Thenawm pa paw’n a ngeih!
Khawtlang nunphung leh nitin khawsak dan, kan ram dinhmun aia a san viau laiin, kan ngaih erawh a la sam viau. Thenawm pa damdawi ngeih a nih tawh phawt chuan eng natna nge a vei tih hrechiang tura doctor rawn aiin; an natna tawrh dan rin zawna an han sawi hnuah, thenawm pa paw’n chumi hawng/hnah chhum tui chu a ngeih a sin, tiin rin thuin an han ei/in ngawt a. Vanneihthlak taka dampui te pawh an awm mahna!
Hei erawh sawi ka tum lo. Ignatia’n mi(sual) run chhuahsan zai min rel san a, K’u Chhingtea (Chhingdailova) lah Krismas leh kumthar a hmang bik nge ni, a reh vang vang bawk si. Thriket hrethiam map lo hian an tawngkam ka hriatthiam chhun ka hawh ve ta mai. 
Mi(sual).com-ah hian thuziak ningnel leh fahrah tak tak te tlangzarh ve thinin, mite fakna leh fuihna awka te chu, vawksa leh antam chum pawlh iangin, ka lem duak duak a nih ber hi maw. Hei, a hming chuan mi(sual).com-a ka post 100-na a ni ve ta reng mai. Pathian zara ka dam chuan, out mai ka tum lo, in nghaktute’n (admin) min hnawtchhuak a nih ngawt loh chuan. A nih loh vek leh K’u aduhi tal ka uire-pui tho ang, ka sazu mei dawh dawn reng reng lo.. 
Mi(sual).com hi
Kum 2006(?) vel a ni ta em aw? Aizawl kartin chanchinbu pakhaktah Mi(sual).com leh a neitu kawrthah tlangval Benjamin Rualthanzauva chungchang hi ka chhiar liam puat a. Ka ngaihven zui lem lo. Tin, hunawl apiang nula ka rim thin avang te pawh a ni mahna! 
Tin heti hi a lo ni a. Zirna avangin Mizoram ka chhuahsan ta. Kum 2008 atang chuan zirna bakah tih tur dang ka nei lem lo. Chuvangin, hunawl ka neih phawt chuan mi(sual).com hi ka kawm fo va, comment ka pe ve thei ngai ang tih pawh ka ngaihtuah ngailo; tin ka tum ngai hek lo. A changin MS word-ah ka download nghek a, hunawlah ka chhiar mai thin.
Kum 2010 a her chhuak a. Ka inziaklut ve tan ta. Mahni insit erawh a na khawp mai. January ni 28, 2011 khan ka thuziak pakhat (Hmeichhia leh Uite an ti maw?!) chu tlangzarh a ni ve a. Beisei loh takin mi(sual) bawnra tak tak: Kawlhawk, Krista, Maisek, loneeagle26016, aduhi, Asteric, elcee, Ozima, blackmagicwoman, zualbonez leh mi(sua) dangte’n ka thuziak chungchangah an ngaihdan tlang takin min hrilh a; thu tha tinreng min fah ta mai. Ka va’n phur serh surh tak!
Ka hming hnai-sailo
Ka sawi fo tawh angin, thingtlang khawchhuak tih takah, Doctor nih hi ka chak thin hle a, mahse kan chhungkaw dinhmunin a tlin lo tih erawh chalkawlha pen ang fawkin ka chiang!
Mahse, Pathianin ka tan liau liaua a ruat Veterinary Doctor zirin, hming bulah Dr. ka dah ve theih chinah ka thuziak apiangah Dr. Mahminga Sailo tih ka dah ve mai zel.
Mi(sual).com-a ka inziahluh ve pawh hian hming lem han hman a tulin ka hre ta lem lo va. Tin, ka pa hian chanchinbua thuziaktu thenkhatin an hming tak ziak lang lova, hming lem an dah fo hi tullo a tih thu min hrilh ve fo avangin thu leh hla ka ziaka ka hming ziak danin ka ziak ve ta a ni.
Dr. ka dah avang hian midangte chunga intarlan tumna emaw a ni lo tih ka sawi leh hram e. Chutih rualin, ngamtlaka mi faksel an awm a, an rilru a tinuam lo a nih erawh chuan pawi ka ti. Ama’rawh chu, kum kha leh chen he nihna hlawh chhuak tura ka zir leh ka beihna khan phu ve tho chuan ka inhria. 
Englekhawle
Mi(sual).com hian kawng tam takin hmasawnna min pe a. Ka hriatloh tur thu tha leh fing tak tak ka chhiar nitin a, thian tha tak tak ka chhar phahin; thuziak chungchangah fimkhurna min pein, zirna remchang min pe reng bawk a. Chuvangin, chhuahsan mai ka la tum lo.
Similar Posts:
- Sual tih chu sual leh zualna
- Doctor chianglo leh damdawi phuahchawp!
- Run 50, not out
- Thatna in aw niang…..
- Fimkhur A Va Ngai Ta Em!
January 10th, 2013 at 8:44 am
paws 100 na,ka lawm pui ace
Report this comment
January 10th, 2013 at 8:48 am
A va lawmawm em! Misual.com tan i thuziakte han thehchhuak zel teh khai.
Report this comment
January 10th, 2013 at 9:04 am
Well Done Dr Mahminga,
Hei Ignatia nen chuan DOCTOR tih kan la dah ve thei reng reng hleinem mawle…Dr Mahminga(Panlai Nun Specialist) i ti thin dawn nia. Dah thei ve ngat ila chu Dr Chhingdailova ka ti ngat ang mawle…
Masi leh Kum thar ka hman em m vang pawh a ni lo, kan in bul an lai a, a khu in a beng chheng lutuk a, chawhrual hian Vaivut thum khat hi bar reng ang kan ni a, generator pawm bet ang reng kan ni… idea pawh a awm thei lo vaivutin a khuh khat vek a ni e…..
Report this comment
January 10th, 2013 at 9:16 am
Mahminga lawmpui nan
I lo post tam ta hle mai. Ka lawmpui che. Thu ziah hi a har ka tia, nang erawh i thiam a i ziak zung zung a, i thuziak te kan hlimpui tlang khawp in ka hria.
Rawn ziak zel teh. Ignatia tlanchhia, lrpa biru bawk, nang chu ti ve duh miah suh.
Report this comment
January 10th, 2013 at 9:35 am
Report this comment
January 10th, 2013 at 9:48 am
Ka va lawmpui che ve
Kha, hei hi cheers
Report this comment
January 10th, 2013 at 4:08 pm
Turu ve. Congrats! A lawm nan nilum I ai dun teh ang.
Report this comment
January 10th, 2013 at 4:25 pm
A post-tupa pawh hi maw… khaw nge maw a bihruk le?
Report this comment
January 10th, 2013 at 5:34 pm
I va’n tilawmawm tak em! Kha, lo in khulh khulh phawt teh u..
Kum a thar a, Dog show avangin ka buai ta phian alawm maw le…
Ka hman tep a nia… 
Report this comment
January 11th, 2013 at 2:52 am
Thinlung takin ka lawmpui a che.
Han tang sauh sauh rawh khai.
tren tren
Report this comment
January 11th, 2013 at 4:50 pm
Ekhai, post i va ngah bik ve! Ka profile ka’n en ve chhin a, post 41 chiah kei chu ka la nei.
Benjamin-a i rawn sawi chhuah takah chuan tunlai hi a rawn in lar leh a, mahse tam tak chuan a nick pawh an hre lovang. Post thenkhat comment-ah phei chuan Mi(sual) hi amah aiin an inti tatu zawk thin.
Report this comment
January 11th, 2013 at 5:16 pm
@ K’u Chhuaklinga.., in mi fuihna hlu tak hi ka tangkaipui thin teh a nia..
@ Tetea.. Nia ti raw, Unlce Bena zarzovin, hmelhriat leh thian tha tak tak kan chhar a, a lawmawm ngawt mai..
Report this comment