Bible chhiar chiang i la, Isuan tawngtai tura min hrilhna leh zirtir dan thlapin tawngtai thin mah i la, Isuan chhan min tiam mahse Bible thu vekin a kalh tlat a, thil theih loh hial niin a sawi tlat ani.
Ringtu thenkhat sawidan chuan Pathianin Cancer ti bo tura tawngtaina a chhan loh chhan chu “mimal zalenna, duhthlan theihna a tibo ang” zuk ti a. Nang enge i ngaih ve dan?
Isua chu Pathian anih a, Pathian chu a dik famkim chuan Isuan tawngtai chungchang a sawite hi an dik vek loh? Isua khan a sawi uar over deuh hlek ani thei em? Mi a fiam mai mai ami? Isua chu dikna famkim anih chuan thu dik chauh a sawi tur ani lawm ni? Cancer natna laka damna engvangnge a thlen si loh?
Inti Pathian thu hre zual deuhte chuan rilru leh tihtakna zawng zawng, mahni tan pawh ni miah lo, Pathian tana ropuina tur liau liau pawhin tawngtai pawh ni i la chhan anih loh chhan an sawifiah dan chu:
“Isuan a sawi kha i hriatthiam a ngai, tehkhin thu angin hmanlai mihring thiamna la nei sang lo tak tak zinga sawi ani a”
emaw:
“Isuan tlang hial sawn theihna a sawi kha a tak taka tlang sawn ur ur a tihna ani lova. Thil uar taka a sawina zawk ani a, chutiang zawngin lak tur ani lo. Thu uar taka sawi a tumna mai ani..”
emaw:
Pathian chu tisa leh thisen mai mai ani ve lova. Thil tum a nei a. Tih duhdan leh duh zawng nen. Mihringte nena inkungkaihna thuk leh nghet tak nei duh ani a. Kan suangtuah phak loh Pathian ani. Tawngtai te chu Pathian nena kan inzawmna leh pawlna a ni a, engkim a hre vek a, kan dil hma hauh atangin kan mamawh, rilru leh duhzawngte nen. Chuvangin kan tawngtaina a ngaithla a, a hria a, a chhanna erawh chu ama duhdan leh ruahmanna chauh atangin a chhang thin a, engtinnge min chhan dawn tih hi kan hriatphak bak thil ani…”
Heng ngaihdan zawng zawng hian thil pawimawh pakhat, a pawimawh ber ni hial tur an chhut tel loh chu : Pathianin tawngtai a chhang lo ani e tih hi ani. Tawngtai hi chhan a ni lo tih hi pawm i la heng sawifiah tumna leh zawhna dang engpawh a chhang kim vek ani mai. A awlsam lutuk.
Han tuihnih leh lawk i la; Pathian chu engkim ti thei, engkim siamtu, engkim hre tu ani.
“Pathianah chuan tihtheih loh a awm lo” tih leh Bible a inziak zawng zawngte hi dawt vek an lo ni reng tihna a ang hle ani.
Pathian kawng tinrenga famkim meuhin tawngtaina Bible-ah meuh a sawi anih dawn chuan heng hi chiang sa tur ani:
1) Chiang leh fiah takin a sawi tur ani.
2) Enge a thil tum leh a sawi chhan/awmzia a tichiang tur ani.
3) Thu dik chauh a sawi tur ani.
Hei hi famkim nihna chu ani. Pathian famkim, engkim hria, chuan Bible hi kum 2000 hnu-ah pawh chhiartu an awm dawn tih hi a hre tur ani a, kum 2000 kaltaa mipui hriatthiam zawng chauhin tehkhinthuin a sawi tur ani lo.
Mize hrang hrang neiin an chhiar dawn a, an hriatthiam dan ang zelin Bible thu an en dawn a, chuvang chuan mitin hriatthiam tur leh lak sual theih loh turin a siam tur ani ang.
“Engkim tih theih ani” a tih chuan chu thu chu a puiitlin ngei tur ani. Hei hi a dik lo anih chuan Pathian famnkim a ni lo ani mai.
Vanduaithlak takin thil tih theih loh hi a lo tam khawp mai, eng-ang pawhin tawngtai mah i la. Isua pawh khan tlang pakhat tal pawh a sawn loh kha.
Thu dik hmu tur chuan Bible thu kan tarlante khi an dik lo vek tih pawm ngama ngai. Pathianin tawngtaina a chhang ngai tlat lo tih hi a dik a ni. Chhanna a awm loh chhan ber chu Pathian hi mihring siamchawp, awm tak tak lo anih vang mai zawk ani lo maw……
Tawngtaina, rilru ril ber leh tihtakzeta sawite hi engzat tak thamral ang maw…. Beiseina, rinna….Ka bang.
Min comment sak tute zawng zawng chungah kei engmahlo leh misual thuziah min chhiar sak avangin lawmthu ka sawi duh ani. Deusawhna, invauna, anchhia, tawngkam mawi lo ber ber, inpuhchhiatna tam tak awm mahse, kei misual tehna funga mi rilru puitling tam tak ka hmu hi ka lawm tak zet ani.
Sakhuana hi zawng kan pian leh seilenna thil mai ani e…… Kan thuziahte ……malsawm rawh se (order vel….)
Similar Posts:
- Tunlai ka mutmawh hnarmawh.
- Tawngtaina…awmze nei lo…(chhunzawmna)
- Awmze nei lo TAWNGTAINA
- Tawngtaina
- Tawngtai
November 22nd, 2012 at 10:59 pm
Kan comment hmasa ber ange… nangmah tawk chuan ibuai a nih deuh ber kha… a bak sawi ngaihna ka hrelo..thangkura zawngtein A VA RAPTHLAK VE a tih ang kha i ni e
Report this comment
November 22nd, 2012 at 11:33 pm
Nangpui rauh hi ‘rorelna ni’ah pawh la phun char2 in a nia ka rin…tak2 a i zarah Bible chang tha deuh2 te kn chhiar phah a (i post hmasa) a tha phian mai…
Report this comment
November 22nd, 2012 at 11:42 pm
Thatchhiat vanga tawngtai peih lo I ang hle mai, bakah chawplehchilha hmuh nghal I beisei niin alang. Keichu ka rinna hi beitham hle mahse ka tana thi a tholeh Krista Isua hi ka nunna hnar ani. Ka tawngtai na tlawm tak te min chhan thin avang in lawmthu ka sawi fo.
Report this comment
November 22nd, 2012 at 11:49 pm
kan lu chungah meiling te hi kan chhek khawl palh ang tih te hi a hlauhawm, nakinah chuan tihdamna a awm toh don si lo a duh mahila.
Report this comment
November 22nd, 2012 at 11:56 pm
Thian-a, Pathian nen inlaichinna/inzawmna nei lo apiangin “Tawngtaina hi awmze nei lovin an ngai” thin. Inlaichinna nei hauh lovin hriatthiam i tum a, i hrethiam lo mai a ni e.Tin, Pathianthu hi thlarau atangin Pathian mi ten an dawn leh ziah a ni a, chhiat puata hriatthiam theih tamtak awm bawk mahse, thlarau lam thil a nih avangin thlarau atang(puihna) chauh lo chuan i duhlai apiang hi i hrethiam ngai lovang. I hriatthiamna tur bul ber lah chu ‘i do’ angreng viauin alang bawk si a, i lainatawm teh e.A tha e, lo tizel phawt mai rawh veitu che i neih phah nual chuan a lawmawm dawn em asin.
Report this comment
November 23rd, 2012 at 1:06 am
Brother! i thu ziah hi a ropui e!i ngaihdan huai tak a i sawi ngam a vangin!mahse i hming leh nihna dik tak i sawi ngam lo hlau mai a!zofate tan channa ropui tak a ni!mut tui!
Report this comment
November 23rd, 2012 at 3:07 am
Setanic ho thil tum chu, Pa Pathian leh Isua Krista sawichhiat ani. Amah ringtu te pawh rinhleh tir leh rinna ata hruai bo anih loh leh laksak a ni.
Tin, an kawnga dal thei mihring te tih at emaw tihhlum ani. Thil dal theite pawh tih bo ani.
An zinga I tel leh tel loh chu I in hre ber awm e, kei chuan ka hre lo na achu.
Kei hi min en rawh, Pathian tlanbo san mah ila, ka dilna te a chhang a, Setanic ho in min tih at leh tihhlum tumna ata vawiin ni thlengin min chhan chhuah hi. Ka post kha lo en mai rawh.
Mahse, Pathian tlanbo san mahila, ka sawichhe ve lo.
Pathian I be duhlo anih pawn Setanic ho angin sawichhiat kher angai lo.
Ngaihtuahna ti thui….
Lal Isuan khawvela alo kal khan ngahnge Phar zawng zawng vawikhat trawngtraina ah a tih dam loh?
A hnen a lokal te leh chumi zingah pawh amah ringtu te ani a ‘TihDam.’
Cancer vei zawng zawng damna tur a trawngtrai tih chu, Pathian thu leh Pathian hriat loh lutuk vang ani, ka thrianpa.
‘Mihring siamthratnan khawdur a ngai’ tihte hi hriat reng tur. Threnkhat tan khawdur lote pawh ani mahna.
Pathianin engkim a tih theih vanga Mihring siamthei ani e.
Ka post lo ngaichang dawn nia, thrianpa.
Report this comment
November 23rd, 2012 at 4:53 am
Hetiang Pathian sawi chhiatna thu chhiar tur a awm fo mai hi rapthlak ka va ti em! Paws tu chatuan hmun tur ka ngaihtuahin rapthlak ka ti. Heng Pathian sawichhiatna thu hi chu chhuahsak tawh loh mai inthlahrung takin kan rawt ve mai mai.
Report this comment
November 23rd, 2012 at 6:19 am
Va confi hmel ve….Tawngtai pui erawh kan ngai tlang a ni e…
Report this comment
November 23rd, 2012 at 6:47 am
Hotunu_pasal sawi hi ka thlawp khawp mai. Mahse, chhuah loh ngawt chu a tha ber kher lo maithei. Hetia a lo lan ve hian kan rawngbawlna tur a lang chiang uar uar ni berin ka hria. Khawvel hi a boral mek a ni
Report this comment
November 23rd, 2012 at 7:39 am
Pathian hi thil tithei fu, ä biang buang, i hmuhnawm tih atana duh duha fuihpawrh theih, i chhiahhlawh anga i duh duh, a chhia emaw a tha emaw pawh ngaihtuah lova ti zel turah i ngai ani maw? A teuh lovang. Duh duha bawl phawn theih ani lo va, kan duh leh chak zawng zawng kan dil min pe zel tur lah ani hek lo. Chuti ni se, thil sual tìhna leh hmuhna hmanruaah an hmang nasa khawp ang.(Pawisa te, nula te, zu leh drugs te an dil ang a, an huat zawng an tìh nat tir ang a, an thah tir vel thul ang). Robot ang deuha duh duha control theih lah ani hek lo. Amah ringtu leh a thuhnuaia inpe full thlap a, a duhzawng leh a ram lo zau zelna tur ngaihtuaha rilru zawng zawng leh theihna zawng zawng hmangtute dilna a hlawhchham tir ngai lo vang. Mahse, kan thu thua awm tur leh kan dil apiang min pe ringawt tur erawh chu ani lo. (kan tana tha tur pawh kan hre thin si lo)Pathian ropuina leh a ram zauna tur anih dawn phawt chuan cancer te lek lek chu a tidam khawp ang. Tawngtai damna avanga amah zui duh tu chhungkua kristiana inlet a, baptisma chang ta hi an tam lutuk tlat mai.
Report this comment
November 23rd, 2012 at 8:26 am
Lalpa’n i chungah zahngaihna lantirin chhandam che rawh se, Amen.
Report this comment
November 23rd, 2012 at 9:07 am
Atheist pakhat, kristian lo ni ta chuan Atheist a nihna chhan chu thil tha leh sual sawi reng tur Pathian kha a duh lova, ‘Pathian a awm lo/ a awm ka ring lo’ tih kha a nun dan tha tawk lo laka thiam in chantirna(self justification) remchang tak anih vang niin a sawi a. Mi tam tak pawh hetiang ‘case’ hi a nih ve theih ngei ang le! kei nin sual ka tih phal loh kha Pathianin sual a ti tlat zel si a,buaithlak ve tak a ni! Athiest nih chuan ‘sual’ kha a awm thei ta lova(Atheist te hi misual tak an ni e tihna ni lovin), eng emaw zawng chuan a thawventhlak duh phian ang.Thil sual tih avanga mahni inthiamlohna tam tak awm thin kha a bo tawh ang a, damchhung nuam taka hmang duh tan chuan a nuam thei viau ang! Damlai nun pian lam erawh a ngaihtuahawm deuh a ni.
Tawngtai dan chungchang chu hmanni ah Pu PKFanai hian felfai takin a post tawh a, patan_star pawh hian lo ennawn leh teh se…
Atheist ho hian Kristianna chungchang a an thil hriat thiam loh pakhat sawi duh hram erawh ka nei a.Chu chu chhandamna chungchangah hian a ni a.Kristianna hi vanram kai tum a theihtawp a beihna niin an hre thin hi a dik lo deuh.Chutiang anih chuan Kristian nih chu a hrehawm dawn hle a. Rilru hrehawm reng reng a khawvel hmanna a ni ringawt mai dawn a ni.Bible hian a sawi chiang viau a, mihring felna hian tumah vamram min thlen dawn lo tih a sawi. Lal Isua kan aiawh a a thihna chu kan rin chuan hremhmun lak ata chhanchhuahin kan awm zawk ang tih a sawi thung.(Justified by faith. Eph 2:8-9) Mi zawng zawng misual vek…. chhandam ngai vek kan ni zawk a ni.Tumahin kan felna kan chhuang thei lovang..
I nun a thil thleng mek hi sual hnathawh a ni tih hria la, a tlai hma in kir la ka ti khawp mai. Nakinah chuan ralkhat atang a zilhtu pawh i nei tawh lo mai thei asin!Setana hi a nung a, a active hle mai zawng anih hi!
Report this comment
November 23rd, 2012 at 10:01 am
13
Report this comment
November 23rd, 2012 at 10:23 am
Gethsemani huana Isua tawngtaina hian a tichiang viau lawm ni…Matthaia 26:39 ah “Aw ka Pa, a theih chuan he no hian mi pel lul rawh se; nimahsela keima thu ni lovin, nangma thu ni zawk rawh se..” Isua khan thihna kha a pumpelh thei chiang alawm, Pa hnenah tawngtaiin thlan thisena far khawpin a tawngtai a nih kha…mahse a Pa thu a awih a, kan sual tlan nan kraws thihna chu a tuar a nih kha…in chhungkua in unauah emaw Cancer vei an awm a, tidam turin Pathian hnenah vawi duai lo i tawngtai mahse i duh ang leh beisei angin chhanna i hmu si lo a, ti hian Pathian chu thil tihtheihna nei lo, tawngtaina pawh chhang ngai lo angin i ngai ta a ni lo maw…
Report this comment
November 23rd, 2012 at 10:25 am
Pathian hi chu Fiamthu thawh nana hman chi a ni lovin ka hria
Report this comment
November 23rd, 2012 at 10:34 am
#16
Report this comment
November 23rd, 2012 at 10:40 am
Kan tawngtai na zawng zawng hi min chhang thin zawk asin!! Cancer dam nan a i tawngtai a, a dam ta lo a nih pawh in tihdam loh a ringtu tha tak(a piangthar phah dawn chuan) a nih theih dawn chuan ” Tihdam a ngai hrih love” ti talin a chhang ang che.
Kan dil ang zawng zawng leh duh zawng zawng hi hlawhtling ta se, Football Match ah te hian a buaithlak duh ngawt ang. Team 2 in chak an dil ve ve thin si a, tihngaihna a awm dawn lo asin.
Bruce, Almighty ah khan a chiang viau in ka hria. Lottery an vawr tur kha mi tam tak khan Pathian hnenah tawngtai in an man theih nan an dil anih kha. Bruce khan a ” Yes to all” bawk si a, an buai luai luai a nih kha..
Ka lawm e.
Report this comment
November 23rd, 2012 at 10:43 am
Post hmasaa ka comment tawh angin, post-tu pa hian Bible a chhiar nasain a chik a (a chik dan erawh a dikhlel tih mai a nia..
). Ringtute min tichaktu ni zawk teh se… 
POst-tupa, khawngaih takin Bible hi lo belchiang zel bawk la… 
Report this comment
November 23rd, 2012 at 10:58 am
Athiest an awm a, Pathian rorel dana lungawi lova hel ta ho an awm bawk a…a thliar hran theih mai e.
Report this comment
November 23rd, 2012 at 11:24 am
15. Achilles, Evan K.Lianthanga pawhin, “Cancer hi natna tha ber a ni, Mizote zingah Cancer natna vei, thi ngei dawn tih inhria Pathian chhandamna chang lova thi(boral) ta an awm meuh lovang e” a tia lawm. He khawvela an dam chhung hun reilo mahse, a pawimawh zawk leh Pathian pawhin a ngaìhpawimawh em em zawk, Chatuan nunna changin an lei taksa an kalsan thin tlat asin ni.
Report this comment
November 23rd, 2012 at 12:01 pm
ka rin aiin Patan star chu thu awmze nei lo i ziak peih daih mai
Report this comment
November 23rd, 2012 at 12:41 pm
Pathian ringtu Amaha rinna nghat tak tak tute chuan thihna leh harsatnaah pawh Pathianah lawmna an hmu thin..Joba nunah te kan hmuh kha…
Report this comment
November 23rd, 2012 at 1:46 pm
A tawp lampang phei chu bei nawi thei rapss.. I hman em anih hi.. Pathian ropuina hi thuthluanga hmuh i tum chuan i thelh tulh tulh dawn anih ber hi.
Report this comment
November 23rd, 2012 at 2:02 pm
tren tren!!thui hlawm thei ve..
Report this comment
November 23rd, 2012 at 2:21 pm
Ruatlawk pawm tu tan chuan heng hi a hriatthiam theih vek a ni. Pathian hian a mi duh tawh te hi chu engtikawngmaha bo tir a tum tawh lo, chumi atan chuan hmanrua a te bik leh lian bik awm lovin an inhmuhchhuahna tur a siamsak zawk thin a ni. Heng natna te hi Pathian min hmuhtir tu an nih phei chuan lawm avang a mittui tla hial awm asin kan nih le. Engkim ama ruat ang zel in a thleng thin si a, chuvangin i la hriatthiam ve ngei ka duhsak a che. Tin Bible chinglet nasa i ni tih ka hre mai a, mahse tawngtai ah hian awmze nei lo a awm thei tih kan hriat a pawimawh. Pathian in keimahni a ruahmanna alo siam tawh keimah ni thatna tur a alo duan tawh hi chu a tisawn mawh khawp ang. Hei hi a chhan chu Hezekia felna avangin Babulon saltanna tur sawn hlat anih atang khan a hriat theih awm e. Mahse kan thatna tur hian Pathian in a rel zel tih pawm ngam ila a tha awm e.
Tawngtaina chungchang ah hian engtinnge tawngtai tur a Bible in min hrilh dan.
1. Unau te zingah sual ( thihna khawp ni lo ) an awm chuan chung chu kohhran hovin tawngtai pui tur. Tih kan hmu a, hei hian Pathian khawngaihna kan dilsak tih kan hriat a tul awm e.
2. Eitur mamawh tawk dil tur, hei hi Lalpa tawngtaina a kan hmuh ang hian.
3. Ramhuai hnawhchhuah, tihdam etc. Heng hi rinna a mi chak deuh tih tur niin a lang. Lal Isua khan ramhuai hnawhchhuah thu ah khan tawngtai leh chawnghei chauhvin a hnawhchhuah theih a ti anih kha. Tin hei lo hi damlo an awm chuan kohhran upate tawngtai tir tur a ti a, hemi awmzia chu thlarau thianghlim a khat tihna a ni.
Report this comment
November 23rd, 2012 at 2:23 pm
ti zel ru… ka van bengvar phah em, ka hlawkpui hle mai he paws chu
Report this comment
November 23rd, 2012 at 3:03 pm
A trul lem loh a vang in tlang kha chu a sawn duhlo a ni mai thianpa
Trul tise chuan phawngpui tlang pawh hi inkawm chhak ah a rawn sawn daihtawh ang 
Report this comment
November 23rd, 2012 at 3:08 pm
I lu hi sikpawp ila i thluak hi chawk vir ila.. tlem in i harh phah ve deuh ang a
Report this comment
November 23rd, 2012 at 3:10 pm
patan_star, nang ngei hi Bible dik zia tilangtu i ni. A chhan chu maw,” Ni hnuhnungah chuan tluksantute an pung ang…” tih ziak a ni si a; chumi tidiktu chu i ni tlat.
Kan tawngtaina zawng zawng hi chhanin awm dawn se la, tu nge Doctor ni duh ang a, hrehawm taka hna thawk duh ang? Kan dam lohin kan tawngtai ang a, kan dam nghal mai zel ang a; tuma’n Doctor kan ngai nang le. “Mi bawrhsawmte chuan Doctor an ngai a..” tih ziakte pawh a awm kha le! Hna pawh thawk lovin awmhmunah kan tawngtai ang a, sum kan nei ruih mai dawn sin. Mahse, Bible vekin thlantui far khawpa kan thawh a ngaih thu a sawi si a. I ngaih anga kan dil apiang min pe tur ni se a nuam awm vei; pheichham man kan ni ringawt dawn. Tuma’n a rawng kan bawl peih dawn em ni..? Pathian chuan mifelte tawngtaina a ngaithla thin. Ringhlel chunga amah biak hi a duh lo; Abrahama rinna fiah tura a fapa Isaka halralthilhlana hlan tura a tih atang khan a chiang reng. A petu a ni tih a chiang em em a, a fapa meuh pawh ui phal lovin hlan a tum a, tah zet chuan Pathian hnathawh a rawn lang a, a fapa aia pek/hlan tur a rawn chhawp sak a nih kha. Chumi avang chuan Abrahama rinna chu felnaah a ruat ta zawk a. Min chhang leh awm chuang lo tia ringhlel chunga i dil chhung chuan a chhang nek lo ang che. I rinna i la dampui zo lo a ni e.
Report this comment
November 23rd, 2012 at 4:00 pm
Hit phian mai a……PHUR THUT a a ziah kha phur lutuk lovin an lo published sak tak si ah chuan in han chuk ta liam liam a a POST tu a post a ai mahin keini ho hian comment te kan hlawkpui phian awm mang te ka lo tia…
Report this comment
November 23rd, 2012 at 4:50 pm
Report this comment
November 23rd, 2012 at 6:09 pm
An ni tel lo hi chuan, misual.com hi
a hit mawh riau va, a tha e.
Khaw vel ti famkim tu te an ni e.
Vawkpui hma a, tui kep lung paih zawng a hlut na leh a mawi na
an hre thiam chuang lo.
Awm ze nei lo khan, lo tawng tai
vel mai mai rawh se.
Report this comment
November 23rd, 2012 at 6:43 pm
Vai Pathian pawh han sawichhiat tawp chu ka’n hreh a ni ngai a. Lei leh Van siamtu, i beisei anga a awm loh avanga in sawichhe mai hi chu a atthlak mange aw! Theihtawpin ka lo tawngtai pui dawn che nia.
Report this comment
November 24th, 2012 at 3:04 pm
Report this comment
November 24th, 2012 at 10:49 pm
“In delete” lam kha chu a hlawhchham a va nih hmel ve!
Report this comment