Hmanah a nupui a thi tawh a. A nupui chuan a thih hmain a taksa peng ṭha lai laite chu, midang mamawhte tan a pe lawk (donate) sa thlap a ni. (Hetia taksa donate duhte hian an drivers license ah chuan tirin emaw, ziakin felfai takin an lo dah ṭhin a ni). A thihsan ta mai chu a tuar thiam lo em em mai a, kum tam a vei hnu pawhin, ṭhian ang bakin hmeichhe dang reng reng a en thei lo.
Chutiang chuan kum engemaw zat a liam hnu chuan nu pakhat, kawngpui a rawn kal peltu chuan a mit ala em em mai a, a ngaihna pawh a hre lo. Tunge a nih pawh a hriat loh, biak pawh a biak loh chu a rilruah chuan a awm ta fo mai a ni.
A hnu, ni engemaw zat a liam hnu chuan, police-in (uniform ha lo) taxi hmangin misual an rawn um ta a. Police chuanna ding hrawih aṭang chuan police ho chu rawn zuang chhuakin misual ho chu silai-in an tin ṭhap mai a ni. Taxi driver hmeichhia pawh chuan, “tunge taxi chuan man $10 min pe dawn che u,” tiin, taxi aṭang a lo chhuakin a dil zui bawk a. Hetih lai hian hman a nupui mual liamsan tak kha an kiang hnaiah chuan a awm remchan lai tak a ni hlauh!
Taxi driver lam chu pan pheiin, hnai chit chetah a thlek ta veng veng mai a. A ban-puam dinglamah chuanni zat, kum zat leh thlazat tattoo a hmu a. A han enchian chuan, mak tih hmel takin, phawk hra chuan a tattoo chhut awmzia a zawt ka chawt mai a ni. Chu taxi khalhtu, mak ti tak chuan, “Ka pian nawn leh ni a nih hi. Ka mit a del hman tawh a, nu pakhat thita chuan a mit min pek a zarah tihian khua hmu leh theiin, mahniin ka kal leh thei ta a nih hi. Khanu thlarau kha thlamuang takin chawl mawlh rawh se,” a ti ta a.
Nupui sun tawh chuan, mit petu (donate tu) hming a’n zawt ta rawih mai a. Ani chuan, a petu hming an sawi meuh chuan chu pa biangah chuan mittui dan rual loh a lo kuai thla ta ngiah ngiah mai a…”ka nupui, ka ngaih em em anih chu…” zawi sap a tiin, chu taxi driver nen chuan mittui tla phiang chuan an chal insi-in an ṭap dun ta fap fap a ni. Nupui sun tawh chuan, taxi khalhtu, Maria mittui luang chu a kutin an hru a, hmuhnawm tiin leh, ngai ngawih ngawih tih hriat tak mai chuan a thlek ta veng veng mai a nih chu.
He thawnthu hi nizan TV series pakhat, MONK tih a mi a ni. A changtupa, Anthony Marcus “Tony” Shalhoub, Lebanese American pa part lak nen a inmil lutuk a, ngaihtuah a tithui ka ti em mai a, ka rawn share ve che u a ni e.
Similar Posts:
- Taxi Driver Kulikawn-ah Hliam tuara chhar a Boral
- Taxi leh Driver Bo
- Call Girl Part – II
- Pafa inbarakhaih
- I lo hre tawh em?
January 16th, 2013 at 5:12 pm
Yes Yes story 1 ngaihnawm tak ani e
Report this comment
January 16th, 2013 at 5:27 pm
Ngaihnawm lungkuai hle mai, tha lutuk
Report this comment
January 16th, 2013 at 5:34 pm
A ngaihnawmin a lungkuai hle mai. Taksa peng donate hi ava lo tha ve a, intihlarna mai mai emaw ka lo tia, chutia mitdel te hialin an hmuh theih phah dawn anih chuan…
Report this comment
January 16th, 2013 at 5:55 pm
Report this comment
January 16th, 2013 at 6:37 pm
Rilru a khawih
Report this comment
January 16th, 2013 at 6:42 pm
PKfanai #3, Organ donate hi a ṭangkai lutuk a lawm. An indaih lo a ni ber. Ram ṭhenkhatah phei chuan phalna lo pawhin a rukin an hralh ṭhin kha. Europe lamin an tihdan ka hre lova, mahse US ah chuan lehkha a ziak a dahsa-in emaw, an drivers license-ah emaw chhinchhiahna, lung (heart) lem a chuang kalh ṭhin. Accident an awmte hian, organ donor an nih chuan, thi tawh pawh nise, rang takin damdawiin an panpui nghal a, an thlenpui hma chuan CPR pek char char an ni…an organ ten oxygen nei a, an thih lohna tur a ni.
Report this comment
January 16th, 2013 at 7:05 pm
6.Hv
Thih tawh hnua tisa hal/tawih ral mai mai turin la dam laite tana chuti taka thil tha leh malsawmna a thlen theih chuan, damlai ngeia thisen hlu tak pe phal thin tan chuan pek phal lohna chhan tur reng ka hre lo mai. Ngaihtuahna thar min siam e.
Report this comment
January 16th, 2013 at 7:11 pm
A va ngaihnawm tak em! Kei pawh ka mit chu donate mai theih turin ka inziak lut va tawh.
Report this comment
January 16th, 2013 at 7:17 pm
PKfanai #7
Awmte #8
Report this comment
January 16th, 2013 at 8:05 pm
Ngaihnawm khawp mai, mi taksa donate lo chang tute leh a donate tute mizia hi a in ang duh tihte a awm nual a tak2 ni maw.
Report this comment
January 16th, 2013 at 8:42 pm
#10 a inkungkaih tam loh hmel mang e.
Report this comment
January 16th, 2013 at 9:25 pm
Morantic hmel reuh ve..
Report this comment
January 16th, 2013 at 9:33 pm
morantic tih tawngkam hi 1995 kuma ka invent anih hi…lo hmang vak2 suuuu
Report this comment
January 16th, 2013 at 9:50 pm
zualbon #13 1980’s ah Shillong kan awm laiin Mizo hovin kan hmang thlip thlep tawh. Tu uar chhuah nge chu ka hre lo. hairehai
Report this comment
January 16th, 2013 at 9:54 pm
@ HV..i mumang anih chu hairehai….silai pawh hi kan invetn ti law2 teh
Report this comment
January 16th, 2013 at 10:04 pm
#15 invent ka nei lo.
Report this comment
January 17th, 2013 at 8:59 am
Ka donate ve ngei khan ka hria a card emaw engmah ka nei bawk si lo a chianloh theih ngei mai. Ka pu khan a donate a nikum a boral khan an rawn la a ka chhuang khawp mai. Thisen pek nen hian ka ui ngai loh thil ani.
Khi pa ang khian kan nu mitmeng hi midang mit ah vuah ve se ka hre hrang nalh nalh in ka ring..mawi miau hek..
Report this comment
January 17th, 2013 at 9:26 am
A ngaihnawm lungrun hle mai..
Report this comment
January 17th, 2013 at 9:29 am
Lamji #17, a awihawm chiah lo nangin a thawnthu a ti ngaihnawm vei riau asin
Report this comment
January 17th, 2013 at 3:45 pm
Thawnthu mai mah nise a zirtir a tha hle mai.
@19, nia hetiang taksa peng donate dawngtute hian tu donate nge tih kha an hriat phal a ni lo lo maw..
tren tren
Report this comment
January 18th, 2013 at 9:18 pm
“Taxi driver hmeichhia pawh chuan, “tunge taxi chuan man $10 min pe dawn che u,” tiin, taxi aṭang a lo chhuakin a dil zui bawk a”
$$$ hmang ve ngailo leh hum ve ngailo tan chuan a ngaihnawm lemlo mange
Report this comment
January 18th, 2013 at 9:30 pm
Ropui viau …Bank account min donate tur te pawh hi amw bawk se
Report this comment