Vawiin khan Chalfilh bial SU-in Press Release an siam a, a ngai ngaiin ka rawn post e.
February ni 23-a kan bial chhunga Bye Election lo awm turah boruak a tam ta hle mai a. A bikin Mizoram People Forum intite’n Joint Platform hmingpu an siam chuan dodaltu a ngah hle a, kohhran behchhana siam a nih avangin mi tam tak, tha ti lotute chuan a lang a pauvin an sawisel ngam lo va, chutih laiin kan bial chhung khaw hrang hranga zirlai hruaitute kan lo pen chhuak a, mi tlemte atangin sawiselna leh duh lohna awm mah se, kan hma lakna ang angah chuan bial chhung mipuite’n min thlawp tha em em a, kan lawm takzet a ni.
MPF intite platform siam hi tha kan tih loh avangin kan thu pass tawh bawhzuiin, February ni 19 zana Khawruhliana platform an buatsaih chu an boycott a, tharum thawha buaina siam kan duh loh avangin a dam thei ang berin kan duh lohna kan lantir a, khawtlang mipuite pawhin min thlawp thain mipui kal pawh an thahnem lo hle a ni. Amaherawhchu, MPF intite’n engah mah an ngaih loh avangin kan rilru a na hle a, kan kal zel dan tur pawh kan sawiho nghal nghe nghe a.
Hetih lai hian February ni 21-ah chanchinbu thenkhatah MPF General Secretary thusawi ‘Kan kalphung tha lo tia kan beng thlenga sawiselna a awm ngai lo’ tih te, ‘Mimal emaw, mi tlemtein emaw an duh loh avanga tihdanglam theih ngawt a ni lo’ a tih te hi mak kan ti takzet a ni. February ni 19 zingkara MPF General Secretary kan kawmnaah ‘Tuna in kalphung hi tha tawkin i hria em?’ tia a mimal ngaihdan kan zawh pawha ‘Kan kalphung hi a fuh chiah lo deuh nia hriatna chu ka nei’ tia min chhangtu ngeiin hetianga min ti hi nâ kan ti takzet a; ‘Political Party tinte nena inremna kan siam a, kan inremna thu pawh tha lo lai leh fuh lo lai chu party tinte’n an siamrem zel a… independent candidate leh LJP candidate te inremnaa telh loh hi party tinte duhdan a ni’ a tih te hian MPF hi party sala a luh tawhzia leh party lian zawk te duh dan dana kal a nih tawhzia a tilang chiang hlein kan hria a ni.
Kohhran behchhana kal a nih avangin an kalphung tha ti lotu ngei ngeite pawhin an sawisel ngam lo tih hi hria sela, Mizo mipuite hian MPF hmalakna hi kan duh lo a ni tih pawh hriain zirlai pawlte thil tih hi inngaihtuah harh nan hmang sela kan duh takzet a ni. Tin, MPF chhungkuaah ngei ngei pawh an kalphung hi tha ti lo tam tak an awm a, kohhran hruaitu leh pastor tam tak paw’n MPF kalphung tha an tih loh thu min hrilh bawk.
Kum tawpah General Election a awm leh dawn a. Hetah pawh hian an pawl hi thiat lova an kal zel dawn a nih chuan tuna an kalphung hi thlak turin kan ngen nawn leh a, an thlak dawn lova kaltlangpui an tum a nih chuan MPF intite hi a theih ang angin che thei lova siam kan tum a; bial dang zirlai pawl hrang hrang te, MSU leh MZP te pawh thawhpuia phungbawma sawm kan tum a. MPF thil tih dan hi tha kan tih loh avangin a tul a nih chuan kohhran hrang hrang hruaitute pawh kawm kan tum bawk.
Hetianga zirlai pawlte engah mah min ngai lotu pawl phuahchawp, kohhran behchhana siam kohhran tam tak telh duh lohna ni si hi, zirlai pawlte hi eng nge a nih hriattir kan tum a ni. MPF intite’n hma an la zel dawn a nih chuan an kalphung hi siamrem sela, an siamrem dawn lo a nih chuan General Election-a tuifim hmang lova tui nû kan hmang a nih pawhin min dem thei lo vang.
Similar Posts:
- Mizoram watch
- Kalphung thar vrs Sawrkar Thar
- Zirlai te tan thil hriat tur pawimawh zual te
- DMZP Hruaitu thar te
- MIPUI TANGRUAL PAWL Press Release
February 21st, 2013 at 2:19 pm
MPF ho kal dan dik lo chu an rawn tarlang lem hlei lova.
tren tren
Report this comment
February 21st, 2013 at 2:36 pm
YMA leh Prism ho tihawm vel kohhranin an lo tih ve hian, kohhran hian a zahawmna a hloh viau thei dawn ava ang ve?
Report this comment
February 21st, 2013 at 3:03 pm
A englai chu nge kal dik lohna lai chu niang aw, heti ringat chuan ngaihruat pawn lunglen a hril pha lo
Report this comment
February 21st, 2013 at 3:28 pm
MPF hi a tirah kha chuan an tha viau maw le. Mahse, hei, an heti leh ta a. Common platform an buatsaih hi eng vangin nge Tuaisiala te hian an duh loh tih hriat a chakawm hle mai.
Report this comment
February 21st, 2013 at 3:34 pm
An lungawi lohna ber chu joint platform an neih naa party lian, Aizawla pisa nei chin chiah an ko hi niin an koh ve lohate ind. Candidate pahnihte hi tlin pawh tum chuang lova ding ve mai mai nia ngaia an ko ve lo kha a ni.
A nihna takah chuan veng mipuite hian MPF hoin an koh ate zingah hian duh nei loin an koh ve lohate hi vote tumin rilru pawh an seng ve viau maithei. Chung ho rilru chu tihnualin tling tura tlang rin loh na na na chu an vote loh phah anga, bial mipui duh ber an tling lo palh thei. Hei vang tak hian lungawilo ho hi ka thlawp e.
Report this comment
February 21st, 2013 at 3:41 pm
Heti em ema MLA seat inchuh buai hi kan rama eiruk hlaur luat vang ani. Politics a zuan luh hi ram tana thawk duh tak tak ni vek se chuan hetiang em emin MLA seat an chuh lo vang. Politics hi sum hmuhna ah ngai tlat hek.
Report this comment
February 21st, 2013 at 3:46 pm
DTL party candidate ngaihdan hriat a chakawm khawp mai.
Report this comment
February 21st, 2013 at 4:07 pm
A cin chhuaka hre ve lo tan chuan komen dan tur a vang
Report this comment
February 21st, 2013 at 4:19 pm
Politics ah hi chuan Kohhran anga inrawlh lova mahni kohhran theuh a zirtirna inpek mai hi a fuh ber in ka hria. A chhan chu MPF kalphung leh hnathawh dan hi tha viau thin mahse kohhran hruaitute ngei ngei pawhin an duhkhawplohna leh an mit tikham tu a awm an sawi fo mai te hi a zahthlak deuh e ka tia.
Report this comment
February 21st, 2013 at 4:56 pm
Chhana rawn comment ang kha a ni. Post-ah ka lo comment zauh lo atin ni. MPF hian Joint Platform a buatsaih thin a, mahse, he an platform buatsaihah candidate zawng zawng sawm an ni lova, INC, MNF, ZNP, MPC leh BJP sawm an nia, Independend candidate leh LJP candidate hi sawm an ni ve ngai lova. Intluktlang taka thil tih an duh avangin MPF lam pawh telh ve turin an ngen a, mahse, tukin Vanglaini-a a lo lan ang khan, an kalphung thlak an tum loh thu MPF GS khan a rawn sawi leh bawk sia. Hemi avang hian zirlai pawlte’n PR an siam ta a ni. Hetianga General Election-a khairual lo taka an kal tlang dawn a nih chuan Tuichangral Zirlai Pawl, Tuichangral North Zirlaipawl, Tuipuiral Zirlai Pawl, Hmarphei Zirlai Pawl…etc. te’n an dodal ve ang.
Report this comment
February 21st, 2013 at 5:21 pm
Ilo thlir ang!
Report this comment
February 21st, 2013 at 5:29 pm
MPF leh an thiltih hi ṭha ka ti hauh lo. Party ṭan bik nei te an ang lek lek ṭhin lehnghal a. Sawisel ngam leh ngam loh an nei tih chu kan hriat vek kha.
Mahnia thuneihna leh thiltihtheihna inpe chawp, kohhran hming ṭanchhana hmanga thil an tih tlat avanga miin an ngaihpawimawh loh theih mang si loh an ni. Party angin an ding law law emaw, inthlanah candidate siamin an chuh ve emaw chu ni se thuhran a ni a, mahse chutiangin an ti lawi si lo. Democracy ramah chuan hetiang hi thil hrisel lo tak a ni. An tawp/ral hun a nghahhlelhawm ngawt mai.
Report this comment
February 21st, 2013 at 5:45 pm
Pawl ding tam ta lutuk hi chu ngaihtuah chian a ngai khawp mai. A hahthlak lek lek thin chu a ni e. Mahni pawl member te pawh khuahkhirh zo lo khan engti vakin nge hma an han lak ang aw ka ti thin. A lang chuan inthlanna a felfai kan ti a, mahse chhim lam MPF din lohna hmun a awm nual a, chutah pawh chuan felfai takin an inthlang tho bawk si a
Report this comment
February 21st, 2013 at 5:55 pm
A dik lam lam ka tan.
Report this comment
February 21st, 2013 at 8:56 pm
MPF hi party hrang hrang inkara in epna boruak tih daih nana din leh in thlanna pawh muanawm zawk leh hautak lo zawka neih anih theih nana kohhran hrang hrang te din ni khan ka lo hria a, Common platform an siam anih chuan independent candidate chu an ‘include’ ve ngei turah ka ngai…ka hriat sualloh chuan inthlan hmasa ah khan chuan Aizawl bikah chuan independent candidate pawh khan thu chu an sawi ve ngeiin ka hria…
Report this comment
February 21st, 2013 at 9:51 pm
MPF ten Joint Platform chungchanga Political Party hrang hrang te nena inremna an siam hi Democracy nen chuan a inmil chiah lo ka ti. Hetah hi chuan thil an dawn thui tawk lovin a hriat a ni.A lehpekah chuan an insiamthat ngei a duhawm hle mai. Chutihlaia thil siam that duhna rilru pu chunga zirlaiten hma an la hi a that rualin ‘tui nu’ pawh hman hreh lohna em em tur khawpin thil pawi a thleng tawh emaw’n le aw,, ka lo ti ve mai mai. Independent candidate an sawm loh avang hian India Constitution nena inkalh rup rup tur tia han sawi tur em a awm paw’n ka hre lo ve leh tho bawk. Zirlai hruaitute kan inbengdaih deuh a tha lo maw, MPF chuan a lehpekah chuan dawn-sei leh zau zawkin hma an la thiam tawh ngei ang tuna in nawrna atang ringawt pawh hian.
Report this comment
February 21st, 2013 at 10:17 pm
Tukin Vanglaini a ka chhiar khan mak ka ti tawh reng a. Ind candidate te tan tlinna chance a awm emaw awmlo emaw pawh nise Chalfilh Constituency a MLA Candidate an nih phawt chuan Joint Platform ah hmun an chang ve ngei turah ka ngai.
MPF hi a tha viau kan ti kha ania, eng an ti zo ta nge ni aw
Report this comment
February 21st, 2013 at 10:34 pm
17 sawi ang khika ngaihdan a ni.An kalphung ah inremna ziah pui te chauh sawm tur a nih chuan, an kalphung chu a tha lova, siam that a ngai tihna a ni mai.
Report this comment
February 22nd, 2013 at 1:18 am
Tuaisiala hi i politician tan riau mai
Report this comment
February 22nd, 2013 at 10:04 am
#12…
MPF an din tirh atanga ka rin dan vel a ni…
Report this comment
February 23rd, 2013 at 3:14 am
YMA in hma la dawn se, an hruaitute politics a inhmang an tam si. Zirlai pawlin hma la dawn se side nei vek bawk si. Kohhran behchhan a MPF lo ding hi a tha hle asin le, ngatinge a tha lo lai chauh hi kan sawi thin.
He lai phei hi chu…Hetianga zirlai pawlte engah mah min ngai lotu pawl phuahchawp, kohhran behchhana siam kohhran tam tak telh duh lohna ni si hi, zirlai pawlte hi eng nge a nih hriattir kan tum a ni. MPF intite’n hma an la zel dawn a nih chuan an kalphung hi siamrem sela, an siamrem dawn lo a nih chuan General Election-a tuifim hmang lova tui nû kan hmang a nih pawhin min dem thei lo vang.
Sawi tam lo mai teh ang aw. MPF pawh hi an dik ka ti chuang lova hemi kawngah hi chuan, amaherawh chu Mizoram election chungchang ah hi chuan an ni ang a mamawh kan nei lo.
Report this comment
February 23rd, 2013 at 8:17 pm
MPF tha ka ti, a dinchhan pawh tha ka ti. Mahse common platform-ah chuan thlei bik awm lo thei se tha ka ti hle. Party lian ho duh danin kal kher lo ta se.
Report this comment