“There is nothing either good or bad, but thinking makes it so” tih thufing ril ang reng tak hi Hamlet thawnthuah William Shakespeare-a chuan a dah reuh a, i han lepsê mai mai teh ang. Mizo tawng chuan, “Thil engmah hi a chhia-in a tha a ni ngawt lo; kan ngaihtuah dân azir a ni zâwk” tiin kan dah thei âwm e.
Zawhte-in sazu a seh theih viau chuan Zawhte thâ kan ti a, Sangharin kan âr a seh fo chuan Sanghar sual kan ti thung. Pathianin a duan dân angin an chaw tûr an seh ve ve a ni mai zâwk. Kan duh ang tihlawhtling kha thâ kan tia, kan pawi khawih kha sual kan ti kual vêl mai mai a ni.
Mizo nula hnamdang laka an inphalrai viau chuan misualah kan ngâi a, kan laka an inphalrai viau chuan pawi kan ti vak lo. Vai tuemaw mizo nula laka a insawi theih viau chuan kan haw êm êm a, Mizo tlangvâl a nih erawh chuan huatah kan la vak lo thung. Keimahni nena a inlaichin dân azirin mizo nula sual leh thâ hi kan teh mai mai niin a lang.
Hnam dang laka min timualphotu Mizo nula chu kan ngaimawh êm êm a, keimahni Mizo chhûngkuaah chuan kan mizo nulate hi tihmualpho kan pawi ti lêm lo tih chu Mizo Sex Vedio kan tlângzarh tâk fo hian a tichiang khawp mai. Mizo mipa ngeiin Mizo nula kan timualpho ta fo mai hi ngaihtuah chian a tûl khawp mai.
Mizo mipate hian kan hmeichhiate hi kan hmangaih tak tak a nih chuan, keimahni Mizo chhûngkuaah ngei hian kan lanchhuahtir tûr a ni ang. Hnamdang nên sex hmang lo tura kan duh a nih chuan, Mizo mipa nên pawh hmang lo tûrin kan duh ang a, keimahni ngei pawhin kan hmanpui lo ngam tûr a ni ang.
Mizo leh vâi inkârah chauh ni lovin, Mizo leh Mizo inkârah pawh ‘sual’ chu ‘sual’, ‘thâ’ chu ‘thâ’ a ni tûr a ni. Keimahni nena a inlaichinna atang chauha sual leh thâ hi teh lovin, Pathian thlîrna atangin sual leh thâ kan teh a fuh ber.
Similar Posts:
- Ram hla takah lehkha zir tir a ngai kher em?
- Zo leh zo ngei runhmunah i leng ang aw
- Chhungkaw khat a tawng chi hnih hmang!!
- Hnamdang ka neih chuan ka hnam ka phatsan
- Relationship in Vairam and arranged marriage
November 13th, 2009 at 6:18 am
Zu pawh hi a ni tho ti ro? Hman thiam chuan good, thiam loh chuan bad
Report this comment
November 13th, 2009 at 6:22 am
Hmeichhe inphalrai viau chu khawi hnam lakah pawh nise, Mizo chuan hmeichhe lepchiah kan ti.
Mihring hian ngaihtuahna khawvel pum mi pangai chin chuan, nundan mawi leh mawilo tih kan nei inang tlang thum. Chumi piah lam ami chu chhuanlam awm miah lova diklo an ni tlangpui ang.
Sex video inlak leh dawn chuan in camera kha hmeichhia ken tir zawk tawh rawh u. Hmeichhe chakna phuhruk thiam mang hlawm silo, ti mualpho vak vak hlawm ringawt mai. Mahni hmel tilang ngam mang si lova a awmnem zawk tih mualpho fo mai. Tenawm hlawm lutuk.
When there is excuse, something is not alright.
Report this comment
November 13th, 2009 at 6:26 am
“There is nothing good or bad, but the BIBLE says so” ni ta zawk se
Report this comment
November 13th, 2009 at 6:30 am
Yes, the Bible tells us so
Report this comment
November 13th, 2009 at 6:33 am
The Good, the bad and the ugly tih ang deuhin thil tha leh dik hi chu a awm mai a, tha lo a awm bawk a, hemi piah lamah hian thalo mai ni lo, thring leh uih tenawm deuh hi chu a awm ve tlat a nih hi maw.
Report this comment
November 13th, 2009 at 6:36 am
lalpeace a dik uih tawp
Report this comment
November 13th, 2009 at 6:37 am
Khaw khata nula phalrai viau chu an hmusit ve tho asin. Tlang Sum an tia.
Report this comment
November 13th, 2009 at 6:49 am
Tlang Sum hi tunlai tawng chuan sazu-kua
Report this comment
November 13th, 2009 at 6:58 am
@zodik, a ni lo. Kawhte bel an ti zawk alawm
Report this comment
November 13th, 2009 at 7:04 am
Good or Bad hi Thlirna Tlang a hran chuan a dang duh hle tih Aputea chu i rawn sawi thiam hle mai.Miin i chunga an tih-a i duh tur ang bawkin mi chungah pawh ti ve rawh tih zirtirna hi zawm awl lo tak ania auh.
Thiangzau deuh chuan sual hi a awm tak tak lo thlirna tlang engemaw-a kan teh vang mai mai an lo ti reng asin.
Report this comment
November 13th, 2009 at 8:12 am
@aputea: Thu awmze nei i rawn phuhchhuak e.
“Keimahni nena a inlaichinna atang chauha sual leh thâ hi teh lovin, Pathian thlîrna atangin sual leh thâ kan teh a fuh ber.”
He thu i rawn phuhchhuak hi a ropui tak zet a ni. Ni e, keimahni leh keimahni atang chauhva sual leh tha kan teh tlat thin avanga inrem lo, inhua, lungawi lo, lawm lo thin kan ni a. Mitin hian engkim mai hi Pathian thilrna atanga kan teh thiam chiah hi RINGTU NUN dan tur dik tak a ni.
Mizoram pawh “Kan sual lutuk” kan ti fo hi mihring lam atanga thlir chuan kan fel em em zawk a ni. North East-ah chuan a ralmuang ber a, hnam dangte pawhin nuam an ti ber! Tin, State dangte khaikhin chuan Helna te leh Terrorism Acts pawh kan nei lo, kan sual lo, fel tak kan ni!
Amaherawhchu, India rama KRISTIAN STATE inti, 100% Kristiana inchhal thin kan nihna leh Pathianin min beisei dan tur lam thlir erawh chuan “Sodom leh Gomorra” kan iang zo ta tak tak em?
“Mizoram kan sual” tih pawh hi Pathian atanga thlir chi a ni ang!
Report this comment
November 13th, 2009 at 8:29 am
Hnamdang tam tak hi chuan Mizo nula te sihhnip viau tura an ngai ta ringawt mai hi chuan mit a ti kham ngawt mai. Nula fel tak tak ho hi chu an zuam sual ve fo a nia. Kei chu Good Leh Bad a awm ka ti. Pawisawilo nunna lak te hi engti kawng mahi Thiltha a ni thei lo hrim2
Report this comment
November 13th, 2009 at 8:37 am
Mizo hmeichhia in sex a hman chuan ‘a che sual’ an ti a, mipa erawh chuan ‘che fuh’ a inti hlauh thung. Sex hi mipa tan phalrai, hmeichhe tan phalrai loh society em ni kan nih?
Report this comment
November 13th, 2009 at 9:52 am
Pi leh pu hunlai atang tawha nula zen intihhmuh thin kha kan nia..chumai bakah Pawla Sai hlau thlah kan la nih vang kha a ni mai thei sin.
Kohhran in a hmeichhia chauh a phuar ngai bik hlei nem…
Report this comment
November 13th, 2009 at 10:56 am
@aputea, very thought provoking.
I agree more with the starting line. “There is nothing either good or bad, but thinking makes it so” than how you ended.
Every culture (or Place) has their own way of living. So what is good for one person might not be good for the other. And thats how ‘famkimlohna khawvel’ is like.
One very important point i shud not miss is –
‘Mizo mipa ngeiin Mizo nula kan timualpho ta fo mai hi ngaihtuah chian a tûl khawp mai.’ – Dik khop mai
Report this comment
November 13th, 2009 at 12:00 pm
“Good or Bad”a ni emaw, “Right or wrong” a ni emaw, a lem chuang lo. Ethical norms pathum a awm:
1. Deontological argument – hei hnam dan te, sakhaw zirtirna te, vantlang inzirtirna etc te atanga tehna dik leh dik lo thliarna a ni. e.g: “Tualthah hi sual a ni em?” tih chu Bible-in “Tual i that tur a ni lo”a tih avangin sual a ni.
2. Teleological argument – kan ngaihdan/thiltih chu eng pawh ni raw sek sek, a ngawhchhuah tur a zirin a thain a tha lo thei. A sawhkhawkin a la rawn hril ang. Tual i that avangin in khawah buina a chhuak vak a, in khawsa ho hlei thei lo a nih chuan thil sual a ni. Mahse, han ti mauh ila – in khaw tiralmuang lo thintu kha i dah tha a nih chuan eng nge a sualna? Remmna i thlen a ni. Samsona pawhin a vaw hlum teuh va. Davida pawhin Goliatha a that a lawm?
3. Situational argmuent: A boruak a zir a in mai. Mi tuin emaw i nupui a pawngsual a, chemtein a lo ti va mai a. I leng i lo haw, a rawn hmu ta. In nu chuan, “Vala pa min chhan rawh,” a lo ti chul a. I nupui pawngsuala chemte vih tum mektu chu “Sibut” ti khawpin a dek dak lo vang maw? I tih ngma lo chuan pawnfen i feng thei.
Heng thil pathum hmang hian “GOod or Bad” hi knowingly-in emaw, unknowingly-in emaw kan decide. Ka lawm e.
Report this comment
November 13th, 2009 at 1:39 pm
Apute: I va han sawi thra tehreng em!! Amen pahin high 5 ka pe che
Heibakah hian ‘We don’t see people as they are but as we are’ tih hi ka rawn belh ve zuai aw.
Report this comment
November 13th, 2009 at 2:17 pm
post leh coment a tha hlawm khawpmai. hetianga thil rational deuha thlir thiam hi a trul reng ani.
Report this comment
November 13th, 2009 at 2:29 pm
In lak dawn chuan pangaitaka in lak tawh tur.Leak tur tho anih chuan cameraman ruai tawh mai se atha nawt ang.
Report this comment
November 13th, 2009 at 2:53 pm
Zoram_Genesis Says:
“Keimahni nena a inlaichinna atang chauha sual leh thâ hi teh lovin, Pathian thlîrna atangin sual leh thâ kan teh a fuh ber.” a dik chiah heihi.
kan belh ve lawks ange sual leh suallo chungchang hi, ngaihtuah chian a ngai khawpmai.
Abrahama’n a bawih nu a rai pawp te, dawt in a nupui pawh “ka nupui anilo” a tih tralh lai vel khan mosia dan pawh ala awmlova, bible in sual ala tilo kanti animai thei. Abrahama kha a inchhir teh vak pawh kan hre chuang hleilova
Sual leh suallo tehna bera bible kan hman dan hi a dikhlel kati ve mai maia, hemi chungchang hi dan nge rinna tih ah tirhkoh Paula’n a sawi chiang khawpmai. Bible hi Pathian thawk khum lehkhabu thianghlim, kristian tena kan rin tura siam mah nise, Pathian lam theihnghilh thak a, “bible in chu chu sual ati, bible in tihloh tur ati…” tihvel ringawt a buai hi a awmve thei a. Pathian ai maha bible dah chungnun hi a awm ve thei ka tihna anih chu.
dan avanga sualna a awm si chuan, dan chu ka tan a thalo tihna emni? hnailove.. tih ang deuhin sual kan tihloh nachhan hi bible in ‘sual’ ti a a ziah vang nilovin, kan rinna, Pathian avang zawka tilo tur kanni. helai hi hriat chian a pawimawh hle, sawifiah vek sen anilova, sermon han thlak tepawh ka chak hlemai
Thil ho te angin a lang na a, amaherawhchu, Bible hian sawi tam viau mahse, mihring nun chipchiar tak, (kan thiltih hote pawh a situation te, kan tih na rilru te leh thil dang dang avanga danglam vek thei) hi a sawi kimvek thei biklova, chutah tak chuan ani a pawimawhna a awm ni. entirnan ZU chungchang ah pawh, bible ah chutichuan a inziak, bible in chutichuan a sawi.. etc vel aichuan engang rilru pu a ina inlo nge kannih tihte hi a pawimawh zawk. mite mithmuha fel nih kan duh vang ringawt a inlo te kannih pheichuan PHARISAI kanni tihna ani, Pathian a lawm chuang hauhlo ang
hemi chungchang hi tawngka ngeia sermon han thlak ka chak mange. hairehai
Report this comment
November 13th, 2009 at 3:06 pm
Amen.sawitha hle mai
Report this comment
November 13th, 2009 at 4:56 pm
funny, va sawitha dap dap ve… nang nge nge. Mahse ka nui hihihi
Report this comment
November 13th, 2009 at 5:22 pm
A va dik tak em! keini pawh Zawhte tha leh Sazu sual kan nei a!!!
Report this comment
November 13th, 2009 at 7:29 pm
Sazu sual hi kan vulh fur mai rèng rèng! :roll: :mrgreen:
A rawn post tupa hi a ngaihsànawm a, tlangvàl lai pawha Upa ni ngat. Upa Ngûrthantluanga pawh a tlangvàl laia Upa ni hman, fel luat vànga “Isua nau,” an tih a ni.
@aputea hi a la tlangvâl a, tehna leh thlìrna dik ber atanga a rawn ziak, tawi tè ni maia lang, chatuan hawlh tlang CAUTION leh ENCOURAGEMENT hi Zofate dinchànna leh nihlawhna tùra rawn ziak BER awm rèng a ni. Amah pawh example-nung a ni nghàl bawk e.
Khâp chen pawh tling lo, kutphah bêng pawh tling lo hi —a hlei lulai hlawm èm a nih tàk hi! :twisted:
Report this comment
November 14th, 2009 at 6:39 am
@aputea. A bul i rawn tan dan te chu a va han fuh em2 in i va han thiam em aw…ka bulah awm la chu ka paw lawp2 ang che.
I thu ziah zawng2 hi ka AMEN thlaps mai.
#11 hi ka thlawp thlaps bawk e.
Report this comment
November 14th, 2009 at 11:51 am
Thiang leh thiang lo tam tak hi chu thiang lo nia lang pawh tih a harsat viau chuan a thian tho dan kan ngaihtuah zel mai zawng a nih hi.
Zawhte leh sanghar hi unau an ti. Unau zingah hian a sual fal deuh hi an awm zel mai zawng a nih hi..
Report this comment
November 14th, 2009 at 2:18 pm
pu chawnghilh upa ngurthantluanga i sawi elaw? an sikul a ka kal lai chuan zawhte leh sazu angvel kanni
Report this comment
November 14th, 2009 at 10:47 pm
zodikalz13: iva han vang em em ve, a thi tawh emaw kalo tia sin
nice to have you here..
Report this comment
November 14th, 2009 at 11:02 pm
vang love… sawi tur ka hre vak thin lo a lawm…. ho mai2 sawi lah a nuam vak thin lo si a
Report this comment