mi(sual).com

Khawnge  tun tum chu kan ram ngei a thil mak thleng hi tlemazawng i lo sawi ve hrim hrim dawn thung teh ang…..

Pu CHALLIANA RUL HMUH MAK: 2000 Feburary khan Pu Challiana chu IVA lui ah chakai khawrh turin a kal a. IVA lui hi Leithum khua leh Sazep inkara awm a ni a, a kam tuak tuak a phairuang hmun sang pui pui awmna a ni. Leithum kai atanga kilometer chanve vel a thlen chuan thawm mak deuh mai thlawhna thlawk ri vut vut ang hi a hre ta a. A thawm hriatna lam chu a, mahse engmah a hmulova, thawm ri lah chu angai reng bawk si a.

Thawm ri lo chhuahna chu a awmna atanga hlam 7 vel a ni a; chutah a awmna atanga hlam 20 velah chuan rul mak deuh mai chu a hmu ta. A mitvai emaw a ti hial a, amit chu an nuai chat chat a, mahse a mitvai a ni azawnglo mai. Amah chuan hmuh thianglo hmu angah a inngai a, a tawngtai nghal nghe nghe a ni. Chu rul chu gas bur tiat vela lian, a lu bawng lu tiat vel, a tukhuma thlikthlidir nei leh a lu atanga 2ft vela fep nei a ni a.

A taksa chu a mum pul mai a, a mit chu a sen in a kual val pup bawk a. Hlam 20 vela thui chu a taksa a hmu a, mahse a hmu kim lo. He a rul hmuh hi Sazep ram chhaklam Mualvum lam pana tleng a ni a. A hmutu pa Pu Challiana hi pa rinawm tak dawt sawi ve mai mai ngailo niin an sawi. A rul hmuh hi a hlauh em avangin a tlan haw san a, eng chena sei nge anih a hrelova, mahse a rin dan chuan hlam 30 – 40 bawr vela sei chu anih a ring a ni.

RULPUI LIAN: Hmanlai kan pi leh pu ten a Rulpui an tih, Rulchawm khua te, Rulpuihlim khua te, tin rulchawm kua tih te lo chhuah na, RULPUI..hi a awm tak tak reng nge thawnthu mai mai tih hi chhut tham fe ani awm e. Mizorama thil thleng reng reng hi..’chumi chuan a ti’ tih hian a zuzi ral leh mai mai thina sawi pawh hi anuamlo viau na a, angaihnawm ve tlat mai a. “KHAWTHLANG THILMAK” thih bu a hman deuh a ka chhiar hi ka rawn sawi ange :

Mamit bul Luangpawl ram ah khuan hman deuh tawh khan ram vak in mau leh thingtuai vel tlu henhun an hmu a, chumi hnu chuan ramvak pakhat hian rulpui lian tawk alkatra barrel tiat dawn lai hi a hmu a, silai in a kap a, a rul chu a ngek vak a, a tleng bo ta a, a tlengna hnu ah chuan mau tuai te hi a sawp nelh nulh mai a ni an ti. Hetiang rul lian hi hnam hrang hrang hian thawnthu ah chuan an nei nual a, science lam atang chuan finfiah loh a ni a, amaherawhchu hmu sawi zeuh zeuh tur hi chu khawvel hmun hrang hrangah hian sawi tur hi chu a awm zeuh zeuh a, kan ram ah ngei pawh a awm a mahse a finfiahna tha tak erawh a awm theilo a ni e..

Hetiang rulpui lian hi Bhramaputra lei an dawh lai khuan a thawk tu te an bo zeuh zeuh a, Vai puithiam an rawn ta a, ani chuan kel a talh tir a, a kawchhungah a khat in chinai a thun tir a, chumi chu an chah ta a..rul chuan a dawlh a, a thi ta a. A lu ringawt poh 3ft hawlh tlang vel an ti..tak tak a ni ang em? Hetiang hi lo awm tase kan ram ah hian a awm ve ang em? Heta ka sawi Luangpawl ram a an hmuh an tih hi khampang puk pakhat ah an hmu leh a, a inkual rui mai , an hmhuh na zawn cu hmawlh in an kawh tir a, zana an va en leh chuan a eng phut mai an ti.

HRIPHAW AN AN RUL HMUH MAK CHU: Hman deuh khan Hriphaw ramah pawh hetiang rul lian hi an hmu ve tawh tlat mai bawk. A hmu hmasabertu chu an khaw pasaltha a ni a, a ramvak in he rulpui tleng lai hi hmu in a mei lam chauh hmu in a insawi a, gas bur tiat vel chu a ni hrim hrim a ti. Silai keng mahse kah chu sawi loh hlau bakleng in a tlan haw ta zawk a ni. Tichuan an khua ami pachang leh tlangval engemaw zat chu silai leh chempui nen ramhnuai lamah chuan an tlan liam ta nghal a, a tlengna hnuhma bak an va hmu lo a.

Chu rulpui tlengna chu leiah chuan a lo khuar duk mai a, a khuar ah chuan gas bur mut ila a leng vel ang an ti. An chhui zel a, patling banpuam tiat tiat thingtuai te hi a bawh bek zel zul mai a, thing pil chhah leh chang teak leh thing dang pil te chu a hrut khawk ten tun a, Km chanve vel zet a thui an chhui hnu chuan chu rulpui tlengna chu chhuizui tur awm lovin a tawp ta hmak mai a ni. A hnu fe ah he rulpui hi pa pakhatin a lu lam a hmu in an sawi a. Sabeibaknei ang deuh hian a nghawngah chuan fép kan ti dawn nge ni sen fúk mai a nei ni in a sawi bawk.

ZAWNG IN TUITLA A ZAWNPUI: Kum 1972 August ni 18 zirtawpni khan Ralkapzava, Lungleng khaw tlangval chu Tlawng lui a a len deng chu a che sual palh a, tuiah chuan a tlahlum ta a. A ruang hi khawtlang in an zawnga mahse an hmu mai lo va. Ni 20 sunday chuan an zawng leh a, mahse an beidawng hle mai a, an zawng beidawng chu a bul thlam ah chuan chaw fak pah in an chawl khawm a; chutia an chawlh lai chuan ral lehlam atang chuan Tlawng zawng an tih mai nupa hian tui chu an rawn hleuh phei ta a; tichuan, li laia lungpui ah chuan an lawn a (Hetiang Tlawng zawng hi ti tak mai an ni a, mihring an hnaih mai mai ngai lo)

Tichuan lungpui chung atang chuan li lai hmun khat lai chu an thlir vang vang thin a. Vaukam lam ah chuan an hleuh phei leh a; tichuan, an rawn hleuh let leh thin a, an thlir na ngai bawk chu an thlir leh thin a. Tichuan, a zawngtu mipui ho cuan engtizia a chutia rawn ti rawn ti nge mawni anti a, angaihna an hrelo hle a. Chutianga vawi 3 vel an tih hnu chuan an thlir na lai chu an han dap chhin a ruang chu an hmu ta a ni.

BigDaddy Hmahmatea

(R.Lalhmangaiha)

Kulikawn

Similar Posts:

• Asteroid zooms by earth, cutting it close
• Mizoram chhunga thilmak thleng thenkhat te – 2
• CONDOM hi chu aw!!
• Chungleng leh Hnuaileng indo
• Kolasib Mibo maktak mai a hmuh leh ani.

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Saturday, February 23rd, 2013 at 11:30 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.