Source: Special Report by Jenny Ruati
Ka Office bang chu bus tawt takah chuan ka inhnawh lut ve nawk nawk a, thutna mai a awm loh avangin stand hnih zet chu ka ding a. Ka dinna bul maiah chuan seat ruak a lo awm a, midang chu ka kian a, thut tum an awm loh avang chuan ka thu ta a. Ka u-te nupa inneih 10th Anniversary a nih avangin in thlen hlan ka nghahhlelh luatah ka bula thu chu en mai nachang pawh ka hre lo. Traffic a jam takah chuan ka bula thu nu chu ka en phei a, nu upa lam tawh mitdel hi a lo ni a, a bulah chuan a fapa/tupa ni awm tak kum 9 mi vel chu inthlahrung deuh hian bus bang si chet hian a lo thu bawk a. Naupang bal tak chu ka en a, nu mitdel chu ka en leh a, ka thinlungah chuan zawhna tam tak a lo lut a, hreh tak chung chuan an chanchin chu ka zawt ta a.
Nufa an nih leh nih loh ka zawt phawng mai a, nu chuan naupang chu a fapa a nih thu min hrilh a. Khawiah nge an kal tih ka zawh chuan tanpuina dila an vah kual thu min hrilh ta a. Nu upa tawh lam, mitdel lehnghal chau hmel taka ka bula thu leh a fapa naupang bal tak mai chuan ka thinlung an luah khat tlat mai a, khawdang ka hawisan thei mawlh lo. An chanchin tlangpui chu ka zawt ta a. Anmahni chu khaw danga mi an ni a, Aizawla kutdawh tura lo kal an lo ni a. Aizawl veng pakhatah hian mi inah an awm tawp a, an awmna inah chuan chawhmeh leh an mamawh tul zual an mahniin an intum thin a ni awm e. A fapa pawh chu Sikul kal tirna tur a nei hek lo, a nu mitdel tiang (vawnchhan)ah tangin ni tin kutdawhin a chhuak thin a. An nufa chu ka en thin a, ka thinlung chu mak tak mai hian a na vawng vawng a, ka lainat a ni.
Mi hausa ka ni lo a, ka hlawh tlemte chu chhungkaw intunnun nan thiam taka ka hman a tul tih ka hria. Ka pawisa hman tur pawh ka chhut sa thlap a, ka dah hrang sa thlap thlap thin. Dik tak chuan pawisa chuang bang hman tur ka nei bik miah lo tih ka inhre chiang a, ka mamawh zual pui ka lei thei tawk a. Ka duh zawng leh it zawng leina tur ka neih ngai loh avangin ka lungawi lovin, ka vui fo thin. Ka neihloh zia hre reng chung chuan chu mite nufa chu puih ka duhna chuan ka thinlungah min tur ut ut a. Ka rilru erawh chuan ka sum neih bik lohzia leh tumah pui thei ka nih bik lohzia min hrilh si.
Ka bag chhunga ka purse chu ka phawrh a, a chhungah chuan Office ban paha pek hawn tura ka tih krismas thawhlawm kohhrana ka chhun luh tur leh ka chawhmeh bazar hawna tur chiah chu ka ak a, a va beitham tehlul em! Ka rilru chuan he pawisa hi ka pek chuan kan chhungkua chuan krismas ruai kan theh ve thei dawn lo tih ka hria; mahse, pek duhna chuan min tur tlat si. Tichuan, ka nih nih ni tur chuan pawisa chu ka phawrh a, chu nu khawngaihthlak tak kutah chuan ka hmeh bel ta chawt chawt a, eng dang mah ka sawi thei tawh lo, chu mite nufa ka tanpuina bei tham lutuk chuan ka hnuk a ti ulh tlat mai pek a nih chu.
Ka u-te in ka thlen chuan ka chhungte chu an lo kim tawh hle a. Ka thil tawn chu ka sawi a, krismas thawhlawm tur mi ka pek avang chuan min hauh ka hlau hle a, ka chhungte lah chu an ngawi thiap a. Rilru mangang taka ka kun reng lai chuan ka u fanu kum 8 mi lek hian a pawisa khawl bawm chu a rawn phawrh a (kum tir atanga krismas thil leina tur a khawl ve a ni a), ka kutah chuan min lo pe in, “A nute, a chhunga pawisa hi la vek la, chu mite nufa chu i hmuh chuan i pe vek dawn nia” a ti ta reuh a. Chu veleh a nu chuan “I pawisa i hman chuan thawmhnaw thar i nei thei dawn miah lo a nia aw” a lo ti vat a. Naupang tawngkam atana mak lutuk tak maiin ka u fanu chuan “A NU, RETHEITE PAW’N KRISMAS AN HMANG VE THO ASIN” a ti leh ta reuh a.
Tu mah tawng chhuak thei kan awm tawh lo, kan zavai chuan kan mittui a tla ta a. Engmah sawi lo mah ila kum dang zawng aiin kan chhungkua chu thinlung taka inpawh leh inrem takin kan awm tih erawh kan hre chiang hle thung.
Similar Posts:
- “Christmas Shoes” – New Song
- Misual Charity Sem Report
- Pu Rokunga leh Krismas..
- Krismas a lo hnai leh ta
- Krismas Changkang Tak dan zia hi…
December 13th, 2012 at 8:31 pm
Report this comment
December 13th, 2012 at 8:33 pm
Mittui tla chunga ka’n chhiar chu!
Awmtea i tilawmawm e.
Report this comment
December 13th, 2012 at 10:52 pm
Report this comment
December 13th, 2012 at 11:13 pm
I va han ti tha tak em….. Keep it up
Report this comment
December 13th, 2012 at 11:47 pm
Ropui hle mai
Report this comment
December 13th, 2012 at 11:58 pm
Ka chhiar a, ka chhiar chhuak. Patling pui hi ka mittui an tlak deuh thaw chu le. Va tha kher ve le.
Report this comment
December 14th, 2012 at 5:28 am
FB lamah ka chhiar a. Misual-ah hian ka chhiar chiang zawk. An tiropui hle mai. Ka hnuk a ulh
Report this comment
December 14th, 2012 at 7:28 am
Kei meuh pawh ka hnuk a tiulh thei a, nimin kan office-ah ka thianpain a sawi chhuak a, ka misual thiante chhiar ve atan ka it em a, ka rawn copy/paste tawp mai a ni. Krismas ropuina a tilang chiang hlein ka hria
Report this comment
December 14th, 2012 at 7:46 am
Tukchhuah nuam vek u le
Report this comment
December 14th, 2012 at 9:24 am
Tuk chhuah nuam ule
Report this comment
December 14th, 2012 at 9:50 am
Jenny Ruati chu, nu/nula fel tak a ni ngei ang, malsawmna dawngtlak a ni e. Tawnhriat ngei hi zawng a hlu bik a nia..
Awmtea, hetiang thil hlu tak min rawn hlui hi a lawmawm mang e..
Report this comment
December 14th, 2012 at 9:53 am
Report this comment
December 14th, 2012 at 9:59 am
Dr Mahming, ka lawm e. Inspirational lam pang hi tha ka tia, nun a kaihruai thui hle thinin ka hria
Report this comment
December 14th, 2012 at 10:46 am
@ Awmtea.. A dik chiah. Ka sawilan ang khian, mahni tawnhriat ngei phei hi chu a hlu, mi a hneh bik..
Report this comment
December 14th, 2012 at 11:03 am
Heti anga tawn hriat ngei hi lehkhabu lamah ka chhiar nasa khawp mai a. Kumin chu Krismas charity tur pawh kum dang zawng aiin ka pe ṭhahnem ve deuhin ka hria. Inchhuanna lam ni lovin mite thinlunga a tlak nat dan tur ka ngaihtuah hian a hlu ka ti ngawih ngawih a ni
Report this comment
December 14th, 2012 at 11:56 am
ka ṭap tawp
Report this comment
December 14th, 2012 at 12:04 pm
Rilru chu a hneh khawp asin. Hetiang khawp hian mite hi an lo rethei ṭhin a ni tih min hriat chhuahtir ngei ka beisei
Report this comment
December 15th, 2012 at 9:44 pm
Naupang rilru thianghlim taka thil tha a luh fuh tawh chuan, nutling/Patling pui pui hi kan hnuk a ulh a, thil ropui tak a thleng thin.
. Hmana Lengzem chanchinbua saprama mipanaupang pakhat, Africa rama tui in tur nei lo naupangte tui Pump siam na atan a inkhawl tang tangin mithahnemngaite leh sawrkar meuh pawh a chettir dan te khan rilru a hneh ngawt mai. A neih zawng zawng a pe hmiah mai anih chu, Isua tan pawh lawm loh chi a ni lovang.
Report this comment
December 15th, 2012 at 9:46 pm
OT lawk. Post pending saw va en ve teh u, pengding 66 a awm nia, chhiar thiam loh in ngah ve ang ka ring
Report this comment
December 15th, 2012 at 10:42 pm
Post thar a awm har sia, pending kan bih kan bih hlawm mai a ni maw
Report this comment
December 15th, 2012 at 10:42 pm
A hma pawh khan pending eng emaw zat awm teuh kha an thrash nual a. Tuna mi pawh thrash nual a ngai a nih hmel saw a
Report this comment
December 16th, 2012 at 2:18 am
Rilru a khawih ngawt mai.
Report this comment
December 17th, 2012 at 6:15 am
Rilru a khawih hle mai. Kan ramah hian mihausa tawntaw, duhtawka nuam chen thei tur khawpa hausa an tei suau suau lai hian, rethei tak tak an va tam tak em. Miretheite tan pawh krismas a lo thleng ve tho si.
Report this comment
December 17th, 2012 at 10:58 am
Kan theih tawpin i tanpui thin ang u
Report this comment
December 18th, 2012 at 11:19 am
a tha kher mai, he thuziak hi Lunglei Tribune Christmas issue-a chhuah chhawn ka va duh em, in phal em?
Report this comment
December 20th, 2012 at 10:07 am
#25 xman, Facebook lam atanga ka copy a nia. An phal lo turah chuan ka ngai lo
Report this comment
February 12th, 2013 at 2:33 pm
Ekhai aw, hei chu a lo va leng thui ve leee….
Engpawh nise, min ka thuziak min hlutsak avangin ka lawm e.
Report this comment