Khawvel leh mihringte hi Pathian siam ngei ani tih lan chianna tha tak han sawi fak tur an hmuh zawh loh vang te pawh ani mahna, mithiam tam tak te chuan mihringte hi Pathian/Jehova/Lord Rama/Allah/Buddha te siam nilovin, Universe a minung dang awm ve, ‘aliens’ hovin an siam anih an ring. He an rindan hi tunlaia kan mizo atheist tharlamte anga chhan pawh nei em em lova Pathian awm ring lo ve ringawt an ni lova, tan chhan tha tak an neih vang ani zawk.
Kum 40 vel liam taah khan mithiam thenkhat te chuan lei atangin mihring ang tak ruh an lai chhuak a, an han zirchian chuan mihring DNA leh chu ruhro DNA chu alo inmil chiah a, he thilnung ang hi khawvel hmun dangah an la hmu ngai lova, mak an ti em em a, an han zirchiang zel a, a pianphung danglam tak avang te chuan khawvel pawn atanga lo kal (alien) anih an ring ta a, he thil hi mihring siamtu ani theih leh theih loh an chhui zui ta ani. An rin dan chuan he thil nung mihring ang tak hian kum maktaduai tam tak kal taah khan he khawvelah lo kalin ama taksa atang ngeiin mihring hi a siam niin an ring.
Khawvel mipui tam zawk te hriat lohvah a rukin an thil rin dan chu a dik ngei ani tih tihchianna turin khawvel kiltin-tawptin an dap a, kum tam tak an beih fe hnuah khawvel mite rinna thlak danglam thei duai tur thil an hmu chhuak ta! Kum 2001 khan Scotland ah archaeologists Elizabeth Shaw leh Charlie Holloway te chuan puk pakhatah ‘star map’ an tih mai chu lai chhuak a, he star map ah hian mihringte siamtu ni ngeia an hriat, kum 40 kalta an laih chhuah ang tam tak ‘engineers’ ti a an vuah ho awmna chu an hmu chhuak hlauh mai. He ‘star map’ atanga a lan dan chuan mihring siamtu nia rinte hi he lei atanga light year tam tak hlaa awm, LV-223 thla pakhatah an awm an ti.
Kum 2012 december thla tawp lam khan heng mithiamte tan liau liau NASA in a siam, van boruak lawng hmangin an inkap chhuak ta ani. Thla 3 hnu vela LV-223 orbit thleng tura beisei an ni a, an han tih tur te chu :-
1. LV-223 thla ah hian mihring siamtu chu an lo awm tak tak leh tak tak loh fiah.
2. Lo awm ta se anmahni zawn hmuh.
3. Mihring siamtu chu lo ni ta se, ‘eng vanga mihring siam nge an nih’ tih hriat chian.
Sum tam tak sengin NASA in a tir chhuak chu ania, eng tak rawn paw haw ang maw? Nge, chu thlaah chuan chutiang siamtu reng reng hi an lo awm awzawng lovang? Lo awm pawh nise an han hmu kher dawn em ni? Mihring an siam chhan te pawh an lo hrilh duh kher angem? Tin, a pawimawh ber chu dam takin an lo let leh angem tih hi ani!
A hnuaia hi Lv-223 leh a thla(moon) chu.
Awle khawvel thiamna sang zelah mihring pawhin a siamtu dik tak a hre thei tep tawh a nih hmel a, heng ‘engineers’ an tih te hi mihring siamtu chu lo ni tak tak ta se khawvel a sawi danglam dan tur hi i lo ngaihtuah ve chhin ngai em? Kohhran a awm a ngai tawh lovanga, muslim leh christian/jew te in do angai tawh lovang a, tin mizoramah pawh ‘pres’ leh upc inhnialna a bo ve tawh bawk beisei ve tawp ila! Sawi chhunzawm zel ta ila, mihringte siam tur hi sakhua chi hrang hrangin kan Pathiana kan ngaih kha scientist te hian a dik loh zia an han proof theih ngat phei chuan khawvela sakhaw hruaitu hrang hrang, kohhran rawngbawltu leh missionary zawng zawngte paw’n an hna an chawlhsan a ngai ve tawh dawn anga, hna nei lo kan tam tawh sa naklaiin heng kan mi challangte ho nena hna kan dil rual chuan keini ho chu duhsak loh zawkah kan tang dawn bawk sia ka thil ziah zawng zawng hi ‘thu puarpawleng’ ni zawk mai sela, film hmuhnawm ka tih em em, kum 2012 a chhuak “Prometheus” tih film chanchin ka ziahna ah chhuak zawk mai rawh se! 
Similar Posts:
- Isua Pathian a ni lo
- Pathian kan nihna
- Kristian sakhua leh Mizo hnam sakhua danglamna
- MIZO HNAM SAKHAW DIK PHOCHHUAHNA ~ I
- Zo Sakhaw Zepui
January 23rd, 2013 at 10:45 am
Tlai tawh takah -Tukchhuah nuam vek u le
Report this comment
January 23rd, 2013 at 11:19 am
Ka hriat loh lam tak, ngaihnawm deuhin i ziak a; ka va’n chhiar tui ve le. A tlangkawmna lahin min tihlim..
Report this comment
January 23rd, 2013 at 11:42 am
3rd para ka chhiar tan khian Movie i sawi tih ka hre chiah…
i sawi ngaihnawm tho tho…
Report this comment
January 23rd, 2013 at 11:55 am
Mihring Siamtu (simature ni lovin) chutia zawn vak a ngai hlei nem. Kan hnenah a awm reng alawm.
Report this comment
January 23rd, 2013 at 1:00 pm
Ahaha… Tak tak emaw ka’n tih hman chu le.
tren tren
Report this comment
January 23rd, 2013 at 1:22 pm
Ha ha…. tak tak emaw ka ti hman ve bawk e……
a ngaihnawm khuap mai
A tlangkawmna ah chauh khian film chanchin a ni tih ka hre ve chauh….
Report this comment
January 23rd, 2013 at 3:08 pm
@sheldon : Tuk chhuah nuam le
@dr Mahminga : a lawmawm e.
@beethugs2 : nia a en tawh te chuan in hriatthiam mai hi
@Borat : a ni ve tho mai!
@chhuaklinga : a tak tak a thleng hun pawh a la awm mahna!
@bucko : thengs
Report this comment
January 23rd, 2013 at 4:12 pm
Thutak deuhin ka chhiar thla a, “Scientist thiam ril tak tak chin hi chu, an a deuh chhulh tawh thin” an tih thin hi, alo dik tak tak anih dawn hi a. Ka lo ti rilru hman deuh a. I ziak thiam hle mai. Da vinci code pawh hi en chhuah hram ka han tum pawh hian, ka peih leh ngang thin lo.
Report this comment
January 23rd, 2013 at 4:21 pm
Ha ha he Movie hi chu hmuhnawm va khawp in ka hria
Report this comment
January 23rd, 2013 at 5:04 pm
van ho leh si ee
Report this comment
January 23rd, 2013 at 5:44 pm
Bleh
Report this comment
January 23rd, 2013 at 6:42 pm
mak ti deuh chungin chaw tak khukin ka khukpui hman nia
Report this comment
January 23rd, 2013 at 6:46 pm
Haha kha kha ni mai sin, admin te ho pawn ‘information’ category ah an lo dah hmak!
Report this comment
January 23rd, 2013 at 8:30 pm
Naaa
Rilru-ah zawhna ho te2 alo lut teuh hman asin mawle
Ziak thiam hle mai
Report this comment
January 23rd, 2013 at 8:43 pm
Category hian minti confuse..
Helam sawi takah chuan Wing Lee-a hova an buaipui mek, future technology atana ruahman 30 KM/Sec. a chak spaceship, Laser beam hmang hi a nghahhlelhawm. A sucess chuan Ni 9 chhungin Mars ah kan zin thei tawh ang.
Report this comment
January 24th, 2013 at 8:26 am
Zawng zawng mahse an hmuh ka ring lo ve, Hmu pawh ni se eng tawngin nge an in biak ang! Ak thlak tak a ni…
Report this comment
January 24th, 2013 at 10:49 am
I fiamthu nge I fiam der
Report this comment
January 24th, 2013 at 10:47 pm
Film hi ka la en lo.
Report this comment
January 26th, 2013 at 4:59 pm
Prometheus hi ka la en fuh lo..ka dl ve sa a fiahlo lutuk a, ka pamtul thak
Report this comment
January 26th, 2013 at 5:41 pm
@jacka pi, hei hi a fiah ang yify hi movie download nan chuan ka duh ber mai.
https://yify-torrents.com/movie/Prometheus_2012
Report this comment
January 26th, 2013 at 7:08 pm
AwisSs…thanks!
Report this comment
January 26th, 2013 at 7:51 pm
mahseee chhangteval, i link min pek khian quikr a redirect nghal zeeellllll…ka lawm tawh teh reng nenn
Report this comment
January 26th, 2013 at 9:07 pm
hetah hian lo try leh chhin teh, 720p leh 1080p i duh zawk zawk i thlang dawn nia
https://torrentz.in/cc4945183fe.....37c9c2a92b
https://torrentz.in/8e777f258e5.....4a6c86300a
Report this comment
January 27th, 2013 at 3:44 pm
okies, thanks again…
try leh ang e
Report this comment
January 28th, 2013 at 5:26 pm
made in japan
Report this comment