Isua angchhunga zuan luh (Chhiar Ngei Ngei Ang Che):

January 11th, 2013 1:00 am by dustin sampler14

Kristian chhungkua atanga sei lian ni lo, Pathian thu zirtirna dawng ngai miah lo tlangval pakhat hi a awm a. Tlangval inthazo leh pian thiam tak a ni a, tui hleuh thiam tak a ni bawk. Chhungkaw mumal lo tak atanga chawrchhuak anih avangin Lal Isua chanchin chu a thiante hnen atangin hre fo thin mahse, atan chuan tui hleuh aia tangkai a awm lo.

Olympics diver nih ngei tumin nitin- zantin urhsun takin tui hleuh a zir thin a. A thiante zawng zawng inkhawm tura biakin a an kal chang pawh hian a ni chuan a zui ve duh ngai lova, mahse a thinlung chhungril takah erawh chuan hlauhthawn rukna a nei a.

Zan khat chu chu tlangval chuan an college indoor pool-ah tui hleuh zir turin zan dang ang bawkin a kal leh a.

Mahse, chu room-ah chuan eng a lo awm lo hlauh mai a. Mahse, pool erawh a chhunglam rawng hnawih anih avangin thla eng zan a nih bawk avangin a lang thei tho a. Tin, room dang engin a rawn chhun bawk avangin, tui chen chu a theih tho ringin tui cheng tur chuan a inpuahchah tho ta a.

Tlangval chu diving board sang berah chuan lawn chhovin tui chu a hnungchhawn a. Tuiah chuan zuan tumin a ban pahnih chu phar kan tumin a la kang a, chutia a ban a lak kan lai tak chuan a hmaa bangah chuan a hlim chu Kraws ang chiahin ava hmu ta a.

Thawkleh khatah a thinlung chu tihdanglamin a awm nghal a. A thingthi a Pathian hnenah a tawngtai ta a.

Chutia chu tlangval chu a thingthit lai chuan, room enkawltu pakhat hi a rawn lut a. Room chhunga eng ho chu a rawn hmet eng ta a.

Tlangvalin chen a tumna pool chu siamthat an tum lai mek niin, a tui te chu an paih kam vek lai hi a lo ni a.

(A thuchah hi zawngchhuak ula zawm ngei ngei ang che u. A bak chu ka ziak peih tawh lo mai thei a nia)

10 Responses to “Isua angchhunga zuan luh (Chhiar Ngei Ngei Ang Che):”

1
Chhuaklinga Says:
January 11th, 2013 at 3:01 am
Ka chhiar ang a, ka mu ang. Kan biakin sanapui pawhin dar thum a khawng ta vul vul mai.

tren tren

Report this comment
2
Chhuaklinga Says:
January 11th, 2013 at 3:12 am
Lalpan a chhiartu zawng zawngte tan malsawm rawh se.

Post-tupa rawn ti tang tang rawh, peih vanga tih a tih loh mai maiin Pathian rawng hi bawl loh tur a nia.

Misual online ka hriatah chuan a la tlem ber awm e. PAKHAT chiah mawle

Mu ve daih ang.

tren tren

Report this comment
3
TuaiSialA Says:
January 11th, 2013 at 3:20 am
Tukchhuah nuam vek ule…

Report this comment
4
H.Vangchhia Says:
January 11th, 2013 at 3:35 am
A thupui a hung-hnan (bracket) chhung ami vang khian ka chhiar lo tawp nang chuan. ! hairehai (fiamthu)

A ngaihnawm khawp mai

…ṭhenkhat tan chhunṭha, a then tan mangṭha ule

Report this comment
5
Hotunu_pasal Says:
January 11th, 2013 at 6:44 am
Tha kher mai ! A chhiartu chhunzawm turin i dah thiam kher mai. I paws chin zawng pawh ngaihnawm tak a ni. Ka suangtuahna a ka chhunzawmna pawh a ngaihnawmin lung a kuai khawp mai.

Report this comment
6
Dr Mahminga Sailo Says:
January 11th, 2013 at 7:24 am
Post tawifel tak, zirtir tha tak nei si a nih hi.. Chhunzawm zel teh…

Report this comment
7
Awmtea Leo Khiangte Says:
January 11th, 2013 at 8:56 am
Chhiar dawn ang. Tuk chhuah nuam vek ule.

Report this comment
8
dustin sampler14 Says:
January 11th, 2013 at 10:29 am
@Chhuaklinga, hehehe… Tan tha nat vang mai mai a ni
@H.Vangchhia, hehehe… Hrilhlawkna atanga ka dawn chu ni hauh lo mahse, a thupui atang khian miin sarmawn tak run emaw an ti ang tih ka hlau em alawm

Report this comment
9
Maisek Says:
January 11th, 2013 at 7:26 pm
tha hle mai..

Report this comment
10
H.Vangchhia Says:
January 11th, 2013 at 7:27 pm
#8

Report this comment