Krismas ni a hêr chhuak tep a
Kei chu mî intlar put zingah chuan ka ding ve a,
Thil pêk pahnih-khat lei turin.
Mahse, Krismas boruakah erawh ka chêng lo.
Ka hma chiaha ding chu
Mipa naupang manganna hmêl pu chu a ni a;
Mipa naupang dang ang bawkin
A hawi kual a, a mit erawh a ngui êm êm a,
A kuta a ken chu- Pheikhawk khing hnih a ni.
A thuam chu a hluiin a tet nasa hle a,
A chhîp atanga a ke hmâwr thlengin a bâl a;
A thil lei man pêk a hun chuan
A thusawi chuan ka rilru a va khawihin
A va ropui tak em!!!
Dâwrkaitu hnenah chuan :
“Ka pu, he pheikhawk hi lei ka duh a ni,
Ka nu tan ka duh a ni.
Zânin hi Lal pian zân a ni a,
He pheikhawk hi a ke tawk chiah chiah a ni.
Khawngaih takin I hmanhmawh thei hram em?
Ka pa chuan hun a tam tawh loh thu a sawi a,
Ka nu chu natna khirh takin a tlâkbuak mêk a ni.
Mahse, he pheikhawk hian a nuihtîr ngeiin ka ring a,
A nuih chuan a hmeltha a,
Chu hmel duhawm tak chu ka hmu châk a,
Isua a tawh hunah chu hmêl ngei chu
Pûin a hmêl chu duhawm se ka duh a ni.”
A pawisa chu vawi engemaw zah an chhiar a,
Dawrkâitu chuan, “Ka fapa, a tâwk zo lo a ni.”
A iptê chu a zen a, a zen leh thin a,
A rawn hawi chhuah leh chuan :
“Ka nu chuan Krismas hlimawm tak a hmang thin a
Mahse, kum tam tak chutiang chu a hmang tawh lo.
Ka pu min hrilh rawh, engtin nge ka tih ang?
Engti kawng zawng pawhin he pheikhawk hi ka lei a tul a ni.”
Chu veleh kei chuan ka pawisa ka phawrh vat a,
Dawhkânah chuan ka dah a.
Engti kawng zawng pawhin ka puih a ngai a ni.
A hmêl mawi lutuk pu chunga a thusawi kha
Engtikah mah ka theihnghilh leh ngai tawh lovang :
“Ka nu chu a va mâwi dawn êm!”
Lawmthu sawia a tlân lai ka hmuh chuan
Ka thinlung chu Van Hmangaihna chuan a tuam nghâl a,
Ka taksa leh thlarau chu tihdanglamin a awm a ni.
Pathian chuan kha naupang tê kha,
‘Krismas Awmze Dik Tak’ min hrilh turin a rawn tîr a ni.
Similar Posts:
- Krismas a lo hnai leh ta
- Thih sak pawh ka ngam
- Krismas Changkang Tak dan zia hi…
- Aw….Krismas
- Engti kawng mahni intihlum a nih ring lo
November 10th, 2013 at 5:01 pm
A tha hle mai. Hla ni lovin thuziak pangngaiin ziak ta la, a fuh zawk ang em aw. A thu kalphung hi a hla thu lo deuh mang e.
Report this comment
November 11th, 2013 at 6:04 am
Ril hle mai.
Report this comment
November 11th, 2013 at 5:01 pm
Report this comment
November 11th, 2013 at 9:58 pm
Rilru a hneh hle mai. Awmtea sawi ang khian khimi behchhan khian ngaihnawm takin i ziak theih ka ring tlat.
Report this comment
November 12th, 2013 at 9:31 pm
Hla i tih tlat chuan.. kei ni han hnial rual a ni lova… mahse… ka chunga komen khi ka thlawp e..
Report this comment
November 12th, 2013 at 11:08 pm
Krista zuitu tak tak tan chuan Kristmas hian hun a chang tur pawn a lang lo. Isua kha September tha vela piang ani a, December 25 ah a piang awkawng lo.
Khawpui lian lama Catholic kohhran sum ngah deuh deuh ho hian ranin an siam phei chu a nawm hmel asin aw. Takna ram nen chuan in kar hlat tak ani. An fate nise Kristmas hi Santa Claus birthday emaw an ti tawh.
Mizoram lamah pawh sum ngah ve lo tan chuan “Lunngaih hapta” anih thin kha.
Report this comment
November 15th, 2013 at 1:24 pm
Hla emaw a tia, sermon a ni reng sia
A thuken a ropui. Good post!
Report this comment