RAH BEH ATA ZALÈNNA

December 1st, 2012 3:20 pm by Judas Lersia

Dàwn sûkthlêk min bawih bet ang maw?
Nawr luiin min sãl nghet ang maw?
Dawt fir, thudik suaka sepin an fîn,
Thiang ngai lo tur tawktarhin an sîn.

Lairil zawng pheiriata rílin a zêm khat zova,
Suangtuahna pawh chukan a chù zeng ta.
Thlunglú kha veng rawh, i thluak an sù e,
Hmuichukchuriduninu’n a dawtsak mek che.

Mutmú i tuah nghet lua, i kamchhuak reng a vài,
Mãng leh tak ram zawng chiang teh khài.
Thuneihna uanpui, tiamthu sût ching ten,
Bum fo che suh se, hnehna hladó chawi len.

6 Responses to “RAH BEH ATA ZALÈNNA”

1
lr hlonchhing Says:
December 1st, 2012 at 3:49 pm
Dawn sukthlek a va’n mawi em
2
Awmtea Leo Khiangte Says:
December 1st, 2012 at 4:42 pm
A ril raih mai a…
3
trojan_horse Says:
December 1st, 2012 at 5:15 pm
4
Sihtea Says:
December 1st, 2012 at 9:24 pm
Hei ngei hi thu hla ril ah ka puang e.
A nalh khawp mai.
5
malsta27 Says:
December 1st, 2012 at 9:37 pm
He hla chu a va lainat awm ve.mi rahbeha theih a han awm ngot mai chuh………… .

Thluak an suk sak ang che u, tih hi chu fimkhur hi a tul reng a nia………..thlawp khawp mai hehe
6
Master Kim Says:
December 2nd, 2012 at 12:02 am
Tha reuh ve. Zoram mipui zawng zawng hriatthiam phak atan ka van duh e. (A ril mah mah ka tihna). Thlukna i dahna erawh a fuh lo deuh hlawm. ‘pawh nise a tha bon tho.