Mizo te hi hnamdangte ang bawk in sex lamah kan tuihal tih kawng tam tak in a hriat theih a.A dik taka sawi chuan hmanlai kan pi leh pute ngaihdan diklo lutuk hian min hruai khawlo zo vek a ni ber e.Virgin a thi kha chu mitthi khaw kal kawngah Pawla’n sairawkherh lianpui mai hian a lo perh dawn ni in an ring a.Chuvang chuan nulat tlangval laia virgin a thih palh an hlau hle a ni.Tlangval nula mutpui tam thei kha ropuina chi khatah an dah bawk. Nulaho lah in inleng neih tam an duh theuh bawk. Nula leh tlangval an awmkhawm tam nana hi chuan chet sualna chance an lo ngah bik a ni awm e, hmanlai atang reng in khawlai fa a tam em mai. Sawn tam na chhan dang pakhat chu sawn man a tlem lulai deuh zawng a ni.Tlem in han to ve deuh hlek se tha tur tihsan a hun tawh hle in a hriat.
Hmanlai mizo society ah hian nula leh tlangval te zana an inrim mai bakah chhun lamah pawh an inrim bawk.A bik in hmeithai in ah hian pa awm tawh lo tihtakah an tlangnel hle ni in a lang.Hmeithai in a inleng tlangval kha a fanu pasal tura a lo duh ve deuh phei chuan a lo be tha em em mail eh nghal a.A chang phei chuan chhun pachangah pawnpui phah sak in a mut dun tir hial thin.Chu chu “zawlpuan phah” an tia ‘dawn puan phah’ ti an awm bawk. Nula leh a nu in an makpa atana an hualna ang reng deuh a ni mai awm e.Khatia an mut dun khan enge an tih chu a hriat lem loh a, amaherawhchu, a mawi lem lo hle.
Hnamdang kan ngaisang lutuk hi a pawi khawp mai. Hmanlai atang rengin hnamdang ngaihsan avanga hnamdang laka in phalrai an awm a rinawm. Sap phei chu an lo ngaisang hle ni tur a ni.Sap lakah sawn te pai in pasal atan hial an lo nei a.Chumite thlah kal zel Miller , Murray etc. ho phei chu tunah chuan Mizo hnam ang hial a ngaih an ni tawh. Mizoram buai laia vaiho in mizo hmeichhia an pawngsual vak te pawh khan thlahpawlh engemaw zat a hrin a rinawm.A chhan chu khang hun lai khan tun angin contraceptive methods te hi a la lar mang si lova.Mizo nisi vai hmelpu pawh an om deuh nuk tawh mai.Kan hmeichhia ten sum an ngainat luat ah hlawh nei an nih phawt chuan dumka pioneer mai neih mai an pawi ti tawh lo.Hetianga hnamdang neihpawlh nasat luat tuk te hi midangten min chimralna tur a ni si a.
Thil engemaw nawr nana hmeichhia kan tawktarh fo hi a vat ha lo tak em! Seling khaw bula “nuthlawi kual(kawi)” hming phuah chhan te hi kan hre theuh awm e.Hmasawnna sum tam takin lei theih mahse hmingthatna chu suma lei theih a ni si lo. Kan pi leh pu ten thil hming an phuahdan te pawh hi a mak reng reng.”Ngei ngei tlang”,tui phal”,”makpa zang kang’ etc. tih te a awm nawk hlawm mai.Zahmawh sawi tel lova sawi mai theih hi sawi zahmawh talh kan ching bawk.Entir nan holiday te hi ‘chawlhni’ han tih mai tur hi “Chhuti” an ti tlat zel.Mizo te chuan khua a lum deuh leh”khawlumah mihring a hur” kan tia, khua a vawh deuh lah in “a chi thlahna ni khua” kan ti leh thin a. A tihngaihna tak pawh kana wm lo, a zia lo tak tak a ni.Kan chin dawklak thil thalo tam tak hi sim tum ang u.
Changkang nih kan chak lutuk leh changkang concept kan man fuh lo hi a pawi tak zet. Media chi hrang hrang te hi kan han access ve a.Mahse a thalo lai zel kan copy hi chu a pawi ngawt mai.Sap leh Korean film te kan han en a, an taimakzia ngaihtuah pha lovin a nuam tawl lam leh fashion zawng ringawt in thil kan ngaihtuah nghal a.An in kissing vel leh an incheina ringawt kan copy a.Nu tam takin a ruka an hak chak a taka an hak ngam si lovin an fate an han chei ta thin a ni.Khatiang enkawlna atanga an lo seilian hi chu e, sual rawngbawl tura va thlem hranpa an ngai tawh lo rengs.
Mizorama HIV kai te kaichhan ber chu Sex hman na atangin a nit lat mai.Mi ramah chuan HIV an kai chhan chu drugs inchiu vangte ania, kan rama sex avanga kan han kai hi chu a zahthlak hle.Nupui pasal inneih hma a sex hman loh tur inzir tir hmasak a tul lai in Mizoramah chuan Condom hman kan han sawi uar nghal ringawt a.Mi in condom a hman chuan a rai dawn lo tih a hriat avangin sex hman a hlauh loh phah ta thin a ni.Mahse condom hian e 100% in a lo save bik thin si lova.A hnuhnung tur kan sawi uar hmasak thin hi sim a tha.
Huau huau kan lawm lutuk pawh hi a pawi ve ngawt mai.Nulaho phai ah an han awm dek dek a Party na ah kal reng ringawt mai.Midumho lah an lo in phal phian leh nghal a.An mamawh ang chi chu a treat char char peih zu nia.Mahse beisei let an nei thin hi chu a tha lo khawp mai.An ruih tawh hnu hian an tum loh angin an awm palh thin si a.Mizorama an lo let leh hunah lah a fel be rang zia zanga lan an tum thul.Mahse, langlo tur thuhruk reng a awm si lo.
Technology lama hmasawnna hi Mizote hian kan chhiatpui tlat mai.Mitin in mobile an hum fur a video leh camera a mahni taksa lak kan ching tlat hi a mak ngawt mai.Darthlalangah te in en ve zawk mai awm.Kan zaithiam rin loh deuh deuh te pawh hian sex clip an lo siam vet lat mai.Han en chiah hian mak kan ti hle.Mi hi rin ang an lo ni lo khawp mai.Internet lamah lah mizo saruak thlalak hmuh tur a tam.Hengte hi hnamdang zinga mizo hmingchhiat theihna vek ania sim vat a tha.
Kan chanchinbu te pawh hian in hralh an duh avangin sex hman nawm dan tur an ziak nasa thin lutuk mah mah a.Khatiang lam hawi tleirawl ten an chhiar kha chuan tih chin chakna rilru an nei thin a.Chu chuan a hruai sual thin zawk a ni.Eng pawh nise internet lamah te saruak thlalak hi thehdarh tawh lo hram the u.Video clip in lo siam anih pawh in nangmahni mobile ah khan kawl hle hle mai ta che u.Engah nge midang hmuh tura in rawn tih leak-out kher thin ni.Khawngaih in sex clip in siam anih pawh in theh darh kher lo teh u.
Heng a chunga ka rawn sawi takho zawng zawng hi mizote thilchindan tha lo sim tul chu a ni. Heng hian sex leh HIV a ti hluar mai mai.Bakah nakin zelah nupui virgin hmuh a harsa lutuk palh hlauh dah ang e. Pathian in a huat ber chu sex hman khawloh a ni bawk si a.Ka life a ni alawm te pawh iti maithei, mahse mi pakhat avang hian midang a chhungte, khua leh tui te bakah a hnam thleng hian a mualpho theih asin.Eng pawh nise fimkhur deuh a tha lo maw?
Similar Posts:
- Nula Rim
- ZO PA LEH NU KAN LA INDUHLO TAWN ANG NGEM ?
- Good or Bad
- Zo leh zo ngei runhmunah i leng ang aw
- Ka sa zak mai!!
November 29th, 2012 at 6:13 am
A tha hle mai.
Report this comment
November 29th, 2012 at 6:54 am
Thuziak ṭha tak a ni.
Tukchhuah nuam vek ule
Report this comment
November 29th, 2012 at 7:11 am
Ziak tha khawp mai. Kan ram riangte hi engti zawng mai pawh hian a tlahawlh zo ta em ni le. Kan tu leh fate tana chenna tlak lovah kan hnutchhiah mai ang tih hi thil hlauhawm tak niin alang ta tlat mai. Beidawng lovin a chhe lai siamtha turin kan theih tawk theuhah tihtakzetin hma i la zel ang u. Hei lo ramdang kan nei si lova.
Report this comment
November 29th, 2012 at 8:48 am
Miller, Murray, Halliday te hian ST(tribal) certificate an nei an ti.
Report this comment
November 29th, 2012 at 9:00 am
millet, murray etc te ang ho hian vai thlah (half vai, quarter vai, one eighth vai etc) te hian an hmingah hian Gupta, Das, Chakraborty te hi dah ve ta se kan eilo nasa awm.
Report this comment
November 29th, 2012 at 9:12 am
Thuziak tha, zawm ngei tur a nih hi…
Sawichhuah tur chin pawh i hre hle mai. 
K’u aduhi’n a sawilang ta bawk a, ka sawi tum chiah. Kan duh duh hi kan ngaisangin, kan duh duh hi kan ngainep vel mai mai a ni e…
(NOI) A tam zawk erawhin Vai thlahpawlh a ngai thei miah si lo, Vai nula hmeltha ka * nak alaia.. 
Chawngkhum dan tlang huatloh… Murray, Miller = Sap suak..
Post-tupa… Tawpna (full stop) zawhah khian space bar vawikhat zel a tla tur aw..
Tin, MS word atanga Mi(sual)-a copy-paste hian, thumal thenkhat computer-in a duh angin a rem fo, post enchian leh hi a tha e… (Min hrethiam a niang chu, ka’n sawilang leh hram e..)
Report this comment
November 29th, 2012 at 11:33 am
Dr. Mahminga Miller te han ni mai se ….
Report this comment
November 29th, 2012 at 11:43 am
Vitamin_C… An sawi hawng tawh bawk a, ka’n over deuh a nih khi..
Sailo pawh hi Paihte sawn an tih thin kha maw le.
Churachandpur mi ka thianpa paihte hian fiamthu hian min ti fo mai. ‘Mahminga Sailo, kan (paihte) sawn i ni, inla reng reng suh’ min ti thin..
Report this comment
November 29th, 2012 at 2:36 pm
Ka rilru a awm angin ka sawi thiam lo zawk a ka thil vei hi. Kan khristianna phena kan chezia hi a tha lo khawp mai. Missionary te kan han in tir takna a, Mission school teacher in Chawngte etc. vel ah an han awm a, zu an in a Chakma nu an tawmpui thei tlat mai a, a zia lo ang reng hle. Kan nulaho lah in celebrity te an au huai khawp a,”I sawn ka lo pai” te zu han ti ngam a maw le. Hman deuh a Kasauti Film changtu pakhat a rawn zin dawn pawh khan kan nula te khap zawh loh an hlauh avangin MZP khan lo kal lo tur in an ngen hial anih kha. KTP khawmpui laia chance lo nei phet tawk lah bo lo. Khristianna hi kawrah kan hmang deuh titih ta der mai. Kan nun hi kan inchhir a kan in siam that deuh hlek chu a ngai a ni.A nih loh chuan thangthar lo awm leh tur ten a ve reng tur ah an ngai mai ang. Sim rawh u vanram chu a hnai ta e!
Report this comment
November 29th, 2012 at 3:14 pm
“Mizorama HIV kai te kaichhan ber chu Sex hman na atangin a nit lat mai.Mi ramah chuan HIV an kai chhan chu drugs inchiu vangte ania, kan rama sex avanga kan han kai hi chu a zahthlak hle.’ He sentence hi chu a dik hlel deuh em aw? Khawvel pumpuiah HIV inkai chhawnna tam ber chu sex hi a ni vek zawk lo maw?
Engpawhnise, i ziak tha hle mai. Fimkhur hi a va tul tak em!
Report this comment
November 29th, 2012 at 4:03 pm
luseizomi chuan vei i ngah hle mai. Relax.
” Pathian in a huat ber chu sex hman khawloh a ni bawk si a” i tih liam puat hi a dik chiah em le?
Hmanlai Juda puithiamte leh tunlai kan kohhran leh khawtlang hruaiute hian an duhamna, elrel chinna, helpruk duhna leh sum leh mi ngaihsan duhna khuh bo nan hian sex hi thil sual takah an zirtir ringawt a, anni an fihlim diak bik tihna ni lovin.
I sawi zawng zawng khi sorkar tana sual (crime) ni si lo, society tana sual (sin) lian tak niawm ziazanga in zirtir hi sual (crime) tak tak khuh bo nana tha fahran anni.
Kan rama corruption kan lak zam em eman chhan pawh vei tur “crime” aiin vei loh tur “sin” kan buaipui luai luai hi ani.
Engineer corrupt tak inthlahrung miha lova Sunday School a zirtirtu a nih laia dan bawhchhe miah lo sex lama insum loh palh vanga tuithlar hi Isua zirtirna nen a inmil miah lo.
Report this comment
November 29th, 2012 at 4:42 pm
Fimkhur a tha
Mizoram buai laia vaiho in mizo hmeichhia an pawngsual vak te pawh khan thlahpawlh engemaw zat a hrin a rinawm.… rai ta an awm nawk awm e. A thente chuan vai fa hrin an duh loh vang leh, rilru nat vang te pawh aniang,inawhhlum phah te pawh an awm nawk reng a nih kha!
Report this comment
November 29th, 2012 at 9:30 pm
Post tu pa chu vei nasa hle mai..mahse thil hriat fuh lo deuh hlek hlek i nei…ka hriat ve chinah chuan tuna kan Miller ho hi sap thlah an ni lo..chuan chhuti tih hi Mizo te zahmawh sawi hrat vanga chhuti ni loin vai tawng chhuṭṭi kan chhawm a nih hmel..engpawh ni se, i vei tak te khi chu vei awm tak te an ni e
Report this comment
November 29th, 2012 at 10:11 pm
Ziak tha lutuk. Helaia thu tha tak tak te hi Zoram mipui te chhiar atana duh tak tak ka ngah mang e!
Report this comment
November 29th, 2012 at 11:12 pm
Sex hi chu a buaipui awm teh zawng a nih hi. bible ah pawh Lota hunlai daih tawh khan an buaipui kha mawle… Khawvel a hmawr tawh lutuk a ni ber e.. Keichu kan in leh lo, kan khawtlang landan leh lan incheina in tuha lo lutuk hi rapthlak ka ti lehling phian ..
Report this comment
November 30th, 2012 at 1:47 am
Post tha hle mai…..
Report this comment
November 30th, 2012 at 12:06 pm
a thu chuan i vei ve pung pung viau na a, i hre ziktluak lem lo hle.. Thu i ba sa ngam mah mah…
Report this comment
November 30th, 2012 at 4:37 pm
Mizo khawtlang nun tha lo lai i vei a, a lawmawm viau e. Chutih lai erawh saint sammoo sawi ang deuh khian i hriat dan a bahlah deuh nuaih mai. ‘Zawlpuan phah’ i sawi dante khi a dikhlel deuh tlat….
Report this comment