Kekawrbul
Thingtlang naupang zinga kekawrbul ha chin kha chu a lo berah kum 6 chunglam kan ni tawh thin a. Sikul kal ni a nih lem loh chuan ka nu kekawrbul thui chawp ka ha mai thin. Khawpui naupang angin kekawrte hranpa kan ha ngai lem lo va. Tin, ha ve dawn pawh ni ila, kan thiam nek lovang, engkim a fun hlawm vek reng reng a. 
Aia upa sual leh harh deuhin hnunglam atang kekawrbul an pawhthlak thut phei chuan, tuallaiah kan ding kawh tau thin. A thinrimthlak rualin, thinrim ngam a ni bawk si lo. Rang taka kekawrbul pawh chhoh vat kha kan himna a ni mai.
Kekawr Zipper nei
Tlemin kan han leikang ve tan ta a. Kekawrbul mai lo deuh hak hun a thleng ve ta a. Chutih rualin kekawrte erawh kan ha chuang lo. Kekawrbul hak laia awlsam tak mai kawhte han reh chhuah nawk a, zun mai kha a hahdam. Mahse, kekawr zipper nei hak hnu chuan tlemin a kawng a kual ta deuh. Zun a chhuah tawh chuan rang takin kan zip hawng mai a. Zipper hawn ringawt chuan harsatna min siam ngai bik lo
Kawhte a kawh mah mah em ni?
Tin heti hi a ni a. Thiante nen khawi ilo kal emaw infiam changin, duh loh hun takah zun a lo chhuak a. Kekawr zipper chu hmanhmawh takin kan han pawt hawng pawp a. Thiante infiam en pahin duh lam hawi hawiin kan han zung khawh tau tau phawt a. Chutah le, kawhte kan hum lai chu en lem lovin kan hnawh ang lut tawp tawp a. Zipper chu kan han khar leh hrawk a. Awi aaah siii…, thil duhawm lo a thleng ta.. 
Kawhte chu duh aiin a lo kawh chhuak deuh nge ni? Zipper ha hriam tak mai chuan kawhte vun hmawr a thial tel ta tlat mai. Mawng chhing awk khawpin kan han ip a. Zipper hawn tumin a thip tawh si, khar ping dawn ngawt ila kawhte lak chhuah ngaihna a awm der si lo. Hui hammm. 
A rang a rangin inah kan haw a. Puitling in nghak awm remchang hnenah mittui far fap fapin thil awmdan kan han hrilh a. Nidangah te chuan mi hmaa kawhte han tihlan ngawt kha kan zak ve tan tawh kha a ni ngai a. Zipper-in duhthawh taka kan kawhte a’n fawh tak ngawr ngawr siah chuan zah a sawi theih loh. Fiamthua hmeichhe nau vei na tuar tak tak chuan, zah an hre chang tawh lova, a rem ang angin an dawrh sawt sawt thin tia an sawi ang deuhin, zipper lak ata kawhte min chhanchhuahsak theitu hmaah chuan kan va dawrh ta sawt sawt a.
Khai le
Thenkhatin ka kawhte an vuan a, thenkhatin zipper hawn an tum bawk. Thil ho te anga lang si, a tuartu tan chuan hrehawm ve tak a ni. Zipper-in kawhte vun a lo thial tam deuh phei chuan thi chhuak hiala kawhte chhanchhuah chang pawh a awm thin. Eng tin tin emawa zipper an han khawih chet kual hnu leh, mittui nen meuha tan kan khawh hnu chuan kawhte chuan zalenna a hmu leh ta. A va’n lawmawm tak em!
Vawikhat erawh kan thianpa zipper-in a kawhte vun a lo thial chhah deuh avangin bakchehin zipper chu an chep chhe ta ringawt bawk.
Chuvangin
Nang leh I kawhte him zawk nan, kekawrte ha zel ang che… 
Similar Posts:
- Panlai Nun – Tu Zung Thui Thei Thei?
- Ka nuih a za miah lo!
- Thingtlang Naupang Remhria
- Thau
- Ka Chet Chhiatna
a tha khawp mai
February 7th, 2013 at 8:10 pm
.
Report this comment
February 7th, 2013 at 8:16 pm
haha..ka naupan laiin ka tawng ve tawh tiang hi, thenawm khawveng kan buai alawm le
Report this comment
February 7th, 2013 at 8:17 pm
Tih chhoh dawnin a na si, tih chhuk dawnin a na bawk si………ava mangan thlak theih thin tak
Report this comment
February 7th, 2013 at 8:58 pm
A rukin ka nui vur vur…
Report this comment
February 7th, 2013 at 10:41 pm
Report this comment
February 7th, 2013 at 10:42 pm
Report this comment
February 7th, 2013 at 11:30 pm
awi awi awi…… in lo tawng ve thin maw…!!!
Tun thleng hian a la na in ka hria……….haha..
Report this comment
February 8th, 2013 at 12:53 am
Tawng tawh tan chauh comment tur ti ila a tha ang…
Report this comment
February 8th, 2013 at 5:41 am
Report this comment
February 8th, 2013 at 7:23 am
Report this comment
February 8th, 2013 at 7:29 am
Hahaha….mi zingah ka nuih huk chu le….jeans zipper chilh mawlh mai kha ana…
Report this comment
February 8th, 2013 at 7:41 am
Tawng lo mah ila comment tho tho….haha
Tukchhuah nuam vek u le
Report this comment
February 8th, 2013 at 9:06 am
#sheldon..hahahaha
Report this comment
February 8th, 2013 at 9:25 am
Comment petu zawng zawng zingah sheldon ka tan ber. A huaisen ka ti…
Report this comment
February 8th, 2013 at 9:29 am
Hahaha…mipa ho kha in zep lovin han in puang teh u. In lo zip hnan vek tawh lo maw??
Report this comment
February 8th, 2013 at 10:44 am
A zih hnan tur dik tak, nu ho zipper-ina a chilh leh kekawr zipper chilh chu a innawm hleih khawp mai; ditip leh hahni tih ang vel a ni a danglamna chu.
Primary school ka kal laia chawlhlawk chhung zawka ka lo zih hnan palh kha nia zahthlak ni…chawlhlawk hun tiam a zo tawh si, luh hmaa siamfel hman ka duh bawk si a..thlan a phul buah thei alawm le.
Report this comment
February 8th, 2013 at 10:53 am
Kan thianpa tuichen chak tawh, hmanhmawh lutukin, chhuk zawnga chiang lutuk a an zip hnan mai chuh! Buai theih rem rem e… Ziak ngaihnawm e..
Report this comment
February 8th, 2013 at 10:55 am
k’u sheldon hian a zih hnan ve chiang..haha..
Report this comment
February 8th, 2013 at 11:39 am
Kekawrte hak tantirh lai pawh khan awm dan thiam a har in ti ve thin em? Kawhte hi a lo pawimawh a ni ang. Engthawl taka thenkawi mai mai thin, kekawrtein a’n hren zet kha chuan, kan tawt nileng a nih ber kha maw…
Hei vang hi em ni, ruah do changa ‘kan chhungkuain kan huh’ kan tih thin..
Kei aia zih(p) hnan zing in awm hrim hrim ang…
Report this comment
February 8th, 2013 at 12:05 pm
Tun hnu-ah hian han zip hnan leh palh ta ila…
Report this comment
February 8th, 2013 at 12:45 pm
Keipawh zu han bang bik lo a..
Report this comment
February 8th, 2013 at 1:19 pm
mipa hetiang tawng lo an awm ka ring nek lo e…ka tuar ve nual
Report this comment
February 8th, 2013 at 1:45 pm
Na tak a ni na tak.
Report this comment
February 8th, 2013 at 3:35 pm
A thip in a na ve em alawm le..pilh lo chuan la chhuak thei an awm bik lo ang..A vun nem lai lo ni kher nen..
Report this comment
February 8th, 2013 at 4:48 pm
Zep tak lovah chuan vawihnih chu chiang takin
tren tren
Report this comment
February 8th, 2013 at 8:49 pm
Naupan lai hostel awm laiin kan zip hnan mai a, ka tap ring teh e..sir in min chhanchhuah sak..a vung lian tha duh bur bur khawp mai..
Report this comment
February 8th, 2013 at 9:27 pm
Hahahaha..ka nuih in tiza mipa ho hi. In zip hnan lai leh tuna in hmel te ka mitthla a ka la nui vur vur. Mahminga hi alawm, nilo lo hi a rawn sawichhuak a
Report this comment
February 8th, 2013 at 11:08 pm
@ Chhuaklinga.. Min tluk lo hret…
@ xela… Thiante’n min han din kual thup kara, na tuara kan han ip tawp awt awt zel kha chu, a hrehawm ve chiang ngawt a ni ti raw..
@ sheldon… Nuihzatthlak loh deuh ka rawn sawi lang a, a natzia leh van sanzia. Mahse, in comment nuihzatthlak zo vek alawm..
Sandmand hian a la zip hnan ve lo a niang, a reh riau…
Report this comment
February 10th, 2013 at 6:38 pm
haha
Report this comment
February 10th, 2013 at 6:38 pm
hahaha…
Report this comment
February 10th, 2013 at 6:59 pm
Kan H/S kal laiin kan Class mate, ka star deuh nen kan kal dun a. ka Kekawr ka lo zip lo niin, School kan thlen dawnah kan Class mipa hovin “I va che tha awm ve, kha i zipper kha…” tiin min hrilh mai chu.. Ka zak rap
Report this comment
February 10th, 2013 at 10:36 pm
zawngchhang chiloh e khatiang kha chuuuu, lenna atanga kun chung ngata in ka thlen tum pawh a awm ve tak asin..
Report this comment