Khawnge tun tum chu ka’n khuang ve dawn teh ang. Ngawlveite lawm zawng leh Zu duhte lawm zawng ziaka min puh a nih pawhin, ka thuziakah sam zai khat bawk pawhin ka tawlh lovang. Mangchhia nei ang maia rak satliah erawh ka ni chuang lo tih erawh, i chhiar zawhah i hmu thei mahna. Hmu thei leh hrethei a siamtu che avang pawhin!!
Mizoram hi kum 1972, January ni 21, Zirtawpni khan U.T. kan ni a. A kum leh khan Mizoram Excise Act, 1973 chu siam a ni. Kum 10-na chiah 1983 khan Mizoram Excise Rules an tih chu siam ni lehin Mizoram Excise Act an tih nen chuan Khuangchawi thla ni 10,1984 khan hman a ni ta a ni. Hemi hma hi chuan zu hi Bawrhsapin Cr.P.C. an tih mai Section 144-na tlawhchhana hmangin a khap ve thin a. An mante chu IPC an tih Section 188-na anga thubuai siamsak a ni thin. Mahse Excise Act awm hnu kha chuan he dan hi hman a lo ni ta a.
Tichuan, kum 1995 khan Zu khap Burna dan, The Mizoram Liqour Total Prohibition Act, an tih chu siam a ni ta a ni. A kum leh 1996 khan, The Mizoram Liquor Total Prohibition Rules an tih chu siamin, Zu Khap Burna Dan chu February ni 20, 1997 atangin vawiin thlengin kan lo hmang ta a ni. Kum 13 chu a lo ni ta reng mai, vawiin thlengin zu man tur chu a la awm reng chu a ni.
Zu kan tih- Alcohol hi Beer-ah 3-6 %, Wine-ah 10%, Port-ah 20% leh Spirit-ah 40-50% a tel. International level-a taksa tana pawi lo tawk zu in duh chuan Pure Ethanol an tih chi mipain 60g leh hmeichhiain 30g aia tam lo in tur a ni tih hi NLUP kan buaipui leh hriatchian tluk zetin kan hriat ka ring. I damdawi bur kha han en teh, alcohol a tel zel tih i hmu ang. Ka hair gel hman ka’n en a, Triethanolamine a lo awm a, ka lotion ka’n en a-Cetearyl alcohol a lo tel ve zel si a. Chuti a nih chuan, kohhran upa leh pastor chenin alcohol kan lo in in kan lo inhnawih chu a ni si lo maw? Zu hi a la sual zel tho em?
KRISTIANTE bu rin ber BIBLE han keu leh ila-Gen 27:28,37-ah, “Buh leh UAIN nei thûr thûr bawk ang che” tih hi eng atân nge? Ele, an èi leh ìn atân. Thuhriltu 9:7 Kal la, lawm takin i chaw ei la, thinlung hlimin i UAIN in rawh; Pathianin i thiltihte chu a pawm tawh si a.” Rinnaa fak hlawh Nova rui pawh kha Pathianin a sawisêl lêmlo ni maw? A rui harh leh ànchhia ang thlapin Kanan-ho chu an awm ta mai a. A dang pawh khai mah aw…
Number 15:7-Tin, in tur thilhlanah chuan LALPA tana rimtuiah UAIN hin hmun thuam thena hmun khat in hlan tur a ni. Deuteronomy 18:4 In buhbal te, in UAIN te, in hriak haw hmasa te, in beram hmul meh hmasak berte in pe bawk tur a ni. Number 6:20 Tin, puithiam chuan then thilhlanah LALPA hmaah a then tur a ni; hei hi puithiam pual a ni ang, then irawm leh then bawp nen: chu mi zawhah chuan Nazirit chuan UAIN a in thei tawh ang. Ti khan ka duh tawk ang!!
Zu huat hian hrin chhuah pakhat tha lo tak mai a nei a, chu chu Zu hmansualna a ni. Kum 1920 chhovah khan United States-ah pawh zu hi an lo khap chhin tawh a. An ram leh mipuiin an chhiat phah zawk tih hriain an hlip a, an ti chhin leh tawh ngai lo. Chuta an hmuhchhuah chu “Mihring ze ken ‘nature’ leh sakhaw thil emaw-a a tha duhna ‘morality’ avanga khapna dan siam hi a hlawhtling theilo” tih a ni.
Pa thuthiam Winston Churchil khan, Zu-in ka lak ataga thil tha a lak aiin, Zu atanga thil tha ka lak a tam zawk a ti mauh pek a. A awmzia chu zu hi sual a ni lova, a hmangtu hman thiam leh thiam lohvah a innghat tihna a nih chu. Ti khan, pianthar nawn leh kher ngai lova inhlanna tham a tling tawh lo maw? MLTP Act aiin Control Act kan mamawh zawk a ang ta e. Huaisentakin Control Act hmachhawn ngam ila, Mizoram hian history-a a chhinchhiah reng tur ropui tak bungthar a kai ngei ang le!! MLTP Act hlih kan chak a, sawrkarin Kohhran a hlauh tlat avangin kan hlip ngam si lo. MLTP Act ah chuan Sawrkarin kohhhran a hlau a, eiruk kawngah Kohhran chu sawi loh Pathian pawh kan hlau leh si lo a ni lo maw?
Kan inenfiah a hun ta e, hawh u i tho tawh ang u. Zu hi i do ngawt lovang u, MLTP Act leh Zu phena Setana hi i do ngam zawk ang u. Zu hi i hmu SETANA ngawt lovang u tiin kan insawm a ni e.
NGAIHTUAH A NGAI E…
Similar Posts:
- Zu khapna ramah Zu permit nei 2,000 chuang awm
- MLTP Act hi
- Bar Association, MCTA leh ZTOA ten MLTP Act a hlawhtling lo-ah an ngai
- Zonunmawi virus Zu – MLTP Act-in delete rawh
- Zawlaidi- Kan zu hming thar tur chu!
January 5th, 2013 at 1:53 pm
Phek thar kai a khât a nih hi mawle. The Gruoch.
Report this comment
January 5th, 2013 at 2:21 pm
NI e
Report this comment
January 5th, 2013 at 6:55 pm
Malsta ka fiah ta uar e. Zawlaidi hna thawh dan lam te pawh rawn sawi tel ve la aw. Tuaisiala’n
a sawi fiah thiam ber a nih hi.
Report this comment
January 5th, 2013 at 11:11 pm
Zu hi in ngaihdan and deuha beverage leh in mai mai ang deuh hi chuan ngai se hmun pawimawh leh hun pawimawh zawng zawngah hian an lek lam reng fo ka ring a, hmun thenkhata kenluh an phal lo ang ni lo hian. Malsta rawn ngaihdan hi a fuh chiah lo. Zu in leh in loh hriata Breath Analyser hian zurui leh rui lo an teh ngaiin ka hre tlat lo.
Report this comment
January 5th, 2013 at 11:30 pm
Aizawl Masi leh Kumthar urlawk zan te thlirin nghei reng tlak in ni hlawm teh e, Silchar Bengali chhe chi pawhin Zu in a thiamzawk hmel
Report this comment
January 6th, 2013 at 7:26 pm
Trawta thin hi a aw,a va ho sawt ve rin aiin
. Ka ti thau2 tih ang deuh kha kan ang sawt dawn tlat mai a. Beverage ho hi hun pawimawh leh hun pawimawh zawng2 ah in lo leklam thin tihna em ni? 
. kenluh tih lam ah chuan Camera te pawh ken luh phal lohna a tam a nia 
.
Tin,Breath analyzer te chu security measures a tan a ni ngai an hman, chu mi piah lamah ‘in case of’ tih thu hlaah an hmang thin a ni zawk lo maw
? ka duh tawk a nge, a ho sawt riau mai i point. Han rui chhin la ka va ti em, i reaction a na viau in a nia ka rin deuh ni. 
Report this comment
January 6th, 2013 at 9:26 pm
Malsta chu aw.. Tlemlai deuh khan ka thian pa nen zing dar 4 vela car a kan tlan chu ‘breath analyser’ nen hian min lo tiding tawh alawm. “In case of” lam chu a ang chiah lo deuh..
Report this comment
September 22nd, 2013 at 5:13 pm
Tlai khawhnuah chhiartu la awm tho takin han thar thawh ve te’ng. Zu in fak mawi tum chungchanga Bible in wine a tih rawn la chhuak thintute hian bible thu an hriat tawk lohzia an tilang tlang pui a ang. Bible in wine a tih ber chu Israel te tui tlan a thianghlim loh vangin, ruih tham ni lo, grape um, “wine” an tih alcohol pai tam lo tak chu, tui thianghlim lo in ai chuan a hrisel zawka, an in mai thin a ni. Zu inla, rui rawh tihna ani lo.Pastor pakhat min hrilh dan a ni
Bakah Mizote hi zu in chungchangah hnam dangte nen kan inang lo em em mai a. Hnam dangten zu in pawi an ti lo, mi hmaa zu ruih buaierawh hi chu uicho thluak pu ang leka an ngaih hial a ni a,an duh lo em em; an rui buai ngai lo tlangpui a ni. Mizo te erawh chuan ‘I am a hero’ kan ti pung2 mai zawng anih hi. Hnam dang zu in polite zia leh Mizo zu in kan chapo pui sizia leh khawlaia kan buai bikzia te ngaihtuah vang2 hian leh khawlaiah mi tihbuai kan hreh bawk si lo zia hi. Mi dang tan a hahthlak, Zu in thiam lo nana zingah chuan Total Prohibition aia nasa in zu khap bur hi kan chan tawk vel ani ah ngai mai teh ang u. Sawi belh leh lawk. Zu hi thlah zalen vanga inthiamm chi niin a lang lo, tun dinhmunah chuan a tam leh kan buai nasa ting dawn a ang. In thiam tum phawt ila, zu rui pawhin kal thle bak bak chunga khawlaia mi cho mai lovin, polite taka ‘ka lo rui deuh ani, khawngaih takin min hrethiam rawh’ tih nun kan neih hunah zu hi Mizote zingah thlah zalen chi chauh ani ang. Zu chungchangah Moral Reformation neih hmasak a ngai. Chumi hma chu khap bur zel mai ang o. Kei pawh ka in duh chuan lung si takin man to angreng takin ka lei mai,local chhe deuh k in anih pawhin k pawm thlap mai. Heihi zu inthiamlo ka thisen zawmpui ka Mizo puite zara ka chanpual tih ka hria a, lawm takin ka pawm mai ani e.
Report this comment