Krismas a hnai a, veng tinah duty an indah leh ta fur mai. Hei hian enge a en tir?
Kohhran hlawhchham zia a en tir. Kum 100 aia rei Kristianna hian min awp tawh a, ram inrelbawlna-ah thuk takin a inrawlh a, an hlawhchham zia hmu lovin sorkar ah khapna chi hrang hrang an thlen a.
An Pathian hi a awm a nih chuan a bengngawng tal a nih hmel.
Veng tinah hian YMA, JAC etc vela active ber ber hi lak tlak loh bik an ni tlangpui a. Midang hriatthiamna an nei lova, mi hlim lai an ngai thei lova, an kut a rang bawk. Heng ho hian pawl hming nasa takin an tichhia a ni.
Hmanah ka chhas nen New Capital campus velah sawn kan leng dun a. Hmun rem deuh hlek ah chuan dingin thla-eng kan lawm a. Car tape zawi tein kan ngaithla bawk a. A hnu minute 15 velah chuan patling rual 7 vel hi torch leh tiang nen an lo kal a. Car chu dimna tel miah lovin an rawn chum ri a. Glass ka hawn veleh torchlight chuan kan hmaiah an rawn en a.
Engnge in tih? an ti a. Kan awm mai mai ka ti a. Pakhat chuan, “In awm mai mai loh kha” a rawn ti talh pek a. Thla eng kan lawm lai, tu tana harsatna siam lova awm chu sual an ti ni ngei tur a ni, min kal tir vel.
Ka tawn hi chu a la nep viau, midang phei chu kut an thlak tih te hriat tur a awm nual mai. He vengah kher ni lovin.
Heng ram hmangaiha te hian eng rilru puin nge heng sawi pawh zahthlak hi an tih thin le?
Similar Posts:
- Khawpui laili a inbumna emni?
- Hre thei rawh le..
- Rilru a hah ve mai a ni e…
- Krismas bawk
- Chawhchawrawi part – 1
(Y)
December 17th, 2012 at 10:43 am
Religionrama, Atheist ho hi chu ngaihdan mawl pui pui hi in phuhchhuah phuk phuk ang lah tak a. Policing awmna apiang ram hlawhchham i tih dawn chuan khawvela ram ropui leh him apiang policing nasa ram an ni zel bawk si a, ram ropui apiang hlawhchham i ti mai dawn a ni maw??
Hmanlai Kristianna rawn luh hma te khan asin hlawhchham hem hem chu. Mi lu an inla a, pawisawi lo nunau an in that hum hum reng mai a. Khawtlang veng turin tlangval zawng zawng zawlbukah engtiklai pawhin an duty fur reng mai a, Kristianna rawn thlen hmaa khati khawpa a hlawhchham kha tu vang nge ni ve ta ang le??
Report this comment
December 17th, 2012 at 11:11 am
Religionrama, min tihah
Report this comment
December 17th, 2012 at 11:54 am
Duty zingah hian ka tel ngai lem lo va, mahse veng chhung duty te hi thlawp chi kimin ka thlawp e. Veng hming lam meuh in i rawn sawi chhuak bawk a, sawi ve hlak teh ang. Vanapa hall bul bawr vel saw Veng in ri na lai , Veng 3 chhung duty ten an va tuam phak loh na lai vel a nia, Tuikual lam duty in an rawn huam chiah lo, Venghlui area ni bawk si lo, Dawrpui veng chhung tak tak a ngaih ni lo lai a nia, saw lai tawp zia saw heta sawi kher ngai lo hian zing kar ah leh zan ah va kal chhin ula in hmu mai ang. Nula pangai hmel fu si, meng fiah mang lo, hnam dang ah pawh mistiri ni awm tak tak in an lo biak that em em lai te, mipa harh mumal lo bal tawp tak kal pawh kal ngil tha hlei thei lo te hi hmuh tur an tam lutuk. Hei hi kan vaia mualpho na daih a ni tawh zawk a sin. Sawtia an awm sawn tutan harsat na siam lo ah an in ngai a ni mai thei, mahse RED LIGHT AREA a nih lohna a vang khawp a sin. Chuvangin Vengchhung duty te hian nun pangai a nun duh ho te ralti lutuk lo in min awm tir a, tha ka ti lutuk. Veng chhung duty te mit kham zawnga awm loh mai tur, engtin mah an ti lo ang che
Report this comment
December 17th, 2012 at 1:20 pm
In vei loh tur in vei ta emaw ni chu aw?
Report this comment
December 17th, 2012 at 4:54 pm
Chemtatrawta hi a…ngaihdan mawl tak tak leh rilru te reuhte nei zia hi pu teh suh. Bansan a hun tawh. I rin ang rin loh vang mai a sual bika in ngaih hi a ram hlui zia e mai. Heng ngaihdan tak hi a ni ram thendarhtu chu.
Report this comment
December 17th, 2012 at 4:57 pm
Kei chuan pawl hminga tih a nih vangin ka pawngpaw thlawp ngai lo. MSVT chanchin kha kan la hriat theuh ka ring. Khang ang thil kha ka thlawp ngai lovang.
Report this comment
December 17th, 2012 at 5:21 pm
Religionrama, i ngaihdan dik lo ka lo sawichhuah avanga keimah mimal min rawn bei ringawt hi a fuh lem lo. I ngaihdan dik lohna leh fel tawk lohna lai ka rawn sawi mai a, i duh leh ka ngaihdan khi rawn hnial ta che. Mizo atheist zia lutuk emai.
Kristianna a lo luh hma khan nunau leh thalai, nunna pawisawilo tam lutuk mai kha an in that buaih buaih fo tih lo hre ve mai mai la. Tlangval zawng zawng zawlbuka riahkhawm ngai vek khawpin duty an mamawh tam lehzual ania aw. I ngaihdan a buluk deuh.
Report this comment
December 17th, 2012 at 7:07 pm
Aw le, hei kher kher hi chu, kan sawi ve mai mai a nge, Zan a duty ho hi, an rui phut thin a nia a nih loh pawn an kut hi a ram tlangpui, an zavai chuan ka tilo, mahse, khawilai emaw ni ah tu emaw lo awm ta se, engmah thil chinchang hre hmasa silo a, mi vin leh hauh nghal ringawt hi chu a dik lo deuh a ni e. Tawng ve ila kan hee mai ang.
Report this comment
December 18th, 2012 at 2:46 am
Nia, crime control turah awm mai mai te (buaina siamlo emaw, siamtum lo te) ti awm mai mai thei lo tu hi chu awm mai mai tir ve mihring mihrinna lamah chuan har ve tak chu alo ni.
Awm mai mai te lo khap toh suh se, mol thlak em mai a.
YMA leh JAC te chauh ni lovin mi zawng zawng te,Zo hnahthlak te pawh, lo fing tawh turin kan ti.
*Thutak chu finna ani. (Eh mahse Riligionram’a ‘Sual bul intanna chu’ tih I ziah hi chu ka la ron komen tum ang, dik lo lutuk = thutaklo. Pathian thu hriat loh em em vang nge kal sual I nih vang, nge tlanbo?)
*Finna chu hriatthiamna te hi ani.
Report this comment
December 19th, 2012 at 10:50 am
Kan ramah sualna leh buaina a punlun hian “kohhran hlawhchham zia a entir lova, modernism kaltlanga Setana huang tau tawhzia leh influence nasat tawhzia a entir zawkin alang” {ka ngaihdan tlang tak…}
Hei hi a chhan chu, Lal Isua khan Kristian (Isua ringtute) te hi majority niin, khawvel an thuhnuaia dah tur angin a zirtir ngai lo. Khawvel hi misual (Setana) thuhnuaiah a awm a, ringtute (kohhran & kristian-te) hi minority niin, chep tak leh tihduhdahna hnuaiah kan awm zawk tur thu hi min zirtir dan a ni.
Amaherawhchu, kohhran leh ringtu mimaltin-te hian kan tih tur theuh hi kan ti tawk lo fova, kan thawh tur theuh hi kan thawk tawk lo fo tih hi chu thudik awmsa a ni. Chuvangin, “kan tih tur kan tih zawk vek hnu-ah pawh, Bawih thahnem lo ka ni” tih zel hi kan sawi tur niin a lang.
Report this comment