Hmani deuh khan kan nau sikul kalna chungchangah kan buai hrep mai a, chuchuan thil pakhat min hriatchhuah tir chu mizo sumdawng tam tak te hi chuan sumdawn awmzia hi kan hre tak tak lo emaw ni chu aw tih hi ani!!
A hmasa in, Ka nau hi ka tan vangin a sikul kalna hi rawn sawichhiat ringot ka tumlo a, Mizoram a kan zirna sikul tam tak te kalphung hi chu en that ava ngai tak em aw ka ti zawk ani. Private sikul tam tak hi chuan naupang future ngaihpawimawh sak ai mah chuan, sum hi an ngaihven lutuk em ni aw ka ti? Kan nau pawh hi Aizawl Private Sikul pakhat ah kan kal tir ve a, tun thla tir khan chhungkaw sum lam kan harsat deuh avangin , an sikul neitute hnen ah day scholar a kal kan han dil chu, lo chhai kawlh tawh tu an awm nge maw ni chawk, tawngkam tha a atheihloh thu chu sawi loh, hnawhchhuah zawng in min lo vau ta nghal ringawt mai a, kan beisei loh lam lutuk mai in thil a inher danglam ta dawrh mai. Rilru chu a na duh khawp mai. Kan nau lah rilru na a tap zawih zawih khawp in a hun a hman alo ngaih phah ta ringawt bawk nen..
Ka rawn sawi duh tak zawk chu engatinge mizoram a kan private sikul tam tak te hian sum duh viau si hian sumdawn dan hi an thiam tlat loh le? Student leh an nu leh pa te hi kan customer/client an ni tih hi an hre lo emaw ni aw tih tur ani, kei ngei pawh hi service company a thawk ka ni a, kan tan a pawimawh ber chu kan client te hna a hun tak a tih zawh sak a, an lungawina thlen kha a ni. Chu mi ti hlawhtling tur chuan theihtawp chhuah in a tul chuan kan hnathawh hunbi piah lam a hna thawh ngaih chan pawh a awm fo thin. Clients te duhanga hna kan thawh loh chuan clients te kan lak atang an inthiarfihlim in, company tan loss a siam mai thin. Chutiang bawk in kan private sikul neitute hian an sum hmuhna awm chhun student leh parents te hi zah loh tak leh ngaipawimawh lo tak a min dawr hi an mahni leh mahni kawng in tih pinna leh an eizawnna an in tih chhiat sak mai mai ani tih hi in hre mawlh teh se!!
Sumdawng hlawhtling ni tur chuan kan customer te tih lungawi hi a pawimawh ber ani tlat , kan private sikul neitu tam tak te hi chuan Customer Satisfaction tih lam hi chu an hmelhriat vak lem lo ni in alang. Customer nei tam a business hlawhtling tur chuan Customer Satisfaction hian hmunpawimah lai ber a chang awm e. Anih leh enge Customer satisfaction chu ni le? atawi zawng chuan min dawr tute tih lungawi tih na mai chu a ni ngei mai, nie, min dawr tu (kan customer) te hian keimahni ah rinna an nghat ngam em?, kan in dawr dan hian a ti lungawi pha meuh em? Nge kan lakah vuina lo nei ru reng in midang dawr zai an rel dawn mai? hetiang zawng zawng hi sumdawng kan nih chuan ngaihtuah a ngai asin!! Zirna a sumdawnna hi monolopy system ang deuh a kan duh dan dan a kawih her mai mai kan tum chhung chuan hlawkna lam a paw chhuak in a rinawm loh. A thu hrim hrim ah pawh zirna a sumdawnna hi chu monopoly a kal pui chi a ni lo hrim hrim , perfect competitive environment a ni tih hriat a , fing tak a kal pui chi zawk ani a sin.
Ka han belh leh lawk , a tlangpui a han thlir hian mizo sumdawng tam zawk hi chuan sumdawn hi kan ti mi vak lo emaw ni chu aw ka ti, dawr chhete kan nghak a kan inla ar nghal a, min dawr tute lo inlak khum tawk lah bolo, Chawhmeh leh sa zuar te
thleng hian kan bang meuh lo. Kan hmuhphak tawk kan india ram a state dang sumdawng te hnen atang pawh hian zirtur tam tak kan nei in ka hria, vai ram a sa KG 1 ka lei hian min buk tlin loh sak hi ka la hre ngai miah lo nia mawle, mizoram kristian ram inti zawk ah hian kan buk tlin chuan hlep om lo tur ah kan in ngaiin thil dik lo ti ah pawh kan ingai tawhlo ni ber hian alang. Dik tak a thil kan tih a , tling tak a kan buk hi Kristiante tih tur ni awm tak ani zawk chubak ah kan customer te khan keimahni ah rinna an nghat ngam bawk anga, dawr leh mawlh min chak zawk dawn asin. Chuvang chuan sumdawng mi kan nih chuan kan customer te hian kan sumdawnna an control tih hria in i zah in i ngai pawimawh theuh ang u. Mahatma Gandhi meuh pawh khan ” Customer is King” alo ti hial reng ani.
(A customer is the most important visitor on our premises. He is not dependent on us. We are dependent on him. He is not an interruption of our work. He is the purpose of it. He is not an outsider to our business. He is part of it. We are not doing him a favour by serving him. He is doing us a favour by giving us the opportunity to do so-Mahatma Gandhi.)
Similar Posts:
- Mizo vs Vai Sumdawng
- Zan dawr hawn leh Mizo te
- Kekawr aiah 2 GB RAM
- Khawi sikulah nge i tu leh fate an kal?
- Sumdawnna in
November 28th, 2012 at 2:11 am
1st
Report this comment
November 28th, 2012 at 2:38 am
Sorkar hnathawkte an zawmthaw bawk a, an virus an vei ve niawm tak ani. School tha tak tak chu nsie, information pawmawh zawng zawng website ah an tar vak ang a, a theih loh pawn school bangah tal.
Leh lamah chuan law of supply and demand vangin school chhe te pawn “client” an ngah hle zel a. Sorkar school ah lah hian tute mahin a theih chuan kan fate kan thawn duh si lo (Hei vang hian ania sorkar hian school leh damdawiin hi nei lo law law sela ka tih thin).
Sum invest tur nei ila, international school tha tawk hawn a chakawm kher mai. Mahse chumi tur chuan sorkar hian Aizawl pa connection nei tha hovin an hman hleih loh ram an sem teuh mai hi cancel phiar ka ngiat phawt duh ang. Sorkar hian school tha sakna tur ram man tha tawka min leitir emaw “long lease” tala min hawh tir ka duh ang.
Report this comment
November 28th, 2012 at 7:57 am
Aizawlah sikul sang tam tak a awm a lawm, in sawn daih ula ti nia! in sawn zawh ah an sikul hmin chu rawn chhuah mualpho bawk la.
Report this comment
November 28th, 2012 at 8:44 am
School tha anih dawn loh tawp chu a.
Report this comment
November 28th, 2012 at 10:04 am
Private sikul hi sorkar sikul aia tha zawk turah hian kan han ngai nghal ngawt zel a, chhe tak tak hi ka va hmu hnem tak em. Hahthlak thin khawp mai.
Report this comment
November 28th, 2012 at 10:07 am
An va ti mak tak ve aw.
Thil nihphung kan hriat tawk loh bakah, kan ngaihsam lutuk ber hi a buaithlak niin ka hria. Durtlanga english medium pakhat pawh, kum laklawh laiin an khar tawp tawh kha… 
Sawrkar leh Private School in sawi takah chuan Gov’t Mizo High School Aizawl hi a fakawm thawtin ka hria…
Report this comment
November 28th, 2012 at 2:06 pm
Let us come to the point…
Sorkar sikul nena tehkhin ralah chuan Private hi an sang viau ang. Employment petu a nihna bakah mizoram pass % tisangtu leh zirna hniam tur vengtu pawimawh tak a ni e.
Report this comment
November 28th, 2012 at 2:58 pm
Mizote hi sumdawn kan la thiam lo em a ni ber mai.
Private sikul siamte hian thil dang vang ni miah lo-in pawisa duh vanga siam an ni vekin ka ring (an pha deuh a nih pawhin an daw mai mai-ah ka ngai tho). Sumdawnna atana ti an nihzia sawi zahthlak miah lo khawpa sikul ṭha hi din se kan pan hreh phah lo ang maw le.
Report this comment
November 28th, 2012 at 5:45 pm
A tlangpui a lak chuan private sikul chu sawrkar sikul chuan an pha chiah lo deuh chu a ni, amaherawh chu hei ai hian sumdawn dan hi thiam deuh se hmasawnna nasa zawk leh hlawkpui tham a ni zawk ngei ang…
Report this comment
November 28th, 2012 at 6:31 pm
Sikul tha sawi takah chuan mi tupawh a chher chhuah te chu Master degree, Dr, Politician, kuthnathawk adt..an ni maithei. A chher chhuah te kha rinawmna leh taimakna a zir chhuah tir phawt chuan sikul tha takah ka ngai. Eng anga thiamna sang leh sorkarhna pawimawh chelh pawh nise, rinawmna leh taimakna a zir chhuah tel loh chuan ram leh mipui pawi a khawih lian ting mai dawn si a. Sikul tha chhuakah ka ngai lem lo. Chuvangin sorkar emaw mimal a ni emaw sikul tha siam tur chuan tihtakzeta zirtirtu an pawimawh ber mai. (OT deuh em aw..
)
Report this comment
November 29th, 2012 at 4:52 am
RTE act ah chuan naupang sikul kal tur tih khaihlak a thiang lo a, naupang rilru tihnat a thiang tawh lo a sin … Eng sikul mahin naupang zirna a tih khaihlak a thiang lo a, chuvang in khawi school ah pawh in sawn thei laklawh mahse. Eng school pawh in lo admit hnial se in vuii thei. Mizo te hi chu hnam chapo tak kan ni a, tumah kan ngaihsan loh avang hian customer care dan hi chu kan hlat khawp mai… Kan economy leh kan nula pheikhawk man reng a to mai …
Report this comment
November 29th, 2012 at 10:52 am
Catholic ho hi school tam zawk hawn tir dan te hi awm se, a tlawm thei bwk sia…
Report this comment
November 30th, 2012 at 12:53 pm
School Inspector te hi Mizoram hian kan nei ve reng em aw? Sumdawng tu chuan a hlawk thei ang hi an duh dan a ni a, tin, Mizoramah hian mahni tui zawng thawh ai chuan pawisa awmna a thawh hi kan duh zawk tlangpui bawk. he mi avang hian a lawm sawrkar hian dan an neih thin. An kenkawh loh chuan lehkhabu a mi kha chu an keu vel in an zawm dawn hauh lo mai.
Delhi NCR ah chuan school hmun hi sawrkarin veng an plan zawhah an lo ruatsa hmunah lease in an pe mai thin. Mizoramah hian lease in an pe ve tawh em aw? Ka hre lo a. Lease aggreementah khan in regulation zawng zawng an sign hnan vek a, hei hian an hma lam zelah a hril tawh mai thin. Dan bawhchhia chu lease cancellation theih a nioh avangin an zawm tlangpui.
Report this comment