Socrates-a leh finna zawng tlangval

January 8th, 2013 12:19 am by dustin sampler14

Tlangval pakhat hian Socrates-a hnenah a finna leh hlawhtlinna thuruk hi a lo zawt a. Socrates-a chuan a hlawhtlinna thuruk a hre duh tak tak a nih chuan a tuk zingah lui kama amah hmu turin a ti ta a.

A tuk khua a lo var chuan, an intiam lawk ang ngeiin lui kamah chuan an pahnih chuan an inhmu ta a.

Socrates-a chuan eng thu mah a sawi hmain, tlangval chu a ruala lui tui khauh tak mai chu kan ve turin a ti ta a. Tlangval chuan Socrates-a sawi ang chuan lui lam chu a pan ve nghal a. An nghawng chen vel a thuk an dai tawh tihah chuan Socrates-a chuan tlangval chu a lu-ah manin tuiah chuan a hnim ta chiam mai a. Tlangval chu nasa takin a tal a, a ban te chu a vai vak vak bawk a.

Tlangval chuan talchhuah tumin nasa takin a bei a, mahse Socrates-a chu a chak em avangin thawchhama a thih lek lek hma chu a thlah duh lo va.

Socrates-a chuan tlangval chu tui atang chuan a phih chhuak a, tlangval chuan boruak hip tumin nasa takin a thaw hrawk hrawk mai a. Socrates-a chuan tlangval hnenah chuan, “Tui chhunga thaw thei lova i awm lai khan enge I mamawh ber nia I hriat?” tiin a zawt ta a. Tlangval chuan, “Boruak,” tiin a chhang a. Chuveleh Socrates-a chuan tlangval chu a darah a dawma, “Chu chu hlawhtlinna leh finna thuruk chu a ni. Tun loka tui chhunga thaw thei lova i awm laia boruak i mamawh nasat ang bawka Hlawhtlinna hi I mamawh hunah leh, chan tuma khatiang anga nasaa I beih hunah hlawhtlinna leh finna chu I chhuarchhuak ve ngei ang,” tiin a chhang ta a.

A ni khawp mai ti rawh u. Duhna thinlung hi hlawhtlinna kailawn a a rahbi hmasa ber chu a lo ni reng mai! Meialh te tak tein kan thil chhuan a ti so har ang bawk hian, kan duhna thinlung hi a tlemin a nep a nih vaih chuan hlawhtlinna ropui tak kan chang thei dawn lo a lo ni. He hi I hre reng ang u – ‘Duh’ an awm a, ‘Duh Tak Tak’ an awm leh bawk. A duh-a te an hlawhchham vek hunah pawh a duh tak taktu te chuan an chan tur lawmman hmu turin anla bei hram hram thin. Thawhrimna in a thawhchhuah eitur chu a thlumin a puar a rei bik em em a, chu eitur ei tawhte chu harsatna in a ngam loh sipai huaisen ber te chu an ni.

Similar Posts:

Recent Posts:

11 Responses to “Socrates-a leh finna zawng tlangval”

  1. 1
    Saitawk Says:

    Chhiar phawt te’ng!!

    Report this comment

  2. 2
    century child Says:

    Engtinge tui khauh tak nghawng chin thleng2 a an dai theih le? :-) (uang lawk)
    A tha hle mai, infuihna tha tak a ni (Y)

    Report this comment

  3. 3
    renard_curieux Says:

    duh lutukna hi hlawhtlinna atan driving force a ni

    kan duh vakloh/tawkloh hi chuan kan hlawhtling mawh khawp mai, hetiangah hian hlawhtling ngei turin self-motivating (mahni leh mahni inti phur chawp, duh chawp) nih pawh a tul reng a ni

    Report this comment

  4. 4
    sheldon Says:

    Tukchhuah nuam vek u le (L)

    Report this comment

  5. 5
    dustin sampler14 Says:

    @Sheldon, tukchhuah nuam le… Kan mu chauhva kan tho lehnghal alawm maw le :)

    Report this comment

  6. 6
    TuaiSialA Says:

    A tha khawp mai. Tuk chhuah nuam u.

    Report this comment

  7. 7
    Awmtea Leo Khiangte Says:

    Tha lutuk tlat (Y)

    Report this comment

  8. 8
    dustin sampler14 Says:

    Tukchhuah nuam vek ule…

    Report this comment

  9. 9
    Amah Charice_mizo Says:

    Mimal takin Pu Socrates-a hi ka ngaisang hranlo nain, post tha tak a ni :-)

    Report this comment

  10. 10
    dustin sampler14 Says:

    #9, :) :-S thankq

    Report this comment

  11. 11
    funny™ Says:

    Ani khawpmai ti rawh u min ti bawka,
    Ani khawpmai :D :P

    Report this comment

Leave a Reply

You must be logged in to post a comment.