Rilru thianghlim
Kan Lal Isua ngei pawh khan, naupangte rilru thianghlimzia a sawi fo kha maw le. A nia sin, lungkham leh enghelh teh lua kan nei ngai law. Tihtauh chang nei ve bawk mah ila, kan tau rei ngai lo va. Thiante in atangin tap haw bai bai thin mah ila; reiloteah thiante in bulah va kalin, ‘inkawm ang’ tiin kan thinrimna theinghilhin hlim takin kan inkawm leh mai thin a nih kha. Kan lawmna leh hlimna a ho ang bawkin, kan tihtuahna pawh a ho a; thinrim erawh kan pai dai mai.
Inelna ropui tan a ni dawn
Leikan ve hnuah kekawrbul te chu ha ve thin mah ila, a tul a nih chuan kan pawtthla hlawk a, Adama suit ngatin kan tlan then nawlh nawlh thin. Tu ta mah kan ruk ni lo, kan ta theuh a nih vangin kan zak lem lo!
Eng eng emaw tia, hun kan khawhral hnu chuan, pakhatin ka zun a chhuak a’n ti a. A bula mi’n kei pawh tiin. Kei pawh kan ti tliar tliar a. Chutah le, kawtlai vaivut awmna kan pan te te a, inelna ropui tan turin kan inpuahchah ta. Inelna tan hma chuan, zun chhuak hle mah se, kan ip char char thin.
Zahmawh kan sawi lo!
Tichuan le, tualzawlah chuan kan ding tlar thap a. Kan kut dinglamin kan kawhte kan hum thap a, kut veilamin kekawr kawng kan hlim thla thung.
Inelna tan a ni dawn ta. Thahnemngai takin kan kawhte hmawr chu kan rek ping a, a tlem thei ang bera zun chik chhuak turin. Hetih lai hian, kawhte hmawr chu hauhuk chaw khawl biang puar iangin, zunin a hnawh puar pang a. Khai le, inelna tan a ni tak tak ta. Zung chik par par chungin, theihtawpa chakin hmalam ah kan tlan ta a. A kar laklawha zung tawp an awm kha chuan chaklo a ni nghal phawt a. Tin, vaivut ro chunga zung kan nih avangin zunin a thlen chin kha hriat tak a ni, sawibuai theih a ni lo. Thian thenkhat, an zunin a daih tawh lo chin thlenga tlan te pawh an awm chawk a. Zun far-fep tawp thleng tura thahnemngai taka kawhte lo pawt nawk nawk tawk lah bo lo. 
Thianzaho va kan inelna chikhat a nih avangin, kawhte hum meuh va kan tlan lawng lawng thin kha zahmawh thilah kan ngai ngailo va, tin kan ngaihtuah phak hek lo. A ngaihawm thin teh e… 
Similar Posts:
- Panlai Nun – Zipper Tihbaiawm!
- Hmangaihna hi enge a awm zia aw?
- Mau chik or Dap chik ?
- Khawtlang tana thiltha tih
- Kan zu in dan hi i fimkhur ang u
February 22nd, 2013 at 2:05 pm
Hmeichhia kha tluk an lo har anih kha..
Report this comment
February 22nd, 2013 at 2:47 pm
zawlzau deuh laiah mahni hming lamtawi kan han ziak a….
Report this comment
February 22nd, 2013 at 3:59 pm
Hahaha.. ka sawi ve nang a.
tren tren
Report this comment
February 22nd, 2013 at 4:48 pm
Panlai ziak peih ber i ni awm mang e a. Tha thin khups mai.
Report this comment
February 22nd, 2013 at 4:54 pm
Kei chu ka zung thui thei raps…
Report this comment
February 22nd, 2013 at 5:04 pm
Report this comment
February 22nd, 2013 at 5:33 pm
Report this comment
February 22nd, 2013 at 5:47 pm
Mahminga hi ka awih tawh em em bik lo. Mi naupan lai ani tawh chiang
Report this comment
February 22nd, 2013 at 5:55 pm
@ Sheldon… Pirated Panlai Nun a ni tawh mai thei a nia…
Tak takina, kan veng kha thingtlang tak tak a nih avangin, tih tur dang kha a vang em a ni. Heng hi a then a zar chauh a nia sin.. Min fuihpawrh duh phei chuan, ziah tur ka la pai tuun mai..
Report this comment
February 23rd, 2013 at 2:55 am
‘Tu zung thui thei thei’ tih te chu a la nep zawk alawm..
Kan naupanlai a ka thianpa Rama chuan kawt tual zawl zau laiah ‘i love you’ tih a zun in a ziak thei
Report this comment
February 23rd, 2013 at 11:39 am
Ziak tha hle mai
Zun hmangin hlumbel kan siam ve thin haha
Report this comment
February 23rd, 2013 at 1:03 pm
Hmingpum ziah hman a har khawp mai. Hming phel erawhchu, a theih mai. Mahse a tihnawn fo theih lem loh.
Report this comment
February 23rd, 2013 at 11:57 pm
Ho viauin lang thin mah se, a hun lai kha chuan tunlai naupangin computer games khela an hlim ang tho vin kan hlim ve tho kha a ni si a. A ngaihawm ve thin khawp mai..
Kei lah hi, hetiang thu bak ziak turin tawnhriat ka nei tam lem si lo va. Ka puak phawng phawng chu a nih hi maw, mi(sual) nih manah…
Report this comment