Kum 2009, 2010 leh 2011 Christmas dawn khan Admin-te phalna, remtihpuina leh min phurpuina zarah “Misual.commers Christmas Charity” hlawhtling taka kal pui alo nih tawh thin a — min phur pui leh dawn em?
En teh, kha’ng i sum thawhte avang khan —
Dam lo, inenkawlna nei lo, enkawl ngai si-te biangah lawmna mittui luangin, mi bawrhsawmte’n chakna an lo neih phah tawh thin a — I thawh leh dawn em?
An rual puite’n dawr changkanga duh zawng an kawh zet zet lai a, second hand sale thinna tur pawh nei lo – naupang rualawt ngawih ngawihte Masi kawr thar nen hlim leh lawmin an lo lam tawh thin a — I thawh leh dawn em?
Nu leh pa nei lo, nu leh pate hming leh an dam nge an thi tih pawh hriat loh fahrah tam takte’n hriat ngai loh hmangaihtu leh lainattu an nei tih inhriain thlamuanna tam tak an lo neih phah tawh thin a — I thawh leh dawn em?
Nun kawng zawh sual thalai tam takte’n Pathian-in a hre reng a, a hmangaihna kutin a kuah tlat a ni tih an inhriat phah tawh thin a — I thawh leh dawn em?
Thluak fim, kut/ke kim leh thahrui chak tak Lalpa’n a pek che kha nangma tan chauh ni lovin, in chhungkaw tan chauh ni hek lovin, tanpui ngai fahrah chanhaite tan pawh a ni tih hre chung zelin an tan — I thawh leh dawn em?
Sum leh pai malsawmna tam tak a vur che a, thiamna a pek che kha nuam i tawlna tur ni lovin, i bul hnaia tanpui ngaite tan pawh a ni tih hre rengin — I thawh leh dawn em?
Sahmulphah Thla a liam dawn ruai a, tlangsamte pawh an mawina famkim nen LAL piang lawm turin an inpenparh tan ta! Ruam atanga tiau-chhum zamin khua vel a tuam chho chiai a, chhum kara nizung lo chhuak chuan zan daifimin zankhuaa a chiah fai — tlang leh mual, hnimhnah tinrengte a mawi tawk chauhin a chhun tle sar a, chu’ng zawng zawngte chuan siamtu ropuizia an nemnghet a, zing ni chhuak hnung-puakin tarte an inpho chhuak ta!
Nu naupai chen zet kan lo dah that, hmuar leh chukchute’n in pui neiha an neih, kan thuam lum neih that ber ber te phawrhin Pawltlak Thla (LAL pian hun) lo thleng tur chu kan thlir — rilruin misual charity lam a hawi a, fahrah leh dam lo mangang tanpui ngai ngawih ngawihte lawmna mittui luang te pawh nimin maia thil thleng tluk zeta chiangin mitthlaah a rawn lang zut zut a, hunpui kan thleng dawn hnai e. Tar an lungleng ang a, Nu leh pa an hlim ang a, Thalai an zauthau ang a, Naupang an phawkhlek leh ngei dawn!
Mahse, he hunpui lo thleng tur hi thenkhat tan erawh lungngaihna, manganna, rualawhna leh tahna titamtu a ni leh ngei dawn si.
Chu’ng mi thenkhat te chu tute nge?
Tudang ni suh e… i hnampui leh Kristaa i u leh naute an ni a — I thawh leh dawn em?
Khawi hmunah nge an awm?
Khawi hmunah vak awm suh e… i bul hnai, i ban phak maiah an awm reng a — I thawh leh dawn em?
(((Aw le… kan phur dan azirin, hlawhtling taka kum 3 kan lo neih tawh “misual.commers christmas charity” kal pui leh nise… tih ka senior-te hnen atangin rawtna a awm a. Kei, a tawngkam thiam lo ber hi charity lam a nih tawh chuan paws siam turin min burbun leh chawt thin… a thawh dan danin thawk teh se! Kan zaa phur tlanna tel lo chuan zuan ngawt chi lah va ni suh. Puitling takin ngaihdan han thawhkhawm ila, boruak azirin Dec. 1 atanga bawm hung turin Aizawl misual-ho chu kan inpeih reng e.)))
Similar Posts:
- Misual.commers Charity BAWM hûn a ni ta!
- mi(sual) Charity Bawm December ni 20 zanah hawn tum ani.
- Misualdotcomers Chrismas Charity Thawh 2-na
- Charity Bawm kha…
- Misualdotcommers Charity and MI + Thawhlawm dawn tawh report
Rawn zi nuaih nuaih hlawm ta che u 
kumtir atang khan lo tih tur a nia, i kutah thla tin emaw, thla hnih danah emaw lo dah hlawm ila a tihchi dawn nen…. 
November 27th, 2012 at 5:02 pm
Yaaas t1 1 la!
November 27th, 2012 at 5:23 pm
full moral support
November 27th, 2012 at 5:39 pm
A tha e…
November 27th, 2012 at 5:39 pm
karawn kir leh ta e…
November 27th, 2012 at 5:57 pm
A hmuna lo kal a bawma lo thlak kher tur ani em?
November 27th, 2012 at 6:15 pm
I rawn lang har ka lo tia. Kumin chu a reh rei riau a, kan ti dawn ta lo emaw ka lo ti hman a. A tlem emaw a tam emaw pawh nise thilpek dawngtu tan chuan a hlu tho.
@zualbonez, moral support chauh thawh awih loh aw…hahaha
November 27th, 2012 at 6:35 pm
A hlimawm thin khawp mai. Misual hming a mi tanpui nih hi ka chak zawng a ni ve hrim hrim
November 27th, 2012 at 6:44 pm
Ti leh ila a nimai a lawm mawle…. A sem hunah pawh ka kal leh ngat ang …..
November 27th, 2012 at 6:46 pm
good..that is GOOD….ti ngei ang u….FULL SUPPORT..(Y)
November 27th, 2012 at 6:52 pm
yas boss
November 27th, 2012 at 7:47 pm
Bawm hun ka support e, theih tawk thawh leh diat diat ila.
November 27th, 2012 at 8:00 pm
tel ve ila. bawm hi aizawl ah hian hmun khat chauh ah nilo dah dan ngaihtuah ila.
November 27th, 2012 at 8:06 pm
a tha a lawm .. ti leh ila…
November 27th, 2012 at 8:14 pm
November 27th, 2012 at 8:19 pm
“Thawh leh dawn e, bawm chu hung vat vat rawh u”
November 27th, 2012 at 9:10 pm
Sir, yes sir.
Khualkhua atang pawh a thawh theih tur khan han ti leh chiah ulaaa..
tren tren
November 27th, 2012 at 9:23 pm
kan va hot lo ve… mahni seh² mualah tiin kumin chu kan teuan mai dawn em niang?
November 27th, 2012 at 9:29 pm
Kei chuan ka neih ang ang ka thawh leh ang… misual nih ti nuam tu a lawm, thlalak kan o thlir ve ringawt pawh nuam kan lo ti ve em a sin
Malsawmna hi ka chhiar ngai lo va, mi tanpui ni lo va, tanpui thei tu nih hi misual tan chuan a lawmawm ngawih ngawih in ka hria 
November 27th, 2012 at 9:36 pm
Nia mawle, han vaw hot teh u. Tih loh ngawt chu a tlawm thlak dawn asin. Misual fel tak tak te khan han huaihawt leh teh u, hun a tep ter tawh ania.
November 27th, 2012 at 9:55 pm
He post hi FB a pinned post ang hian admin ten dah ve se
Vawi hnih chu ka thawh ve tawh…bawm hun leh anih chuan thawh ve leh ngei pawh ka tum e
November 27th, 2012 at 10:38 pm
@sisen, FB a pinned post a awm hma daih tawh atang a pinned thin post a nih hi
November 27th, 2012 at 10:38 pm
Eheu!! Keipawh in rawt dawn ta lo maw ka ti hman a. Pathian zara dam chuan mahni ngeiin bawmah ka thlak ve theih ka beisei. I tang teh ang u..
November 27th, 2012 at 10:38 pm
Thawh hnem tur nei lo tan a zah thlak angem le. Ka neih rem chan ang ang chu, mit chhing chung tal chuan thawh ve ngei ka tum a,
ka thawh ve ngei bawk ang.
November 28th, 2012 at 1:02 am
November 28th, 2012 at 1:06 am
Tih hot in duh ami, ka tih hot chuan min ngei leh awm sia. hehe
Tak taka misual ho hi an lo puitling hlawm ber mai chu ani e, misual anga ngaihdan puitling tak tak awm khawmna hi ala awmlo chu ani e. facebook tepawh hi group member an tam chuan comment a nawi nak zel chu ani e. misual erawh a kal ngaiin ala kal reng thei hi kan admin Sandgay-a te leh admin dang ten an manage thiam vang anih hmel ta ber mai.
Foreign atanga thawh duh tan paypal a awlsama, India ram state dang atanga thawh duh tan bank account a pawimawh, sbi hi hmang an tam ber bawka sbi account ni thei se. Nikumah khan nge Aizawl Watch House, Pu Maawma account kha thawh ve tumin ka add ve ngeia ka broke leh ta sia ka thawh pawh ka hre talo e a. hehe. Mi poawisa neilo ve te. lolzz
November 28th, 2012 at 4:21 am
“Misual.commers Christmas Charity”
Ka phur leh hle mai. Hawh u, a tlai hma hian, khawn khawm chhung hun kan neih rei theih zawk na’n, thehluhna tur vel kha han sawi leh teh u le.
Maawma site hmang te khan helam atangin kan la rawn thawn leh thei ang em, tih thleng khan han sawi thuai ula.
November 28th, 2012 at 7:21 am
Tukchhuah nuam vek u le
November 28th, 2012 at 7:31 am
@sihtea, inthlahrung suh. Keipawh thawh tam tur ka nei bik ngai lo. I thawh phalna rilru kha a pawimawh in a hlu zawk. Inthlahrung lovin bawm an hung anih chuan rawn thawh ve ngei teh, a tlem emaw a tam emaw pe tu han nih hian rilru a nuam veng veng thin ania.
November 28th, 2012 at 7:50 am
Sihtea #23 cheng khat a tlem lo, nuai 100 a tam lo kan ti ang chu mawle. Remchang ang ang a ni mai a lawm. Thinlung atanga kan thawh kha a hlutna ber chu a ni zawk, a tam emaw tlem lam emaw a ni lo
hairehai 
November 28th, 2012 at 9:18 am
Pu Eich Vee i sawi dik khawp mai.
Bawm chu, khawi ah nge an hun
ang le?
November 28th, 2012 at 9:28 am
Aizaqwl khaw pawn lam atanga thawh ve dan tur han ngaihtuah ula, a va tha awm ve……
very5 gud suggest
Kar leh velah khian Aizawl ah ka lo phei dawn a, bawm hunna hmun hria ila ka duh hle mai bawk…. Lawngtlai pa
November 28th, 2012 at 10:06 am
Kumin chu a hmun ngeia rawn telpui leh theih che u ka chak kher mai, mahse ka hman dawn talo tlat mai. MRB lam atanga pawisa inthawn dan tur han ngaihtuah ula, tam lemlo mahse ka rawn thawh ve ange. Kumin kum tir atang khan hemi atan hian pawisa ka lo khawl chho ve char char e.
November 28th, 2012 at 11:21 am
A ṭha lawm
November 28th, 2012 at 11:52 am
Duh aiin kan ti har em aw ka ti deuh a, a chhan chu christmas bazar hun a ni chho tan a. Hei keini thingtlang lam te phei chu an rawn bazar der tawh a. Hemi hun lai hian sem hman ni ta zawk se te ka ti mai mai.
November 28th, 2012 at 12:14 pm
Bawm chu han hung rup mai ula dik leh thlap mai ang.
November 28th, 2012 at 1:03 pm
Nikum khan Mumbai to Kolkata flight aiah train in ka kal a, kumin chu in ti har lutuk a, flight ka lo direct laklawh tawh bawk si a. Kawng dang zawn ngei chu a ngai dawn ani
November 28th, 2012 at 1:37 pm
Bawm chu hun vat a ngai nih chu, hei Aizawl a kan cham chhung ngei hian han hung chhuak teh u
November 28th, 2012 at 1:58 pm
November 28th, 2012 at 2:06 pm
Kan kum a tam ta deuh aniang a bawm hun pawh kan vuai cha ta riau mai te ka tia…hehe
November 28th, 2012 at 2:19 pm
Ti leh ila, Pathian zara dam chuan sem hunah pawh kal leh ila
November 28th, 2012 at 2:37 pm
Hanc a kal chuan kal ve tlukah ka in ngai…eh
November 28th, 2012 at 3:03 pm
dam phawt chuan thawh ve ngei ka tum e
November 28th, 2012 at 3:59 pm
han rel teh u..neih tawk a ni leh mai lawm. ka phur teh a nia.
November 28th, 2012 at 4:12 pm
Ka phur zawng tak a ni. Kan phur tlan theih nan tiin a hma pawh kha Christmas thilpek lam hawi post ka rawn siam tawh nghe nghe kha. Nei tam lo mah ila, neih ang ang midangte tanpui nana pek chu ka phur khawp mai
November 28th, 2012 at 4:18 pm
Bawm siam hun tur te rel nghal ila. Chuan bawm hunna tur kha a ngai pahnih kha a tha ka ti bawk e.
November 28th, 2012 at 4:50 pm
Thiltha tak a ni. Dam phawt chuan kumin chu ka tel ve ngei tawh ang…
November 28th, 2012 at 5:39 pm
a tha alawm
November 28th, 2012 at 5:42 pm
full support
November 28th, 2012 at 6:07 pm
Thawhna hmun tur a inhrilh vat chi tawh lo maw Mizoram pawn atanga thawh/thawn dan tur te nen khan!!
November 28th, 2012 at 6:42 pm
ka va phurthak tawh tak em