Mizote chu inunau, inṭhenawm leh inlungrual taka chêng ho ṭhin (communitarian) kan ni. Hnam ṭhenkhat; American te khu chu mimal dah pawimawhna, mahni duhdâna nun zalênna (individualist) an ni. Mizo khawtlâng nun hian kan mimal nunphung nasa takin a nghawng a, hei hian inunauna ṭha leh inṭhenawm khawvênna duhawm tak a thlen ṭhin.
Mizo kan nihnaa kan inṭhenawm khawvênna hian tûnhma chuan pâr duhawm tak a chhuang ṭhin a, mahse tunah chuan kan nun mawi tak te kha a bo tial tial ta niin a lang. Mahni indah pawimawhna lian takin kan thinlung a luah khat nasa tawh hle a. Kan ṭhenawmte leh kan hna thawhpuite laka kan rilru put hmang pawh hian ngaihtuah a ti tam tawh hle. Kan in leh loah inṭhenawm khawvêng mah ila, kan rilru erawh a inhlat viau thung si.
Luka 10:25-37-ah chuan suamhmang tâwk leh Samari mi ṭha chungchâng kan hmu a. Samari mi ṭha khân hliam na tak tuar a hmuh khân a hriak pai a phawrh a, duat takin a hnawihsak a. Ama lam insênsona a ni tih hre reng chungin a first-aid pai lai chu ui hauh lovin a hnawihsak a nih kha. A sabengtung chungah a chuantîr a, ama nawmsakna lam thlahlel hleithei lovin amah chu kein a kal mai niawm tak a ni. Keini ve hi, keimahni nawmna tûr chauh em ni kan la ngaihtuah fan le?
Khualbûkah a dah a, a tukah chuan khualbûk vêngtu hnênah duli pahnih a pe a, a dang pawh a ṭul chuan pêk belh zel a la inhuam lehnghâl. Keini hi mite harsatnate hi engtin nge kan buaipui ṭhin? Damdawi In leh keimahni In ngeiahte hian harsatna tâwkte hian thlamuanna leh hahdamna an nei ṭhin em? Mi mangang te, mi harsate enkawl leh buaipui nân hian kan hun leh sum leh paite hi kan sêng ve phal ṭhin em le?
Suamhmang tâwka khân Puithiam leh Levia chi kha a vêngte, amah khawngaih leh lainattu tiin a sawi hauh lo vang. A vêngte tia mite zînga a sawi ṭhin tura chu Samari mi, inngaitlâwm tak kha a ni. Nang leh kei hi tu vêngte nge kan niha, tute nge kan vêngte chu tih hi kan ngaihtuah ngun a ṭûl hle awm e. Kan chunga ṭhate chauh chunga kan ṭhat hian eng nge hlâwkna awm, chutiang chuan misualte pawhin an ti ve ṭhin tho si a.
Similar Posts:
- Tial Tial
- Mite chuan…
- ISUA KHA ISRAEL HNAM TANA LO KAL A NIHZIA LEH AN KHAWVEL KHAN TUNA KAN KHAWVEL TIH HI A HUAP LO A NI
- Nun khawhar
- Transgender-te tân Miss Universe a tel theih dâwn
January 6th, 2013 at 9:44 pm
Ngaihnawm reuh khawp mai..
Report this comment
January 6th, 2013 at 10:18 pm
I rawn thawh tha hle mai.
Report this comment
January 6th, 2013 at 10:25 pm
in ti thei phian zel mai ah……
Report this comment
January 7th, 2013 at 4:06 am
Ka vengte hi ka theinghilh fo va, puthiam leh Levia chi ang mai hian kawng sir leh lamah hian ka hel fo thin in ka hria.
I ziak tha kher mai.
Report this comment
January 7th, 2013 at 4:33 am
Chhiar a manhla e.
Post tha em mai, kha Coffee hi in teh aw
Report this comment
January 7th, 2013 at 7:00 am
Tha hle mai
Report this comment
January 7th, 2013 at 7:48 am
Good post.
Report this comment
January 7th, 2013 at 8:09 am
Tukchhuah nuam vek u le
Post erawh nakina chhiar ah.
Report this comment
January 7th, 2013 at 8:16 am
In ti lawmawm e. Tuk chhuah nuam vek ule
Vawiin atan duhsakna ka hlan che u a, mi pakhat tan tal hlimna leh malsawmna thlentu nih i tum ang u aw.
Report this comment
January 7th, 2013 at 2:07 pm
‘I am the god of myself i can do whatever i want’-Ravi shankar te pawh mi tih hriatchhuah zawk chu, individualism leh community nen a a inzawm tlat dan a hi thil ngaihnawm tak pakhat chu tling ve in ka hria. Ngaihnawm khawp mai
Report this comment
January 7th, 2013 at 6:26 pm
Post tha leh hlu tak a ni..
Report this comment
January 7th, 2013 at 7:32 pm
Mizo khawtlang nun hi ropui tak mai a ni a. Mahse, tunah zawng kha ropuina khan mual min liamsan hret hret ta niin a lang.
Report this comment
January 7th, 2013 at 8:34 pm
Report this comment
January 7th, 2013 at 10:01 pm
Mizo khawtlang nunin mual min liamsan hret hretna chhan hi engnge nia in hriat???; min han share teh un.
Report this comment
January 7th, 2013 at 10:24 pm
#14, a chhan pakhat chu changkanna hi a ni. Lehkha kan lo thiam a, khawvel tukverhah kan dak ve zuai zuai a, a tha lam entawn nachang hre lovin a lang chin, a tha lo lam kan entawn thin vang a ni.
Report this comment
January 8th, 2013 at 2:03 pm
Changkanna chu eng vanga lo thleng nge ni ta ang le?
Report this comment
January 8th, 2013 at 8:01 pm
@Rinzova, Changkanna chu lehkha kan lo thiam vang a ni e. I chhanna siam tum chu ka hre reng. Kristianna dem i tum a, mahse a ni lo asin. Kristianna avang a ni lova, a mihringa ten kan zir loh avang zawk a ni. Kristian zirtirna hian sualna leh khawtlang nun chhiatna lam pakhat mah min zirtir lo.
Report this comment