«
»

Ka ‘Arsenal’ Kha

January 15th, 2013 9:00 pm by Dr Mahminga Sailo

EPL = En Peih Lo!
Tuina zawng te te hi kan nei fir fer a. Mizo thalai tam zawkin English Premiere League an ngaisang a; EPL chanchinthar hre vak lem lo phei chu rualpawl lo te pawh kan ang fo. Thingtlang pa thenkhat ang deuhin World Cup ka ngaihlu hle na’ngin, EPL erawh ka en khat khawp mai! Chuvangin, ka lennaa EPL an lo en thap tawh hi chuan kei paw’n ka EPL(En Peih Lo) fo thin. Football khelh hrim hrim hi chu nuam ka ti ve reng, goal sawmpakhat lai chhuah tawh ngat ka ni. :-D

Laipui
Arsenal club a awm a, an club-a lar ber leh inkhelh chungchanga thu ber pawh Arsene tih hming tel ngat a ni, an ti. Arsenal club an chet that changin Laipui a puak an ti a, hnehna an chan loh chang erawh chuan laipui a tlawlh an ti thin emaw ni?! Hei zawng hi Football lama Arsenal ka hriat chhun a ni e. Ka sawi peih tawh lo. ;-)

Ka Arsenal
Kei pawh hian Arsenal ka nei ve thin. Mizo tlangval tam tak khi Arsenal model an nih ngei ka ring! Nia, Aizawl bazaar atanga ka lei Arsenal chuang ngat kekawrte kha ka ha nasa thin a sin. Kha Arsenal kekawrte kha ka theihnghilh thei tawh lo.

Lei tirh atanga thla hnih vel thleng khan a elastic a mar tha khawp thin a; a hlai tha help hlawp bawk nen, hak a nuam. Hun a’n vei deuh chuan elastic tlang a’n chuar tan a, mahni kawng tawk chiah ni thin kha a thawl ta.

Laipui repair ang…
Kei hi ka awmna apiangah hriau leh khawlla ka kawl chawt thin a. Ka thawmhnaw hak lai ka duh thu a sam loh chuan, ka thiam tawkin ka thui danglam fo.

Khatia ka laipui haklai ka thawl takah chuan hmalak dan tur zawn mai a ngai ta. Ka laipui sir tawn tawn chu hriau leh khawlla hmangin ka tawk awm tur velah ka’n thui tawp mai zel a. Thla 2/3 vel chu elastic chuar lem lovin ka ha leh mai thin. Vawi hnih zet a tight tur zawnga ka extend hnuah chuan, laipui kawng elastic fan theih chin a tawp ta thin a. Khatiang hun a thlen tawh chuan, ui takin laipui ka hluihlawn thin. :-)

Tunah chuan…
Laipui chuang kekawrte lei tur ka hmuh tawh loh avangin Mumbai ka zin tuma CK (Calvin Klein) chuang ngat ka lei te, Thrissur bazaar atanga Macho tih chuang ngat ka lei te leh hming dang chuang hain, hetiang kekawrte ka ha tih midangte hraitpui miah si lovin, ka CK awt awt thin. :-D

Mi(sual) mipa zinga, ARSENAL chuang kekawrte ha tawh zawng inpuang r’u. ACKOA (Arsenal Chuang Kekawrte Owner Association) kan din dawn nia… :-P :-D

Similar Posts:

Recent Posts:

This entry was posted on Tuesday, January 15th, 2013 at 9:00 pm and is filed under HAHAHA, Lifestyle. You can follow any responses to this entry through the RSS 2.0 feed. You can leave a response, or trackback from your own site.

18 Responses to “Ka ‘Arsenal’ Kha”

  1. 1
    chhana Says:
    January 15th, 2013 at 9:08 pm

    Avvin tha chiang

    Report this comment

  2. 2
    sheldon Says:
    January 15th, 2013 at 9:31 pm

    Haha.. Mahminga, Arsenal chuang kher kekawrte i lo hak thin vang anih chu tun thlenga i la buai i la buai! Manchester United kekawrte ha la chu in luck dawn vei nen…lolz

    Report this comment

  3. 3
    TuaiSialA Says:
    January 15th, 2013 at 9:57 pm

    Manchester United kekawrte ka zawng thin a, a vâng duh thin khawp mai. A awm chhun lah lian deuh deuh te hi a ni hlawm sia, chuti fakauva lian fun tur ka nei mang bawk si lãw. Arsenal kekawrte chu pakhat ka ha ve tawh. A lastic rul dan leh thui tët dan vel i ziah khi a mitthla theih!

    Report this comment

  4. 4
    Dr Mahminga Sailo Says:
    January 15th, 2013 at 10:17 pm

    @ Sheldon.. Tuaitea sawi ang khian manchetar kekawrte hi a vang lutuk a, chah dan zawn a tul a ni… :-D
    @ TuaiSiala… Association member ka hriat belh ta phawt che… :-P
    Ti daih ila, kekawrte thawl haa tui chen hi a hrehawm hmel ka ti.. (H)

    Report this comment

  5. 5
    sheldon Says:
    January 15th, 2013 at 10:37 pm

    Haha..Tuaitea leh Mahminga mai mai chuh (H)

    Report this comment

  6. 6
    funny™ Says:
    January 15th, 2013 at 10:59 pm

    Kekawrte ha lo hian ka survive rei ve ta khawpmai. pincnic vela tui chen dawn pawhin kekawr bul zuih deuh, engemaw lang mai mai theilo tur ka la ha talh thin kekawrte aiah. :-D

    Delhi khaw lum lutuka ka awm zawk lai vel atang khan ka ha peihlo ni ta in ka hria. Mizorama ka haw hi chuan kanu hian ka kekawrte hak tur hi alo lei lawk diam thin, hak ngei ngei angai anih loh chuan ka zui peih chuang hleilova. :P

    Report this comment

  7. 7
    lr hlonchhing Says:
    January 15th, 2013 at 11:06 pm

    Kei pawh ka ha tawh thin, ka la ha zel dawn :-P Arsenal fans ruhkawl tan chuan hak loh ngam chi pawh a ni lo :-O

    Report this comment

  8. 8
    Jacka Pi Says:
    January 15th, 2013 at 11:08 pm

    Kur kur kur!!!! :-D

    Report this comment

  9. 9
    zualbonez Says:
    January 16th, 2013 at 12:21 am

    # 6 hey funny..insum teh….naktuk zingah i inchhir ange, comment huai lutuk :-O

    Report this comment

  10. 10
    funny™ Says:
    January 16th, 2013 at 12:35 am

    Gay zone ah i awm amawnile hetiang comment te lutuk han tih. hahaha :P

    Report this comment

  11. 11
    zualbonez Says:
    January 16th, 2013 at 12:39 am

    naktuk zingah naktuka zingah… :-P

    Report this comment

  12. 12
    chhangteval Says:
    January 16th, 2013 at 1:48 am

    Arsenal kekawrte hi chu ka dam chhunga ka neih loh tur :-P

    Report this comment

  13. 13
    caribou Says:
    January 16th, 2013 at 2:11 am

    Archhenal aka Chhesenal Club atangin kekawrte ah min luhpui daih. Ziak thiam bik thin mang e.

    Report this comment

  14. 14
    Awmtea Leo Khiangte Says:
    January 16th, 2013 at 8:05 am

    Rin loh lam deuha min keuh thluk chu le. Arsenal hi ka la ha ve ngai lo, zawn ve tur a nih hi. :-D

    Report this comment

  15. 15
    Candelas Says:
    January 16th, 2013 at 8:39 am

    Chelsea kekawrte thui thar ka rawn thawn ang che. :-D

    Report this comment

  16. 16
    Dr Mahminga Sailo Says:
    January 16th, 2013 at 9:03 am

    @. funny™… Kei pawh, kekawrte ringawt haa han inthehthil vel hi ka ngam der lo nia.. (H)

    @ Candelas… Engatinge Arsenal chiah hian Mizoramah advertisement an tih niang le? Club dang sumdawnna hi an dal nge ni ang… :-P Chelsea kekawrte chu a sewksi phian chuan ka duh a nia.. :-D

    Tichuan, Pathian ni a kekawrte hak bik, chhass rim dawna hak tur bik te hi in nei hrang thliah hlawm lo maw? :-D

    Report this comment

  17. 17
    Hotunu_pasal Says:
    January 16th, 2013 at 9:48 am

    EPL- En Peih Lo. Ka duh lutuk ! Arsenal kekawrte ni lo, Man. United kekawrte ka duh e. (Y)

    Report this comment

  18. 18
    ZerO Says:
    January 18th, 2013 at 8:55 am

    He post hi sandman an a ei lo an ti. . :-P

    Report this comment

Leave a Reply

You must be logged in to post a comment.