A hming ‘Maka’(Lawi-si a) – (Sunday Pual).

January 27th, 2013 6:12 am by PKfanai

Zawlnei Isaia khan Lal Isua Krista nihphung tur alo sawilawkte zingah khan, “A hming Maka” tih kha a awm mauh mai a, amak teh ngawt viauin alang naa, han chhut chian chuan alo sawi lawk dik zet mai a. Khai mah aw :-
1. Isua khan Thlalera ni 40 zet chaw ngheia riltam em em chungin a rawngbawlna bul a tan a, Mahse, ‘Nunna Chhang’ a ni lawi si.
2. Isua khan he khawvela a rawngbawlna kha Tuihal em em chungin a hmang tawp a; Nimahsela, amah ngei chu ‘Nunna Tui’, mihring thinlunga chatuana chik reng tur chu a ni lawi si.
3. Isua chu a Kraws put zolovin, Chauvin a tlu a; Nimahsela, amah ngei chu phurrit phur leh rilru hahte tan ‘Chawlhna’ ani lawi si.
4. Isua kha Ramhuai zawl anga puh ani a; Nimahsela, Ramhuaite a hnawtchhuak lawi si.
5. Isua kha a tap a; Nimahsela, amah ngei chu mite mittui hruk hul saktu ani lawi si.
6. Isua kha Dar tangka 30 leka hralh ani a; Nimahsela, He khawvel hi a chhandam lawi si.
7. Isua kha Beram talh tur anga Golgotha lam pana hruai ani a; Nimahsela, amah ngei chu ‘Berampu tha’ chu ani lawi si.
8. Isua kha tihhlum niin, a thi a; Nimahsela, Thihna hnehtu ani lawi si.
9. Isua khan Chhiahhlawh a nei miah silova, “Ka Pu (Master) tia koh a hlawh fo lawi si.
10. Isua khan Sikul leh College te kalin, eng degree mah a nei hauh silova; Nimahsela, “Zirtirtu” tia koh ani lawi si.
11. Isua khan Damdawi lam a zir kan hre hauh silova; “Tidamtu” tia koh ani lawi si.
12. Isua khan Sipai a nei hauh silova,; Nimahsela, Roreltute khan an hlau viau lawi si.
13. Isua kha eng Sipai Indonaah mah a tel silova; Nimahsela, Khawvel a ngam lawi si.
14. Isua khan thil sual(Crime) engmah ati miah si lova; Nimahsela, Misual ber anga Kraws-a khengbetin an thih tir lawi si.
15. Isua kha Thlanah Phum ani a; Nimahsela, Tun thlengin a nung reng lawi si.

Isua leh Chemistry: Tui Uaiin-ah a chan tir.
Isua leh Biology : Mipa leh Hmeichhe Inpawlna tellova lo piang a ni.
Isua leh Physics: Lei hipna(Law of Gravitation) kalhin Van lamah a chho riai riai a ni.
Isua leh Economics: Law of Diminishing Return dan kalhin Chhangper 5 leh Sangha 2 chauh hmangin mipui 5,000(Sangnga) a hrai tlai.
Isua leh Medicine: Damlo natna khirh tak tak neite a tidam a, Damdawi(Medicines) a hmang hauh si lo.
Isua leh History: Isua hi a bul leh a tawp (Alpha leh Omega) ani tawp mai.
Isua leh Sawrkar : Lal ani a, Nimahsela, a Lalna chu Sipai leh Ralthuam hmanga ram zauh chi leh a ram pawh chutiang Sipai leh Ralthuam hmanga venhim chi ani ve hauh si lo.
Isua leh Sakhuana: Amah kaltlang lovin tuman Pa hnen(Vanram) an thlen loh tur thu a sawi hmiah mai.
Nang Isua hi mak iti ve thin em? I tan hian enge anih ve le?
Sunday hman nuam vek u le.

17 Responses to “A hming ‘Maka’(Lawi-si a) – (Sunday Pual).”

1
chhana Says:
January 27th, 2013 at 6:28 am
A tha hle mai.

Report this comment
2
Hotunu_pasal Says:
January 27th, 2013 at 7:11 am
Pu PKa nge nge, bei tha thin e.

Report this comment
3
mr.Duhlova Says:
January 27th, 2013 at 8:04 am
A tha thin e …ti zel teh.
New Year chibai + Sunday hman nuam ve tho le. In rawngbawlna ah Pathianin malsawm zel che u rawh se.

Hman ni chu Imchen leh a nupui kha Chiang Mai ah kan inhmu ve leh hlawl mai.

Report this comment
4
Awmtea Leo Khiangte Says:
January 27th, 2013 at 8:37 am
A va tha tehlul em!

Isua hi chu engkima engkim a ni. Sunday hman nuam ule.

Report this comment
5
chhangteval Says:
January 27th, 2013 at 8:49 am

Report this comment
6
Dr John Says:
January 27th, 2013 at 8:50 am
A Va Tha Tak Em! Pu PK-a nge nge.

Report this comment
7
lr hlonchhing Says:
January 27th, 2013 at 9:14 am
Thumbs up Pu Pk

Report this comment
8
PKfanai Says:
January 27th, 2013 at 9:23 am
Pu Duhlova chu i vak zau thin awm hle mai. Thailand(Chiang mai) velah khan kan thiante pawh an awm ve nual a nia. (Marina te chhungkua leh Dema te chhungkua). I rawngbawlna Lalpan malsawm zel rawh se.

Report this comment
9
H.Vangchhia Says:
January 27th, 2013 at 9:26 am
Chiangmai… hmmm nihliap hmunpui

A ngaihnawm e

Report this comment
10
Mx Says:
January 27th, 2013 at 11:24 am

Report this comment
11
mr.Duhlova Says:
January 27th, 2013 at 11:59 am
8

Pu Pk, Dema chu a lo tel ve a, mi te a len kualpui a, dinner te kan ei ho thin bawk a sin, a fel thlak thlak khawp mai. An nu erawh a lo Lang ve ta lo, an awm a Chiang Mai atanga km 200 a ni awm e.
Muana chu, hman kan kal hmasak tum in kan in hmu tawh, an fel khawp mai. Pu Hva ang deuh an nia, an beng air in an fel khawp mai.

9

Report this comment
12
mama Says:
January 27th, 2013 at 12:19 pm
A tha hle mai.
Isua chu tidamtu a ni a, mahse amah a intidam thei lawi si lo.

Report this comment
13
PKfanai Says:
January 27th, 2013 at 9:55 pm
“Nunna petu chu an tithi a, thawhlehna ropui chu an phum,
Amahah leilung a her laiin; leilungah amah an zalh”.
tih hlathu te kha, A mawi chiang ve ngawt mai.

Report this comment
14
Hotunu_pasal Says:
January 28th, 2013 at 4:26 am
Pu Pk hi Dingtea Fanai tih nen mi thuhmun em ni? He thu ngai chiah hi fb group lamah sawn Dingtea Fanai hmingin paws a awm a.

Report this comment
15
PKfanai Says:
January 28th, 2013 at 8:17 am
Dingtea fanai chu midang daih a nia, Fanai dingtea nen erawh chuan mithuhmun annih a rinawm viau mai.

Report this comment
16
Dr Mahminga Sailo Says:
January 28th, 2013 at 9:12 am
A dik, a tha hlawm bawk si..

Report this comment
17
Sihtea Says:
January 28th, 2013 at 10:53 am
A bel khawm thiam hle mai.
Puan thui tu in puan them chi hrang hrang a thui khawm a, kawr mawi tak a a chhuah ang a ni e.

Report this comment