haha :-P Ka nuih hi a va za tak em haha :-D :-D :-D

    I ziak ngaihnawm em em e… Chantawka lungawi te hi mi vannei an ni..

  18. 18
    Dr Mahminga Sailo Says:
    November 20th, 2012 at 11:17 pm

    Ka mi(sual) * pahnih an rawn lang thawt mai a, a nuam teh e.. :-D
    Nia, duham hian chintawk a nei si lo, awt leh it nh si lova, hmasawn tura hringnun kan hman zel hi a tul teh e..

  19. 19
    mamboihi Says:
    November 20th, 2012 at 11:21 pm

    Mahming Sheldie nen hi chuan i tan hian kan beidawng lo re re haha!! Chawn lian mahse a len chhan khi a ropui chiang, i chawn lian appreciate tu hi ka zawng hmu tep ania! ;-)

  20. 20
    Dr Mahminga Sailo Says:
    November 20th, 2012 at 11:26 pm

    #19.. (Y) Phurawm sawt riau.. :-D

  21. 21
    mamboihi Says:
    November 20th, 2012 at 11:38 pm

    Ui in an ngainat ang che a ngaina tu che hi a lo in lar tep ania haha.. :-D

  22. 22
    Dr. Sangtea Khiangte Says:
    November 21st, 2012 at 2:35 am

    Pedak tih lai tak te khi a tha khop mai… (Y) :-D

    “Hmeichhia leh Uite chu a chul nel peih2″ an tia lom..uite chul nel dan i thiam toh bok a..a next chu a huphurhawm vak lo ang..

    BTW, good post.. (H)

  23. 23
    sheldon Says:
    November 21st, 2012 at 7:33 am

    Tukchhuah nuam vek u le (L)

  24. 24
    Sangpuiipa Says:
    November 21st, 2012 at 8:34 am

    Kei pawh ka chawn hi a lian ve angreng. Mahse a lian tha chi a nia, kal te hi kan thei bik a nia aw………..

  25. 25
    Dr Mahminga Sailo Says:
    November 21st, 2012 at 8:56 am

    @ mamboihi & Dr. Sangtea Khiangte … Uite hian min ngaina-in ka chul nel rei tawh rei ve tawh viau a nia.. (H) (Beidawng deuhin.. :-D )

    @ Sangpuiipa.. Dik chiah, a thlawnin kan chawn hi a lian ringawt bik lo ti raw… (Y) :-D

  26. 26
    Sangpuiipa Says:
    November 21st, 2012 at 9:09 am

    Chawn lian hian tangkaina a ngah lutuk tih ka hre chiang.

  27. 27
    kiddo Says:
    November 21st, 2012 at 9:11 am

    (Y) :-) .. Pian hi a inang lo thei hlawm khawp mai.. Kei chu ka thiante pawhin zilh leh thu tha hrilha min hrilh hian “Kekawrbul ha ve tawh suh, i chawn a te si” :-P

  28. 28
    Sangpuiipa Says:
    November 21st, 2012 at 9:16 am

    @kiddo, kan va inanglo ve :P

  29. 29
    Dr Mahminga Sailo Says:
    November 21st, 2012 at 9:27 am

    @ kiddo… A va mak tak ve aw… Keini’n kekawrbul hak kan zak lek lek zawk a niaaa(h). :-D :-P

    Ka thianpa sawi thin, awihawm loh deuh, nih duh hmel deuh aw..
    Tlangval pakhat kephah hlai lutuk pawh kha, ruah a sur apiangin a in-rulpui-ludin a. A taksa dang zawng a hul vek zel.. :-O :-D

  30. 30
    Sangpuiipa Says:
    November 21st, 2012 at 9:31 am

    Haha, kephah hlai sawi tak ah chuan kan khaw pa kephah hlai deuh pawhin a kalkawng a zawhte awm a lo hmu silo a, a lu a rap per vek.

  31. 31
    Dr Mahminga Sailo Says:
    November 21st, 2012 at 9:58 am

    @ Sangpuii.. Tunlai tawng takin A va’n common-lo tak ve lee(h).

    Selesih pa pakhat pawh, a ke sir a’n khi/chhah mai mai khawp a… A kephah kha Zo-cooker ngeiah nilengin mung ta ila; tlai nitlak dawnah fianin hawlh chhin ila. A la ting ulh ulh duh hmel kan ti thin… :-P

  32. 32
    Sangpuiipa Says:
    November 21st, 2012 at 10:04 am

    Haha, a pheikhawk bun tawk pawh a awm lo, sekhawnhan silipar a bun thin. :D

  33. 33
    Dr Mahminga Sailo Says:
    November 21st, 2012 at 10:09 am

    Sawi tak zelah chuan.., thingtlanga kan awm laia kan veng pa thenkhat pawh kha; ram an chhuah dawn hian silipar hi an bun chhuak ve ngei a. Ram pilrilah chuan, a nal mai mai tiin silipar kha ipteah an ak tha hmak zel… :-D

  34. 34
    sheldon Says:
    November 21st, 2012 at 11:22 am

    Awi ha! Sangpuipa chu i thi tawh mawn le ka tia. I va reh em em!

  35. 35
    Dr John Says:
    November 21st, 2012 at 8:17 pm

    (Y)

  36. 36
    Chutin-khatin min lo sel elo?! | mi(sual).com | Köpa hemsida av webbyrå Says:
    November 21st, 2012 at 10:55 pm

    [...] the article here: Chutin-khatin min lo sel elo?! | mi(sual).com Dela det här:FacebookTwitterGoogle +1Webbyråer StockholmMer om att köpa [...]

  37. 37
    Dr Mahminga Sailo Says:
    November 23rd, 2012 at 10:39 am

    Comment 36-na chu(h), sipai bo ka bang map mai… :-P :-O

Comments are closed

This is an archived copy of mi(sual).com — new comments can no longer be posted.