Archive for February, 2013

Mizoram chhunga thilmak thleng thenkhat te – 1

Saturday, February 23rd, 2013

Khawnge  tun tum chu kan ram ngei a thil mak thleng hi tlemazawng i lo sawi ve hrim hrim dawn thung teh ang…..

Pu CHALLIANA RUL HMUH MAK: 2000 Feburary khan Pu Challiana chu IVA lui ah chakai khawrh turin a kal a. IVA lui hi Leithum khua leh Sazep inkara awm a ni a, a kam tuak tuak a phairuang hmun sang pui pui awmna a ni. Leithum kai atanga kilometer chanve vel a thlen chuan thawm mak deuh mai thlawhna thlawk ri vut vut ang hi a hre ta a. A thawm hriatna lam chu a, mahse engmah a hmulova, thawm ri lah chu angai reng bawk si a.

Thawm ri lo chhuahna chu a awmna atanga hlam 7 vel a ni a; chutah a awmna atanga hlam 20 velah chuan rul mak deuh mai chu a hmu ta. A mitvai emaw a ti hial a, amit chu an nuai chat chat a, mahse a mitvai a ni azawnglo mai. Amah chuan hmuh thianglo hmu angah a inngai a, a tawngtai nghal nghe nghe a ni. Chu rul chu gas bur tiat vela lian, a lu bawng lu tiat vel, a tukhuma thlikthlidir nei leh a lu atanga 2ft vela fep nei a ni a.

A taksa chu a mum pul mai a, a mit chu a sen in a kual val pup bawk a. Hlam 20 vela thui chu a taksa a hmu a, mahse a hmu kim lo. He a rul hmuh hi Sazep ram chhaklam Mualvum lam pana tleng a ni a. A hmutu pa Pu Challiana hi pa rinawm tak dawt sawi ve mai mai ngailo niin an sawi. A rul hmuh hi a hlauh em avangin a tlan haw san a, eng chena sei nge anih a hrelova, mahse a rin dan chuan hlam 30 – 40 bawr vela sei chu anih a ring a ni.

(more…)

Posted in Whatever | 14 Comments »

ZNP kan tlhan tlin chuan eiru ho tan khua a eng dawn, an ti

Saturday, February 23rd, 2013

News leh comment ka lo hmuh ve thuak ah chuan hmanni ZNP ho kawngzawhna ah khan an hotu pakhatin an party kan thlan tlin chuan corruption lama in hmamhnawih nia puhte case khar an tum, tih an sawi ani awm e.

Nikum maia MNF ho pawisa sem tum ang deuh khan thil tha tak anih ka ring. Corruption lama kut bal ho zawng zawng hi man in tan tir a ila, sorkar office ah office hmuh tur alawi an awm dawn si lo. Biakin nise kohhran upa an tlewm phah kawk dawn si a. ZNP ho tiam anga ngaihdam mai hi thatna riau a awm into velo maw?

Posted in Corruption, HAHAHA | 9 Comments »

Road to Phawngpui

Friday, February 22nd, 2013

Benjamin Rualthanzauva Phawngpui Tlang lawn chanchin

For an independent traveler or trekker who wants to visit Phawngpui, the highest peak in Mizoram, there’s very little information available online. The very few available written by visitors from other states and foreign tourists left many questions unanswered or are outdated. How to get to the base camp? What about permission, guide?

I therefore decided to go Phawngpui myself and find out.

Quick Guide

For the man in a hurry, here is a quick guide. There are three routes to the peak. From Sangua, Vawmbuk and Lungpher or Siachhangkawn. The path from Lungpher and Siachangkawn meets at some point and it is the shortest route to the peak. It is a long 20km trek to the peak from Sangau. If you drive, there’s a jeep road from Sangau to Farpâk from where it is 7km trek to the peak one way. From the peak it took us 2 hours to descend to Vawmbuk village…

Chhiarzawm duh tan…

https://trekkerboy.com/2013/02/21/guide-to-phawngpui-the-top-of-mizoram/

Posted in Adventure | 13 Comments »

Zet-u-zu (Hetiang zawng hian)

Friday, February 22nd, 2013

Wriiten by-L Vanchiau

Buhfai umtawih, vai dawidim phut a chiah zawp tawh hnu, umtawih firiau leh kawi nuai mai; Sazu nghal fal deuh liluh chhuak zo lo in a tawihhnan buhril var paw phut mai chu mei thil-tih-theihna hmanga chhuan so a awmin, ngaiteh bel a so liam ni hauh lo a, dawnthleng a rawn far ngei tuifim tak rawn far chhuak a thiltihtheihna ropui tak a ni.

Zu kan tih tak hi lo ni chuan. Thiltihtheihna (power) ropui tak nei a, mi tam tak nghawng a hrui vet a damlai nunkawng ngil lam a kaih kal lo zawng a hruaitu chu zu hi a lo ni reng chuan. Chu tuifim rawn dir chhuak tar tar chu maw sual hlawm leh tenawm tak zawng a lo ni.

Zu hi a lawnga a awm hi chuan sual anih hi ka hmuthiam ve hauh lo mai pek chuan. A tawnah erawh pumpui a luan thlen a, thluak a fan raih tawh hnu ah erawh lu a kai chiai chiai in a hai chhalh a, chu hunah meuh zawngin thlarau rawn thawk chuan ropui bera te, thiltithei bera te, chak leh huaisen ber ni thei tur in huaisenna a pe ta thin a. Tha leh thisen a thunun hnuaiah chuan a ni thlarau chuan a awmpui thin ni.

(more…)

Posted in Lifestyle, Zu | 14 Comments »

Panlai Nun – Tu Zung Thui Thei Thei?

Friday, February 22nd, 2013

Rilru thianghlim
Kan Lal Isua ngei pawh khan, naupangte rilru thianghlimzia a sawi fo kha maw le. A nia sin, lungkham leh enghelh teh lua kan nei ngai law. Tihtauh chang nei ve bawk mah ila, kan tau rei ngai lo va. Thiante in atangin tap haw bai bai thin mah ila; reiloteah thiante in bulah va kalin, ‘inkawm ang’ tiin kan thinrimna theinghilhin hlim takin kan inkawm leh mai thin a nih kha. Kan lawmna leh hlimna a ho ang bawkin, kan tihtuahna pawh a ho a; thinrim erawh kan pai dai mai.

Inelna ropui tan a ni dawn
Leikan ve hnuah kekawrbul te chu ha ve thin mah ila, a tul a nih chuan kan pawtthla hlawk a, Adama suit ngatin kan tlan then nawlh nawlh thin. Tu ta mah kan ruk ni lo, kan ta theuh a nih vangin kan zak lem lo!

Eng eng emaw tia, hun kan khawhral hnu chuan, pakhatin ka zun a chhuak a’n ti a. A bula mi’n kei pawh tiin. Kei pawh kan ti tliar tliar a. Chutah le, kawtlai vaivut awmna kan pan te te a, inelna ropui tan turin kan inpuahchah ta. Inelna tan hma chuan, zun chhuak hle mah se, kan ip char char thin.

(more…)

Posted in Luangliam, More than words | 13 Comments »

Chet Chhiatna 1

Friday, February 22nd, 2013

Chet chhiatna in sawi thin lai khan sawi tur ka hre mai thin lo pek a, computer hma a thut loh lai hian rilru ah a lo lang zut zut lawi si. Hei tunah pakhat ka hre chhuak hlauh e. He ka chet chhiatna ang tak che chhia hi in awm ve em maw chu..!

1983 khan Shillong a lehkha ka zir laiin, Laitumkhrah thingpui dawr pakhat ah hian singara (vai chhang) hi pakhat  duli (50P) in a sobji nen ka ei thin a, tum khat chu duli (50P) chiah ka nei a, ei tur chuan ka han lut  ve leh a, an buai deuh avang min rawn ngaihven hman vak lova, minute 3/4 vel chu ka thu awm e, chutah banga an thil tar lehkha them chu ka hmu ta a, ngawi rengin ka chhuak nal nal….

Singara 75P tih mai te hi.

Tukchhuah nuam ule.

Posted in Whatever | 17 Comments »

Risk Khawvel

Friday, February 22nd, 2013

Hringnun hi Risk in a khat tlat a. In ngaihdan a ni ve emaw? A nihna takah chuan khawvel hi Casino lianpui mai ang ani a, a chhunga chengte hi Gambler vek kan ni a, game chi hrang hrang kan khel a, a then in kan risk huai deuh a, thenkhat in kan risk sang ngamlo deuh ani mai in a lang.

Mi tuemaw ka va hmangaih chuan rejection or hmangaih let loh vanga rilru natna tawk turin ka risk tihna. Engpawh hi ti ila, hlawhtlin ngei ngeina tur a chiangsa engmah hi a awm lo, mualpho, tlak leh tluk, beidawn leh hlawhchham leh adt ka chunga thleng turin ka risk ani. Mahse mihring nun hi risk tello chuan a famkim lawi silo.

Nupui/pasal neih pawh hi a risk a sang ve khawp. Pumpkhat ni tur, damchhunga chen pui tur kan thlang sual thei. Chen ho hma chu mizia inhriatsak vek theih ni heklo, kan risk sual nawk nawk hlawm anih hi. Vannei deuh in an risk fuh a, vanneilo deuhin an risk sual ani ber mai e.

Pastor Dr.Charles Swindoll-a chuan ‘Mihring nun hi risk in a khat a, hlawhtlin ngei ngeina tura min tiam theitu engmah a awm lo. Ruahmanna eng pawh hi a hlawhchham thei vek. Thil reng reng a bu ang thlapa thlentir ziah tura beisena hi leilung dan kalh ani’ a ti a. He thu hi a dik khawp mai, vawng tlat ila, anih loh chuan kan ruahman dan a thil a lo thlen lohin a sawhkhawk kan tuarthiam lo viau thei. I risk ngam loh erawh chuan chan a lawi i nei si loving.

Tlangval te pawh nula risk huai huai an luck ani mai em?? :-D

Posted in Luangliam, Opinion | 30 Comments »

Serial bomb blasts rock Hyderabad

Thursday, February 21st, 2013

Source : https://news.sky.com/story/1055147/hyderabad-terror-attack

At least 11 people have been killed and dozens others are missing after two blasts in the southern Indian city of Hyderabad. The blasts were about 10 minutes apart and took place in the early evening – the first going off just after 7pm local time.

Afterwards, Indian police branded them a “terror attack”. The blasts happened near a cafe, cinema and a bus station in the busy district of Dilsukh Nagar. The bombs were attached to two bicycles about 500ft apart, according to Home Minister Sushilkumar Shinde.

Read full story at source

Posted in News | 9 Comments »

Chalfilh Constituency Joint Students’ Union-in MPF hmalakna do zel dawn

Thursday, February 21st, 2013

Vawiin khan Chalfilh bial SU-in Press Release an siam a, a ngai ngaiin ka rawn post e.

February ni 23-a kan bial chhunga Bye Election lo awm turah boruak a tam ta hle mai a. A bikin Mizoram People Forum intite’n Joint Platform hmingpu an siam chuan dodaltu a ngah hle a, kohhran behchhana siam a nih avangin mi tam tak, tha ti lotute chuan a lang a pauvin an sawisel ngam lo va, chutih laiin kan bial chhung khaw hrang hranga zirlai hruaitute kan lo pen chhuak a, mi tlemte atangin sawiselna leh duh lohna awm mah se, kan hma lakna ang angah chuan bial chhung mipuite’n min thlawp tha em em a, kan lawm takzet a ni.

MPF intite platform siam hi tha kan tih loh avangin kan thu pass tawh bawhzuiin, February ni 19 zana Khawruhliana platform an buatsaih chu an boycott a, tharum thawha buaina siam kan duh loh avangin a dam thei ang berin kan duh lohna kan lantir a, khawtlang mipuite pawhin min thlawp thain mipui kal pawh an thahnem lo hle a ni. Amaherawhchu, MPF intite’n engah mah an ngaih loh avangin kan rilru a na hle a, kan kal zel dan tur pawh kan sawiho nghal nghe nghe a.

Hetih lai hian February ni 21-ah chanchinbu thenkhatah MPF General Secretary thusawi ‘Kan kalphung tha lo tia kan beng thlenga sawiselna a awm ngai lo’ tih te, ‘Mimal emaw, mi tlemtein emaw an duh loh avanga tihdanglam theih ngawt a ni lo’ a tih te hi mak kan ti takzet a ni. February ni 19 zingkara MPF General Secretary kan kawmnaah ‘Tuna in kalphung hi tha tawkin i hria em?’ tia a mimal ngaihdan kan zawh pawha ‘Kan kalphung hi a fuh chiah lo deuh nia hriatna chu ka nei’ tia min chhangtu ngeiin hetianga min ti hi nâ kan ti takzet a; ‘Political Party tinte nena inremna kan siam a, kan inremna thu pawh tha lo lai leh fuh lo lai chu party tinte’n an siamrem zel a… independent candidate leh LJP candidate te inremnaa telh loh hi party tinte duhdan a ni’ a tih te hian MPF hi party sala a luh tawhzia leh party lian zawk te duh dan dana kal a nih tawhzia a tilang chiang hlein kan hria a ni.
(more…)

Posted in Mizoram, News | 22 Comments »

Tuaisiala ding dawn?

Wednesday, February 20th, 2013

Kan hriat theuh angin hei kan hma lawkah Chalfilh bialah chuan chhiatna rapthlak tak avangin MLA By-election neih a lo tul tlat mai. Candidate paruk awm zingah kan member pui Tuaisiala chu a ding ve dawn a nih kha. He inthlan neih tura an inbuatsaih dan MPF ten Chalfilh YMA Hall-a an neih a kan thianpa thusawi hi I’n ngaithla teh ang:

Hei Chalfilh inthlanpui chu a hun takah a lo thleng dawn ta reng mai a. Nangni Chalfilh mipuite’n hetianga Candidate Talk Show neih nachang in hria hi in fakawm takzet a ni. He MLA Election lo awm turah hian keini Party pawhin ‘din ve ngei nise’ kan ti a. A hminga President ka nih avangin Candidate atan min ruat ve nghe nghe.

Chuti a nih avang chuan thusawina hun ka lo nei dawn ta a. Ka hmaa mite thusawi pawh tha taka in ngaihthlak sak avangin tuna ka thusawi tur pawh hi ngun leh uluk taka min ngaihthlaksak ve turin ka beisei che u in ka phut tlat che u a ni.

Hei keini Party hi Party ding tir kan nih avangin mite hian min la hmelhriat nasa lova; chuvangin kan Party chanchin tlangpui lo sawi hmasa ila,a tha awm e.

Kan Party hming hi DTL Party a nia. A awmzia chu Di Tawnglo Party tihna a ni. Hruaitute hmelhriatna lo nei hmasa ila a tha awm e.
President : Tuaisiala
Vice President : LR Hlawnchhing
Secrectary : DrMahminga Sailo
Assistant Secrectary : Dr John
Treasurer : Hnam Sakhua
Finance Secrectary : Sheldon
Information Secretary : Aduhi

Heng bakah hian Committee Member 16 lai kan awm bawk a. Mahse hun kan neih deuh theih zawk nan in dintir lo mai ila a tha awm e. (more…)

Posted in HAHAHA, Whatever | 41 Comments »

« Older Entries
Newer Entries »