Vawiin chu office-ah thawhpuite nên ṭhiante inneih thlalâk kan en a. Tlangvâl nih ve rùn chuan nula hmêl keu deuh leh hmaifang angel deuh te chu ‘Lawi chal ram ṭha hmu’ ang maiin a en ngun loh theih lo va. Hmêl chukchu deuh ho chu titi pahin kan um-e liam zung zung a, dem ngawt theih pawh kan ni lo. Ka ngaihtuahnaah chuan Mizo lo hmêl ṭhat tawhzia leh pian nalh tawhzia a rawn lang rual ṭhawt a. Ka thawhpuite zîngah chuan “Hmêl ṭha deuh han en hi chuan a thinrim thlâk letling tlat, kan ṭha ve mang si lo va,” ka tih ngawt pek a. Kan thawhpui pakhat chuan “Ngawi teh, hmêl hi a pawimawh ber lo va, nungchang hi a pawimawh ber zâwk alawm,” a ti a. Ka hriat hnu bawk! Ka dam chuang lo. A chhunzawmna erawh ka Amen chiang “Tûnlai nula hmêl ṭha tak tak leh fel tak tak te hian tlangvâl hmel ṭha ngawt an zawng lo va, fel leh innghahna tlâk an zawng tawh zâwk a ni,” a’n tih mai chu(h)! Ka ṭhutna atangin inchi 1 chu ka kâng hrim hrim!
Hmêl chhe tân hi chuan chhuan tùr a vâng a, vanneih châng te chu awm bawk mah se, vanduai châng hi a awm lo thei si lo. Hmeichhia hian hmêl ṭha an zawng ve tho a, chu mai bâkah hmêl ‘pa’ hi an zawng tel lehzêl a. Ka la tla tluang zêl! Eng pawh ni se, tla fo mah ila, tlâk lohna mual chu ka la nei ve ngei ang tiin ka thawhpui thusawi chu Mari iangin ka thinlungah ka vawng ta reng a.
Kan lo changkâng a, sum leh pai kan lo ngah a. Kan inneih lawmna (ceremony) pawh a pui tham ṭhin khawp mai. Mo thuam ringawt pawh hi chhûng tlai chu a ni hrim hrim. Man hlan niah ruai kan buatsaih a. Inneih niah ruai kan buatsaih leh a. Thil dang neuh neuh nên chuan inneih hi rethei fate tân phurrit a tling tawh tak meuh a ni. Mite tih loh dân, a samkhai zâwngin han ti dâwn ila, sawi neuh neuh kan hrât si. Heti ang reng chuan nupui/pasal inneih hi thil hautak tak leh huphurhawm tak a chang zêl ang.
Biak ina kan innei dâwn a nih pawhin chhûngkhat laina leh ṭhian ṭha zualte chauh sâwm ila, ruai buatsaih pawh a ṭûl hran lo. A nih loh pawhin picnic spot emaw restaurant thengthaw nuam deuhah te hian innei ila, a awlsam mai bakah a hautak lo va. Sum leh tha tam tak kan hlêp thei dâwn a ni. Kohhran leh Pathianin min hriatpui a, Pastor kut ngeia kan inkutsuih chuan khawi hmun pawh ni se, a hlutna a dang chuang dâwn em ni? Sâwm kan nih ve loh avanga vui te hi sim hmak chi. Sâwm kan nih loh chuan an tân kan pawimawh tâwk lo emaw, an tân tihsak/thawhsak/hnemhnânna kan nei tlêm tihna a ni mai. Vuina chi a ni hlawl lo. Kan chunga ṭha leh mangan nia kan belh a, ṭanpui kan ngaih huna min ṭanpui ṭhintute chu tu man kan theihnghilh ngai lo.
Inneihna hi a pawimawh; mahse, Mizoten kan hriat sual fo chu, inneihna a pawimawh avanga ropui taka tih bûng bûng tûr emaw kan ti a, a inneia te kha an pawimawh zâwk a ni tih kan theihnghilh fo. Inneihna hi kan chawimawi duh tak tak a nih chuan, nupa an nih hnu-a nupa kawp chawi inlungrual tak, inhmangaih tak, fanau maltluan chawi tûra duhsakna hlan leh an mangan harsat nikhuaa lo ṭanpui a, dâwm kângtu kan nih hi chawimawina dik tak chu a ni zâwk. Ka lâwm e.
Similar Posts:
- Kan inneih dân hi
- Tûnlai Nula/Tlangvâl/Tleirâwl
- Mizo Inneihna
- Aw! Pastor/Pro. Pastor/Missionary/B.D. zir zo leh zirlai tlangvâl-te u…
- Karbi Inneih na ah ka tel ve a.
dik khawp mai
January 8th, 2013 at 9:14 am
Tuk chhuah nuam vek u le!
Report this comment
January 8th, 2013 at 9:30 am
Tuk chhuah nuam vek u le!
Report this comment
January 8th, 2013 at 9:45 am
A ngaihnawm viau mai
Hriat zawng zawng sawm ang deuh chi kha bansan a hun tawh khawp mai.
Report this comment
January 8th, 2013 at 10:48 am
Theoretically achha. Practically arre. Chicks hi chu kan lo lawm tlang vek a ni, Tv. Pathian thu sawi dum dum thing te tiam in
Chhiatni ah pawh chhûngkhat laina leh ṭhian ṭha zualte chauh lo kal ta mai se? Tin nge niang?
Report this comment
January 8th, 2013 at 11:23 am
Chhiatniah te chuan kan sawm kher ngai lo a, thil tha nia kan hriat vangin kan kal mai zawk a ni lo’m ni?
Report this comment
January 8th, 2013 at 11:31 am
Chhiatniah min hria. Thatniah kan hre si lo. Sorry
Report this comment
January 8th, 2013 at 11:33 am
senmami hian min hneh tlat.
Of Weddings and Funerals.
https://senmami.blogspot.in/201.....dings.html
Report this comment
January 8th, 2013 at 12:32 pm
Thatniah pawh kan hre tho lo’m ni leee
Report this comment
January 8th, 2013 at 12:57 pm
Nupui neih chungchangah chuan ngaihdan ka la sawi ngam lo..
Tak takina i ngaihdan chu a pawmawm khawp mai. Chutih rualin, vawikhat pian mana ni ropui berte zinga mi nupui/pasal neih ni hi chu, phak ang tawka ropui ni thei se ka ti; phurrit insiam em em a sum puk chawp/sen erawh a tha lo nangin.
Nimin piah khan ka thawhpui pakhat chuan, nupui a neihna tura Rs. nuai 6 a neihsa thlap tawh thu min hrilh pek a. Hetianga sum sen a nat dawn chuan, bialnu pawh ka la nei ngam reng reng lo..
Report this comment
January 8th, 2013 at 1:02 pm
Nuai 6 em em te chu a…
Awi ka rei Bangladesh
Report this comment
January 8th, 2013 at 2:37 pm
@ Awmtea.. Chu chu alawm, sum sawi tawha, nuai a kai tawh chinah chuan, val hi ka buai nuai tawh thin..
Kan inneih dan tur chu, ka nupui (tur) thu thu a ni mai…
Report this comment
January 8th, 2013 at 2:41 pm
Report this comment
January 8th, 2013 at 4:35 pm
A thlawna min nei duh hi awm mai se
Report this comment
January 8th, 2013 at 4:51 pm
u Awmte, nupui man i neih chuan an awm mai ang
Report this comment
January 8th, 2013 at 7:05 pm
Inneihna hi a hautak emaw ‘tak lo emaw chu thu hran, mi tam tak kan insawm a, lo kala te lah tu an nih pawh kan hriat hleih loh te an ni nawk thin hi tih danglam a tha takzet a ni. Sawm ve loh te kan la vui lehnghal thin phei hi chu zah nachang hriat a tha khawp mai.
Kan ngaih pawimawh tak tak leh tha taka kan lo chiauau theih tur tawk hi sawm ila kawng khatah kan changkang sawt chu a ni mai.
Inneih hi chu hman lai, kan pipute hun lai atang tawh khan a hautak viau reng a. Nupui man pe tla nghal thei pawh an awm ngai mang lo a nih kha. Tun lai huna pawimawh tak erawh chu mahni tlin tawka thil engkim tih ngam kan zir hi a ni.
Report this comment
January 8th, 2013 at 7:23 pm
Hlatekhua comment hi ka support e. Kan inti changkang ta sa sa sap ho tihdan in kan chhungkhat leh thian close tak te chauh nen inneih hun hmang tawh ila, a felfai in senso chu a tlem zawk ngei ang. Mahse mi hausa thenkhat tan han in show na chance lo ni ve bawk sia…hehe
Hmanni ka hmelhriat te innei chu – a mipa lam khan inneih ni a kawr inang laina ho hak atan puanthan 200metres an lei hnawk mai!!
Report this comment
January 8th, 2013 at 7:35 pm
Post-tupa, zam hlek suh. Nang aia hmelchhia nia i hriat, nupui nei ve ngat si an tam khawp ang.
Report this comment
January 8th, 2013 at 7:52 pm
Tak takin inneihna hi a hlu a, chawimawi phu a ni. Mahse, tam takin kan chawimawi tum dan hi a fuh chiah lo deuhin ka hria. A inneia te ni lovin a boruak (huau huau) hi kan tiropui a ang ka ti thin.
Ka sawi anga inneih khi ka chak khawp mai. Mahse, duh ai chuan ka la inpeih si lova, han nei ngawt dawn ila, inthen leh a rem tawh awm si lo
Report this comment
January 8th, 2013 at 9:29 pm
Nuthlawi rai rual zet ka nih ve laia kg 1 zirlai thinte fa ngeiin a-pate min ti fo mai hi chu aw.. Nupui neih lah hi a phurawm tehchiam ai lo.. Te t mgawt ila, nupui tur hmuh hma hawtin….
Report this comment
January 9th, 2013 at 7:48 am
Haha… a hmuh thu-ah chuan duh ni ila, sawi leh duh lo
Report this comment