Hlimna hi leih luh pup pup chi a ni lo hnung zuitu…
Tlem han nghilh deuh sut a han lam vel hi chu a nuam ve a lawm. Harh fim kur chuan kan ti hlei thei si lova, harh lo deuh zawka han tih ve zauh chu a pawina ka hre hran lo. Keini ang regular taka hna thawk tan phei chuan han “hang loose” ve zauh hi a tha bawkin ka hria. Heng vanga min hmu khawlo dawn anih chuan pawi ka ti vak lo. Min demtute pawh ka ngaisang bik kher lovang.
Chemtatrawta khan a ti dik khawp mai, kan “over” thin a ni (Hlimna hi leih luh pup pup chi a ni lo). Zu leh party, lam, etc chauh ni lo thildang tam tak pawh a mawi tawka tih kan thiam lo fo. Idol & Icon, leh Miss mizoram tihte nen khan engmah hi a mawi leh awm tawkin kan ti thei lo chu a ni e. Hlimna kan hriat phak ve te hi chu intihhlimna kawng dang nei lo kan nih vangin a theih ang ang kan ti mai niin ka hria. Pawnlam atanga hlimna hi a lo kal loh chuan a vang ngawt ta ve ang.
Zu leh drugs te pawh a hmangtu hman thiam dana-zirin kan phalin kan phal lo a ni ang chu. Kan hlim chhung hian darkar engzatnge a daih tih-ah hian buai a ngaiin ka hre ve lo. Kan tih sual fo chu damchhung daih hlimna kan beisei tlat hi a ni. Hlimna rei lote te kan hmuh phakah hian lungawi thiam i la a fin thlak zawk mai thei.
Zu inchhan hi a inang vek kher lovang. A nuam leh pawilo china in hi kei chuan pawi vakah ka ngai lova. A duh chuan in se, midang tan erawh harsatna siam lo se. Sawi tawh ang khan engpawh uchuak chuan a tha ngai lo ani. Luak ngai khawp leh lu leh mawng hre hrang lo khawpa rui duh chu mi pangngai tak a ni lovang. Thihna khawpa tam in phei chu…sawi a ngai lo. Zu hmanga hlimna an lo nei ve a nih chuan a pawina ka hre lo. A awm tawk leh midang tana harsatna thlen lo thung ni se.
Zu leh drugs hi pawngpaw khapa hneh tum chi an ni hauh lo. Zalen taka phalrai tur ka tihna a ni lo. Ramdangte tih dik/dik loh atang hian inzir tum i la, engmah zir chianna awm lova mahni hmuhdan leh zeldin thu ang mai mai puan zar hi ti lovin, kan inzir chho zel bawk ang a, engtikah emaw chuan “balance” na kan hmu thei ang.
Zu hi hlauthawnna leh hmanhmawh reng renga siam chu ni lo se tun ai hian a quality a tha ngei ngei ang. Zu tha lo in vanga thihna hi zu in kan tam ngaihtuah chuan a thleng tam hran lo. Ramdanga zu vanga thite hi Danin a phal emaw phal loh vanga zu chhe in an ni hran lo.
Khapna avanga “hlawhtling” emaw intihna hi inbumna a ni. Lem chan thil, a mawi lo thukru mai kan ni. Zu khapna lek phei hi chu ram dang dang ti tawhte zir tur kan nei tam a, Mizorama pawl tam zawk pawhin an duh lova, mahse sakhuana a inrawlh vanga engmah ti thei tak tak si lova mipui min awm tirna hi ngaihsan tur ani hauh lo. Zalenna leh mipui khapbehna a ni. Ramdangah pawh a hlawhtling ngai lo tih kan hriat reng chunga kan la inhmuchhuak thei lo hi chu kan chawhna tur a ni mai. Midangte tihsual atanga inzir thiam hian hun, sum leh tha tam tak a save thei a ni. Thildangah hmanna atan a awm bawk ang.
Zu biakah:
A in duh tana in tur a awm loh vangin kan hlawhtling emaw kan ti hian min ti lawm anih chuan kan tum kan fail zia kan hre lo a ni. Zalenna leh duhthlan theihna hi mihringte tana thilpek ropui ber zing ami an ni ang. Khap lo hian awmze nei zawka kalpui dan a awm thei a, heng vanga sualna tite pawh an sim emaw tih duh tawh loh nan hremna siam theih a ni. Tha lo chu tha lo a ni a, mahse zu a in vangin thil tha lo a ti kher tura ngai ang hrim a ngaih kan ching hi sim a ngai. Tlemte an sual vanga mipui zawng zawng tuar tir hi a dik lo bawk. Chanvo kan nei a, kan chhungkua leh unaute pawh kan in khap/thunun tur a ni. Chu pawh kan ti thei lo a nih chuan Dan kan hmang thei. Sakhuana leh kan rinna avanga thiang lo leh tha lova kan ngaih khapna siam reng hi thil tenawm tak niin ka hria a, hei leh chen hi sakhuana hian min hruai tawh a, a hlawhchham zia chu sualna pun dan leh eirukna hluar zia atang hian a lang reng. A tlem zawk tur ni awm tak si. Mahni leh mahni chhungkaw chunga thu neih leh action lak hi duh tawk thei i la tha berin ka hria. Khawtlang thunun tum hi zalenna laksakna leh Dan hmanga Dan bawhchhiatna a ni a, Pathianin ringtute a pek DUHTHLANNA a kalh a, duhthlan tur awm lek lovin, tin tute emaw tan (kei tiamin) harsatna a thlen ka ti ve tlat kei misual thatna nei lo hian.
Similar Posts:
- Pawisa hian hlimna a lei thei
- I kalsan hi engtin nge a awm tak le
- Khuai khawitupa
- The Best Chrismas Present
- In tha a chengte mihlim ber an ni kher lo!
December 5th, 2012 at 9:46 am
Ka ngaihdan chiah a ni e…
Kan sawi fo, zu in duh lo chuan, zu awmna hmunah pawh (k)an in chuang lo. Zu zawrh a nih tak avanga in chuan in mai rawh se, an thu thu a ni, thunun danerawh awm thung se. Excise leh police, hna thawh tur nei lo an tam mai, mipui sum ei hek siin.. an ti
Dan tha tak, lekkawh theih loh leh zawm theih si lo chuan awmzia a nei chuang lo…
Report this comment
December 5th, 2012 at 9:48 am
Zu bawk maw… chhiar dawn ang
Report this comment
December 5th, 2012 at 10:01 am
Kei zawng ka la hmin thei tlat lo a ni. Zu khap burna ni si a, zu kawl thiang an awm si te hi…
Kan hriat chamchi angin MLTP act hi BPL tan bak a ni tak tak bawk si lo..
Dan hi kan sawisel tur a ni lo kan tih rualin, dan siamtu berin an kenkawh theih tlat loh chuan an dan chu a tha lo a ni mai lo’m ni?
Report this comment
December 5th, 2012 at 10:44 am
Heti zawng hian a dik thlap mai
Report this comment
December 5th, 2012 at 11:43 am
Ha ha…ka tih reg kha. Misual thenkhat vnga ram pum chunga action lak hi thil th loh tawp tur asin. Kei pn ka ghei chuag lo.
Report this comment
December 5th, 2012 at 12:56 pm
Post chu a va SEASON ve
Report this comment
December 5th, 2012 at 5:09 pm
Zu hi chu kan vei tlang bawk maw… A rem hmak theih hi chu rinawm loh tak ani
Report this comment
December 5th, 2012 at 5:16 pm
Zu hi chu, a in duh te’n a phawk tawk chiahin in se, buai miah si lovin titi ila, a nuam..
Report this comment
December 7th, 2012 at 10:00 am
Zu hi ka vei miah lo.
Ka vei zawk chu khap burna hi a ni.
Khap..an khap..chu pawh chu an khap…aw khap e…an khap tel tho kha pawh kha..
Kristian ram kan nia kan hlawhtling thei ang…Teuh lo mai. A ho lutuk a Pathian pawh a inrawlh duh lo anih hi.
Ramdangin thei lo mahse kan thei lo tura indah sa te chu…Tawngvaihna a ni.
Zu hi sual a ni…Zu khapna hi a atthlak lutuk a sualna pawh a ni ta ve ang.
Kohhran hotute hian khaw eng an hmu lo tih lanna chiang tak a ni. Pathian rawng an bawl a mihringte min hrethiam tawh lo a ni ber e.
Report this comment