Thingtlang khaw te reuh te pakhatah hian nikhat chu finna thu sawi tur leh a khaw mipuite, khawvel changkanna lama hma an sawn ve theih nan tiin mithiam rual te chu ‘seminar’ neihpui turin Sorkar chuan a tir a. Khawpui a zirna in lian leh ropui tak tak atanga lo kalte an nih hlawm avangin a khaw mipui te chuan an ngaisang hle mai a.
Chung mithiam rual te chuan inkhawm hona hun an hmanpui hmain an khawtlang nunzia leh an khawsak dan te, an eizawn dan te leh an sakhaw biak dante ngun takin an zir a. Chu khawchhunga chengte chu Kristian chhungkua deuh vek an ni a. Biakin te neiin, urhsun takin sakhuana an kalpui thin a, rawngbawltu leh Pathian thuhrilmi thahnem tak ramthim lehzual lamah te pawh an tir chhuak nual a ni.
Professor rual ten ngun taka an khawtlang nun an zirchian hnu chuan, ‘sakhuana’ an lak run lutukna chu an khawtlang leh chhungkaw ekawnawmi kai hniamtu ani tih chu an zirchhuak ta a.
Mithiam rual te chuan khaw mipui zawng zawng te chu khawtlang inkhawmna inah ko khawmin inkhawmna an neih pui ta a.
Inkhawm prokrem an tan chiah tihah chuan an zinga an mi chhuanvawr ber leh Baibul lamah pawh mi duai lo tak mai, Dr. Paul-a chu a rawn dingchhuak ta a.
Darkar 1 leh a chanve vel duh tawka a zaizir nena thu a rawn sawi hrep hnu chuan, Rinna lamah a thusawi chu a rawn her kawi ta a.
Mithiam leh thuril ziakmi leh ngaihtuah mite thusawi leh thuziah te, lehkhabu chi hrang hrang a chhiar atanga a thu chharchhuah thenkhatte rawn belhchhanin, an rin Lal Isua Krista kha a ami te tan thihna thlan thim atang khan a rawn tho leh tak tak lo ani tihah a rawn kual lut ta a.
Science finna leh thiamna chi hrang hrang hmanga rawn chhui chovin, Lal Isua a tho leh anga ngaihna chu thawnthu belhchian dawllo mai mai a nih thu te chu aw thum-tham chak leh awih nawm hmel tak maiin a rawn sawi chho ta a. A duh tawk a ngah hnuah chuan mipuite zinga zawhna nei an awm leh awm loh a zawt a…
Hall hnung lamah chuan putar pakhat, vun hang lampang, lu tuak bau tawh chu a rawn dingchhuak a.
A zawhna a rawn sawi hma hauhvin mipui mit chu amah chuan a fu nghal a.
“Ka pu zawhna pakhat ka nei e,” tih pahin a iptepui ah laia serthlum pum khat chu a rawn phawrh chhuak a. A kheh a, a ei nghal a…
“Pu zahawm tak Daktawr pawl, (serthlum chu a tep chap chap a) ka zawhna chu zawhna ho te a ni a (a tep leh chap chap a), khang lehkhabu I sawi te kha kei chuan ka la chhiar ve hauh lova (a tep leh chap chap a), khang khaitis(scientist) I sawi takte pawh kha hmai chhanah pawh vawi khat pawh ka la hmu ve hauh lo(a tep chap chap a). Grik leh Hebrai hawrawp te chu a chhiar thiam loh chu sawi loh, a hmuh pawh ka la hmu lo va, engmah thil hriat ka nei ve lo.” Serthum chu a ei zo va.
“Ka zawh duh zawka che chu – tuna serthlum ka ei zawh tak kha a thlum nge a thur? tih hi a ni,” a ti a.
Dr. Paul-a chu a ngawi vang vang a, rei vak lo a inngaihtuah hnu chuan mifing dangte tihdan angin fing takin a zawhna chu a rawn chhang a: “A thlum leh thur hre tur chuan keiman ka ei ve chhin phawt a ngai a ni,” nui van van chungin a ti a. Chhang tha a inti kher mai.
Putar chuan iptea puanthem a ah chu phhawrhchhuakin a kut chu muang changin a hru fai a. Dr. Paul-a chu a mitah tak en chungin, “Ka pu Lal Isua kha a tho leh lo a ni tih chu I tan chuan awih ngaihna a awm hlei nem. Achhan chu nang pawhin ka LAL ISUA HI I LA TEM VE CHHIN HLEI NEM,” a ti ta a.
Hall chhunga mipui zanga chuang awmte chuan kut an beng dur dur a, an au hum hum a.
Dr. Paul-a chuan dawhsan chu rang takin a chhuahsan nghal a.
Chuveleh putar chu dawhsanah chuan a chho nghal a, professor rual te hmaah chuan dingin heti hian a hrilh ta a : “Pu zahawm tak tak te u, in finna leh thiamnate hi kan ngaisang lutuk. Mahse, he kan Lal Isua hi ala tem ve ngai lo te tan chuan a tak nge a niha a tak lo tih chu thil hriatchhuah theih loh tluk a ni. Amah avanga hliam te in neih hun leh, in mittui a tlak zawih zawih hunah leh, in in leh lo, in sum leh paite a tana in sem ral ve hunah he kan biak Pathiana hi tunge a nih chu in hre ve chauh ang,” a ti ta a.
January 8th, 2013 at 1:07 pm
A van tha tehlul em! dustin nge nge
Report this comment
January 8th, 2013 at 1:09 pm
Tuk chhuah nuam vek u le.
Report this comment
January 8th, 2013 at 1:24 pm
A tha hle mai, a ngaihnawm. Mahse “Ka pu Lal Isua kha a tho leh lo a ni tih chu I tan chuan awih ngaihna a awm hlei nem…” ah khian “lo” khi chhut kai palh a ni lo maw ziaktupa.
Report this comment
January 8th, 2013 at 2:28 pm
va tha ve le
Report this comment
January 8th, 2013 at 2:48 pm
Khawvela ram ropui ho, an hausakna, ralthuam, music, film leh tawng(media) hmanga khawvel awp tlattu te hi Kristian ram zuk ni hlawm tlat a. Niminah khan YWAM a thawk Monpa nula ngo leh ria sang thlarh mai chuan, a rawngbawlpui mizo tlangval pasalah a nei a. A chhungte hi kristian an la nih hlawm loh avangin an tuithlar titih a, an rawn inrawlh miah lo a ni. Mo kawr tur an buai ruk viau laiin, Shillong lam atangin a petu hriatlohin(sawi chhuah a phal lo), mo kawrfual changkang leh mawi lutuk tak mai, cheng singhnih chuang man a rawn pe tawp mai a, a pian a nalh bawk a, a inhmeh hle a ni. Present dang pawh an dawng tha hle. Kohhran ho leh YWAM ho nen tangrualin, keini pawhin kan bus leh Sound system kan thawhchhuahpui ve a. Anni tan chuan, Lal Isua chu a thlum veng veng ngawt ang.
Report this comment
January 8th, 2013 at 4:34 pm
@mama, ee..typing mistake a nih hi. Thanks ltk o.
@Awmtea, Milarin min fakder ve tlat mai a
@Tuaisiala, a nawi leh tan ta
@Pk-a, ka thuziah ai chuan I comment hi a tha mahin ka hria
A ni khawp mai, Lal Isua hi ala tem ve ngai lo te tan chuan itsik mai mai tham leh hmuhsitawm hian a lang thin a, mahse tem tawhte tan chuan thlum veng veng tak a ni.
Report this comment
January 8th, 2013 at 5:04 pm
Hei hi nangma phuah a ni em? chhiar a nuam khawp mai. chuan prokrem tih khi program tiin ziak ta law law mai la, Mizo tawnga kaihluh a remlo em mai, thuziak i thiam e, a thu ken pawh a tha, ‘tep chap chap’ erawh a tam hlek
Report this comment
January 8th, 2013 at 10:17 pm
Hetiang Pathian thu hi thu un pui pui a sermon ai chuan ‘tep chap chap’ a nuam zawk thin.
Report this comment
January 9th, 2013 at 4:28 am
Sermon tha tak han ngaihthlak hi chu ka va hlawkpui tak em.
Lal Isua hi ka tem chhin a, tem chhin zel ka tum. A thlum zia ka hria.
Report this comment