Tum khat chu viva voce kan neia. Kan course instructor chuan Mizoramah class system (social stratification chi khat) kan neih leh neihloh min zawt mauh maia. Kan neihloh thu leh tribal kan nih anga mitin inpawh taka kan chenho vek theih thu leh class hrang hrang anga kan inthliarhran veloh thuin ka chhanga. A ringhlel deuhva. Chal chuar deuh tap hian, “Anih leh mi hausa leh rethei deuh pawh an inneih pawlh vek tho amaw?” a’n ti leh hauva. Kei chuan thahnemngai tak hian ,”Tehreng mai……an inhmangaih phawt te chuan…..” ka lo ti leh zung zunga.
Ama’rawhchu, tunlai context-in ka’n ngaihtuaha, ka chiang ngam ta hauh lo mai. Kan incheina, ei leh in, kan thil tih duhzawng leh kan thil neih hrim hrim hian kawng tam takah kan nihna leh kan thian kawmturte a hrila. Kan in leh lo leh khawsak phung azirin thenrual leh laina pawh kan zawng ta deuh niin a lang. Kan fate sikul kalna atanga kan Biakin lawina thleng hian khawtlanga kan dinhmun ava hril ta em!
Vai society-a an inthliar ang em chuan kan inthliar lo pawh ani mahna, mahse keimahni pual tehna leh inthliarna hrang hrang hi kan nei ve nual tho mai. Changkang leh thing, pawlchhuak leh ziding, neinung leh rethei, hmeltha leh hmelchhia, ngo leh hang, lehkhathiam leh thiamlo, thingtlangmi leh khawpui mi, sikul tha chhuak leh sikul chhe chhuak, sawrkar hnathawk leh kuthnathawk, chhim mi leh hmar mi adt.,
Aizawla mi neinung tak fapa lehkhathiam, hmeltha, hlawh sang, rokhawmtu tur, mizo aia saptawng hnehsawh mai bakah foreign kal- car manto khalh- branded bun- party ngaina- vodka in- jazz leh rock atchilh- twitter account nei hian chhim tawp thingtlang khuaa nula hmeltha, taima, fel, kohhran leh khawtlanga inhmang, Bible chhiar- khawhar in kal- lo vat- puantah- inchhung chet thiam- lehkhathiam lem lo-ramdang hmulo- bawptawi- sahdah hmuam hi nupui atan neih enah pawh a en kher ang em?, a chhungte ngei ngei pawhin mo atan an duh angem?. Hei hi entirna pakhat mai chauh a ni.
Nge ni a, hmanni lawk atanga ziak leh chhiar lo thiam ve khan hnam changkang leh upa zawkte tihdan hlimthla engah a lem lemin kan lo inthliar ve mai mai zawk?
Similar Posts:
- Mizoram chhim lam a thim thuap mai.!
- Hmeltha hi an va hlu tak!
- Mizo Day 2010 Amerika lamah
- Zei Book – Part 1
- Raltiang i kai ve ang u
January 25th, 2013 at 10:20 am
Anih chuan tuna class hrang hrang kan neihte nia lang chu- clergy, educated, bureaucrats, highly-employed, traders, specialists, political, low-income, cultivators, aristocrats*, outlaws/refugees, labour, self-employed, jobless, criminals, BPL lolz
Report this comment
January 25th, 2013 at 11:50 am
Soundtrack:
https://www.youtube.com/watch?v=UC1vjyng1J4
Report this comment
January 25th, 2013 at 12:32 pm
Societal classification hi music lam hian chuan a siam vak lem lova classless a siam zawk mah, chuti lovah chuan musical maturity an tih mai chu a awm viau mai. Chumi chuan class a siam vak pawn a lang lova taste a ni zawk mah. jazz hi ti hian an sawi thin, If you don’t like jazz, come back in 10 years with a bottle of red wine. Maybe then you will have enough experience in life to understand jazz. It takes maturity to listen to jazz.
Class nilovin musical maturity a kawk zaw mah awm e. Class inthenna ang zawng chuan a kal vak lo….
Report this comment
January 25th, 2013 at 12:46 pm
Music differentiates age groups and musical maturity levels not economic or social standings…support to the above
Report this comment
January 25th, 2013 at 1:28 pm
Generally speaking, music hi social class category siamtu ani lo tih chu kan hre vek awm e, sociological perspective atang phei chuan a ni lo hulhual. Mahse mizote bik zingah, inla class leh inla taste sang te tuipui zawng leh mi rethei bakberh ve takte interest inanlohzia sawilan nan ka rawn hmang mai a ni. Mizoten rimawi kan ngaihhlut zia ngaihtuah pawhin a awmlo lemlo. Musical class emaw zaithiam class emaw ka rawn sawitel ve hauhloh khi. Professional singers hlawh tha tak takte erawh high-income group ah an tel thei mahna.
Report this comment
January 25th, 2013 at 4:29 pm
INLA tih khi i ti tel a, an music taste kha jazz a nih a sanga i hmuh vang mai2 a ni lo maw?
Entirna atan a hman loh tawp tur i hmang a nih hmel zawk. Music taste hi cu hausak retheih lam ai mahin music ngaihthlak hnem avanga awm a ni zawk mah awm a sin. Jazz music ngaithla la chuta tang chuan genre chi hrang2 a khaikhom dan i hmu zawk ang. Classless a ni zawk e. Tin, i rawn sawi ho dang a khi materialism base deuh vek in class i then a materialist lo deuh2 hi an tam a chumi mind set atanga class then ngawt chu a universal lo thei viau a nia 
Report this comment
January 25th, 2013 at 4:37 pm
Kan high school kal lai khan ti ve khanglang ila, Heavy metal leh rock music kha Ka ngaithla nasa thei lutuk, Judas Priest, Metallica, megadeth, Iron maiden, Manowar etc etc cassette hlir anih vang khan cassette player kha vawi 3 chu a head Kan thlak tir, a lo ei ral ve thei kha niin. Chumi hnu ah Compact Disc (CD) a rawn chhuak leh a, a ri kha a lo fiah tha em em mai leh pek a, ring mangkheng in ka ngaithla nasa leh ngang mai. Hun a lo kal zel a, hei tuna mi vel nasa ber tu chu “Min hruaila Ka zui ang che”, “Nitin Lalpa”, “our GOD is an awesome GOD” tih te hi an ni ta daih mai, eng class nge Ka nih pawh Ka hre lo. Pathian thu atang hian music ngaih thlak duh zawng Te hi a in thlak vek zel thei mai. Pathian hla ngaih thlak Ganga class Hrima
Report this comment
January 25th, 2013 at 4:47 pm
A chunga comment sentence tawp na chu mini ipad atangin rawn comment a, ziah tum pawh a diklo zo ta vek mai, ziak tha leh ange
Pathian hla ngaih thlak vanga class hniam ber nih tur ni ta se, Ka thlang e chumi class hniam ber ngei mai chu
Report this comment
January 25th, 2013 at 5:46 pm
Malsta, Marxist theory i hre ve nil nial nge social class concept hi i manlo hrim hrim zawk chu ka hre lova, tunah class hrang hrangah kan inthen ta emaw ni chu aw tih theih turin evidence hrang hrang a awm ta tih kan rawn tarlanga, nang lah chuan khawvel khawi hmun maha thleng theilo tura ngaih ‘classless (society)’ i rawn sawi pawr viau thunga!
Music- Jazz whatever i’n mi a thliar ka ti hauhlo, mahse music siamtu chu mihringte bawk kannih avangin keimahni kan inthliar thin mai zawk a ni. Entirnan, Europe leh American society ah chuan Piano hi middle leh upper class zingah a lar em em, hmeichhia piano play thiam chu nupui atan an duh lehzual. Tin materialism hi tehkhawng bul ber nilo mahse kan social status chu kan income, assets, property, power and influence etc ten an define thin, not my fault, he2. Inhnialna awmze neiloah min hnuklut suh. A issue pawiawh zawk kan thelh dawn tlat.
Maawma, a hmalam comments i chhiar chianglo ami aw
Report this comment
January 25th, 2013 at 6:05 pm
Ni mai thei
Report this comment
January 25th, 2013 at 6:24 pm
mizo zingah class inthenna a awm tih hi chu phat rual a niin ka hre lo. Amaherawh chu Hindu society angin caste erawh chu a awm lo. Class kan inthen dan hi neinung leh neinung lo inkar a ni deuh hlek in a lang. Vairengte pel thei chin, North-east pel thei chin leh India ram vansang atang thlir pha vang vang thei te a; behlawi bai, bal bai hmeh leh chicken chilli sauce, tandoori tih vel ei thei chi ten, a ni ta deuh berin ka hria….barbeque awmze hre pha leh pha lo te….
Report this comment
January 25th, 2013 at 6:44 pm
Schmooze, i rawn sawi awmzia chu ka pa chu loneitu rethei ve tak a ni a, mahse kan chhungkua erawh kan intodelh ve hram hram thung. Tichuan kan sum khawlsa hmangin Northeast pelin phaiah lehkha ka zira, thlawhnaah te pawh ka chuang ve ngei mai. Restaurent changkang tak takah barbecued food, chilli sauce etc te ka ei vela, club lar tak takah jazz leh slow rock milin ka lam vela, chawlh alo nih chuan kan in chhete ah bawk ka haw leha.
Zawhna: Anih leh phaia ka awm vang chuan ka pa social status chu alo sang ta sawt em?
Phaia ka awm vang khan loneitu class atang high class ah ka inhlangkai ta tihna a ni em?
Report this comment
January 25th, 2013 at 8:07 pm
Hahahahaha marxist theory chu kan han sawi vak mai dawn mi inchhiar chawpin
. Class i rawn sawi hova khi chu community a group insiam dan thlir a a component mai a chauh a ni a, class han tih em2 tur chi a ni lem lova tin lom le. Hetianga hi chu khawvel hmun tin leh society a awm tawh hlekna a awm tur ang chi a nia lawm. Class system han tih dawn chuan inthenna felfai tak untouchable te awmna tur thleng zawk tur a ni a, i soi ang chi hova khi chu class ni lem lovin, group a ni zawk mah a lawm.
Inneih tihah hi chuan, hmeichhia chauh pawh ni tawhlo mipa thenkhat te pawhin a security kawng hrang2 a materialistic view a living standard an keep mtheihna tur a nupui/pasal an neihna hun a nih tawh avangin class a inthen angin a lang chauh mai a la ni zawk e.
Report this comment
January 25th, 2013 at 8:17 pm
edit thei loh chu le, classless kan sawi a khi chu entirnan jazz i rawn hmanga, jazz in a scale chi hrang2 chromatic thlenga a hman vek avang zawk hian jazz ah chuan classless ang zawkin a kal tihna mai a ni e.
Report this comment
January 25th, 2013 at 9:55 pm
Amah Charice_mizo…. “Class Society” a zira zir nangni ang te leh mawl mang taka mahni hriatthiam dana han puah chhuah pui ve pawp te thlir dan leh hriatthiam dan chu a inang lo hle ang. Ram dangte angin inthenna rin a chian loh em avangin, tam tak chu mahni in hmuh dan ah a inngat thei awm e. A hmasa in I pa loneitu a nih avanga a class I dah hniam hi chu pawi ka ti khawp mai, entirna mai mai pawh lo ni ta se. Loneitute hi hmusit reng reng tur an ni lo!! Chuvang chuan phaiah I awm theih avang khan I pa social status chu a sang sawtah I ngai em? Fate phaia dah thei? I inhmuh danah a chhanna chu innghat teh mai se…..
Report this comment
January 25th, 2013 at 10:12 pm
Malsta, khawvel hmuntinah a awm kan ti taknain keini ang tribal society ah chuan class hrang hrang anga inthen hi a rem chiahlohna lai a awm, chuvangin inthen viau angin lang mah ila kan khawtlang nun erawh kan la intawm tlang viau chu anih hi. Entirnan, kan ram hruaitu leh politician hlun tak tak zingah thingtlanga kilkhawr tak taka chhungte nei an tam ang. Chuan untouchables te hi class anni loa, heng tunlaia Dalits kan tih, Hindu caste system-a a hnuaihnung berte an ni, Scheduled caste category ah an awm. Class system chu i rawn sawi ang khian materialism, culture, lifestlye etc vanga awm a ni a, chutiang inang intawm tlang group te chu class khatah an awm mai a ni.
Schoomze, loneitu hmusit lo e, class chungchangah hian kan confuse deuh tlangpuiin ka hriaa, i comment behchhanin zawhna ka rawn siam mai mai anih kha. I chhan theihloh chuan a pawilo e
Report this comment
January 25th, 2013 at 11:01 pm
Amah Charice_mizo….Class chungchangah chuan a zirmi te chu an confuse ka ring lo, mahse Mizoram bikah chuan ramdangte nen a in an loh avangin a tehfung mi zawng zawng pawmtlan hman tur pawh kan nei hran lo a ang. Tichuan, I zawhna chu ka chhanna ah I lungawi hran lo a ang khawp mai a, a tehfung chiang tak hman tur kan neih hran loh avangin a tehtu ah nasa takin a innghat tih ka sawina a ni. Chumi awmzia chu I duhdan a a chhan loh che avang khan a dik lo tihna a ni lo tihna a nih chu. Tichuan, fate phaia dah thei ve ta chuan a hma ai chuan a dinhmun chu a hmu tha ve sawt dawn lawm ni? Khawtlangah pawh tlem chuan a hma ai chuan a hmai a uang ve deuh dawn lawm ni? Miin an hmuh dan pawh a dang ve deuh mai thei, chuvang chuan class chu tlem chuan a hma ai chuan sang ve deuh lawm ni? High class a nih phah leh phah lo chu ka hre kher lo…khawi chin nge high class in a huam ka hre tlat lo….sum neih vanga high class nge “intih” high class vang a high class?
High class hi mizo ah hian sawifiah a har khawp mai, tunlaiah chuan a rethei a hausa in “branded” kawr, pheikhawk etc kan inbel vek tawh a. Branded kan inbel hian kan class a tihsan phah em? Mi tamtak chuan “branded” kher an leina chhan chu a tlo em thin avangin to mahse a “tlona” kha an lei thin, brand anih hrim hrim vang pawh ni lovin. Incheina manto leh nalh deuh ha zawng zawng hian “class” neiin kan hre leh bawk si lo. Chuvang chuan a tehfung leh a tehtu a zir a ni ber mai e!!
Report this comment
January 27th, 2013 at 9:48 pm
Kei hi eng class nge ka nih min han hrilh teh u, ka Pa chu Loneitu ve tho a ni a, kei erawh sumdawng rethei..lol
Report this comment