Mahse Kristian dik tak an ni hlei nem!!
Kristian thenkhat chuan tun hmaa Kristian ho, ringlote suat ching, dawithiam meipuia paih thin, Pathian hming sawichhia an tih nghaisa thin, sal tlan chhuak um a thah ching, ring lo mite sawisaa that thin Bible ringtute kha chu ringtu dik lo an ti fo mai. Khang ho khan Bible thu an hre sual a, Bible hi hun kal tawha kal sualte thil tih dik lovah mawhpuh tur ani lo an ti thin.
Pa pakhat chuan ti hian a sawi a: “Hmanlaia ringtu hmasate chuan sual tam tak Pathian hmingin an lo ti thin tih chu hai rual a ni lova, Kristian tuman kan thiam thei bik lo. Khang thil thlengte khan Kristiante thurin dan nen inlaichinna an nei lo tawp ani. Mihringte kan chak loh zia leh hlawhchham thin kan nih a lan tirna mai ani.” tiin.
Ni e, ringtu thenkhat chuan tun huna sual kan ngaih an tihte kha an rin Bible thu atang chuan sualah an ngai lo ve tlat si ani. Mahse Bible ber chu sual tihtirtu anih chuan mihring mizia, nihphung chu mawhphurtu kan ti thei dawn a mi?
Anih leh, Exodus 22:18 “Dawithiamnu rêng rêng in zuah tur a ni lo.” A tih si chuan khang dawithiamte that thin ho kha misual angah kan chhiar dawn a mi? Nge, Bible, an thurawn lakna zawk kha a mi puh tur? Inquisition an tih khan pawi sawi lo nunna tam tak an lak sak a. A bul ber chu Bible chhunga thu an zawm tlat vang ani. Engtinnge Bible thu an lak sual theih? Sawifiah theih dan dang a awm zawk em? Khang ho khan Bible, an lehkhabu rin ber, an nun dan engkim hruaitua an hman leh Pathian thu ngei ni a an ngaihin ti turin a ti tlat si a? Kal sualah kan chhiar dawn a mi?
Gays ho pawngpaw that thinte leh nun dan danglam deuh bik te misuala ngai ringawt tute hi? Lev. 20:13 ah chuan “Miin hmeichhia a mutpui anga mipa a mutpui chuan thil tenawm tak an ti ve ve a ni a, tihhlum ngei tur an ni: an thisen mawh chu an chungah a awm tur a ni.” A ti miau si a? Thilsual titute nge kan puh dawn an thu lakna Bible zawk? Midang nundan, tuma tana pawisawi lote hi khawi atangin nge haw tura zirtir kan nih?
Kristian thenkhat chuan Muslim leh Hindu hoten mahni fa ngeite, sakhaw dang an zawm vanga thatte chanchin an hriatin, “An va rapthlak em em!! Hriatthiamna leh ngaihdamna an nei hlawl lo!!” te an ti a. Heng thil rapthlak tak hi an rin Bible ah ngei a awm ve tho tih an hre lo mai ani:
Deu 13:6 “I unaupa emaw, i fapa emaw, i nupui pawm lai emaw, i thian bul emaw pawhin in thlahtute la biak ngai lo pathian dangte be turin an thlem thei che u a,13:7 in bul hnaia chengte pathian emaw, ram hla taka chengte pathian emaw be turin an rawn thei che u a 13:8 mahse chutiang mi chuan an thlem thlu tur che u a ni lo, an thurawn chu ngaithla suh ang che u.
In khawngaihin, in thupin in zuah tur ani hek lo 13:9 In tihlum ngei ngei tur a ni zawk a; a tihlum turin kut i thlâk hmasa ang a, chu mi hnuah mipui zawng zawngin.13:10 Lungin in deng hlum tur a ni, Aigupta ram atanga bawih ata hruai chhuaktu che u LALPA in Pathian hnena a tihpenna che u a zawn avangin.13:11 Tichuan Israel mi zawng zawngin an hria ang a, an hlau vang a, in zingah chutiang suahsual reng reng chu an ching tawh lo vang.”
Tun huna hetianga ti duh chu ringtu dik lo an ti ngei ang. He chang thu hi an hre sual kan ti dawn a mi? Hriatthiam loh tur enge awm?
Sakhaw dangin an Pathian hming tihchhiat an duh loh zia an lantir kan hmu fo a. Tunlai pawh hian Mohammed a cartoon vang ringawt pawhin buaina nasa tak a chhuak fo ani. Keini chuan ho kan ti a, an over kan ti thin. Hetih rual hian Bible-a inziak en i la:
Ex. 22:20 ” Tupawh LALPA hnênah chauh tih loh, pathian dang rêng rêng hnêna inthawi chu tihboral hlauh tur a ni.”
Lev. 24:16 “Tin, LALPA hming sawichhia apiang chu tihhlum ngei tur a ni; mi zawng zawngin lungin an deng ngei ngei tur a ni: LALPA hming an sawichhiat chuan ram dang mi pawh, he rama mi reng pawh tihhlum tur a ni.”
Hmanlai Kristian Crusaders te, pawi sawi lo leh sakhaw dang an nih vang maia sing tam tak thatte kha nge mawhphurtu an thu rin lakna Bible zawk? Khatianga Muslim ho nunna la tur leh duhna neia piang leh seilian an ni bik dawn si lova?
Hei hi inzawt teh: Kristian ringtu dik tak niin an inngaihIring em? Tunlaia ringtute ang tho hian an rinna kha a thukin an la thutak hle ve tho a ni awm si a? Bible chhunga thu rapthlak leh dik lo tak takte hi hnawlin kan ring lo dawn anih chuan tu ber chu nge ringtu dik ni ta ang?
…awmzel tur….mahse a hun tur chu Pa chauhin a hria.
Similar Posts:
- Sam 37:5 leh 6 hi lehlin dik lo a ni thei em?
- Natna hi sual a ni em?
- Engah nge i innghah?
- Thil tha tih
- Kristian chhungkua leh kan tehdan diktawk lo te
December 4th, 2012 at 9:07 am
mr. Mister-a hi chu i buai ve ani tiraw! Tawngtai chungin Bible hi chhiar zel rawh. Harh chhuah hun i la nei mai ang! Hun nei ila chipchiar deuhin han inchhang hman ila tha tur-mahse tawitein heti hian ka han chhang ve ang che:
1. Thuthlung Hlui huna Israel mite kha Kristian an ni lo phawt a, Bible pawh an nei hek lo. Amaherawhchu, Pathianin Ama hnam thlan ni turin a buatsaih a, chumi kawngah chuan Pathian mizia leh duhdan erawh chu tun thlengin a la pangngai reng thung. Kha tih lai khan an vela hnam tam berte kha Pathian hre lo, Setana leh ramhuai bawiha awm, nun dan bawlhhlawh tinrenga nung thinte an nih avangin Pathianin a mi Israelten chung mite chin dan chu an chin ve loh nan anmahni tiboral vek turin thu a pe reng a ni. Dawithiam te, mawngkawhur te, aien thiam leh ramhuai biakna chi hrang hrangte hi Pathian duh loh zawng a nih avangin hetiang tih chingte chu a mi Israel hnam zing atanga tih bo vek kha Pathian thil tum niin a lang.
2. Mihringin dik leh dik lo kan tih hi a inang lo thluah vek mai. Dik leh dik lo tehna hi ‘Standard’ pakhat chauh a awm a, chu chu Pathian ‘standard’, Bible-in min kawhhmuh hi a ni. Amaherawhchu, Pathian Thlarau atang lo chuan Pathian thute hi hriat fiah tak tak theih a ni lo. Mi tam takin mahni ngaihdan danin Bible thu kan pawt fan a, dik lo takin kan kal pui thei. Crusade hun lai te kha chhuanlama siamin mi thenkhatin Kristiante dem nan tak an hmang thin. Khang Crusaders ho pawh kha tun hun atanga han thlir let chuan an Pathian thu hriat dan a famkim lo va, an kal sual a ni ber. Chubakah kha tih lai khan Bible hi duh duha chhiar tur a la awm lo va, mi nazawng tan chhiar phak a ni bawk lo. Puithiam leh Latin tawng thiam, sakhaw hruaitu thenkhatin an chhiar thei chauh a, chung hovin mi pui an duh dan dana an zirtir leh chhawn chu miten an lo dawng ve chauh a ni zawk. Jerusalem khawpui kha Muslim kut atanga chhanchhuah ngei a tul nia sakhaw hruaituiten an zirtir chuan chu chu Pathian thuah an ngai lo thei lo mai zawk a ni. Tun lai hun angin Bibkle duh duha chhiar tur leh kohhrana inzirtirna ziktluak tak nei ni ve se Crusade tih vel kha an ti hauh lo vang! He thil hi chu sakhaw dang betuten Kristian ho beihna chhuanlam atan an hmang mai mai a lawm.
3. Pathian thu reng reng hi (Bible thute hi) mihring finna hmanga hriat thiam i tum a nih chuan a harsa ang. Pathian lek phei chu keini mihringte hriat thiam leh hrilhfiah phak lek ni ta se biak (worship) tlak pawh a ni nang! Chuvangin, rinna leh thinlung inngaihtlawmna nen chauh Pathian leh a thute hi hriat fiah theih a ni a, hriat fiah hnu chuan a dikzia a lang fiah tawlh tawlh thin. Chu tak chu Pathian thu hi THU NUNG a nihzia lanna a ni a, amah Pathian hi PATHIAN NUNG a nih tlat avangin. Rinna kan tih hi “blind faith” a ni lo va, thinlung fim leh chhungril tak atanga duhthlanna a ni zawk tih hi ka han sawi tel nghal e.
Report this comment
December 4th, 2012 at 9:08 am
In ni lo, kan ni lo, ni, ni lo. Lo.
Report this comment
December 4th, 2012 at 9:24 am
Komen no.1 hian sawifiah chiang e, post tupa I la harhchhuah ve ngei ka beisei.
Report this comment
December 4th, 2012 at 9:41 am
1. Keimah,
ka belh ve vak rih lo mai ang.
Report this comment
December 4th, 2012 at 10:08 am
keimah, i lo chhiar ve duh a ka lawm e. I comment duh leh zel avangin ka lawm bawk, kan thu inmil lovin ziah chhan lo dang pawh ni se.
Kristian chu Pathian ringtute an ni maiin ka lo hria a.
No. 1 hi chhanna tawite ka nei: Pathian khan ramhuai biate kha a hmangaih ve lo tihna a ni em? Tunge an mahni siamtu? Tunge ramhuai awmtir tu? Engkim siamtu tunge? A hriat loh leh phalna tel lova ti thei dang an awm chuan Pathian a ni lovang.
Israelte chauh chungah tinge duhsakna a lan tir bik?
Pathianin a siam mihringte hi vanduai tur bik leh malsawm loh tur bik a siam anih chuan Pathian a nihna a awm dawn a mi? Bible a hmangaihna leh intluktlang taka roreltu a nihna a chawk zero vek dawn a sin.
A dang chu nakinah ka sawi ang….
Report this comment
December 4th, 2012 at 10:43 am
Report this comment
December 4th, 2012 at 10:45 am
1(Y)
Pu Mister-a, i thil ziak hian eng emawti zawng tak chuan beng a tivar zek. I zawhna ang hi chu mi tam tak zawhna a lo ni tawh thin a. I hrechiang duh anih chuan lehkhabu tha tak tak a tam a nia. ( harh fim deuh a i chhiar peih chuan) Rawn hmin em em che tum lam ni lovin,dik zawk ni a hriatte tlem azawng tarlang leh teh ang. Ngaihdan theuh kan sawi tho hi a!Kristianna chungchang i ngaihven ta sa sa, rilru inhawng(unbiased) deuh leh zau zawk a thlir chunga zir theih awm ka ti.Mahni ngaihdan a zir tum tlat lovin.
Thutlukna te chu mimal thil a ni tho tho a.
1. Bible a kan hmuh angin Pathian hian hun bi a then phawk a. A duhdan a danglam ta ni lovin, a rorel dan a ti danglam ta daih . Thuthlung hlui leh Thuthlung thar hun a a rorel dan a inang lo. (Sawi duah chuan a thui mai mai!)
2. Pathian hian Israelte hnenah chauh nilovin, hnam dang zawng zawng hnenah pawh inpuanchhuah a duh a. Midangte entawn tlak a an awm theihna turin Israel fate chungah khan Pathianin dan a pe a. A duhtui hle. Mihring ten sual rapthlak tak tak an tih hian Pathianin a siam tha leh a nih loh vek pawhin a tiboral mai thin.Thuthlung hlui ah khan hei hi a takin kan hmu a nih kha! Israelte chungah a ni emaw, hnam dang chungah a ni emaw Pathian rorel dan chu a ngai reng.Israrel fate an tihsual khan Pathianin a zuah chuang lo.Hnam dang kutah salah manin a awm thin. Indona a an chak aiin hnamdangten an run kha a tam zawk mah asin!
3. Inquisition avanga a indona rapthlak tak takte kha Bible vang ai mahin Bible interpret dan dik tawk lo vang a ni zawk. Bible zirtirna uluk zawk a zir chuan khatih hunlai a Roman kohhran thurin kha a dik mawlhin a lang lo.Kristianna avang chauh lo pawhin sakhuana avanga indona tam tak a awm thin a. Chuvang chuan sakhaw nei lo nih hi him zawkah kan ngai pawh a ni mai thei. Mahse communist ram, sakhaw nei lo rorelna hnuaiah khan a mipuite dinhmun kha a tha chuang lova. Mihringte chunga nunrawnna rapthlak tak tak kha a bo chuang tlat lo. Sakhaw nei lo ho kha an nunrawng ve em em tho.Sakhaw nuaibo hi buaina pumpelhna a ni bik chuang lo.
History atanga kan thlir chuan Sakhaw neih leh neih loh lam ai mahin a mihringte kha buaina bul zawk chu kan nih hmel tlat!
Report this comment
December 4th, 2012 at 10:58 am
E khai, a ngaihnawm zawng hian chhiar ila, beng a tivar phian. Thu tak khukpui hlut lem lo ila
Report this comment
December 4th, 2012 at 11:01 am
#5 Israel fate a duhsak bik lo tih kan tarlan tawh khi. #7 Ninevi khua kha Isael ram a mi pawh a ni hleinem.An hmelma ram an ni nghe nghe asin! Mahse zawlnei Jona kha simna thu sawi turin a tir tho a nih kha. Hnam dang chungah pawh khawngaihna lantir duh a nihzia chu. Hnam dang/sakhaw dang bia an nih vang hrim hrim a Pathianin tiboral a bi bik lo. Pathianin Setana a siam chuan Setana chu sual a ni bawk si a, chuvangin sual chungchangah hian Pathian hi a mawhphurtu diktak chu a ni lawm ni i tihna em ni?
Report this comment
December 4th, 2012 at 11:08 am
keimah,
No. 2 hi kan chhang leh ang e, i rilrem a ni loh dawn avangin hnutiang min chhawn lo la…..
Dik leh dik lo hi chiang takin Bible hian a sawi a nih chuan han puang chhuak teh. “Heng ang thil hi a dik/dik lo” tihna leh pinpoint tu ka hmu lo tlat. Ka hmuh pawh Bible thu thovin a kalh.
ENGMAH chiang fek fawk a awm lo a ni, ringtute pawh kan la inthurual thei lo chu a nih hi.
Pathian thlarau atang khera hriat ngai Dan hi mihring tan pawm theih chi a ni lo. Pawngpaw rinna hi dikna a ni kher lo. A lo nih chuan sakhaw dang pawngpaw ringte nen danglamna a awm lo. Special na hmuh tur a awm lo ani.
Hun chunga thu nei Pathian chuan hmanlai leh tunlaiah pawh mihring tana a pek THU chu a tul ang zelin a ti ngei ang. Khap leh phal hun, tih tur leh tih loh tur chiang takin a awm tur a ni. Zirna leh chhiar tur an neih loh vanga Crusaders ho chet dan sawimam tum chi a ni lo. Bible an rin vanga nunna tam tak la an ni. Mahse Pathian chuan engmah a ti chuang lo anih hi.
Chatuan nunna hial thu ropui leh pawimawh kengtu (a ringlote chatuan hremna keng tel)chu mitin tawngin, eng thiamna level pawn an hriatthiam theih turin, hunleh hmunte chiang taka thenin, thutlukna hmun khat chauh awm theiin ka ziak ang.
Hetiang pawha tih nachang hre lo chu hmanlai mi bak an ni lovang. I Pathian thu anih i rin chuan i Pathian chu i ngainep hle ani mai.
Report this comment
December 4th, 2012 at 11:38 am
Zapper,
I lo chhiar a ka lawm e.
Engkim siamtu chuan sual pawh a siam tel ani ang. A nih loh chuan engkim siamtu a ni lo dawn si a. A tha-ah chawimawi tur a nih chuan a chhia-ah mawhphurtu a ni bawk ang.
Pathian, kan universe siamtu hi chu a awm ka duh a ka beisei. Mahse Bible Pathian hi chuan a thelh duai a ni. Min hmangaih a nih chuan min la hriattir theuh ang chu kan mamawh ang tawk zelin. Hmin awlsam tan leh fiahna duhte tan pawh. A hun a lo thleng te a nih chuan tuman min rinloh tir thei lovang.
Report this comment
December 4th, 2012 at 12:24 pm
OT lawk,Adama leh Evi mihring hmasa ber an nih chuan Kaina khan khawia mi nge nupui a neih le? Engtin nge hnam hrang hrang an lo awm ? Ngatinge Pathian hian Israelte a thlan bik? Adama thlahte vek kan nih si chuan Pathian thiltih dan hi a mak e,Israel te hi an fel bik vangin a thlang hauh awm silo.
Report this comment
December 4th, 2012 at 1:25 pm
#11 Kan inkawm zel ang chu
I sakhua hi i la sawi chiah lovin ka hria a. Eng lam nge a nih te pawh han sawi ve hrim hrim la mawle.. 
Sual intanna chungchang khi sawi chhunzawm leh ila.Kristian thlirna atang chuan Sual hi keimahnia awm tel tlat a ni a. Chu chu a bul berah chuan Setana atanga rawn intan a ni. Chuvangin keimahni a sual mizia hi Setana atanga kan rochun a ni ta zel a ni.Setana hi a tirah chuan Pathian vantirkoh fing leh mawi tak kha a ni a. A tirah Pathianin sual sa a a siam thu kan hmu lo. Sual sa a siam si loh chu engtin nge sual a lo nih tak dan? tih hi zawhna awm leh thei chu a ni a. Sual hi eng nge ni? tiin inzawt ta ila. A chhanna chu thatna awm lo(Absence of Good) tih hi a ni.Chutiang deuh chuan Setana pawh hian a tir amah a thatna awm zawng kha paih bovin thatna nei lo, sual a lo ni ta mai zawk a ni. A hranpa takin sual hi siam a ngai ve lo. Entirna pakhat, Physics atanga an sawifiahna hi kei chuan pawm nuam ka ti khawp mai. Thim(dark) hi physics ah chuan eng awm lo(absence of light) tiin an sawi fiah mai a. Chutiang bawkin vawt(cold) hi lum awm lo(absence of heat) tiin sawifiah a ni a. A hranpa in thim leh vawt kha a awm lova, eng awm lo chu thim a ni mai a.Lum awm lo chu vawt a ni leh mai a.Chutiang bawkin a tirin Pathianin Setana a siam hian sual sa a a siam vang lam a ni lova, amah a thatna(good) awmte kha a paih bova.Sual a lo ni ta mai a ni.Chuvangin a hranpa in sual hi atirah Pathianin a siam a ngai hran lo anih chu..
Report this comment
December 4th, 2012 at 1:27 pm
Mr. Mister, I rilru tak i sawi niin a lang a, i fakawm hle mai. Ka pianthar hma chuan kei pawh hnial hi ka hrat em em mai a, piangthar inti ho hi ka hnial dang der thin!!
“A hnial hrat tawk lekin Bible te hi ka hre ve a nia” ka tih khum thin nghe nghe a, lung hlui te pawh i tileng zawk e!!
I zawhna chhanna direct tak ni chuang lovin heti zawng hian thu i han sawi kual phawt teh ang: Khawi atangin nge sual hi a lo awm? Sual chu Pathian siam em ni? Hmangaihnaa khat Pathian hian engatinge khawvela tuarna te, thil dik lo dang zawng zawng hi a tihreh vek mai loh? Engatinge duhsak bik leh thlan bik nei anga a lan thin?
1. Leilung pian hma hun engemaw laiah khan vantirhkoh chungnung zinga ropui ber Lucifer-a chu a hmel that avang leh a mawi ropui em avangin a rilruah chapona a lo lut a, amah siamtu Pathian anga awm tumin a lo hel ta a, chumi avang chuan Pathianin leiah a paih thla ta a ni. Chumi atang chuan Pathian hmelma hlun ber niin Pathianin tha a tih reng reng tihchhiat sak zel chu a tum lian ber a lo ni ta a ni. Chuvangin, sual hi Pathian siam ni lovin Setana (Lucifera) atanga lo chhuak niin a lang. (Isaia 14:12-15 leh Ezekiela 28:11-19 te kha i chhiar dawn nia).
2. Mihring suala a lo tluk (Genesis 3) khan Setana bawihah lut nghalin a thinlung ngaihtuahna te nen lam sual lam a lo awn ta a, Pathian hmangaihna leh a dante chu hnawlin Pathian a lo hawisan ta a ni. Chutichuan Pathianin a hmangaih em em, ama anpuia a siam mihringte chu Setana chuan a thuhnuaiah dahin, tihchhiat leh tihhlum tum ranin a bei ta thin a ni a, tuarna leh harsatna, hlemhletna leh dik lohna tinreng te hi khawvelah a lo hluar ta a ni. Chumi karah chuan Setana bawih leh thununna atanga min chhanchhuak turin ama Fapa ngei ISUA KRISTA chu Pathianin a rawn tir ta a ni. Tupawh Isua ring apiangte chuan Setana bawih atanga zalenna an lo nei ta a, Setanan an chungah thu a nei tawh lo! Amaherawhchu, tunah rih chuan Isua ringtute tan pawh hrehawm leh tawrhna a bo bik mai dawn lo va, amaherawhchu a hun takah (a rei tawh lo vang) amah LAL ISUA ngei chuan rorelna fel tak nen heng tuarna leh dik lohna zawng zawngte hi a la rawn rel fel vek dawn a, amah Setana ngei pawh chatuan atan a la dah bo hmak dawn a ni! (Thupuan 20:10) Chutih hunah chuan Pathian hmangaihna leh rorel dan chungchanga kan zawhna neih zawng zawngte chu chhanin a awm tawh ang.
3. Zapper sawi ang khian Pathianin Israelte a thlang khi an tan vanneihna ai mahin vanduaina a ni hial zawk em tih palh mai awl a ni. An lakah Pathian thikthu a chhiain a phut a sang em em a, anmahni a hmangaih ang bawkin hrem leh a hrem nasa! Bible chuan, “Tam tak pek hnenah chuan tam tak phut a ni” a ti (Luka 12:48). Israelte Pathianin a thlan chhan hi Abrahama vang liau liau niin a lang bawk.
Pakhat lehah chuan Pathianin duhsak bik nei anga a lang fo leh thlan lawk sa bik nei nia kan hriat fo hi sawi thiam a har a, inhnialna tawp nei lo tam tak tichhuaktu a ni bawk. Chuvangin, he khawvela kan zawhna thenkhat hi chu Vanram kan thlen huna chhan chauh turte pawh an ni awm e! Thil mak leh tak mai pakhat chu mahni ngeiin Pathian hmangaihna hmu fuha kan han pianthar hi chuan midang zawng zawng aiin Pathian hian min hmangaih bik nia inhriat hi a awl khawp mai! Chuti chung chuan a hmangaih bik nia inhre theuh theuh hi kan initsik der si lo va, kan inhmangaih tawn sauh zawk bawk si!! Chu chu Pathian “special”-na tak pawh a ni awm e!
Report this comment
December 4th, 2012 at 3:55 pm
lucifer leh satan hi mi pakhat/thuhmun an ni em tih hi ngaihtuah tham tak ani. Kohhran pa Origen, Tertullian, Augustine of Hippo te pawh khan lucifer leh satan hi an sawi zawm lo a. A hnu ah lucifer leh satan hi entity khat ang a lo ngaihna awm ta ni in a alang. Vantirhkoh chungnung bawhchhiatna vang a paih tak kha a hming sawi lan a ni hauh lo bawk.
Report this comment
December 4th, 2012 at 4:46 pm
Zapper,
Ka lawm e.
A tirin Pathian engkim hria chuan engvanga Setana a laka hel tur a siam tlat ni? Heng ang zawhna tam takte hi hrilhfiahna pakhat a awm a, chu chuan engkim a ti fiah vek.
A chhanna chu: Pathian engkim siamtu hi a awm lo. Siamtu chu a awm mai thei mahse kan biak lai hi chu a ni lo.
A progress report hi Pathian ta ni tur chuan a lak tlak loh. Vawi tam tak bul a tan tha a, a inchhir a, mihring zawng zawng tuiah a tlak hlum tir a mahse tunah pawh awmzia a la nei ta chuang lo a nih hi.
Kei leh kan chhungkua chuan TRUTH ani kan biak. Rinna leh zeldinna ni lovin.
Hmuh theih loh, hriat theih loh, fiah ngam lo, fiah tur awm lo, lehkhabu chiangkuang lo tak chiah min hnutchhiah tu hian min hmangaih ka ti thei tlat lo.
Report this comment
December 4th, 2012 at 5:26 pm
Keimah, I point 3 na pawh ka chhan hma chein i rawn tlak leh duah ta sia mahse a pawi lo, muang changin ka rawn chhang ang che.
No.3 na: Pathian thu mihring finnaa hriat thiam chi ni lo tih hi ka pawm lo hle a ni.
Ama min pek finna hmanga kan hrethiam pha dawn lo a nih chuan mihring zz tana a ziah a ni lo a ni mai a. Mahse chatuan nunna meuh a nih si chuan a pawimah zia leh hremna a tel kher hian a ti hlauhawm tak zet bawk si a, kan tan tih theih a awm ta lo a ang hle mai.
Khawvela kan awm laia amah kan rin avanga vanram kai tur kan ni si a mahse vanramah chauh hriatfiahna min pek dawn si chuan thil “fair” lo tak mihring ngaihtuahna atang pawha “fair” lo ber a ni. A rorelna a nih vangin dik lovin a rel tur a ni lovang.
Ka ring duh lo a ni lo. Ka nun hi ka tan chuan a hlu ve a, midang tana ka hmang dawn a nih chuan hriat chianna leh fiahna tal ka phut ve a ni.
Piantharna tihte hi rilru thil mai a ni. A reh leh mai. Ni 4/5 vel eng Pathian pawh rinna thua min chiah chuan kan rilru pawh a dang viau ang. Kan sen lai atanga min lo hrilh thin, nitin zantina min hrilh thu ngat phei chuan awmzia a nei hrim hrim. Tin, engkim ti thei leh hmangaihtu tih telh phei chuan awih kan chak vek awm e. Mahse heng “state of mind” hi chu a reh leh mai.
Sawi leh sawi hnu:Sakhuana chu kan pian leh seilenna hun leh hmuna zir mai mai a ni si a.
Report this comment
December 4th, 2012 at 5:30 pm
Behind the disobedient choice of our first parents lurks a seductive voice, opposed to God, which makes them fall into death out of envy.266 Scripture and the Church’s Tradition see in this being a fallen angel, called “Satan” or the “devil”.267 The Church teaches that Satan was at first a good angel, made by God: “The devil and the other demons were indeed created naturally good by God, but they became evil by their own doing.”268
392 Scripture speaks of a sin of these angels.269 This “fall” consists in the free choice of these created spirits, who radically and irrevocably rejected God and his reign. We find a reflection of that rebellion in the tempter’s words to our first parents: “You will be like God.”270 The devil “has sinned from the beginning”; he is “a liar and the father of lies”.271
393 It is the irrevocable character of their choice, and not a defect in the infinite divine mercy, that makes the angels’ sin unforgivable. “There is no repentance for the angels after their fall, just as there is no repentance for men after death.”272
394 Scripture witnesses to the disastrous influence of the one Jesus calls “a murderer from the beginning”, who would even try to divert Jesus from the mission received from his Father.273 “The reason the Son of God appeared was to destroy the works of the devil.”274 In its consequences the gravest of these works was the mendacious seduction that led man to disobey God.
395 The power of Satan is, nonetheless, not infinite. He is only a creature, powerful from the fact that he is pure spirit, but still a creature. He cannot prevent the building up of God’s reign. Although Satan may act in the world out of hatred for God and his kingdom in Christ Jesus, and although his action may cause grave injuries – of a spiritual nature and, indirectly, even of a physical nature- to each man and to society, the action is permitted by divine providence which with strength and gentleness guides human and cosmic history. It is a great mystery that providence should permit diabolical activity, but “we know that in everything God works for good with those who love him.”275
266 Cf. Gen 3:1-5; Wis 2:24.
267 Cf Jn 8:44; Rev 12:9.
268 Lateran Council IV (1215): DS 800.
269 Cf. 2 Pet 2:4.
270 Gen 3:5.
271 1 Jn 3:8; Jn 8:44.
272 St. John Damascene, De Fide orth. 2,4: PG 94,877.
273 Jn 8:44; cf. Mt 4:1-11.
274 1 Jn 3:8.
275 Rom 8:28.
https://forums.catholic.com/showthread.php?t=224683
Report this comment
December 4th, 2012 at 5:31 pm
https://www.wisdomworld.org/add.....cifer.html
Report this comment
December 4th, 2012 at 5:34 pm
Leilung pian hmaa Lucifera leh Pathian inkar vel hi a naupang thawnthu tak zet bawk.
Heta lang chu Pathian engkim ti thei leh hria nia kan rin hian engkim a lo hre lo anih hmel. Engkim a ti thei lo bawk a ang a ni. Diklo chu a awm he rinnaah hian.
A ropuina leh thil tih theihna a taka hmutu angelte pawh ama lakah an hel ngam ngat a nih chuan a ropui tak tak lo tihna a ni mai. Mihring tlan tur pawn tuman kei ka kal ang an ti duh hlei nem. An ngaihsan leh thil ti thei tak tak chu ni se an rawn inhlan phuk phuk ngei ang. Osama bin Laden pawh a tluk lo chhia va ani. Bin Laden te chuan suicide bomber tam tak an nei si a.
Report this comment
December 4th, 2012 at 5:41 pm
#20, Awm ang fu, nisi lo.
Report this comment
December 4th, 2012 at 6:27 pm
A ngaihnawm hle mai comment chenin! Nakinah la sawi ve ang.
Report this comment
December 4th, 2012 at 7:52 pm
Theological college pakhatin an Annual Magazine a article thawh ve turin min rawn sawm teh tlat a. A topic tur pawh “Pathian anpui”(Imagio Dei) tih a nia. Ka theih tawpin ka han zir chiang ve ngial a, a interesting khawp mai. Pathian anpui kan nihna bulpui ber pakhat chu, thil ngaihtuah thei, a chhia a tha hria, duh thlang thei, duh zawng pawm a, duh loh zawng hnawl thei, thil hmuh leh hriat awih a, awih lo thei, kan nihna hi alo ni tlat mai. Pathian hian Robot angin a duh dan dan leh a thu thua awm turin min programme ngawt lo va, Lucifer-a leh Vantirhkoh dangte ang thovin, Freewill excercise thei turin min lo siam tlat a ni. Vanramah pawh tihluihna nilovin Pa Pathian min hmangaihna leh a fapa Isua kristain kan tuar ai tuara, Chatuan hremhmun pumpelh a, a thlawna Vanram luhtheihna min lo siam avang hian, tuma tirh leh tihluih ni miah lovin, kan lawm em avangin tuma khap zawh rual lohvin amah kan la fak dawn a ni. Mahse, Theological College Magazine meuha Pathian thu ril lutuk ziak ve tur chuan insit taktein ka insit a, ka puitlin thei meuh ang e maw? Mr.an hetia a chhuia a ngaihtuah vak vak pawh hi, Pathianin a din dan a ropui em vang a ni daih. A duhthlannaah hian Pathian leh Setanan an tilui dawn lo reng reng, amah ngei hian thutlukna a siam a ngai a, amah ngei hian a destiny ah thutawp a nei tlat a ni. Chu chu Pathianin a duan dan ropui tak chu a ni si a.
Report this comment
December 4th, 2012 at 9:28 pm
Ka hman ve leh chiah… Sakhuana lama i dinhmun te han sawi tlang duh la ka tih nen.Pathian awm chu i ring a.Bible a mi a ni kher i ring lo a ni berin a lang a.Kristian chhungkua a seilian i nih leh nih loh te. I lo ni anih pawhin eng vanga hetiang dinhmun a lo ding ta nge i nih te pawh hriat a chakawm tel tho.
16 a i zawhna khi chhang dawn ta ila. Pathian hian engkim a hria kan tih hian mihringte duhthlanna tur zawng zawng nen a hre lawk vek chu a ni lovang.Chutiang nise Setana leh a hote pawh a siam lovang a.Mihring pawh a siam lovang. Pathian hian mihringte a siam hian thil tisual thei an nihte chu a hre lawk vek ngei ang.Amaherawhchu an duhthlan tur erawh chu a hre lawk bik chung lovang.Mihring emaw, vantirhkohte emaw a siam hian a tha lam chauh thlang thei turin siam ta se .. ‘Robot’ ang chauh kan ni ang a.A thu kan awih avanga lawmna tur pawh Pathianin a nei kher lovang. Pathianin mihringte a siam hi chu Experiment hautak tak chu a niin ka hre ve thin… Tin, Pathianin mihring a siam chhan ber ni a ka hriat chu a hmangaihna lanchhuah tir na atan a ni in ka ring bawk.
Report this comment
December 4th, 2012 at 9:46 pm
Hun hnu hnung ah chuan, Pathian
sawi chhe tu te an lan lan tur thu
in ziak kha, hei a lo thlng dik ta.
Report this comment
December 4th, 2012 at 9:48 pm
Bible hi rintlak a nih leh nih loh chhui tak tak la ka ti. Historical evidence tam tak nei a ni a, tin mit ngei a hmutute(eyewtiness account) a ni deuh vek a.Tin, Bible hi Archeology lam te,geology te leh textual evidence nei tha tak a ni bawk.
Report this comment
December 4th, 2012 at 10:49 pm
Zapper sawi hi a dik lo. Tun thlengin engmah Bible proof na a la awm lo. Google ve mai ru. A awm emaw ka tia mahse Pathian ringte chauhin an hmu thei nge ngaihbel thei. Nova hun tuilet pawh.
Report this comment
December 4th, 2012 at 10:51 pm
Hawh u zai i la lam hut hut ang u Krisimasi vang ph ni lovn intih hlim ve khrim khrim.
Report this comment
December 5th, 2012 at 12:05 am
MR.MIster hi zoho kha em ni…. a nick a thlak ami le..
Zawhna a ngah thei bawk a, kan zawt let ve anih hi,,, 
Report this comment
December 5th, 2012 at 12:27 pm
Tih bik nei Pathian hi chu he khawvel Siamtu Pathian hi chu a ni lovang maw le. Unau pahnih lek karah pawm duh sak bik nei chu a zia lo deuh e.
Report this comment
December 5th, 2012 at 1:43 pm
Mister-a te, Hnam sakhuaa te, Rinzova te, Religionrama te u, A hun takah in la hre ve mai ang!! “Rilru inngaitlawmte hnenah Krista a rawn inlar ta”…tih hla ang khan rilru inhawng leh inngaihtlawmna tel lo, mahnia ngaihdan nghet neih sa bur chuan Pathian thu hi hriat thiam a har em bawk a ni e!
“Finga inngaiin mi a ah an lo chang ta”…tih zinga mi kha in nih ka va hlau deuh em!
Report this comment
December 5th, 2012 at 2:21 pm
keimah,
Pathian chuan rilru chapote chu a hre vek ang. Amah kan rin thin zia pawh a hriat ka ring. Hetianga ring lo kan ni sa bik hlei nem. Khawvel thiamna leh thil thar awmin hun thar a rawn herchhuah zelah hian sakhuana hi chu a leng tawh meuh lo a ni.
Ka mangan laia ngawi reng duh hi ka zah thei lova ka fak dawn reng reng lo. Thil awm lo tan hian hun, sum leh tha ka pe dawn lo te ka tia kei misual hian.
Engkim ti thei chuan min mamawh lo hle ang. Min mamawh a nih chuan dawt a sawi a ni mai te ka ti leh a kei misual hian.
Nang pawn i rinchhan dik tak chu Pathian thu a nih vang ni lovin i pian leh seilenna hun leh hmunin a zir vang LIAU LIAU a ni. A ni lo i ti a nih chuan dawt ka ti ang.
Fiahna i nei lova, i rinna chauh a ni. Rinna hi dikna a ni kher lo asin maw le.
Awm tak takin min hmangaih se chuan khawvelah ringlo an awm ka ring lo. Pathian kan duh leh mamawh luatah mihring mai mai pawh Pathian anga be duh tam tak kan awm a, kan chau a kan mangang a nih hi. Mahse a ngawi reng a, a hming avanga thisen tam tak a luan laite leh tun hnaiah Graham Stein te pafa 3 an hal laite khan…..a rorel dan kan hre phak lo kan ti leh pek dawn nge a awm lo zawk?
A duh chuan ring se mahse an thurin zawm ve tura min tih leh ram rorelnaa a inrawlh hi a dik lo ka ti a ni kei mi finga inngai (keima inhmuh dan ni lovin) mahse mi a bera chang ta si hian.
Report this comment